Cinema

പുണ്യാളൻ അഗർബത്തീസിന്റെ രണ്ടാം ഭാഗം വരുന്നു

ജയസൂര്യ നായകനായ സൂപ്പർഹിറ്റ് ചിത്രം പുണ്യാളൻ അഗർബത്തീസിന്റെ രണ്ടാം ഭാഗം വരുന്നു. ജയസൂര്യ തന്നെയാണ് ഫേസ്‌ബുക്കിലൂടെ ഇക്കാര്യം അറിയിച്ചത്.തിരക്കഥ പൂർത്തിയായ സിനിമയുടെ ഷൂട്ടിങ് ഉടൻ തുടങ്ങുമെന്നും ജയസൂര്യ പറഞ്ഞു.

പല തവണ പുണ്യാളന്റെ സെക്കൻഡ് പാർട്ടിനെക്കുറിച്ച് രഞ്ജിത്തും താനും കൂടി ആലോചിച്ചതാണെന്നും പക്ഷേ പുണ്യാളൻ അഗർബത്തീസിന്റെ മുകളിൽ നിൽക്കുന്ന ഒരു കഥ വർക്ക് ഔട്ട് ആയി വന്നത് ഇപ്പോഴാണെന്നും അങ്ങനെ ഞങ്ങൾ വീണ്ടും ഒന്നിക്കുകയാണെന്നും ജയസൂര്യ ഫേസ്‌ബുക്കിൽ കുറിച്ചു.

തന്റെ ഏറ്റവും പ്രിയപ്പെട്ട കഥാപാത്രമായ ജോയ് താക്കോൽക്കാരൻ വീണ്ടും നിങ്ങളുടെ മുന്നിലേക്ക് എത്തുകയാണെന്നും ഇത്തവണയും പുണ്യാളൻ കൈവിടില്ല എന്ന വിശ്വാസത്തോടെ ഉടൻ ഞങ്ങൾ എത്തുമെന്നും പറഞ്ഞാണ് ജയസൂര്യ തന്റെ ഫേസ്‌ബുക്ക് പോസ്റ്റ് അവസാനിപ്പിക്കുന്നത്.

2013ലാണ് പുണ്യാളൻഅഗർബത്തീസ് ഇറങ്ങിയത്. നൈല ഉഷയായിരുന്നു നായികയായത്. ചിത്രം ബോക്‌സോഫീസിൽ മികച്ച പ്രതികരണമാണ് ഉണ്ടാക്കിയത്. തുടർന്ന് സു സു സുധി വാത്മീകം, പ്രേതം എന്നീ ചിത്രങ്ങളിൽ ജയസൂര്യയും രഞ്ജിത്ത് ശങ്കറും ഒരുമിച്ചിരുന്നു.

പുണ്യാളൻ അഗർബത്തീസ് പുറത്തിറങ്ങിയ ശേഷം കഴിഞ്ഞ നാല് വർഷമായി ഈ ഒരു പ്രോജ്ക്ടിനെക്കുറിച്ച് നിരന്തരം ആലോചിക്കുന്നുണ്ടായിരുന്നെന്ന് രഞ്ജിത് ശങ്കർ പറഞ്ഞു. ആളുകളുടെ എല്ലാ പ്രതീക്ഷകളും നിലനിർത്തുന്ന തിരക്കഥയാണ് പുതിയ പ്രോജട്കിന്റേതെന്നും അദ്ദേഹം വ്യക്തമാക്കി. തൃശൂർ തന്നെയായിരിക്കും പ്രധാനലൊക്കേഷൻ.

Read more

വിനീത് ശ്രീനിവാസൻ നായകാനാകുന്ന ഒരു സിനിമാക്കാരന്റെ ഫസ്റ്റ് ലുക്ക് പോസ്റ്റർ എത്തി

വിനീത് ശ്രീനിവാസൻ, രജീഷ വിജയൻ എന്നിവരെ കേന്ദ്ര കഥാപാത്രങ്ങളാക്കി ലിയോ തദേവൂസ് തിരക്കഥയെഴുതി സംവിധാനംചെയ്യുന്ന ഒരു സിനിമാക്കാരന്റെ ഫസ്റ്റ് ലുക്ക് പോസ്റ്റർ എത്തി.ഒപ്പസ് പെന്റായുടെ ബാനറിൽ തോമസ് പണിക്കരാണ് ചിത്രം നിർമ്മിക്കുന്നത്.

കത്തോലിക്ക സഭയിലെ പ്രുഖ പ്രമാണിയായ മാത്യു വെള്ളായണിയുടെ മകനായആൽബിയയാണ് വിനിതെത്തുന്നത്. മകനെക്കുറിച്ച് ധാരാളം പ്രതീക്ഷകളും സ്വപ്നങ്ങളും കാത്തുസൂക്ഷിച്ച മാത്യു വെള്ളാണിയുടെ കണക്കുകൂട്ടലുകൾ തെറ്റിച്ചുകൊണ്ട് ആൽബി, സിനിമാ മോഹവുമായി നഗരത്തിലേക്കു കടക്കുന്നതും സേ എന്ന പെൺകുട്ടിയുമായി പ്രണത്തിലാവുന്നതുമാണ് കഥ.

ലാൽ, വിജയ്ബാബു, രഞ്ജി പണിക്കർ, സുരാജ് വെഞ്ഞാറമൂട്, ഗ്രിഗറി, ഹരീഷ് കണാരൻ, കലിംഗ ശശി, ചാലി പാല, ജാഫർ ഇടുക്കി, അബുസലീം, കോട്ടയം പ്രദീപ്, നോബി, സുഭീഷ്, സോഹൻ ലാൽ, ശ്രീകാന്ത് മുരളി, ശംഭു, മുരുകൻ, ടോമി, അനുശ്രീ, ജെന്നിഫർ, രശ്മിബോബൻ തുടങ്ങിയവരാണ് മറ്റ് പ്രമുഖ താരങ്ങൾ.

Read more

ഗ്രേറ്റ് ഫാദറിനുശേഷം കോഴി തങ്കച്ചനായി മമ്മൂട്ടി എത്തുന്നു

കൊച്ചി: ഗ്രേറ്റ് ഫാദറിന് ശേഷം മമ്മൂട്ടി വളരെ ശ്രദ്ധയോടെയാണ് തന്റെ കഥാപാത്രങ്ങളെ തിരഞ്ഞെടുക്കുന്നത്. കൈനിറയെ ചിത്രങ്ങൾ കൈയിലുള്ള മമ്മൂട്ടിയുടെ പുതിയ ചിത്രം പുതുമയുള്ള കഥാപാത്രമാവുമായാണ് എത്തുന്നത്.

തിരക്കഥാകൃത്ത് സേതു ആദ്യമായി സംവിധാനം ചെയ്യുന്ന ചിത്രത്തിലാണ് മമ്മൂട്ടി വ്യത്യസ്ത കഥാപാത്രമായി എത്തുന്നത്. തനി നാട്ടിൻപുറത്തുകാരനായി മമ്മൂട്ടി എത്തുന്ന ചിത്രമാണിത്. ചിത്രത്തതിന്റെ പേര് സേതു പ്രഖ്യാപിച്ചു.

മമ്മൂട്ടി നാട്ടിൻപുറത്തുകാരനായി എത്തുന്ന ചിത്രത്തിന് കോഴി തങ്കച്ചൻ എന്നാണ് പേരിട്ടിരിക്കുന്നത്. ഒരു ചാനൽ പരിപാടിക്കിടെ സേതു തന്നെയാണ് ചിത്രത്തിൻ പേര് പ്രഖ്യാപിച്ചത്. തമാശയുടെ പശ്ചാത്തലത്തിൽ ഗൗരവമേറിയ വിഷയം സംസാരിക്കുന്ന ചിത്രമായിരിക്കും കോഴി തങ്കച്ചൻ.

കുട്ടനാടിന്റെ പശ്ചാത്തലത്തിൽ ചിത്രീകരിക്കുന്ന സിനിമയിൽ രണ്ട് നായികമാരാണ് ഉള്ളത്. നൈല ഉഷയും വേദികയുമാണ് പ്രധാന വേഷത്തിലെത്തുമെന്നാണ് റിപ്പോർട്ട്. എന്നാൽ ഇക്കാര്യത്തിൽ വ്യക്തത ലഭിച്ചിട്ടില്ല.

മമ്മൂട്ടിക്കൊപ്പം വീണ്ടുമെത്തുകയാണ് ഉണ്ണി മുകുന്ദൻ. എന്നാൽ ഇക്കുറി ക്യാമറയ്ക്ക് മുന്നിലല്ല പിന്നിലാണ് ഉണ്ണിയുടെ സ്ഥാനം. ഉണ്ണി ആദ്യമായി അസിസ്റ്റന്റ് ഡയറക്ടറാകുകയാണ് കോഴി തങ്കച്ചനിലൂടെ. മല്ലു സിംഗിൽ തുടങ്ങിയ ബന്ധമാണ് ഉണ്ണിയും സേതുവും തമ്മിൽ.

Read more

ശ്രീനിവാസൻ നായകനാകുന്ന അയാൾ ശശിയുടെ ട്രെയ്‌ലർ പുറത്തിറങ്ങി

ശ്രീനിവാസനെ കേന്ദ്ര കഥാപാത്രമാക്കി സജിൻ ബാബു സംവിധാനം ചെയ്ത ചിത്രം അയാൾ ശശിയുടെ ഒഫീഷ്യൽ ട്രയിലർ പുറത്തിറങ്ങി. ശ്രീനിവാസന്റെ കരിയറിലെ തന്നെ വ്യത്യസ്ത കഥാപാത്രമാണ് അയാൾ ശശിയിലേതതെന്ന് വരച്ച് കാട്ടുന്നതാണ് ട്രൈലർ.

ശശി എന്ന കേന്ദ്രകഥാപാത്രത്തെയാണ് ചിത്രത്തിൽ ശ്രീനിവാസൻ അവതരിപ്പിക്കുന്നത്. നിരവധി പുരസ്‌കാരങ്ങൾ നേടിയ അസ്തമയം വരെ(Unto the Dusk) എന്ന ചിത്രത്തിനു ശേഷം സജിൻ ബാബു തിരക്കഥയും സംവിധാനവും നിർവ്വഹിക്കുന്ന ചിത്രമാണ് അയാൾ ശശി. ചിത്രം ഈ ഈ മാസം 19നാണ് തിയേറ്ററുകളിലേക്കെത്തുന്നത്. ട്രൈലർ ഇതിനോടകം തന്നെ അമ്പതിനായിരത്തോളം പേർ കണ്ട് കഴിഞ്ഞിരിക്കുകയാണ്. ശ്രീനിവാസന് പുറമേ കൊച്ചു പ്രേമൻ, മറിമായം ശ്രീകുമാർ, ദിവ്യാ ഗോപിനാഥ്, ജയകൃഷ്ണൻ എന്നിവരാണ് പ്രധാന കഥാപാത്രങ്ങളെഅവതരിപ്പിച്ചിരിക്കുന്നത്.

നേരത്തെ പുറത്തിറങ്ങിയ 'നാട്ടുമുക്കിലെ പാട്ടു പന്തലിൽ' എന്ന ചിത്രത്തിലെ ഗാനം ഇതിനോടകം തന്നെ പ്രേക്ഷക ശ്രദ്ധ നേടിയിട്ടുണ്ട്. ശ്രീനിവാസൻ അഭിനയിക്കുന്ന ഗാനം ആലപിച്ചിരിക്കുന്നത് മകൻ വിനീത് ശ്രീനിവാസനാണ്.

Read more

അഡ്വെഞ്ചേഴ്‌സ് ഓഫ് ഓമനക്കുട്ടന്‍ ട്രെയിലര്‍ ഹിറ്റാകുന്നു

ആസിഫലി-ഭാവന ടീമിന്റെ ആഡ്വെഞ്ചേഴ്‌സ് ഓഫ് ഓമനകുട്ടന്റെ ഒരു മിനിറ്റ് 52 സെക്കൻഡ് ദൈർഘ്യമുള്ള ട്രൈലറാണ് ആദ്യ ദിവസം തന്നെ സൂപ്പർഹിറ്റായിരിക്കുന്നത്. ടീസറിനും പുറത്തിറങ്ങിയ ആദ്യ ഗാനത്തിനും മികച്ച പ്രതികരണമാണ് നേരത്തെ ലഭിച്ചത്.

അഡ്വെഞ്ചേഴ്സ് ഓഫ് ഓമനക്കുട്ടൻ ഉടൻ റിലീസാകുമെന്ന് പ്രഖ്യാപിച്ചുകൊണ്ടുള്ള ട്രൈലറാണ് കഴിഞ്ഞ ദിവസം അണിയറ പ്രവർത്തകർ പുറത്തു വിട്ടത്.

മിനിട്ടുകൾ മാത്രം ദൈർഘ്യമുള്ള ഈ ട്രെയിലറിൽ ഏഴോളം വ്യത്യസ്ത വേഷങ്ങളിലാണ് ആസിഫ് പ്രത്യക്ഷപ്പെടുന്നത്. ചിത്രത്തിന്റെ ഒഫീഷ്യൽ മ്യൂസിക് പാർട്ണറായ മ്യൂസിക്247ന്റെ യൂട്യൂബ് ചാനലിലൂടെ പുറത്തിറക്കിയത്.

രോഹിത് വി എസ് സംവിധാനം നിർവഹിച്ച 'അഡ്വഞ്ചേഴ്സ് ഓഫ് ഓമനക്കുട്ടൻ' എന്ന ചിത്രത്തിൽ അജു വർഗീസ്, ശ്രിന്ദ, സൈജു ഗോവിന്ദ കുറുപ് എന്നിവരും അഭിനയിക്കുന്നുണ്ട്. സമീർ അബ്ദുൾ തിരക്കഥയും സംഭാഷണവും ഒരുക്കിയിരിക്കുന്നു. ഛായാഗ്രഹണം അഖിൽ ജോർജും ചിത്രസംയോജനം ലിവിങ്സ്റ്റൺ മാത്യുവുമാണ് നിർവഹിച്ചിരിക്കുന്നത്.

ഫോർ എം എന്റർടൈന്മെന്റ്‌സിന്റെ ബാനറിൽ ആന്റണി ബിനോയ്, ബിജു പുളിക്കൽ എന്നിവർ ചേർന്ന് നിർമ്മിച്ച 'അഡ്വഞ്ചേഴ്സ് ഓഫ് ഓമനക്കുട്ടൻ' മെയ് 18ന് തിയേറ്ററുകളിൽ എത്തും.

Read more

‘അച്ചായന്‍സ്’ ട്രെയ്‌ലര്‍ കാണാം

ആടുപുലിയാട്ടം എന്ന ചിത്രത്തിന് ശേഷം ജയറാമിനെ നായകനാക്കി കണ്ണൻ താമരക്കുളം സംവിധാനം ചെയ്യുന്ന 'അച്ചായൻസി'ന്റെ ട്രെയ്ലർ പുറത്തെത്തി. കട്ട ഹീറോയിസവും കോമഡിയുമായി ജയറാമിനൊപ്പം പ്രകാശ് രാജും ഉണ്ണി മുകുന്ദനും പ്രധാന കഥാപാത്രങ്ങളെ അവതരിപ്പിക്കുന്നു.

അനു സിത്താര, ശിവദ, അമല പോൾ എന്നിവർ നായികമാർ. അലപ്പം വേറിട്ട ഗെറ്റപ്പിലാണ് അമല ട്രെയിലറിലെത്തുന്നത്.പ്രദീപ് നായർ ഛായാഗ്രഹണം നിർവഹിക്കുന്ന ചിത്രത്തിന് സംഗീതം പകർന്നിരിക്കുന്നത് രതീഷ് വേഗയാണ്. പശ്ചാത്തല സംഗീതം ഗോപി സുന്ദർ. സേതു തിരക്കഥയൊരുക്കിയ ചിത്രം നിർമ്മിച്ചിരിക്കുന്നത് സി.കെ.പത്മകുമാർ.

Read more

നിവിൻ പോളി നായകനാകുന്ന തമിഴ് ചിത്രം റിച്ചിയുടെ ടീസർ പുറത്ത്

നിവിൻ പോളി നായകനാകുന്ന തമിഴ് ചിത്രം റിച്ചിയുടെ ടീസർ പുറത്ത്. കട്ട താടിവച്ച് മുറുക്കി തുപ്പി ലോക്കൽ റൗഡി ലുക്കിലാണ് നിവിനിന്റെ മാസ് എൻട്രി. ഒരു എന്റർടെയ്നർ എന്ന സൂചനയാണ് ടീസർ നൽകുന്നത്.

സൗഹൃദത്തിന്റെ കഥപറയുന്ന ചിത്രമാണ് റിച്ചി. നിവിൻ പോളി, നാട്ടി എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ഇവരുടെ കഥാപാത്രങ്ങളിലൂടെയാണ് ചിത്രം മുന്നോട്ട് പോകുന്നത്. ഇവർ തമ്മിലുള്ള സൗഹൃദവും ജീവിതവും അതിലുണ്ടാകുന്ന അപ്രതീക്ഷിത സംഭവങ്ങളുമാണ് ചിത്രത്തിന്റെ പ്രമേയം.നിവിൻ അവതരിപ്പിക്കുന്ന കഥാപാത്രത്തിന്റെ വളർത്തച്ഛനായി പ്രകാശ് രാജും ചിത്രത്തിൽ അഭിനയിക്കുന്നുണ്ട്.

ശ്രദ്ധ ശ്രീനാഥാണ് ചിത്രത്തിൽ നായികയായി എത്തുന്നത്. ലക്ഷ്മി പ്രിയ, ചന്ദ്രമൗലി തുടങ്ങിയ താരനിരയുമുണ്ട് ഉള്ളിടവരു കണ്ടാന്തെ എന്ന കന്നട സൂപ്പർഹിറ്റ് ചിത്രത്തിന്റ റീമേക്കായ റിച്ചിയിൽ. തീരദേശ ജീവിതത്തിന്റെ പശ്ചാത്തലത്തിലുള്ള ഒരു ഇൻവെസ്റ്റിഗേറ്റീവ് ത്രില്ലറാണ് റിച്ചി. തൂത്തുക്കുടി, കുട്രാലം, മണപ്പാടി എന്നിവിടങ്ങളിലായിരുന്നു റിച്ചിയുടെ ചിത്രീകരണം നടന്നത്.

നേരത്തെ ചിത്രത്തിന്റെ ഫസ്റ്റ് ലുക്ക് പോസ്റ്റർ നിവിൻ പോളി ഫേസ്‌ബുക്കിൽ പങ്കുവച്ചിരുന്നു. ഇതിനും മികച്ച പ്രതികരണമാണ് ആരാധകരിൽ നിന്നുമുണ്ടയത്.

Read more

മാൻഹോളിലെ വീഡിയോ സോങ്ങ് റിലീസ് ചെയ്തു

കൊച്ചി: ഫിലിം ഫെസ്റ്റുകളിൽ ഏറെ അംഗീകരം നേടിയ മാൻഹോളിലെ വീഡിയോ സോങ്ങ് പുറത്തിറക്കിയിരിക്കുന്നത് മ്യൂസിക്247 എന്ന മ്യൂസിക്ക് ലേബലാണ്. സെടിക്ക് സെടി എന്ന പാട്ട് തമിഴ് നാടോടി ഗാനത്തിന്റെ പുനരാവിഷ്‌കാരമാണ്. സിദ്ധാർത്ഥ പ്രദീപാണ് സംഗീതം നൽകിയിരിക്കുന്നത്. നിതിൻ രാജ്, മിനി രാമൻ എന്നിവരാണ് ഗാനം പാടിയിരിക്കുന്നത്.

ഈ ഗാനത്തിലെ കൂട്ടിച്ചേർക്കപ്പെട്ട വരികൾ എഴുതിയിരിക്കുന്നത് ജയകുമാർ എൻ ആണ്. 2016 കേരളസംസ്ഥാന ചലച്ചിത്ര പുരസ്‌കാരത്തിൽ മികച്ച ചിത്രത്തിനും മികച്ച സംവിധായികയ്ക്കുള്ള പുരസ്‌കാരവും മാൻഹോൾ എന്ന ചിത്രത്തിനാണ്. വിധുവിൻസന്റാണ് ടിത്രത്തിന്റെ സംവിധായിക. മുൻഷി ബൈജു, സജി ടി എസ്, ശൈലജ ജെ, സണ്ണികുട്ടി എബ്രഹാം, രവി കുമാർ, ഐ ആർ പ്രസാദ്, രേണു സൗന്ദർ, ഗൗരി ദാസൻ, സുന്ദർ രാജ്, മിനി എം ആർ കനവ്, സുനി ആർ എസ് എന്നിവരാണ് ഈ ചിത്രത്തിൽ അഭിനയിച്ചിരിക്കുന്നത്.

Read more

നടന്‍ വിനു ചക്രവര്‍ത്തി അന്തരിച്ചു

ചെന്നൈ: പ്രശസ്ത തമിഴ്, മലയാളം നടന്‍ വിനു ചക്രവര്‍ത്തി അന്തരിച്ചു. 72 വയസ്സായിരുന്നു. വാര്‍ദ്ധക്യ സഹജമായ അസുഖങ്ങളെ തുടര്‍ന്നു ദീര്‍ഘനാളുകളായി ആശുപത്രിയില്‍ ചികിത്സയിലായിരുന്നു. ചെന്നൈയിലായിരുന്നു അന്ത്യം. ആരോഗ്യസ്ഥിതി മോശമായതിനെത്തുടര്‍ന്നു വര്‍ഷങ്ങളായി സിനിമയില്‍നിന്നു വിട്ടുനില്‍ക്കുകയുമായിരുന്നു.

തമിഴകത്തെ പഴയകാലനടന്മാരില്‍ പ്രമുഖനായ അദ്ദേഹം പലഭാഷകളിലായി ആയിരത്തോളം സിനിമകളില്‍ അഭിനയിച്ചിട്ടുണ്ട്. നടന്‍, തിരക്കഥാകൃത്ത്, സംവിധായകന്‍ എന്നീ നിലകളില്‍ പ്രശസ്തനായിരുന്നു.

മലയാള സിനിമയില്‍ ഗൗണ്ടര്‍ കഥാപാത്രങ്ങളിലൂടെ ശ്രദ്ധേയനായിരുന്നു. ലേലം, തെങ്കാശിപ്പട്ടണം, നാടന്‍ പെണ്ണും നാട്ടുപ്രമാണിയും, രുദ്രാക്ഷം, കമ്പോളം, മേലേപ്പറമ്പില്‍ ആണ്‍വീട്, സംസാരം ആരോഗ്യത്തിന് ഹാനികരം തുടങ്ങിയവയാണ് അദ്ദേഹം അഭിനയിച്ച മലയാള ചിത്രങ്ങള്‍.

Read more

കിടിലൻ ആക്ഷനുമായി മോഹൻലാൽ ചിത്രം വില്ലന്റെ ടീസറെത്തി

കൊച്ചി: ആരാധകർ ഏറ്റവും പ്രതീക്ഷയോടെ കാത്തിരിക്കുന്ന ചിത്രമാണ് ബി ഉണ്ണികൃഷ്ണന്റെ സംവിധാനത്തിൽ ഒരുങ്ങുന്ന വില്ലൻ എന്ന മോഹൻലാൽ ചിത്രം. 150 പിന്നിട്ട പുലിമുരുകന് ശേഷം വമ്പൻ ഹിറ്റിനും മുന്തിരി വള്ളികൾ തളിർക്കുമ്പോൾ എന്ന 50 കോടി ചിത്രത്തിനും ശേഷം ഇറങ്ങിയ ബിയോണ്ട് ദ ബോർഡേഴ്‌സ് വേണ്ടത്ര വിജയിച്ചിരുന്നില്ല. അതുകൊണ്ട് തന്നെ ഏറെ പ്രതീക്ഷയോടെ പുറത്തിറങ്ങുന്ന പുതിയ ചിത്രമാണ് വില്ലൻ. സാങ്കേതിക മേന്മകൾ ഏറെയുള്ള ഈ ചിത്രത്തിന്റെ ടീസർ പുറത്തുവന്നു.

ബിഗ് ബജറ്റിൽ പുറത്തിറങ്ങുന്ന ചിത്രത്തിന്റെ ടീസർ ആരാധകരെ ത്രില്ലടിപ്പിക്കുന്നതാണ്. ചിത്രത്തിൽ മോഹൻലാൽ തന്നെയാണോ വില്ലനെന്ന ആകാംക്ഷ ഉണർത്തുന്നുണ്ട്. ഒരു മിനിറ്റ് ദൈർഘ്യമുള്ള ടീസർ പ്രേക്ഷകരെ കോരിത്തരിപ്പിക്കുന്നതാണ്. സിനിമ പോലെ തന്നെ നിഗൂഡത നിലർത്തുന്നതാണ് ടീസറും. വളരെ സ്‌റ്റൈലിഷായ സംഘട്ടന രംഗങ്ങളാണ് ചിത്രത്തിന്റെ ടീസറിൽ കാണാൻ സാധിക്കുക.

സോൾട്ട് ആൻഡ് പെപ്പർ ലുക്കിലാണ് മോഹൻലാൽ എത്തുന്നത്. മറ്റൊരു വ്യത്യസ്തമായ ത്രില്ലറുമുണ്ട്. 'ഗുഡ് ഈസ് ബാഡ്' എന്നാണ് സിനിമയുടെ ടാഗ്ലൈൻ. മഞ്ജു വാര്യർ ചിത്രത്തിൽ മോഹൻലാലിന്റെ ഭാര്യയായി വേഷമിടുന്നു. ദീർഘനാളത്തെ ഇടവേളയ്ക്ക് ശേഷമാണ് മോഹൻലാലും മഞ്ജുവും ഒരുമിച്ച് അഭിനയിക്കുന്നത്. സത്യൻ അന്തിക്കാട് സംവിധാനം ചെയ്ത 'എന്നും എപ്പോഴും' എന്ന സിനിമയിലാണ് അവസാനം ഇവർ ഒരുമിച്ചത്.

8 കെ റെസല്യൂഷനിലാണ് ചിത്രം ഒരുങ്ങുന്നത്.. ഒരു സിനിമ പൂർണമായും 8 കെ റെസല്യൂഷനിൽ ചിത്രീകരിക്കുന്നത് ഇന്ത്യയിൽ ഇതാദ്യമാകും. വിണ്ണൈ താണ്ടി വരുവായാ, നൻപൻ തുടങ്ങിയ ചിത്രങ്ങൾക്ക് ക്യാമറ ചലിപ്പിച്ച മനോജ് പരമഹംസയാണ് ഛായാഗ്രഹണം. റെഡിന്റെ വെപ്പൺ സീരീസിലുള്ള ഹെലിയം 8കെ ക്യാമറയാണ് വില്ലനിൽ ഉപയോഗിക്കുന്നത്. സാങ്കേതികമായി ഒരുപാട് പ്രാധാന്യമുള്ള ചിത്രത്തിന്റെ ബജറ്റ് 2530 കോടിയാണ്. വിഎഫ്എക്‌സിനും സ്‌പെഷൽ ഇഫക്ടിനും പ്രാധാന്യമുള്ള ചിത്രം പെർഫെക്ട് ത്രില്ലറായാണ് ബി. ഉണ്ണികൃഷ്ണൻ അണിയിച്ചൊരുക്കുക. സിനിമയുടെ സാങ്കേതിക പ്രവർത്തകരെല്ലാം പുറത്തുനിന്നാണ്. പോളണ്ട് ആസ്ഥാനമായ കമ്പനിയാകും വിഎഫ്എക്‌സ് കൈകാര്യം ചെയ്യുക.

സിനിമയിൽ വളരെ പ്രധാനപ്പെട്ടതും ശക്തവുമായ കഥാപാത്രത്തെയാണ് മഞ്ജു അവതരിപ്പിക്കുന്നതെന്ന് ബി. ഉണ്ണികൃഷ്ണൻ പറയുന്നു. വിരമിച്ച പൊലീസ് ഉദ്യോഗസ്ഥനായാണ് മോഹൻലാൽ എത്തുക. തമിഴ് നടൻ വിശാൽ ആണ് മറ്റൊരു താരം. കൂടാതെ ഹൻസിക, തെലുങ്ക് നടി റാഷി ഖന്ന, തെലുങ്ക് താരം ശ്രീകാന്ത് എന്നിവരും അണിനിരക്കുന്നു. പുലിമുരുകനിലെ മാസ്മരിക സംഘട്ടനരംഗങ്ങൾ ഒരുക്കിയ സ്റ്റണ്ട് ഡയറക്ടർ പീറ്റർ ഹെയ്ൻ ആണ് ഈ സിനിമയുടെയും സംഘട്ടനം. സ്റ്റണ്ട് സിൽവയും ചിത്രത്തിലെ സ്റ്റണ്ട് ഡയറക്ടർമാരിൽ ഒരാളാണ്.

ചിത്രം നിർമ്മിക്കുന്നത് ബജ്രംഗി ഭായിജാൻ, ലിംഗ തുടങ്ങിയ ബ്രഹ്മാണ്ഡചിത്രങ്ങൾ നിർമ്മിച്ച റോക്ലൈൻ വെങ്കിടേഷ് ആണ്. കലാസംവിധാനം ഗോകുൽ ദാസ്. സംഗീതം ഫോർ മ്യൂസിക് ( ഒപ്പം ഫെയിം ). വസ്ത്രാലങ്കാരംപ്രവീൺ വർമ. മിസ്റ്റർ ഫ്രോഡിന് ശേഷം ബി. ഉണ്ണികൃഷ്ണനും മോഹൻലാലും ഒന്നിക്കുന്ന ചിത്രം കൂടിയാണിത്.

മോഹൻലാലിന്റെ ഈ വർഷത്തെ ഏറ്റവും പ്രതീക്ഷയോടെ കാത്തിരിക്കുന്ന സിനിമയുടെ ആദ്യ ടീസറെത്തി. ബി ഉണ്ണിക്കൃഷ്ണൻ രചനയും സംവിധാനവും നിർവഹിക്കുന്ന വില്ലൻ എന്ന സിനിമയുടെ സ്റ്റൈലിഷ് ടീസറാണ് പുറത്തുവന്നിരിക്കുന്നത്. സോൾട്ട് ആൻഡ് പെപ്പർ ഗെറ്റപ്പിലും മറ്റൊരു ഗെറ്റപ്പിലുമായാണ് മോഹൻലാൽ ടീസറിലുള്ളത്. മലയാള സിനിമയെ ആദ്യമായി 150 കോടി കടത്തിയ താരത്തിൽ നിന്ന് അടുത്തൊരു വമ്പൻ ഹിറ്റ് പ്രതീക്ഷയാണ് സസ്പെൻസുകൾ കരുതിവച്ച ടീസറിലൂടെ സമ്മാനിക്കുന്നത്. മികച്ച സാങ്കേതിക നിലവാരത്തിലും വമ്പൻ ടെക്നീഷ്യൻസിനെ അണിനിരത്തിയുമാണ് ബി ഉണ്ണിക്കൃഷ്ണൻ വീണ്ടും മോഹൻലാലിനൊപ്പം കൈകോർക്കുന്നത്. മനോജ് പരമഹംസയാണ് ഛായാഗ്രാഹകൻ. പീറ്റർ ഹെയിൻ വില്ലനിലൂടെ വീണ്ടും ആക്ഷൻ ഡയറക്ടറായി മലയാളത്തിലെത്തുന്നു.

അങ്കമാലി ഡയറീസ് ഉൾപ്പെടെയുള്ള സിനിമകൾക്ക് ഈണമൊരുക്കിയ പ്രശാന്ത് പിള്ളയാണ് പശ്ചാത്തല സംഗീതം. രംഗനാഥ് രവി ശബ്ദസംവിധാനവും ഷമീർ മുഹമ്മദ് എഡിറ്റിംഗും നിർവഹിക്കുന്നു. ഒപ്പം എന്ന സിനിമയ്ക്കായി ജനപ്രീതി സമ്പാദിച്ച ഗാനങ്ങളൊരുക്കിയ ഫോർ മ്യൂസിക്സ് ആണ് സംഗീത സംവിധാനം. തമിഴ് താരം വിശാൽ, തെലുങ്ക് താരം ശ്രീകാന്ത്, സിദ്ദീഖ്, രൺജി പണിക്കർ, ചെമ്പൻ വിനോദ് ജോസ്, അജു വർഗ്ഗീസ് തുടങ്ങിയവരും ചിത്രത്തിലുണ്ട്. മഞ്ജു വാര്യരാണ് നായിക.

Read more

ദുൽഖർ തെലുങ്കിലേക്ക്

യുവതാരങ്ങളുടെ പ്രിയതാരം ദുൽഖർ സൽമാൻ മലയാളത്തിൽ മാത്രമല്ല അന്യ ഭാഷാ ചിത്രങ്ങളിലും സജീവമാവാൻ പോവുകയാണ്. അതിഥി വേഷത്തിലാണ് ദുൽഖർ സൽമാൻ തെലുങ്ക് ചിത്രത്തിൽ എത്തുന്നതാണെന്നുള്ള റിപ്പോർട്ടുകളാണ് ഇപ്പോൾ പ്രചരിക്കുന്നത്. ഏറെ കൗതുകമുണർത്തുന്ന വേഷമാണ് തെലുങ്ക് പ്രവേശനത്തിനായി ദുൽഖർ തെരഞ്ഞെടുത്തിരിക്കുന്നത്.

പ്രമുഖ തമിഴ് ചലച്ചിത്രതാരമായിരുന്ന ജെമിനി ഗണേശനായാണ് ദുൽഖർ എത്തുക. 84ാം വയസിൽ 2005ൽ അന്തരിച്ച ജെമിനി ഗണേശന്റെ ഭാര്യമാരിലൊരാളും നടിയുമായിരുന്ന സാവിത്രിയുടെ ജീവചരിത്ര സിനിമയിലാണ് ദുൽഖർ ജെമിനി ഗണേശനാവുക.

യെവഡേ സുബ്രഹ്മണ്യം' എന്ന ചിത്രം സംവിധാനം ചെയ്ത നാഗ് അശ്വിൻ ഒരുക്കുന്ന സിനിമയുടെ പേര് 'മഹാനദി' എന്നാണ്. സാവിത്രിയുടെ ജീവിതത്തിലെ പ്രധാന സ്വാധീനങ്ങളിലൊന്നായിരുന്നു ജെമിനി ഗണേശൻ എന്നതിനാൽ സിനിമയിൽ ഏറെ പ്രാധാന്യമുള്ള വേഷമായിരിക്കും ദുൽഖറിന്റേത്.

മലയാളി താരം കീർത്തി സുരേഷാണ് സാവിത്രിയുടെ റോളിൽ എത്തുക. എന്നാൽ സിനിമയിലെ മറ്റ് പ്രധാന വേഷങ്ങളായ എൻടിആറായും (എൻ.ടി.രാമറാവു) എഎൻആറായും (അക്കിനേനി നാഗേശ്വര റാവു) ആരൊക്കെ എത്തുമെന്ന് തീരുമാനിച്ചിട്ടില്ല. മറ്റൊരു പ്രധാന കഥാപാത്രമായി സാമന്ത എത്തും.

Read more

പ്രിയദർശൻ മമ്മൂട്ടി കൂട്ടുകെട്ട് വീണ്ടും ഒന്നിക്കുന്നു

നീണ്ട പതിനെട്ട് വർഷത്തെ ഇടവേളയ്്ക്ക് ശേഷം പ്രിയദർശൻ മമ്മൂട്ടി കൂട്ടുകെട്ട് അണിയറയിൽ ഒരുങ്ങുന്നതായി റിപ്പോർട്ട്. മലയാളത്തിലും ഹിന്ദിയിലുമായി നിരവധി പ്രൊജക്റ്റുകൾ പ്രിയദർശൻ കമ്മിറ്റ് ചെയ്തിട്ടുണ്ട്. അതിനാൽ മമ്മൂട്ടി ചിത്രം എന്നു തുടങ്ങുമെന്ന കാര്യത്തിൽ തീരുമാനമായിട്ടില്ല

മലയാളത്തിൽ കൂടുതൽ ചിത്രങ്ങളിലും മോഹൻലാലിനെ നായകനാക്കിയിട്ടുള്ള പ്രിയദർശൻ മമ്മൂട്ടിക്കൊപ്പം വളരെ കുറച്ച് സിനിമകളേ ചെയ്തിട്ടുള്ളൂ. 18 വർഷം മുൻപ് പുറത്തെത്തിയ 'മേഘ'മാണ് പ്രിയദർശനും മമ്മൂട്ടിയും ഒരുമിച്ച അവസാനചിത്രം. ദീർഘകാലത്തെ ഇടവേളയ്ക്ക് ശേഷം ഇരുവരും ഒന്നിക്കുമ്പോൾ പുതുമയുള്ള റോഡ് മൂവിയാണ് അണിറയിൽ ഒരുങ്ങുന്നതെന്നാണ് വാർത്തകൾ.

മോഹൻലാലിനെ നായകനാക്കി ഒരുക്കിയ ഒപ്പം എന്ന സിനിമ ഹിന്ദിയിലേക്ക് റീമേക്ക് ചെയ്യാനും പ്രിയൻ ആലോചിക്കുന്നുണ്ട്. അതിനാൽ തന്നെ ഇതിന്റെയൊക്കെ തിരക്കുകൾ കഴിഞ്ഞാൽ മാത്രമെ മമ്മൂട്ടിയുമൊത്തുള്ള സിനിമ തുടങ്ങൂ എന്നാണ് റിപ്പോർട്ട്.

മോഹൻലാലുമൊത്ത് നിരവധി സിനിമകൾ പ്രിയദർശൻ ചെയ്തിട്ടുണ്ടെങ്കിലും മമ്മൂട്ടിക്കൊപ്പം നാലു സിനിമകൾ മാത്രമെ പ്രിയൻ ചെയ്തിട്ടുള്ളൂ. സൂപ്പർഹിറ്റുകളായ മഴ പെയ്യുന്നു മദ്ദളം കൊട്ടുന്നു, രാക്കുയിലിൻ രാഗസദസിൽ,നമ്പർ 20 മദ്രാസ് മെയിൽ, മേഘം എന്നിവയാണ് അവ.

Read more

ദിലീഷ് പോത്തന്‍-ഫഹദ് ചിത്രം തൊണ്ടിമുതലും ദൃക്സാക്ഷിയുടെ ഫസ്റ്റ് ലുക്ക്‌പുറത്ത്

ദുരൂഹത ഉണർത്തുന്ന പശ്ചാത്തലവുമായി ദിലീഷ് പോത്തൻ ഒരുക്കുന്ന തൊണ്ടിമുതലും ദൃക്‌സാക്ഷിയും എന്ന ചിത്രത്തിന്റെ ഫസറ്റ് ലുക്ക് പുറത്ത്. ഫഹദിനൊപ്പെം സുരാജ് വെഞ്ഞാറമൂടും ഫസ്റ്റ് ലുക്ക് പോസ്റ്ററിലുണ്ട്.

ആഴം കുറഞ്ഞ ഒരു ജലാശയത്തിൽ കിടക്കുന്ന ഫഹദും സുരാജ് വെഞ്ഞാറമ്മൂടുമാണ് ഫസ്റ്റ് ലുക്ക് പോസ്റ്ററിൽ. ഒരു സംഘട്ടനരംഗത്തിന് ശേഷമുള്ള നിശ്ചലദൃശ്യം എന്ന് തോന്നിപ്പിക്കുന്നതാണ് ഇത്.

'മഹേഷിന്റെ' വിജയത്തിന് പിന്നാലെ കഴിഞ്ഞ ജൂലൈ 24നാണ് ദിലീഷ് പോത്തൻ പുതിയ പ്രോജക്ട് പ്രഖ്യാപിച്ചത്.ഉർവ്വശി തിയേറ്റേഴ്സിന്റെ ബാനറിൽ സന്ദീപ് സേനനും അനീഷ് എം.തോമസുമാണ് തൊണ്ടിമുതലും ദൃക്സാക്ഷിയും നിർമ്മിക്കുന്നത്. രാജീവ് രവിയാണ് ഛായാഗ്രാഹകൻ. സൗബിൻ ഷാഹിർ, അലെൻസിയർ തുടങ്ങി വൻതാര നിരയാണ് ചിത്രത്തിൽ അണിനിരക്കുന്നത്.

Read more

ടോവിനോ തോമസ് നായകനാകുന്ന ഗോദയുടെ ട്രെയിലർ പുറത്തിറങ്ങി

കുഞ്ഞിരാമായണം എന്ന സിനിമയിലൂടെ സംവിധാന രംഗത്തെത്തിയ അരങ്ങേറിയ ബേസിൽ ജോസഫ് ഒരുക്കുന്ന ചിത്രം ഗോദ എന്ന സിനിമയുടെ ട്രെയിലർ പുറത്തിറക്കി. ടൊവിനൊ തോമസ് ആണ് ചിത്രത്തിലെ നായകൻ. പഞ്ചാബി നടി വമീഖ ഗബ്ബി നായികയാകുന്ന ചിത്രത്തിൽ രൺജി പണിക്കർ, അജു വർഗീസ് തുടങ്ങിയവർ മറ്റ് പ്രധാന വേഷങ്ങളിലെത്തുന്നു. രൺജി പണിക്കർ, ടൊവിനോ, വമീഖ, പാർവതി എന്നിവരാണ് 1.49 മിനിട്ടുള്ള ട്രെയിലറിൽ പ്രത്യക്ഷപ്പെടുന്നത്.

ഗുസ്തി പ്രധാന പ്രമേയമായി ഒരു സ്പോർട്സ്-കോമഡി എന്റർടെയ്നറായാണ് ഗോദ പ്രേക്ഷകരിലേക്കെത്തുന്നത്.ക്രിക്കറ്റ്, ഫുട്ബോൾ, വോളിബോൾ, കബഡി തുടങ്ങിയ കായിക ഇനങ്ങളുടെ പശ്ചാത്തലത്തിൽ മലയാളത്തിൽ ചിത്രങ്ങൾ നിരവധി ഉണ്ടെങ്കിലും ഗുസ്തി പ്രധാന പ്രമേയമായിട്ടുള്ളത് അപൂർവ്വമാണ്. ഈ ഗ്യാപ്പിലേക്കാണ് ഗോദ മോളിവുഡിൽ റിലീസിന് തയ്യാറെടുക്കുന്നത്. ആമിർഖാൻ ഗുസ്തി താരമായി എത്തിയ ദംഗൽ ബോളിവുഡിൽ വൻ ഹിറ്റായിരുന്നു.

ചിത്രത്തിൽ അദിതി സിങ് എന്ന കഥാപാത്രത്തെയാണ് വമീഖ അവതരിപ്പിക്കുന്നത്. ഒരു മെക്‌സിക്കൻ അപാരതയ്ക്ക് ശേഷം റിലീസ് ചെയ്യുന്ന ടൊവിനൊ തോമസ് ചിത്രമാണ് ഗോദ. ഷൈൻ ടോം ചാക്കോ, ശ്രീജിത്ത് രവി, ബിജുക്കുട്ടൻ, ഹരീഷ് പേരടി, ദിനേശ് പ്രഭാകർ, കോട്ടയം പ്രദീപ്, ഹരീഷ് കണാരൻ, ധർമജൻ ബോൾഗാട്ടി തുടങ്ങിയവർ മറ്റ് പ്രധാന വേഷങ്ങളിലെത്തുന്നു.

തിരയ്ക്ക് ശേഷം രാകേഷ് മണ്ടോടിയാണ് തിരക്കഥ രചിച്ചിക്കുന്ന ചിത്രമാണിത്. സംഗീതം: ഷാൻ റഹ്മാൻ. ഇ ഫോർ എന്റർടെയ്ന്മെന്റിന്റെ ബാനറിൽ മുകേഷ് ആർ. മേത്തയാണ് നിർമ്മാണം. ചിത്രം മെയ്‌ 12ന് തീയേറ്ററുകളിലെത്തും.

Read more

ഗോകുല്‍ സുരേഷ് ഗോപി വീണ്ടും നായകനാകുന്നു

മീശയും താടിയും കാതിൽ കടുക്കനുമൊക്കെയായി തീർത്തും പുതിയൊരു ഗെറ്റപ്പിൽ വീണ്ടും നായകനാകാൻ ഒരുങ്ങുകയാണ് ഗോകുൽ സുരേഷ്.കേരളാ ഫിലിം ക്രിറ്റിക്‌സ് അവാർഡ് സ്വന്തമാക്കിയ മികച്ച നിരൂപക പ്രശംസ നേടിയ 'അക്കൽദാമയിലെ പെണ്ണ്'എന്ന സിനിമക്കു ശേഷം പി. ജയറാം കൈലാസ് സംവിധാനം ചെയ്യുന്ന 'പപ്പു' എന്ന ഗ്രാമീണ പശ്ചാത്തലത്തിലുള്ള സിനിമയിൽ ആണ് വ്യത്യസ്ത ഗെറ്റപ്പിൽ് ഗോകുൽ സുരേഷിന്റെ രണ്ടാം വരവ്.

ലൈഫ് ഓഫ് ജോസൂട്ടി, കരിങ്കുന്നം സിക്‌സേഴ്‌സ്, ഒരേമുഖം എന്നീ സൂപ്പർഹിറ് ചിത്രങ്ങൾക്ക് ശേഷം ബാക്ക് വാട്ടർ സ്റ്റുഡിയോസിന്റെ ബാനറിൽ ജയലാൽ മേനോൻ ആണ് ഈ ചിത്രം നിർമ്മിക്കുന്നത്. 'പപ്പു' എന്ന കഥാപാത്രത്തിന്റെ ജീവിത സന്ദർഭങ്ങൾ, നമ്മുടെ എല്ലാവരുടെയും ജീവിത സന്ദർഭങ്ങളുമായി ബന്ധപ്പെട്ടു കിടക്കുന്ന രസകരമായ കഥാതന്തുവാണ് ഈ സിനിമയുടേത്. ഫുൾ ടൈം കോമഡി എന്റെർറ്റൈനെർ ആയ 'പപ്പു'വിൽ രണ്ടു നായികമാരാണ്. കൂടെ മലയാളസിനിമയിലെ പ്രമുഖ താരങ്ങളും അഭിനയിക്കുന്നുണ്ട്.

നവാഗതനായ ഉമേഷ് കൃഷ്ണനാണു പപ്പുവിന്റെ കഥ, തിരക്കഥ, സംഭാഷണം ഒരുക്കിയിരിക്കുന്നത്. ഹാപ്പി വെഡിങ്ങ്, ലക്ഷ്യം എന്നീ ചിത്രങ്ങൾക്ക് ശേഷം സിനു സിദ്ധാർഥ് ആണ് പപ്പുവിന് വേണ്ടി കാമറ ചലിപ്പിക്കുന്നത്. എഡിറ്റിങ് രഞ്ജൻ എബ്രഹാം, റഫീഖ് അഹമ്മെദിന്റെ വരികൾക്ക് ബിജിപാൽ സംഗീതം നൽകിയിരിക്കുന്നു. വസ്ത്രാലങ്കാരം സ്റ്റെഫി സേവ്യർ, ആർട് നാഥൻ മണ്ണൂർ, പ്രൊഡക്ഷൻ കൺട്രോളർ നിസാർ മുഹമ്മദ്,പി ആർ ഒ എ എസ് ദിനേശ്.

ഏപ്രിൽ അവസാനം ചിത്രീകരണം ആരംഭിക്കുന്ന പപ്പുവിന്റെ പ്രധാന ലൊക്കേഷൻ പാലക്കാട് ആണ്

Read more

കുഞ്ചാക്കോ ബോബൻന്റെ "രാമന്റെ ഏദൻതോട്ടം"ത്തിലെ ആദ്യ സോങ്ങ് പുറത്ത്

കുഞ്ചാക്കോ ബോബൻ - അനു സിത്താര ചിത്രം 'രാമന്റെ ഏദൻതോട്ടം'ത്തിലെ ആദ്യ സോങ്ങ് വീഡിയോ റിലീസ് ചെയ്തു. 'അകലെയൊരു കാടിന്റെ' എന്ന് തുടങ്ങുന്ന ഈ ശ്രുതിമധുരമായ ഗാനം ആലപിച്ചിരിക്കുന്നത് ശ്രേയാ ഘോഷാൽ ആണ്. സന്തോഷ് വർമ്മയുടെ വരികൾക്ക് ബിജിബാൽ ഈണം പകർന്നിരിക്കുന്നു.

രഞ്ജിത്ത് ശങ്കർ തിരക്കഥയും സംവിധാനവും നിർവഹിച്ച ഈ ചിത്രത്തിൽ ജോജു ജോർജ്, രമേശ് പിഷാരടി, അജു വര്ഗ്ഗീസ്, മുത്തുമണി എന്നിവരും പ്രധാന വേഷങ്ങളിൽ അഭിനയിക്കുന്നുണ്ട്. ഛായാഗ്രഹണം മധു നീലകണ്ഠനും ചിത്രസംയോജനം വി സാജനുമാണ്. ഡ്രീംസ് എൻ ബിയോണ്ട് ന്റെ ബാനറിൽ രഞ്ജിത്ത് ശങ്കർ നിർമ്മിച്ചിട്ടുള്ള 'രാമന്റെ ഏദൻതോട്ടം' മെയ് 12ന് തിയേറ്ററുകളിൽ എത്തും.

Read more

നടന്‍ മുന്‍ഷി വേണു അന്തരിച്ചു

തൃശ്ശൂര്‍: പ്രശസ്ത നടന്‍ മുന്‍ഷി വേണു അന്തരിച്ചു. വൃക്കരോഗത്തെ തുടര്‍ന്ന് മാസങ്ങളായി ചാലക്കുടിയിലെ പാലിയേറ്റീവ് കെയറില്‍ ചികിത്സയിലായിരുന്നു. രോഗം മൂര്‍ച്ഛിച്ചതിനെത്തുടര്‍ന്ന് കഴിഞ്ഞദിവസം ചാലക്കുടിയിലെ സ്വകാര്യ ആശുപത്രിയിലേക്ക് മാറ്റിയിരുന്നു. അവിടെവച്ചായിരുന്നു അന്ത്യം. അവിവാഹിതനാണ്. സംസ്‌കാരം ശനിയാഴ്ച നടക്കും.

തിരുവനന്തപുരം വഴുതക്കാട് സ്വദേശിയായ വേണുവിനെ ജനശ്രദ്ധയിലെത്തിച്ചത് ഏഷ്യാനെറ്റിന്റെ സമകാലിക ആക്ഷേപക ഹാസ്യ പരിപാടിയായ മുന്‍ഷിയിലെ വേഷമാണ്. ഇതേ തുടര്‍ന്നാണ് പേരിനൊപ്പം ‘മുന്‍ഷി’ എന്ന പേരും വന്നു ചേരുന്നത്. കമല്‍ സംവിധാനം ചെയ്ത ദിലീപ് ഇരട്ടവേഷത്തിലെത്തിയ പച്ചക്കുതിരയിലൂടെയാണ് സിനിമയിലെത്തുന്നത്. തിളക്കം, ഛോട്ടാമുംബൈ, കഥ പറയുമ്പോള്‍, ഉട്ടോപ്യയിലെ രാജാവ് തുടങ്ങി പിന്നീടുവന്ന നിരവധി സിനിമകളില്‍ രസികന്‍ കഥാപാത്രങ്ങളെ അവതരിപ്പിച്ചു.

നാളുകളായി തൃശ്ശൂരിലെ ഒരു ലോഡ്ജില്‍ കഴിഞ്ഞു വരികയായിരുന്ന ഇദ്ദേഹത്തിന് സിനിമയില്‍ അവസരങ്ങള്‍ കുറഞ്ഞതോടെ സാമ്പത്തിക ബാധ്യത രൂക്ഷമായിരുന്നു. അതോടെ താമസിച്ചിരുന്ന ലോഡ്ജില്‍ നിന്നും ഇറങ്ങേണ്ടി വന്നിരുന്നു. 

Read more

"അഡ്വഞ്ചേഴ്സ് ഓഫ് ഓമനക്കുട്ടനി"ലെ ആദ്യ സോങ് വീഡിയോ കാണാം

കൊച്ചി: ഭാവനയും ആസിഫലിയും നായികാ നായകന്മാരാകുന്ന 'അഡ്വഞ്ചേഴ്സ് ഓഫ് ഓമനക്കുട്ടനി'ലെ ആദ്യ ഗാനം റിലീസ് ചെയ്തു. 'കസവണിയും' എന്ന ഈ ഗാനം ആലപിച്ചിരിക്കുന്നത് യാസിൻ നിസാർ ആണ്. മനു മൻജിത്തിന്റെ വരികൾക്ക് ഡോൺ വിൻസെന്റ് ഈണം പകർന്നിരിക്കുന്നു. യുട്യൂബ് വീഡിയോ ചാനൽ ആയ മ്യൂസിക് 247 ആണ് യുട്യൂബിൽ വീഡിയോ ഗാനം റിലീസ് ചെയ്തിരിക്കുന്നത്.

രോഹിത് വി എസ് സംവിധാനം നിർവഹിച്ച അഡ്വഞ്ചേഴ്സ് ഓഫ് ഓമനക്കുട്ടനിൽ അജു വർഗീസ്, ശ്രിന്ദ, സൈജു ഗോവിന്ദക്കുറുപ് എന്നിവരും അഭിനയിക്കുന്നുണ്ട്. സമീർ അബ്ദുൾ തിരക്കഥയും സംഭാഷണവും ഒരുക്കിയിരിക്കുന്നു. ഛായാഗ്രഹണം അഖിൽ ജോർജും ചിത്രസംയോജനം ലിവിങ്സ്റ്റൺ മാത്യുവുമാണ് നിർവഹിച്ചിരിക്കുന്നത്. ആന്റണി ബിനോയ്, ബിജു പുളിക്കൽ എന്നിവർ ചേർന്നാണ് ഫോർ എം എന്റർടൈന്മെന്റ്‌സ് ബാനറിൽ ചിത്രം നിർമ്മിച്ചിരിക്കുന്നത്.

Read more

രഞ്ജിത്ത് ചിത്രം പുത്തൻപണത്തിന്റെ ട്രെയിലർ പുറത്ത്

മമ്മൂട്ടി -രഞ്ജിത്ത് കൂട്ടുകെട്ടിൽ പുറത്തിറങ്ങുന്ന പുതിയ ചിത്രമായ പുത്തൻ പണത്തിന്റെ ട്രെയിലർ പുറത്തുവന്നു. സസ്‌പെൻസും ആക്ഷനും നിറഞ്ഞ ത്രില്ലർ രൂപത്തിലാണ് രഞ്ജിത്ത് തന്റെ പുതിയ ചിത്രം ഒരുക്കുന്നത്. കാസർകോഡ് ഭാഷ സംസാരിക്കുന്ന നിത്യാനന്ദ ഷേണായി ആയാണ് സിനിമയിൽ മമ്മൂട്ടി എത്തുന്നത്. പുറത്തിറങ്ങിയ ട്രെയിൽ മമ്മൂട്ടി ആരാധകരെ ഏറെ തൃപ്തിപ്പെടുത്തുന്നതാണ്.

നോട്ട് നിരോധനം അടക്കമുള്ള ആനുകാലിക വിഷയങ്ങൾ ഉൾപ്പെടുത്തിയാണ് ചിത്രം പുറത്തിറക്കിയിരിക്കുന്നത്. സിദ്ദിഖ്, ഇനിയ, ഹരീഷ് കണാരൻ, നിർമൽ പാലാഴി, മാമുക്കോയ, സ്വരാജ് എന്നിവരാണ് ചിത്രത്തിലെ മറ്റു താരങ്ങൾ. കാഷ്‌മോര, മാരി എന്നീ ചിത്രങ്ങളുടെ ക്യാമറാമാനായ ഓംപ്രകാശാണ് ചിത്രത്തിന്റെ ഛായാഗ്രഹണം. സംഗീത സംവിധാനം: ഷഹബാസ് അമൻ. ത്രീ കളർ സിനിമയുടെ ബാനറിലാണ് ചിത്രം നിർമ്മിക്കുന്നത്. വിഷു റിലീസായി പുത്തൻപണം തിയറ്ററുകളിൽ എത്തും.

Read more

ധ്യാൻ ശ്രീനിവാസൻ വിവാഹിതനായി

കണ്ണൂർ: നാലു വർഷത്തെ പ്രണയത്തിനൊടുവിൽ ധ്യാൻ ശ്രീനിവാസനും അർപ്പിത സെബാസ്റ്റ്യനും ഇന്നു വിവാഹിതരായി. കണ്ണൂരിലെ ബീച്ച് റോഡിലുള്ള വാസവ ക്ലിഫ് ഹൗസിലായിരുന്നു വിവാഹച്ചടങ്ങുകൾ. ധ്യാനിന്റെ പിതാവ് ശ്രീനിവാസനും സഹോദരൻ വിനീതും അടക്കമുള്ള ബന്ധുക്കളും അജു വർഗീസ്, ധീരജ് മാധവ് തുടങ്ങിയ അടത്തു സുഹൃത്തുക്കളും വിവാഹച്ചടങ്ങിൽ പങ്കെടുത്തു.

തിരുവനന്തപുരം സ്വദേശി സെബാസ്റ്റ്യൻ ജോർജിന്റയും പരേതയായ എലിസബത്ത് സെബാസ്റ്റ്യന്റെയും മകളായ അർപ്പിത തിരുവനന്തപുരം ടെക്‌നോ പാർക്കിലെ സോഫ്റ്റ്‌വെയർ കമ്പനിയിൽ പബ്ലിക് റിലേഷൻസ് മാനേജരാണ്. ചെന്നൈയിൽ ബിരുദ പഠനകാലത്താണ് ധ്യാനും അർപ്പിതയും പരിചയപ്പെട്ടത്. ഏപ്രിൽ 10ന് എറണാകുളത്ത് സിനിമാ ലോകത്തെ സുഹൃത്തുകൾക്കും ബന്ധുക്കൾക്കുമായി റിസപ്ഷൻ നടക്കും.

സഹോദരൻ വിനീത് ശ്രീനിവാസൻ സംവിധാനം ചെയ്ത 'തിര' എന്ന ചിത്രത്തിലൂടെയാണു ധ്യാൻ മലയാള ചലച്ചിത്രലോകത്ത് എത്തിയത്. കുഞ്ഞിരാമായണം, അടി കപ്യാരേ കൂട്ടമണി എന്നീ ചിത്രങ്ങളിലൂടെ ശ്രദ്ധേയനായ ധ്യാൻ, ഒരേ മുഖം എന്ന ചിത്രത്തിലാണ് അവസാനമായി അഭിനയിച്ചത്.

നേരത്തെ, ധ്യാൻ ശ്രീനിവാസൻ നടി നമിത പ്രമോദുമായി പ്രണയത്തിലാണെന്നു ചില ഓൺലൈൻ മാധ്യമങ്ങൾ റിപ്പോർട്ടു ചെയ്തിരുന്നു. എന്നാൽ ഈ റിപ്പോർട്ടു തെറ്റാണെന്ന വിവരം പിന്നീടു പുറത്തുവന്നു.

Read more

ദേശീയ ചലച്ചിത്ര പുരസ്‌കാരം: മികച്ച നടി സുരഭി ലക്ഷ്മിക്ക്, നടൻ അക്ഷയ് കുമാർ; മോഹൻലാലിന് പ്രത്യേക പരാമർശം, മഹേഷിന്റെ പ്രതികാരം മലയാള ചിത്രം

ന്യൂഡൽഹി: ദേശീയ ചലച്ചിത്ര പുരസ്കാരത്തിൽ മലയാള ചിത്രങ്ങൾക്ക് മികച്ച നേട്ടം. മിന്നാമിനുങ്ങ് എന്ന ചിത്രത്തിലെ അഭിനയത്തിന് സുരഭി മികച്ച നടിയായി തെരഞ്ഞെടുക്കപ്പെട്ടു. നവാഗതനായ ദിലീഷ് പോത്തൻ സംവിധാനം ചെയ്ത മഹേഷിന്‍റെ പ്രതികാരം മികച്ച മലയാള ചിത്രത്തിനുള്ള പുരസ്കാരം സ്വന്തമാക്കി. മികച്ച തിരക്കഥാകൃത്തിനുള്ള പുരസ്കാരവും മഹേഷിന്‍റെ പ്രതികാരം നേടി. ഈ ചിത്രത്തിന്‍റെ തിരക്കഥ ഒരുക്കിയ ശ്യാം പുഷ്കരനാണ് അവാർഡ് ലഭിച്ചത്. ദേശീയ ചലച്ചിത്ര അവാർഡ് ജൂറി അധ്യക്ഷൻ പ്രിയദർശനാണ് ഡൽഹിയിൽ പുരസ്കാരങ്ങൾ പ്രഖ്യാപിച്ചത്.

മൂന്ന് ചിത്രങ്ങളിലെ മികച്ച പ്രകടനത്തിലൂടെ മോഹൻലാൽ ജൂറിയുടെ പ്രത്യേക പരാമർശം നേടി. തെലുങ്ക് ചിത്രം ജനതാ ഗാരേജ്, മലയാള ചിത്രങ്ങളായ പുലിമുരുകൻ, മുന്തിരിവള്ളികൾ തളിർക്കുന്പോൾ എന്നിവയിലെ അഭിനയത്തിനാണ് മോഹൻലാൽ പ്രത്യേക പരാമർശം നേടിയത്. പുലിമുരുകൻ എന്ന ചിത്രത്തിന്‍റെ സംഘട്ടന രംഗങ്ങൾ ഒരുക്കിയ പീറ്റർ ഹെയിൻ മികച്ച ആക്ഷൻ കൊറിയോഗ്രാഫർക്കുള്ള പുരസ്കാരവും കരസ്ഥമാക്കി. കാടുപുക്കുന്ന നേരം എന്ന ചിത്രത്തിലൂടെ മികച്ച ശബ്ദലേഖനത്തിനുള്ള പുരസ്കാരം നേടിയ ജയദേവൻ ചക്കാടത്തും മലയാളത്തിന് അഭിമാനമായി. നോണ്‍ ഫീച്ചർ വിഭാഗത്തിൽ മലയാളത്തിൽ നിന്നുള്ള ചെന്പൈ മികച്ച സിനിമയായി തെരഞ്ഞെടുക്കപ്പെട്ടു. മികച്ച ബാലതാരത്തിനുള്ള പുരസ്കാരത്തിലും മലയാളി തിളക്കമുണ്ടായി. കുഞ്ഞുദൈവം എന്ന ചിത്രത്തിലൂടെ ആദിഷ് പ്രവീണാണ് മലയാളിപ്പെരുമ ഉയർത്തിയത്. മികച്ച ശബ്ദലേഖനത്തിനുള്ള പുരസ്കാരം അജിത്ത് ജോർജ് ജേക്കബ് സ്വന്തമാക്കി.

മറാത്തി ചിത്രം കസബ് മികച്ച ചിത്രമായി തെരഞ്ഞെടുക്കപ്പെട്ടു. റുസ്തം എന്ന ചിത്രത്തിലെ മികച്ച പ്രകടനത്തിലൂടെ അക്ഷയ് കുമാർ മികച്ച നടനായി. മികച്ച തമിഴ് ചിത്രത്തിനുള്ള പുരസ്കാരം ജോക്കർ നേടി. സോനം കപൂറിന്‍റെ മികച്ച പ്രകടനത്തിലൂടെ ശ്രദ്ധേയമായ നീരജയാണ് മികച്ച ഹിന്ദി ചിത്രം. മികച്ച സാമൂഹ്യപ്രസക്തിയുള്ള ചിത്രത്തിനുള്ള പുരസ്കാരം പിങ്ക് നേടി. ചലച്ചിത്ര സൗഹാർദ സംസ്ഥാനത്തിനുള്ള പുരസ്കാരം ഉത്തർപ്രദേശിനാണ്. ഈ വിഭാഗത്തിൽ ജാർഖണ്ഡ് പ്രത്യേക പരാമർശം നേടി. മികച്ച ഗാനരചയിതാവായി വൈരമുത്തുവും ഗായകനായി സുന്ദർ അയ്യറും ഗായികയായി ഇമാൻ ചക്രബർത്തിയും തെരഞ്ഞെടുക്കപ്പെട്ടു. - 

Read more

കുഞ്ചാക്കോ ബോബൻന്റെ "രാമന്റെ ഏദൻതോട്ടം" ട്രെയിലർ പുറത്തിറങ്ങി

കുഞ്ചാക്കോ ബോബൻ നായകനായ രഞ്ജിത്ത് ശങ്കർ സംവിധാനം ചെയ്യുന്ന 'രാമന്റെ ഏദൻതോട്ടം' എന്ന ചിത്രത്തിന്റെ ട്രെയിലർ പുറത്തിറങ്ങി. പ്രേതം എന്ന സിനിമക്ക് ശേഷം രഞ്ജിത്ത് ശങ്കർ സംവിധാനം ചെയ്യുന്ന സിനിമയാണ് 'രാമന്റെ ഏദൻ തോട്ടം'

ഇതാദ്യമായാണ് കുഞ്ചാക്കോ ബോബൻ രഞ്ജിത്ത് ശങ്കർ സിനിമയിൽ നായകനാകുന്നത്. രഞ്ജിത്ത് തന്നെയാണ് സിനിമയുടെ രചന നിർവഹിക്കുന്നതും. അനു സിത്താരയാണ് നായിക. അജു വർഗ്ഗീസ്, രമേശ് പിഷാരടി, ജോജു ജോർജ്, മുത്തുമണി എന്നിവരാണ് താരങ്ങൾ . മധു നീലകണ്ഠനാണ് ഛായാഗ്രഹണം. സന്തോഷ് വർമ്മയുടെ വരികൾക്ക് ബിജിബാൽ സംഗീതം നൽകുന്നു.

രാമൻ എന്നു വിളിക്കപ്പെടുന്ന 40 വയസ്സുള്ള രാം മേനോൻ എന്ന കഥാപാത്രമാണ് ചിത്രത്തിലെ നായകൻ. കുഞ്ചാക്കോ ബോബൻ ആണ് രാമനായി എത്തുന്നത്. 500 ഏക്കർ വിസ്തൃതിയുള്ള കാടിനോടു ചേർന്നു കിടക്കുന്ന ഒരു റിസോർട്ട്. അതാണ് രാമന്റെ ഏദൻ തോട്ടം.

സർവവിധ സൗകര്യങ്ങളുമുള്ള റിസോർട്ടല്ല. മറിച്ച് വളരെ കുറച്ചു സംവിധാനങ്ങൾ മാത്രമുള്ള മൊബൈലും ഇന്റെർനെറ്റും ഒന്നുമില്ലാത്ത ഒരു സ്ഥലം. രാമനാണ് അതിന്റെ ഉടമ. അവിടെയുള്ളതാകട്ടെ വളരെ കുറച്ച് അതിഥികളും. മെട്രോ നഗരത്തിൽ ജനിച്ചു വളർന്ന ഒരു പെൺകുട്ടി അവിടെ എത്തുന്നതും തുടർന്ന് രാമനും ആ പെൺകുട്ടിയും തമ്മിൽ പ്രണയത്തിലാകുന്നതുമാണ് സിനിമയുടെ പ്രമേയം.

Read more

ജിത്തുജോസഫിന്‍റെ പുതിയ ചിത്രം ലക്ഷ്യത്തിന്‍റെ ട്രെയിലർ പുറത്തിറക്കി

ജിത്തുജോസഫിന്റെ പുതിയ ചിത്രം ലക്ഷ്യത്തിന്റെ ട്രെയിലർ പുറത്തിറക്കി. ഫേസ്‌ബുക്കിലൂടെയാണ് ട്രെയിലർ പുറത്തുവിട്ടത്. ബിജു മോനോൻ, ഇന്ദ്രജിത്ത് എന്നിവരാണ് ചിത്രത്തിൽ പ്രധാന കഥാപാത്രങ്ങളായി എത്തുന്നത്. നവാഗതനായ അൻസാർ ഖാൻ സംവിധാനം ചെയ്യുന്ന ചിത്രത്തിന് തിരക്കഥ എഴുതിയിരിക്കുന്നത് ജീത്തു ജോസ്ഫ് ആണ്. ജീത്തു ജോസഫ് ആദ്യമായി മറ്റൊരു സംവിധായകന് വേണ്ടി തിരക്കഥയെഴുതിയിരിക്കുന്ന ചിത്രം കൂടിയാണിത്.

ദൃശ്യം സിനിമയ്ക്ക് ശേഷം ജീത്തു എഴുതുന്ന ത്രില്ലർ എന്ന പ്രത്യേകതയും ലക്ഷ്യത്തിനുണ്ട്. എഴുപതുശതമാനവും കൊടുംവനത്തിനുള്ളിൽ തന്നെ ചിത്രീകരിച്ചിരിക്കുന്ന സിനിമയിൽ നായികയായി എത്തുന്നത് ശിവദയാണ്. ഷമ്മി തിലകൻ, കിഷോർ, സുധി കോപ്പ എന്നിവരാണ് മറ്റുതാരങ്ങൾ.

ഐടി പ്രൊഫഷനലായി ഇന്ദ്രജിത്ത് എത്തുമ്പോൾ, ചേരി നിവാസിയെ ബിജു മേനോൻ അവതരിപ്പിക്കുന്നു. സാങ്കേതികപരമായും ചിത്രം മുന്നിട്ട് നിൽക്കും. സസ്‌പെൻസ് നിറഞ്ഞ ചിത്രത്തിൽ നർമത്തിനും കുടുംബബന്ധങ്ങൾക്കും പ്രണയത്തിനും പ്രാധാന്യം നൽകുന്നുണ്ട്.

സിനു സിദ്ധാർത്ഥ് ആണ് ഛായാഗ്രാഹകൻ. കലാസംവിധാനം-ബാവ, സ്റ്റണ്ട്-ആർ രാജശേഖർ. ലിന്റ ജീത്തുവാണ് കോസ്റ്റ്യൂം ഡിസൈനർ. ജോയ് തോമസ് ശക്തികുളങ്ങരയാണ് നിർമ്മാണം. ദിലീപിന്റെ ഉടമസ്ഥതയിലുള്ള ഗ്രാൻഡ് പ്രൊഡക്ഷൻസ് ആണ് വിതരണം.

Read more

ലോഹിതദാസിന്റെ മകന്‍ ഹരികൃഷ്ണൻ വിവാഹിതനായി

മലയാളത്തിലെ സൂപ്പർതാരപരിവേഷത്തിൽ ഉൾപ്പെട്ട എല്ലാ നടന്മാർക്കും ഒരുപിടി നല്ലകഥാപാത്രങ്ങൾ സമ്മാനിച്ച സംവിധായകനാണ് ലോഹിതദാസ്.കിരീടം, ഹിസ്‌ഹൈനസ് അബ്ദുള്ള, കമലദളം, ഭരതം, ദശരഥം തുടങ്ങിയ ക്ലാസ് സിനിമകളെല്ലാം മോഹൻലാലിന് സമ്മാനിച്ചത് ലോഹി ആയിരുന്നു. ഭരതം എന്ന സിനിമയിലെ ക ഥാപാത്രത്തിലൂടെ മോഹൻലാലിന് ദേശീയ പുരസ്‌കാരവും ലഭിച്ചു. തനിയാവർത്തനം മുതൽ ഇ ങ്ങോട്ട് മമ്മൂട്ടിക്കും ലോഹിതദാസ് നൽകിയത് ഓർക്കാവുന്ന ഒട്ടേറെ കഥാപാത്രങ്ങളാണ്. അമരം പോലൊരു ചിത്രം മമ്മൂട്ടിയുടെ കരിയറിലെ മറക്കാനാവാത്തതുമാണ്. സല്ലാപവും സൂത്രധാരനുമൊ ക്കെ ദിലീപിന്റെ കരിയറിൽ നാഴികക്കല്ലാണ്. എന്നാൽ മലയാള സിനിമയിലെ അതുല്യ പ്രതിഭയുടെ മകന്റെ കല്യാണത്തിന് താരങ്ങൾ പകിട്ടേകിയില്ല.

ലോഹിതദാസിന്റെ മൂത്ത മകൻ ഹരികൃഷ്ണൻ ആണ് കഴിഞ്ഞദിവസം വിവാഹിതനായത്. ബിവ്യ ആണ് വധു.. വിവാഹച്ചടങ്ങുകൾക്ക് ശേഷം ചാലക്കുടി കോസ്മോസ് ക്ലബിൽ വച്ച് റിസപ്ഷനും നടന്നു. സംവിധായകൻ സുന്ദർദാസ് ആയിരുന്നു സംഘാടകന്റെ റോളിൽ സജീവമായി നിന്ന് കാര്യങ്ങൾ നടത്തിയപ്പോൾ സിനിമാ ലോകത്ത് നിന്നും എത്തിയത് വിരലിൽഎണ്ണാവുന്നവർ മാത്രമാണ്.

സത്യൻ അന്തിക്കാട്, ലാൽ ജോസ്, സിബി മലയിൽ, കെപിഎസി ലളിത, ബ്ലെസി, കൈതപ്രം തുടങ്ങിയവർ ഹരികൃഷ്ണന് ആശംസകൾ നേരാൻ എത്തിയിരുന്നു. കല്യാണം നടക്കുന്ന സ്ഥലത്തിൽ നിന്നും അധികം ദൂരെയല്ലാതെ ഉണ്ടായിരുന്നു താരങ്ങൾ വിവാഹത്തിനെത്തതാണ് ഇപ്പോൾ നവ മാധ്യമങ്ങൾ ചർച്ചയാക്കുന്നത്.ലോഹിതദാസ് കണ്ടെത്തിയെന്നു വിശേഷിക്കപ്പെടുന്ന നായികമാരായ മീരാ ജാസ്മിനും ഭാമയും മഞ്ജു വാര്യരുമൊന്നും ചടങ്ങിന് എത്തിയില്ല. തിരക്കഥാകൃത്തും സംവിധായകനും നടനുമൊക്കെയായി തിളങ്ങിയ ലോഹിതദാസ് ഇന്നു ജീവിച്ചിരിപ്പുണ്ടെങ്കിൽ ഇവരെല്ലാം ആ ചടങ്ങിൽ പങ്കെടുത്തേനെയെന്നാണ് പാപ്പരാസികൾ പറയുന്നത്.

എന്നാൽ ചർച്ചകളും വാർത്തകളം പരന്നതോടെ മറുപടിയുമായി ലോഹിതദാസിന്റെ കുടുംബം രംഗത്തെത്തി.തനിക്കോ വീട്ടുകാർക്കോ ഇക്കാര്യത്തിൽ പരാതിയില്ല.തങ്ങളെ സമാധാനപരമായി ജീവിക്കാൻ അനുവദിക്കണമെന്നും ഹരികൃഷ്ണൻ ഫേസ്‌ബുക്കിൽ കുറിച്ചു.

Read more

പുത്തന്‍ പണത്തിന്‍റെ രണ്ടാം ടീസര്‍ എത്തി

മമ്മൂട്ടിയെ നായകനാക്കി രഞ്ജിത്ത് ഒരുക്കുന്ന പുത്തൻ പണം: ദി ന്യൂ ഇന്ത്യൻ റുപ്പി രണ്ടാം ടീസർ ഇറങ്ങി. കാസർകോഡൻ ഭാഷ പറയുന്ന മമ്മൂട്ടിയാണ് രണ്ടാം ടീസറിൽ, ഒന്നാം ടീസറിലെ ആക്ഷൻ പരിവേഷം പൂർണ്ണമായും ഇല്ലാതാക്കുന്നതാണ് രണ്ടാം ടീസർ.

കടൽ കടന്നൊരു മാത്തുക്കുട്ടിക്കുശേഷം മമ്മൂട്ടിയെ നായകനാക്കി രഞ്ജിത്ത് ഒരുക്കുന്ന ചിത്രമാണിത്. കള്ളപ്പണത്തിനും കള്ളനോട്ടിനും തടയിടാനായി കേന്ദ്ര സർക്കാർ ആയിരം, അഞ്ഞൂറ് നോട്ടുകൾ പിൻവലിച്ച സാഹചര്യത്തിലാണ് പുത്തൻ പണം എന്ന പേരിൽ ചിത്രം ഒരുങ്ങുന്നത് എന്നതാണ് ശ്രദ്ധേയം.

റിയൽ എസ്റ്റേറ്റ് രംഗത്തെയും കള്ളനോട്ടുകളുടെയും എല്ലാം കഥ പറഞ്ഞ ഇന്ത്യൻ റുപ്പി ഇറങ്ങി അഞ്ചു വർഷത്തിനുശേഷമാണ് പുത്തൻ പണം: ദി ന്യൂ ഇന്ത്യൻ റുപ്പി എന്ന പേരിൽ രഞ്ജിത്ത് തന്നെ മറ്റൊരു ചിത്രമൊരുക്കുന്നത്. <br/>കൊച്ചി, കാസർഗോഡ്, ഗോവ തുടങ്ങിയവിടങ്ങളിലാണ് ചിത്രീകരണം. മമ്മൂട്ടിയെക്കൂടാതെ കോട്ടയം നസീർ, മാമുക്കോയ, സുരേഷ് കൃഷ്ണ, ഇനിയ തുടങ്ങിയവരും ചിത്രത്തിലുണ്ട്. ചിത്രം വിഷുവിനോട് അനുബന്ധിച്ച് തിയറ്ററുകളിൽ എത്തും.രഞ്ജിത് ഉൾപ്പടെ മൂന്ന് പേരുടെ സംരംഭമായ ത്രി കളേഴ്‌സ് ആണ് ചിത്രം നിർമ്മിക്കുന്നത്.

Read more

ഷാജി കൈലാസ്-രണ്‍ജി പണിക്കര്‍ കൂട്ടുകെട്ടില്‍ മോഹന്‍ലാല്‍ ചിത്രം

ഷാജി കൈലാസ് രൺജി പണിക്കർ കൂട്ടുകെട്ടിൽ ഒരുങ്ങുന്ന ചിത്രത്തിൽ മോഹൻലാൽ നായകനാകുമെന്ന് റിപ്പോർട്ട്. 2012ൽ പുറത്തിറങ്ങിയ കിങ് ആൻഡ് കമ്മിഷണർ എന്ന ചിത്രത്തിന് ശേഷം ഷാജി കൈലാസും രഞ്ജി പണിക്കരും വീണ്ടും ഒന്നിക്കുന്ന ചിത്രം കൂടിയാണിത്.

മോഹൻലാൽ-ഷാജി കൈലാസ്-രൺജി പണിക്കർ കൂട്ടുകെട്ടിൽ പിറക്കുന്ന ആദ്യ ചിത്രം എന്ന ബഹുമതിയും ഈ ചിത്രത്തിന് ഉണ്ടാകും. 2018 ലാണ് ചിത്രീകരണം ആരംഭിക്കുകയുള്ളുവെന്നും, ചിത്രത്തിന്റെ പ്രരംഭ ചർച്ചകൾ നടന്നുകൊണ്ടിരിക്കുകയാണെന്നും മോഹൻലാൽ പറഞ്ഞു. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുക.

രഞ്ജിപണിക്കർ തിരക്കഥ ഒരുക്കുന്ന ഷാജി കൈലാസ് ചിത്രത്തിൽ മോഹൻലാൽ ആദ്യമായി അഭിനയിക്കാൻ പോകുന്നു എന്ന പ്രത്യേകതയും ഈ ചിത്രത്തിനുണ്ട്.

Read more

നടൻ ധ്യാൻ ശ്രീനിവാസന്റെ വിവാഹനിശ്ചയം കഴിഞ്ഞു

തിരുവനന്തപുരം: നടൻ ധ്യാൻ ശ്രീനിവാസന്റെ വിവാഹനിശ്ചയം കഴിഞ്ഞു. തിരുവനന്തപുരം ടെക്നോപാർക്കിൽ ഉദ്യോഗസ്ഥയും പാലാ സ്വദേശിനിയുമായ അർപ്പിത സെബാസ്റ്റ്യനാണ് വധു. തിരുവനന്തപുരത്ത് ഇന്നലെയായിരുന്നു വിവാഹനിശ്ചയം. താജ് വിവാന്റ ഹോട്ടലിൽ നടന്ന ചടങ്ങിൽ ഇരുവരുടെയും അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. സിനിമാക്കാരെ ചടങ്ങിലേക്ക് ക്ഷണിച്ചിരുന്നില്ല.

ഏപ്രിൽ ഏഴ് വെള്ളിയാഴ്ച കണ്ണൂരിലെ വാസവ ക്ലിഫ് ഹൗസിൽ വച്ചാണ് വിവാഹം. തുടർന്ന് പത്താം തീയ്യതി കൊച്ചി ഗോകുലം പാർക്ക് ഹോട്ടലിൽ സിനിമാമേഖലയിലെ സുഹൃത്തുക്കൾക്കായി റിസപ്ഷൻ ഏർപ്പെടുത്തിയിട്ടുണ്ട്. ധ്യാനും അർപ്പിതയും നേരത്തെ സുഹൃത്തുക്കളാണ്. പത്തുവർഷം നീണ്ട സൗഹൃദമാണ് വിവാഹത്തിലെത്തിയത്.

ചെന്നൈയിൽ പഠിക്കുന്ന കാലം തൊട്ടുള്ള സൗഹൃദം പ്രണയമായി വളർന്നു. ധ്യാനിന്റെ വീട്ടുകാർക്ക് അർപ്പിതയെ അറിയാമായിരുന്നതിനാൽ വിവാഹത്തിന് തടസങ്ങളൊന്നുമുണ്ടായില്ല. വിവാഹശേഷം കൊച്ചിയിൽ താമസിക്കാനാണ് ധ്യാനിന്റെ തീരുമാനം. സഹോദരൻ വിനീത് ശ്രീനിവാസൻ സംവിധാനം ചെയ്ത തിരയിലൂടയാണ് ധ്യാൻ അഭിനയരംഗത്ത് എത്തിയത്.

പിന്നീട് കുഞ്ഞിരാമായണം, അടി കപ്യാരെ കൂട്ടമണി തുടങ്ങിയ സിനിമകളിൽ അഭിനയിച്ചു. ഒരേ മുഖം എന്ന സിനിമയിലാണ് ഒടുവിൽ അഭിനയിച്ചത്. ധ്യാൻ സംവിധാനം ചെയ്യുന്ന സിനിമയുടെ ചിത്രീകരണം ഈ വർഷം ആരംഭിക്കും. നിവിൻ പോളിയും നയൻതാരയുമാണ് കേന്ദ്ര കഥാപാത്രങ്ങൾ.

Read more

വിസ്മയിപ്പിക്കുന്ന യുദ്ധരംഗങ്ങളുമായി 1971 ബിയോണ്ട് ബോർഡേഴ്‌സ് ട്രെയിലർ

മോഹൻലാലും മേജർ രവിയും ഒന്നിക്കുന്ന 1971 ബിയോണ്ട് ബോർഡേഴ്സ് എന്ന സിനിമയുടെ ട്രെയ്ലർ പുറത്തിറങ്ങി. മോഹൻലാലിന്റെ മാസ് ഡയലോഗുകളും വിസ്മയിപ്പിക്കുന്ന യുദ്ധരംഗങ്ങളും കോർത്തിണക്കിയതാണ് ട്രെയിലർ. 1.44 മിനിറ്റ് ദൈർഘ്യമുള്ള വീഡിയോയാണ് പുറത്തെത്തിയിരിക്കുന്നത്.

ഇന്ത്യാ പാക് യുദ്ധത്തിന്റെ പശ്ചാത്തലത്തിലാണ് ഈ ചിത്രം ഒരുക്കുന്നത്. മേജർ രവി ചിത്രങ്ങളിലെ 'മഹാദേവൻ' എന്ന കഥാപാത്രമായി മോഹൻലാൽ നാലാമതെത്തുന്ന ചിത്രമാണ് 1971. ചിത്രത്തിൽ മൂന്ന് ഗെറ്റപ്പുകളുണ്ട് മോഹൻലാലിന്. കേണൽ മഹാദേവന്റെ അച്ഛൻ സഹദേവനായും എത്തുന്നുണ്ട് ലാൽ.

ബിഗ് ബജറ്റിൽ ഒരുങ്ങുന്ന ചിത്രത്തിൽ രണ്ട് വ്യത്യസ്ത കാലഘട്ടങ്ങളിലാണ് കഥ പറയുന്നത്. 1971ലെ ഇന്ത്യപാക്കിസ്ഥാൻ യുദ്ധം ചിത്രീകരിക്കാൻ കലാസംവിധായകൻ സാലു കെ.ജോർജ്ജ് കൂറ്റൻ സെറ്റാണ് ഒരുക്കിയത്. ആക്ഷൻ ഡ്രാമാ സ്വഭാവത്തിലുള്ള സിനിമയിൽ തെലുങ്ക് താരം അല്ലു സിരിഷ്, അരുണോദയ് സിങ്, പ്രിയങ്കാ ചൗധരി, സമുദ്രക്കനി, രൺജി പണിക്കർ, സുധീർ കരമന, സൈജു കുറുപ്പ് എന്നിവരും അഭിനേതാക്കളാണ്.

ലാലിനൊപ്പം മോഹൻലാലിന്റെ ഭാര്യയായിട്ടാണ് ആശ ശരത്ത് എത്തുന്നത്. അല്ലു സരീഷും ശ്രുതിയും തമിഴ് പ്രണയ ജോഡികളായി അഭിനയിക്കുന്നു. അരുണോദയ് സിങ് പാക്കിസ്ഥാൻ സൈനിക മേധാവിയായിട്ടാണ് എത്തുന്നത്. രഞ്ജി പണിക്കർ, സുധീർ കരമന തുടങ്ങിയവരാണ് മറ്റ് കേന്ദ്ര കഥാപാത്രങ്ങൾ. ഏപ്രിലിൽ റിലീസ് ഏപ്രിൽ 7 ന് ചിത്രം റിലീസ് ചെയ്യും.

റെഡ് റോസ് ക്രിയേഷൻസിന്റെ ബാനറിൽ ഹനീഫ് മുഹമ്മദാണ് ചിത്രം നിർമ്മിക്കുന്നത്. സുജിത് വാസുദേവൻ ഛായാഗ്രാഹണവും സിദ്ദാർത്ഥ് വിപിൻ, നജീം അർഷാദ്, രാഹുൽ സുബ്രഹ്മണ്യൻ, ഗോപി സുന്ദർ എന്നിവർ ചേർന്ന് സംഗീത സംവിധാനവും നിർവ്വഹിക്കുന്നു.

Read more

പൃഥ്വിരാജും ഇന്ദ്രജിത്തും ഒന്നിക്കുന്ന ടിയാന്റെ തകർപ്പൻ ഇൻട്രൊഡക്ഷൻ ടീസർ പുറത്തിറങ്ങി

പൃഥ്വിരാജും ഇന്ദ്രജിത്തും ഒന്നിക്കുന്ന മൾടിസ്റ്റാർ ചിത്രം ടിയാന്റെ തകർപ്പൻ ഇൻട്രൊഡക്ഷൻ ടീസർ പുറത്തിറങ്ങി. കിടിലൻ ബാഗ് ഗൗണ്ട് സംഗീതത്തോടെയാണ് ടീസറെത്തി. ഉത്തരേന്ത്യയിൽ ചിത്രീകരിച്ച മികവുറ്റ ദൃശ്യങ്ങളോടെയുള്ള ടീസർ പൃഥ്വിരാജ് തന്റെ ഫേസ്‌ബുക്കിലൂടെ പുറത്തിറക്കിയത്.

അമാനുഷീകത മനുഷ്യനുമായി കൂടിച്ചേരുമ്പോൾ ഇതിഹാസങ്ങൾ ജനിക്കുന്നു എന്ന് കുറിപ്പോടെ തുടങ്ങുന്ന ടീസറിൽ ഉത്തരേന്ത്യയിലെ വരണ്ട പ്രതലങ്ങളിലൂടെ നായക കഥാപാത്രങ്ങൾ ഇരുവരെയും പരാജയപ്പെടുത്തുന്നതാണ് ഉള്ളടക്കം...വണ്ണം കൂട്ടി, കട്ടതാടിയുമായി ഇന്ദ്രജിത്ത് എത്തുമ്പോൾ, സാൾട്ട് ആന്റെ് പെപ്പർ ലുക്കിലാണ് പൃഥ്വിരാജ്. ...

മുരളി ഗോപിയുടെ തിരക്കഥയിൽ കൃഷ്ണകുമാറാണ് ചിത്രത്തിന്റെ സംവിധാനം. പൃഥ്വിരാജിനും ഇന്ദ്രജിത്തിനും പുറമെ ഷൈൻ ടോം, മുരളി ഗോപി, അനന്യ നായർ തുടങ്ങിയവർ മറ്റുകഥാപാത്രങ്ങളാകുന്നു. ഗോപി സുന്ദർ ആണ് സംഗീതം.മുംബൈ, പൂനൈ, ബദരീനാഥ് എന്നിവിടങ്ങളിലാണ് സിനിമയുടെ ചിത്രീകരണം.

2015 കുംഭമേളയിൽ നാസികിൽ ടിയാന്റെ ഏതാനും രംഗങ്ങൾ ചിത്രീകരിച്ചിരുന്നു. റെഡ് റോസ് ക്രിയേഷന്റെ ബാനറിൽ ഒരുങ്ങുന്ന ചിത്രത്തിന്റെ നിർമ്മാണം ഹനീഫ് മുഹമ്മദാണ്. 

Read more

ദുൽഖറിന്റെ "സിഐഎ" കോമ്രേഡ് ഇൻ അമേരിക്കയുടെ ടീസർ പുറത്തിറങ്ങി

മെക്സിക്കൻ അപാരതയ്ക്കു ശേഷം വീണ്ടും എറണാകുളം മഹാരാജാസ് കോളേജിലെ ക്യാമ്പസ് രാഷ്ട്രീയത്തിന്റെ ചോരത്തിളപ്പ് വെള്ളിത്തിരയിലെത്തിക്കുന്ന അമൽ നീരദ് സംവിധാനം ചെയ്യുന്ന സിഐഎ. കോമ്രേഡ് ഇൻ അമേരിക്കയുടെ ടീസർ പുറത്തിറങ്ങി. മഹാരാജിസിന്റെ രാഷ്ട്രീയം വ്യക്തമാക്കുന്നതാണ് ആദ്യ ടീസർ.

പൊലീസുകാരനോട് കട്ടക്കലിപ്പിൽ ഭീഷണി മുഴക്കുന്ന ദുൽഖർ സൽമാനാണ് ടീസറിലുള്ളത്. തന്റെ ഫേസ്‌ബുക്ക് പേജിലൂടെ ദുൽഖർ തന്നെയാണ് ടീസർ പുറത്തിറക്കിയത്. സാറ് പണ്ട് മഹാരാജാസ് കോളേജിലെ കെ.എസ്.യുക്കാരനായിരുന്നു അല്ലെ? അവിടുത്തെ എസ്.എഫ്.ഐ.ക്കാരുടെ ഇടി അവസാനത്തേതാണെന്ന് കരുതരുത് എന്ന് സുജിത് ശങ്കർ അവതരിപ്പിച്ച പൊലീസ് ഉദ്യോഗസ്ഥനോട് പറഞ്ഞ് കോളേജ് വരാന്തയിലൂടെ സ്‌റ്റൈലായി നടന്നു നീങ്ങുകയാണ് ടീസറിൽ ദുൽഖർ

പ്രണയവും തമാശയും വിപ്ലവവുമെല്ലാം ഒത്തുചേരുന്ന അമൽ നീരദ് ചിത്രം ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്. ചിത്രം മെയ് അഞ്ചിന് തീയേറ്ററുകളിലെത്തും.

Read more

പീറ്റർ എന്ന സിനിമയിൽ ഉമ്മന്‍ ചാണ്ടി വീണ്ടും ‘മുഖ്യമന്ത്രി’യാകുന്നു

കോട്ടയം: ഉമ്മൻ ചാണ്ടി വീണ്ടും മുഖ്യമന്ത്രിയായി. ഞായറാഴ്ച രാവിലെ പുതുപ്പള്ളി പള്ളിയിലെ കുർബാനയിൽ പങ്കെടുത്ത ശേഷം സിനിമയിൽ ഉമ്മൻ ചാണ്ടി നടനായി.

സൺപിക്‌ച്ചേഴ്‌സിന്റെ ബാനറിൽ സൈമണും അജ്‌ലിൻ എന്നിവർ ചേർന്ന് നിർമ്മിക്കുന്ന പീറ്റർ എന്ന സിനിമയിലാണ് പുതുപ്പള്ളിക്കാരുടെ കുഞ്ഞുഞ്ഞ് മുഖ്യമന്ത്രി വേഷം അണിഞ്ഞത്. ഞായറാഴ്ച രാവിലെ 7.30ന് പുതുപ്പള്ളി പള്ളിയുടെ മുൻപിലെ കൽകുരിശിങ്കൽ മെഴുകുതിരി തെളിച്ച് സിനിമയുടെ ഷൂട്ടിങ് തുടങ്ങി. ഞായറാഴ്ച പുതുപ്പള്ളി പള്ളിയിലെ ഉമ്മൻ ചാണ്ടി കുർബാനയ്ക്ക് എത്തുന്ന ഭാഗങ്ങളും പുതുപ്പള്ളിയിലെ നിവേദനത്തിരക്കും മറ്റുമാണ് ഷൂട്ട് ഇന്ന് ഷൂട്ട് ചെയ്തത്.

ന്യൂജനറേഷൻ ഫിച്ചർ സിനിമായാണെങ്കിലും ഉമ്മൻ ചാണ്ടി പതിവ് കുഞ്ഞുഞ്ഞ് ശൈലിയിൽ തന്നെയാണ് അഭിനയിക്കുന്നത്. കുട്ടികളുടെയും പരാതികളും വിക്ഷമതകളും കേട്ട് പരിഹാരം കാണുന്ന മുഖ്യമന്ത്രിയുടെ റോളാണ് ഉമ്മൻ ചാണ്ടിക്ക് ഉള്ളത്. കോഴിക്കോട്, ഡൽഹി, കുട്ടിക്കാനം, കോട്ടയം എന്നിവിടങ്ങളിലും പുതുപ്പള്ളിക്ക് പുറമെ ഷൂട്ടിങ് ഉണ്ട്. ചിത്രത്തിലെ രണ്ട് ഗാനങ്ങളും വനിതാ കമ്മീഷൻ അംഗം പ്രൊഫ. പ്രമളിദേവിയാണ് എഴുതുന്നത്.

രാഹുൽ നായർ മുംബൈയാണ് മ്യൂസിക്ക്. എബ്രഹാം മാത്യൂ,സി.കെ ശശി എന്നിവരുടെയാണ് തിരക്കഥ. രണ്ട്‌കോടി രൂപ മുതൽ മുടക്കിൽ നിർമ്മിക്കുന്ന ചിത്രം ഓണത്തോടനുബന്ധിച്ച് പുറത്തിറക്കാനാണ് ഉദേശിക്കുന്നത്. ഇനി അഞ്ച് ദിവസങ്ങിൽ കൂടി പുതുപ്പള്ളിയിലെ വിട്ടിലും പരിസരങ്ങളിലും ഷൂട്ടിങ് ഉണ്ടായിരിക്കും.

Read more

മലയാളത്തിലെ ഏറ്റവും വലിയ ബജറ്റിൽ മോഹന്‍ലാലിന്‍റെ "ഒടിയന്‍" വരുന്നു

തിരുവനന്തപുരം: മലയാളത്തിലെ ഏറ്റവും ചിലവേറിയ ചിത്രം മോഹന്‍ലാലിന്റെ 'ഒടിയന്‍'എത്തുന്നു. മായികക്കാഴ്ചകള്‍ സമ്മാനിക്കുന്ന ഈ ബ്രഹ്മാണ്ഡ ചിത്രം ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മിക്കുന്നത്. മോഹന്‍ലാലിന്റെ അഭിനയജീവിതത്തിലെ ഏറ്റവും ശക്തമായ കഥാപാത്രങ്ങളിലൊന്നായി മാറുകയാണ് 'ഒടിയന്‍'. 

ലാലിന്റെ അത്യുജ്ജ്വല അഭിനയമൂഹൂര്‍ത്തങ്ങളും ആക്ഷന്‍രംഗങ്ങളുമാകും ഇതിന്റെ പ്രത്യേകത. ശതകോടികള്‍ മുടക്കിയൊരുക്കുന്ന 'രണ്ടാമൂഴം'എന്ന ഇതിഹാസ സിനിമയ്ക്കുമുമ്പ് പ്രശസ്ത പരസ്യ ചിത്ര സംവിധായകന്‍ വി.എ.ശ്രീകുമാര്‍ മേനോന്‍ സംവിധാനം ചെയ്യുന്ന ചിത്രമാണ്  'ഒടിയന്‍'. ദേശീയഅവാര്‍ഡ് നേടിയ തിരക്കഥാകൃത്തും പത്രപ്രവര്‍ത്തകനുമായ ഹരികൃഷ്ണനാണ് തിരക്കഥ. 
മലയാളികള്‍ നെഞ്ചിലേറ്റിയ പ്രിയതാരം മഞ്ജുവാര്യരാണ് അനശ്വരമായ നായികാ കഥാപാത്രത്തെ അവതരിപ്പിക്കുന്നത്. ശക്തനായ പ്രതിനായക കഥാപാത്രത്തെ അവതരിപ്പിക്കുന്നത് തെന്നിന്ത്യന്‍ സിനിമയിലെ കരുത്തുറ്റ നടന്‍ പ്രകാശ് രാജ് ആണ്. ബോളിവുഡില്‍നിന്നുള്ള ഒരു വമ്പന്‍താരവും ചിത്രത്തിലെ സുപ്രധാനകഥാപാത്രത്തെ അവതരിപ്പിക്കാനെത്തും.

ചിത്രത്തിന്റെ അണിയറയില്‍ ഇന്ത്യന്‍സിനിമയിലെ കരുത്തുറ്റ സാങ്കേതികവിദഗ്ദ്ധരാണ്. സാബുസിറിലാണ് പ്രൊഡക്ഷന്‍ ഡിസൈന്‍. ആക്ഷന്‍രംഗങ്ങളൊരുക്കുന്നത് ഇന്ത്യന്‍ സിനിമയിലെ ത്രസിപ്പിക്കുന്ന ആക്ഷന്‍ കൊറിയോഗ്രാഫര്‍ പീറ്റര്‍ഹെയ്ന്‍ ആണ്. ഷാജികുമാറാണ് ഒടിയനെ ക്യാമറയില്‍ പകര്‍ത്തുക. ശ്രീകര്‍ പ്രസാദാണ് എഡിറ്റിങ്. എം.ജയചന്ദ്രന്‍ സംഗീതമൊരുക്കുന്നു. ലക്ഷ്മി ശ്രീകുമാറിന്റേതാണ് ഗാനരചന.  

ബാഹുബലി, കമീനേ,റങ്കൂണ്‍ എന്നിവയുടെ സൗണ്ട് ഡിസൈനര്‍ സതീഷാണ് ചിത്രത്തിന്റെ ശബ്ദലേഖനം. ഗോകുല്‍ദാസാണ് കലാസംവിധായകന്‍. സിദ്ധു പനയ്ക്കല്‍, സജി കെ ജോസഫ് എന്നിവരാണ് പ്രൊഡക്ഷന്‍ കണ്‍ട്രോളര്‍മാര്‍. 
ഇന്ത്യന്‍ സിനിമ ഇന്നേവരെ കാണാത്ത വിഷ്വല്‍ ഇഫക്ടുകളുടെ അനന്യാനുഭവമാകും 'ഒടിയന്‍'സമ്മാനിക്കുക. വി.എഫ്.എക്‌സിനുവേണ്ടി  ഏറ്റവും കൂടുതല്‍ തുക ചെലവിടുന്ന ചിത്രവുമാകും ഇത്. വിദേശസാങ്കേതികവിദഗ്ദ്ധരാണ് വി.എഫ്.എക്‌സ് രംഗങ്ങളൊരുക്കുക. മെയ്25ന് ചിത്രീകരണം തുടങ്ങുന്ന 'ഒടിയന്റെ' പ്രധാന ലൊക്കേഷനുകള്‍ പാലക്കാട്, തസറാക്ക്, ഉദുമല്‍പേട്ട്, പൊള്ളാച്ചി, ബനാറസ്,ഹൈദരാബാദ് എന്നിവിടങ്ങളാണ്.

Read more

ബിജു മേനോൻ ഇന്ദ്രജിത്ത് കൂട്ടുകെട്ടിൽ ഒരുങ്ങുന്ന ലക്ഷ്യത്തിന്റെ ഫസ്റ്റ് ലുക്ക് പുറത്തുവിട്ടു

ഇന്ദ്രജിത്തും ബിജു മേനോനും പ്രധാന വേഷത്തിലെത്തുന്ന ലക്ഷ്യത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു. ജിത്തു ജോസഫിന്റെ തിരക്കഥയിൽ ഒരുങ്ങുന്നത് ത്രില്ലർ മൂവിയായാണ് ലക്ഷ്യമെത്തുക. നവാഗതനായ അൻസർ ഖാനാണ് ലക്ഷ്യം സംവിധാനം ചെയ്യുന്നത്. അതി ജീവനത്തിനായി ഒരുമിച്ച് നില്ക്കുന്നുവെന്നതാണ് ചിത്രത്തിന്റെ ടാഗ് ലൈൻ

പൂയം കുട്ടി വനത്തിൽ വച്ചാണ് ചിത്രത്തിന്റെ കൂടുതൽ ഭാഗവും ചിത്രീകരിക്കുന്നത്.രണ്ടു കുറ്റവാളികളുടെ വനത്തിലൂടെയുള്ള യാത്രയാണ് ലക്ഷ്യത്തിന്റെ പ്രധാന സവിശേഷത.ചേരിനിവാസിയായാണ് ബിജു മേനോൻ ചിത്രത്തിൽ വേഷമിടുന്നത്. പീരുമേട് നിന്നും എറണാകുളത്തേക്കുള്ള യാത്രയ്ക്കിടയിൽ സംഭവിക്കുന്ന കാര്യങ്ങളാണ് ലക്ഷ്യം പറയുന്നത്. ടെക്കിയുടെ വേഷത്തിലാണ് ഇന്ദ്രജിത്ത് പ്രത്യക്ഷപ്പെടുന്നത്.

സംസ്ഥാന അവാർഡ് നേടിയ മുഖാമുഖം എന്ന ടെലിഫിലിമിനെ ആസ്പദമാക്കിയാണ് ചിത്രത്തിന്റെ തിരക്കഥ തയ്യാറാക്കിയിട്ടുള്ളത്. രണ്ടു കഥാപാത്രങ്ങളും ഭൂതകാലത്തിൽ നിന്ന് വർത്തമാന കാലത്തിലേക്ക് മാറുന്നതും ചിത്രത്തിൽ കാണാം. ശിവദയാണ് ചിത്രത്തിൽ നായികയായി എത്തുന്നത്.

Read more

നിവിന്‍പോളിയുടെ "സഖാവ്"- ടീസര്‍ പുറത്തിറങ്ങി

കൊച്ചി: നിവിൻ പോളി നായകനായി അഭിനയിക്കുന്ന സഖാവ് എന്ന ചിത്രത്തിന്റെ ടീസർ പുറത്തിറങ്ങി. ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്ന നിവിൻപോളിയുടെ ഫേസ്‌ബുക്ക് പേജിലൂടെയാണ് ടീസർ പുറത്തിറക്കിയത്. ടീസർ പുറത്തിറങ്ങി അരമണിക്കൂറിനുള്ളിൽ ഒരു ലക്ഷത്തിലേറെ പേർ കണ്ടുകഴിഞ്ഞു.

ദേശീയ അവാർഡ് ജേതാവ് സിദ്ദാർത്ഥ് ശിവ സംവിധാനം ചെയ്യുന്ന ചിത്രത്തിൽ സഖാവ് കൃഷ്ണകുമാർ എന്ന കഥാപാത്രത്തെയാണ് നിവിൻപോളി അവതരിപ്പിച്ചിരിക്കുന്നത്. തന്നിലേക്ക് അലിഞ്ഞ് ചേർന്ന് കഴിഞ്ഞ സഖാവ് കൃഷ്ണകുമാർ എന്ന കഥാപത്രം പ്രേക്ഷകർക്കും പ്രിയങ്കമാകും എന്നുറപ്പുണ്ടെന്ന് അടിക്കുറിപ്പോടെയാണ് നിവിൻ പോളി ടീസർ പോസ്റ്റ് ചെയ്തിരിക്കുന്നത്.

ചിത്രത്തിൽ ശ്രീനിവാസൻ, മണിയൻപിള്ള രാജു, രജ്ഞി പണിക്കർ, കെപിഎസ്‌സി ലളിത എന്നിവർ അണിനിരക്കുന്നു. ജോമോന്റെ സുവിശേഷത്തിലൂടെ മലയാള സിനിമയിൽ അരങ്ങേറ്റം കുറിച്ച ഐശ്വര്യ രാജേഷാണ് ചിത്രത്തിൽ നായികയായി എത്തുന്നത്. യൂണിവേഴ്സൽ സിനിമയുടെ ബാനറിൽ ബി.രാജേഷാണ് ചിത്രം നിർമ്മിക്കുന്നത്. ഏപ്രിൽ 14ന് ചിത്രം തിയേറ്ററുകളിൽ എത്തും.

Read more

""ടേക് ഓഫി""ന്റെ പുതിയ ട്രെയിലർ പുറത്തിറങ്ങി

കൊച്ചി: ''ടേക് ഓഫി''ന്റെ പുതിയ ട്രെയിലർ പുറത്തിറങ്ങി. ആസിഫ് അലിയുടെ കഥാപാത്രത്തെ പരിചയപ്പെടുത്തുന്ന ട്രെയിലറാണിത്. എഡിറ്റർ മഹേഷ് നാരായണനാണ് ചിത്രത്തിന്റെ സംവിധായകൻ.

ആദ്യ ട്രെയിലർ പോലെ തന്നെ സംഘർഷഭരിതമായ മുഹൂർത്തങ്ങളാണ് പുതിയതിലുമുള്ളത്. കുഞ്ചാക്കോ ബോബൻ, ഫഹദ് ഫാസിൽ, പാർവതി, ആസിഫ് അലി എന്നിവർ മുഖ്യവേഷങ്ങളിലെത്തുന്ന ചിത്രത്തിന്റെ തിരക്കഥ സംവിധായകനും പി.വി.ഷാജികുമാറും ചേർന്നാണ് എഴുതിയിരിക്കുന്നത്.

സനു ജോൺ വർഗീസ് ഛായാഗ്രഹണവും ഷാൻ റഹ്മാൻ സംഗീത സംവിധാനവും നിർവഹിച്ചിരിക്കുന്നു. രാജേഷ് പിള്ള ഫിലിംസ് ഇന്റർനാഷണൽ ഫിലിംസും ആന്റോ ജോസഫ് ഫിലിം കമ്പനിയും ചേർന്നാണ് ചിത്രം നിർമ്മിച്ചിരിക്കുന്നത്. 24നാണ് ടേക് ഓഫ് തിയറ്ററുകളിലെത്തുന്നത്.

Read more

ബാഹുബലി രണ്ടാം ഭാഗത്തിന്റെ ട്രെയിലർ പുറത്തിറങ്ങി

പ്രേക്ഷകർ ആകാംക്ഷയോടെ കാത്തിരുന്ന ബാഹുബലി രണ്ടാം ഭാഗത്തിന്റെ ട്രെയിലർ പുറത്തിറങ്ങി. പ്രേക്ഷകരെ ആവേശത്തിന്റെ മുൾമുനയിൽ നിർത്തുന്ന ട്രെയിലറാണ് പുറത്തിറങ്ങിയിരിക്കുന്നത്. പ്രധാനകഥാപാത്രങ്ങളായ പ്രഭാസിന്റെയും റാണ ദഗുബതിയുടെയും പോരാട്ടം തന്നെയാണ് പ്രധാനആകർഷണം.

ആന്ധ്രയിലും തെലങ്കാനയിലും ഉൾപ്പടെ 250-300 സ്‌ക്രീനുകളിലാണ് ട്രെയിലർ പ്രദർശിപ്പിച്ചത്്. രണ്ട് മിനിറ്റ് 20 സെക്കന്റ് ദൈർഘ്യമുള്ള ട്രെയിലറിൽ ത്രസിപ്പിക്കുന്ന യുദ്ധരംഗങ്ങളാണ് ഉൾപ്പെടുത്തിയിരിക്കുന്നത്..

പ്രേക്ഷകരെ ആവേശത്തിന്റെ മുൾമുനയിൽ നിർത്തിയാണ് സിനിമയുടെ ആദ്യഭാഗം സംവിധായകൻ എസ് എസ് രാജമൗലി അവസാനിപ്പിച്ചത്. പ്രഭാസ്, റാണ ദഗ്ഗുബാട്ടി, അനുഷ്‌ക ഷെട്ടി, തമന്ന, സത്യരാജ്, രമ്യാ കൃഷ്ണൻ. നാസർ എന്നിവരാണ് ചിത്രത്തിൽ പ്രധാന വേഷങ്ങൾ അവതരിപ്പിക്കുന്നത്.

നേരത്തെ ട്രെയിലറിന്റെ പ്രമൊവിഡിയോ അണിയറപ്രവർത്തകർ പുറത്തിറക്കിയിരുന്നു. ചോര ഒലിക്കുന്ന മുഖവുമായുള്ള പ്രഭാസിനെയാണ് വിഡിയോയിൽ കാണിച്ചിരുന്നത്.

Read more

ഗ്രേറ്റ് ഫാദറിന്റെ രണ്ടാം ടീസർ പുറത്ത്

മമ്മൂട്ടി ആരാധകരിൽ കാത്തിരിപ്പേറെയുള്ള ചിത്രമാണ് 'ദി ഗ്രേറ്റ് ഫാദർ'. സോഷ്യൽ മീഡിയയിൽ തരംഗമായിരുന്നു ഈ ചിത്രത്തിന്റെ ആദ്യ ടീസർ. റെക്കോർഡിട്ട ആദ്യ ടീസറിന് ശേഷം രണ്ടാം ടീസറും പുറത്തുവന്നു. നവാഗതനായ ഹനീഫ് അദേനി സംവിധാനം ചെയ്യുന്ന ചിത്രത്തിൽ ഡേവിഡ് നൈനാൻ എന്ന സ്‌റ്റൈലിഷ് ലുക്കിലെത്തുന്ന കഥാപാത്രമാണ് മമ്മൂട്ടി.

പൃഥ്വിരാജ് ചിത്രം 'എസ്ര'യ്ക്കൊപ്പം തീയേറ്ററുകളിലാണ് 'ഗ്രേറ്റ് ഫാദറി'ന്റെ ആദ്യടീസർ എത്തിയത്. പിന്നാലെ ഫേസ്‌ബുക്കിലും ടീസർ തരംഗം തീർത്തു. ഫേസ്‌ബുക്കിന്റെ ക്രോസ്പോസ്റ്റിങ് സംവിധാനത്തിലൂടെ മലയാളസിനിമയിൽ പുറത്തുവിട്ട ആദ്യടീസറുമായിടുന്നു ടിജിഎഫിന്റേത്. ഇപ്പോഴിതാ ചിത്രത്തിന്റെ രണ്ടാം ടീസർ പുറത്തെത്തിയിരിക്കുകയാണ്.

ബേബി അനിഘ അവതരിപ്പിക്കുന്ന ഡേവിഡ് നൈനാന്റെ മകളുടെ വിവരണത്തിലാണ് രണ്ടാം ടീസർ. അച്ഛൻ മുംബൈ അധോലോകത്തിൽ പലരെയും വിറപ്പിക്കുന്ന ആളെന്ന നിലയിൽ സുഹൃത്തുക്കളോടുള്ള വിവരണമാണ് ടീസറിൽ. മാർച്ച് 30നാണ് സിനിമയുടെ റിലീസിങ്. 

Read more

പ്രശസ്ത സംവിധായകൻ ദീപൻ അന്തരിച്ചു

കൊച്ചി: മലയാള പ്രശസ്ത സംവിധായകൻ ദീപൻ (47) അന്തരിച്ചു. വൃക്കരോഗത്തെത്തുടർന്ന് ദീർഘ നാളായി ചികിത്സയിലായിരുന്നു അദ്ദേഹരം. ആശുപത്രികളിൽ കിടത്തിചികിത്സയ്ക്ക് ശേഷം അടുത്തിടെയാണ് അദ്ദേഹം വീട്ടിലേക്ക് പോയത്. രോഗം മൂർച്ഛിച്ചതിനെ തുടർന്ന് ഇന്നലെ രാത്രി വീണ്ടും ആശുപത്രിയിൽ പ്രവേശിപ്പിച്ചെങ്കിലും ഇന്ന് രാവിലെ അന്ത്യം സംഭവിക്കുകയായിരുന്നു. സംസ്‌ക്കാരം പിന്നീട് തിരുവനന്തപുരത്ത് നടക്കും.

ഇടയ്ക്ക് നില മെച്ചപ്പെട്ട് ജീവിതത്തിലേക്ക് തിരിച്ചുവരുന്നതിന്റെ സൂചനകൾ നൽകിയെങ്കിലും ദിവസങ്ങൾക്ക് മുൻപ് നില മോശമായി. ഇന്ന് രാവിലെ 11 മണിക്ക് ശേഷമാണ് ആശുപത്രിവൃത്തങ്ങൾ മരണം ഔദ്യോഗികമായി സ്ഥിരീകരിച്ചത്. മൃതദേഹം കൊച്ചിയിൽ പൊതുദർശനത്തിന് വെക്കുന്നതിനെക്കുറിച്ച് ചലച്ചിത്രപ്രവർത്തകരും ബന്ധുക്കളും ആലോചിക്കുന്നുണ്ട്.

2003 ലീഡർ എന്ന ചിത്രത്തിലൂടെയാണ് സ്വതന്ത്രസംവിധായകനായി ദീപൻ അരങ്ങേറ്റം കുറിച്ചത്. പൃഥിരാജ് നായകനായ പുതിയമുഖം എന്ന ചിത്രത്തിലൂടെയാണ് ശ്രദ്ധിക്കപ്പെട്ടത്. ഷാജി കൈലാസിന്റെ സഹായിയാണ് ദീപൻ സിനിമയിൽ സജീവമാകുന്നത്. ആറാം തമ്പുരാൻ, എഫ് ഐ ആർ, വല്യേട്ടൻ, നരസിംഹം തുടങ്ങിയ സിനിമകളിൽ പ്രവർത്തിച്ചു. പിന്നീട് 2003ൽ സായികുമാറിനെ പ്രധാനകഥാപാത്രമാക്കി ദ് കിങ് മേക്കർ ലീഡർ എന്ന പൊളിറ്റിക്കൽ സിനിമ ഒരുക്കി.

2009ൽ പുറത്തിറങ്ങിയ പൃഥ്വിരാജ് ചിത്രം പുതിയമുഖം ദീപനെ പ്രമുഖ സംവിധായകരുടെ നിരയിലേക്ക് ഉയർത്തി. പൃഥ്വിരാജിന്റെ സിനമാ ജീവിതത്തിലെ വഴിത്തിരിവായ ചിത്രമായിയിരുന്നു പുതിയമുഖം. ത്രില്ലർ ഗണത്തിലുള്ള സിനിമകളാണ് അദ്ദേഹം എടുത്തിരുന്നത്. ഹീറോ, ഡി-കമ്പനി, സിം, ഡോൾഫിൻ ബാർ എന്നീ ചിത്രങ്ങളും അദ്ദേഹം സംവിധാനം ചെയ്തിട്ടുണ്ട്. എ.കെ.സാജന്റെ തിരക്കഥയിൽ ജയറാമിനെ നായകനാക്കി ഒരുക്കുന്ന 'സത്യ' എന്ന ചിത്രത്തിന്റെ പണിപ്പുരയിലായിരുന്നു അദ്ദേഹം. ഇതിനിെയാണ് അന്ത്യം സംഭഴിച്ചത്.

സുരേഷ് ഗോപി നായകനായ ഡോൾഫിൻ ബാർ ആണ് അദ്ദേഹം അവസാനമായി സംവിധാനം ചെയ്ത ചിത്രം

Read more

കഹാനിയുടെ മലയാളം പതിപ്പിൽ മഞ്ജു വാര്യർ

കൊച്ചി: ബോളിവുഡിൽ സൂപ്പർഹിറ്റായ സിനിമ കഹാനി മലയാളത്തിലേക്കും. വിദ്യാ ബാലന്റെ അഭിനയ മികവായിരുന്നു ഈ സിനിമയുടെ ഹൈലൈറ്റ്. ഒരു സ്ത്രീ തന്റെ ജീവിതത്തിലുണ്ടാകുന്ന ദുരവസ്ഥയെ ഇച്ഛാശക്തികൊണ്ട് അതിജീവിക്കാൻ പഠിപ്പിക്കുകയായിരുന്നു സിനിമയിലൂടെ.

കഹാനിയിൽ വിദ്യ ചെയ്ത കഥാപാത്രം മലയാളത്തിൽ മഞ്ജു വാര്യർ ആയിരിക്കും അവതരിപ്പിക്കുക എന്നാണ് വാർത്തകൾ. ഗർഭിണിയായ യുവതി നഗരത്തിൽ നിന്നു കാണാതെയാവുന്ന ഭർത്താവിനെ തേടിയിറങ്ങുന്നതാണ് ചിത്രത്തിന്റെ ഇതിവൃത്തം. നേരത്തെ മലയാളത്തിൽ ആമിയിൽ വിദ്യാ ബാലൻ അഭിനയിക്കുമെന്ന സൂചനയുണ്ടായിരുന്നു. പിന്നീട് പിന്മാറി. ഈ റോളിൽ എത്തുന്നതും മഞ്ജു വാര്യരാണ്. അതായത് ആമിയിൽ വിദ്യാബാലന് വേണ്ടി കരുതിയ മാധവിക്കുട്ടിയെ അഭിനയിക്കാൻ മഞ്ജു എത്തുന്നു. ഇപ്പോൾ വിദ്യാ ബാലൻ തകർത്തഭിനയിച്ച ഹിന്ദി സിനിമയിലെ മലയാള പതിപ്പിലും മഞ്ജു. അങ്ങനെ വിദ്യാബാലന് പകരക്കാരിയാവുകയാണ് മഞ്ജു

കഹാനിയിലെ യുവതിയെ സഹായിക്കാനെത്തുന്നത് പൊലീസ് ഓഫീസാറാണ്. മലയാളത്തിൽ ആ വേഷം ചെയ്യുന്നത് കുഞ്ചോക്കോ ബോബനാകുമെന്നാണ് സൂചന. ചിത്രത്തിൽ മഞ്ജുവിന്റെ ഭർത്താവായി എത്തുന്നത് അനൂപ് മോനോനാണ്. അറബൻ അഖ മിലൻ ആണ് ചിത്രത്തിൽ വിദ്യയുടെ ഭർത്താവായി എത്തുന്നത്.

Read more

നടി ഭാവനയുടെ വിവാഹനിശ്ചയം കഴിഞ്ഞു

കൊച്ചി: മലയാളത്തിലെ  മുൻനിര നായിക ഭാവനയുടെ വിവാഹനിശ്ചയം കഴിഞ്ഞു. പ്രമുഖ കന്നട നിർമ്മാതാവും ബിസിനസ്സുകാരനുമായ നവീനാണ് വരൻ. ആഡംബരമൊഴിവാക്കി കൊച്ചിയിൽ നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. എന്നും ഒപ്പംനിന്ന പ്രിയകൂട്ടുകാരി മഞ്ജു വാര്യർ മാത്രമാണ് സിനിമാ മേഖലയിൽനിന്ന് പങ്കെടുത്ത പ്രമുഖ വ്യക്തിത്വം.

വിവാഹം ഉടനുണ്ടാകില്ലെന്നാണ് ഭാവനയോട് അടുത്ത വൃത്തങ്ങൾ നല്കുന്ന സൂചന. ഭാവനയുടെ കുടുംബാംഗങ്ങൾക്കെല്ലാം സുപരിചിതനാണ് നവീൻ. ഇടയ്ക്കിടെ തൃശൂരിൽ സന്ദർശനം നടത്താറുള്ള ഇദ്ദേഹവുമായി നല്ല ബന്ധമാണ് എല്ലാവർക്കുമുള്ളത്.

2014ൽ വിവാഹിതരാകാനായിരുന്നു പദ്ധതിയെങ്കിലും വളരെ മുൻപ് പല സിനിമകൾക്കും ഡേറ്റ് നൽകിയതിനാൽ തിരക്കുമൂലം കഴിഞ്ഞില്ല. ആ വർഷം വർഷം സെപ്റ്റംബറിൽ ഭാവനയുടെ അച്ഛന്റെ ആകസ്മികമായ വിയോഗവും വിവാഹം നീണ്ടുപോകാൻ കാരണമായി. 2015 ജനുവരിയിൽ വിവാഹം നടത്താനിരിക്കുമ്പോൾ നവീന്റെ അ്മ്മ മരിച്ചു. ഇങ്ങനെ വിവാഹം നീണ്ടുപോകുകയായിരുന്നു.

ഹണി ബീ 2വാണ് ഭാവനയുടേതായി പുറത്തിറങ്ങാൻ പോകുന്ന പുതിയ ചിത്രം. പൃഥ്വിരാജിന്റെ പുതിയ സിനിമയായ ആദത്തിലും ഭാവനയാണ് നായിക. മലയാളത്തിൽ തരംഗമായ മാർട്ടിൻ പ്രക്കാട്ട് ദുൽഖർ ചിത്രം ചാർലിയുടെ തെലുങ്ക് പതിപ്പിലും ഭാവനയാണ് നായികയെന്നാണ് സൂചന.

2002ൽ സംവിധായകൻ കമലിന്റെ നമ്മളിലൂടെ മലയാള സിനിമയിലെത്തിയ ഭാവന 15 വർഷം നീണ്ട <br/>സിനിമ ജീവിതത്തിനിടയിൽ ദക്ഷിണേന്ത്യയിലെ നാലുഭാഷകളിലായി 65 ലേറെ ചിത്രങ്ങളിൽ അഭിനയിച്ചു.ആദ്യ സിനിമയിൽ തന്നെ കേരള സംസ്ഥാനസർക്കാരിന്റെ പ്രത്യേക ജൂറി പരാമർശം കരസ്ഥമക്കി. നമ്മളും ഭാവനയുടെ പരിമളവും കേരളത്തിൽ വൻ ഹിറ്റായപ്പോൾ നിരവധി ഓഫറുകളാണ് ലഭിച്ചത്.

ശ്യാമപ്രസാദിന്റെ ഇവിടെ, ഒഴിമുറി തുടങ്ങിയ വ്യത്യസ്തമായ സിനിമകളിൽ പങ്കാളിയാകുമ്പോഴും ഹണിബിയും ഏഴാമത്തെ രാവുമെല്ലാം ചെയ്തിരുന്നു. ദൈവനാമത്തിൽ എന്ന ചിത്രത്തിലൂടെ 2005ൽ കേരള സംസ്ഥാനസർക്കാരിന്റെ മികച്ച രണ്ടാമത്തെ നടിക്കുള്ള പുരസ്‌കാരവും ലഭിച്ചിരുന്നു.

Read more

മോഹൻലാൽ - ബി ഉണ്ണികൃഷ്ണൻ ടീമിന്റെ "വില്ലൻ" ഫസ്റ്റ് ലുക്ക് പോസ്റ്റർ പുറത്തിറങ്ങി

മോഹൻലാലിനെ നായകനാക്കി ബി ഉണ്ണികൃഷ്ണൻ സംവിധാനം ചെയ്യുന്ന ബിഗ് ബജറ്റ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവന്നു. വില്ലൻ എന്നു പേരിട്ട ചിത്രത്തിന്റെ ഫസ്റ്റ് ലുക്ക് പോസ്റ്റർ മോഹൻലാൽ ഫേസ്‌ബുക്ക് പേജിലൂടെയാണ് പുറത്തുവിട്ടത്.

ഗുഡ് ഈസ് ബാഡ്, ഇതാണ് സിനിമയുടെ ടാഗ് ലൈൻ. ചിത്രത്തിൽ പ്രതിനായക സ്വഭാവമുള്ള കേന്ദ്രകഥാപാത്രമായിരിക്കും മോഹൻലാലിന്റേതെന്ന് സിനിമ സൂചന നൽകുന്നു. മോഹൻലാൽ സർവീസിൽ നിന്ന് പിൻവാങ്ങിയ പൊലീസ് ഓഫീസറുടെ റോളിലാണ് അഭിനയിക്കുന്നതെന്നാണ് റിപ്പോർട്ടുകൾ.

ജനതാ ഗാരേജിലെ ലുക്കിനോട് അടുത്തു നിൽക്കുന്ന സോൾട്ട് ആൻഡ് പെപ്പർ ലുക്കാണ് സിനിമയിലേത്. മാടമ്പി, ഗ്രാൻഡ്മാസ്റ്റർ, മിസ്റ്റർ ഫ്രോഡ് എന്നീ സിനിമകൾക്ക് ശേഷം ബി ഉണ്ണിക്കൃഷ്ണൻ രചനയും സംവിധാനവും നിർവഹിക്കുന്ന മോഹൻലാൽ ചിത്രമാണ് വില്ലൻ.

മഞ്ജു വാര്യരാണ് നായിക. തമിഴ് താരം വിശാൽ, തെലുങ്ക് നടൻ ശ്രീകാന്ത്, ചെമ്പൻ വിനോദ് ജോസ്, സിദ്ദീഖ്, അജു വർഗ്ഗീസ് എന്നിവരും ചിത്രത്തിലുണ്ട്. പീറ്റർ ഹെയിനും സ്റ്റണ്ട് സിൽവയുമാണ് ആക്ഷൻ കൊറിയോഗ്രഫി. വി എഫ് എക്സിന് പ്രാധാന്യം നൽകുന്ന ത്രില്ലർ കൂടിയാണ് വില്ലൻ. ബോളിവുഡിലെ മുൻനിര നിർമ്മാതാവായ റോക്ക് ലൈൻ വെങ്കിടേഷാണ് നിർമ്മാണം. തിരുവനന്തപുരത്ത് ഇപ്പോൾ ചിത്രീകരണം പുരോഗമിക്കുന്ന വില്ലൻ വാഗമണ്ണിലും കൊച്ചിയിലും ചിത്രീകരിക്കും. മനോജ് പരമഹംസയാണ് ക്യാമറ. ഒപ്പം എന്ന സിനിമയുടെ സംഗീതമൊരുക്കിയ മ്യൂസിക് ഫോർ ആണ് സംഗീത സംവിധാനം

Read more

മികച്ച നടൻ വിനായകൻ, നടി രജീഷ വിജയൻ, ചിത്രം മാൻഹോൾ; വിധു വിൻസെന്റ് സംവിധായിക

തിരുവനന്തപുരം: നാൽപ്പത്തിയേഴാമത് സംസ്ഥാന ചലച്ചിത്ര അവാർഡുകൾ പ്രഖ്യാപിച്ചു. കമ്മട്ടിപ്പാടം എന്ന ചിത്രത്തിലെ അഭിനയത്തിന് വിനായകനെ മികച്ച നടനായും അനുരാഗ കരിക്കിൻ വെള്ളം എന്ന ചിത്രത്തിലെ അഭിനയത്തിന് രജീഷ വിജയനെ മികച്ച നടിയായും തെരഞ്ഞെടുത്തു. വിധു വിൻസന്‍റ് ഒരുക്കിയ മാൻ ഹോൾ മികച്ച ചിത്രമായി തെരഞ്ഞെടുത്തു. മികച്ച സംവിധായകനുള്ള പുരസ്കാരവും വിധു വിൻസന്‍റ് തന്നെ നേടി. ഒറ്റയാൾ പാതയാണ് മികച്ച രണ്ടാമത്തെ ചിത്രം. സന്തോഷ് ബാബു സേനൻ, സതീഷ് ബാബു സേനൻ എന്നിവർ ചേർന്നാണ് ഈ ചിത്രം ഒരുക്കിയത്. കലാമൂല്യവും ജനപ്രീതിയുമുള്ള ചിത്രമായി മഹേഷിന്‍റെ പ്രതികാരം തെരഞ്ഞെടുക്കപ്പെട്ടു. മലയാളത്തിൽ ആദ്യമായി നൂറുകോടി കളക്ഷൻ നേടിയ പുലിമുരുകൻ എന്ന ചിത്രത്തിന് അവാർഡ് ഒന്നും ലഭിച്ചിട്ടില്ല. സിനിമ മന്ത്രി എ.കെ.ബാലൻ തിരുവനന്തപുരത്താണ് അവാർഡുകൾ പ്രഖ്യാപിച്ചത്.

കിസ്മത്ത് ഒരുക്കിയ ഷാനവാസ് കെ.ബാവക്കുട്ടിയാണ് മികച്ച നവാഗത സംവിധായകൻ. കമ്മിട്ടിപ്പാടം എന്ന ചിത്രത്തിലെ അഭിനയത്തിന് മണികണ്ഠൻ ആചാരിയെ മികച്ച സ്വഭാവ നടനായും ഒലപ്പീപ്പിയിലെ അഭിനയത്തിന് കാഞ്ചനയെ മികച്ച സ്വഭാവ നടിയായും തെരഞ്ഞെടുത്തു. കാംബോജിയിലെ ഗാനരചന നിർവഹിച്ച ഒ.എൻ.വി.കുറുപ്പാണ് മികച്ച ഗാനരചയിതാവ്. ചിത്രത്തിലെ ഗാനങ്ങൾക്ക് സംഗീതം നൽകിയ എം.ജയചന്ദ്രൻ മികച്ച സംഗീയ സംവിധായകനുമായി

കറുത്ത ജൂതൻ എന്ന ചിത്രത്തിന് കഥയൊരുക്കിയ സലിംകുമാർ മികച്ച കഥാകൃത്തായി തെരഞ്ഞെടുക്കപ്പെട്ടു. കാട് പൂക്കുന്ന നേരം എന്ന ചിത്രത്തിലെ മനോഹര ദൃശ്യങ്ങൾ ഒപ്പിയെടുത്ത എം.ജെ.രാധാകൃഷ്ണൻ മികച്ച ഛായാഗ്രാഹകനായി. മഹേഷിന്‍റെ പ്രതികാരം എന്ന ചിത്രത്തിന്‍റെ രചന നിർവഹിച്ച ദിലീഷ് പോത്തൻ മികച്ച തിരക്കഥാകൃത്തിനുള്ള പുരസ്കാരം സ്വന്തമാക്കി.

കോലു മിഠായി മികച്ച കുട്ടികളുടെ ചിത്രമായി തെരഞ്ഞെടുക്കപ്പെട്ടു. സ്റ്റെഫി സേവ്യർ മികച്ച വസ്ത്രാലങ്കാരം (ഗപ്പി), എൻ.ജി.റോഷൻ മികച്ച മേക്കപ്പ് (നവൽ എന്ന ജുവൽ) എന്നിവരും തെരഞ്ഞെടുക്കപ്പെട്ടു. ഗപ്പിയിലെ പശ്ചാത്തല സംഗീതം ഒരുക്കിയ വിഷ്ണു വിജയും പുരസ്കാരം നേടി. കാട് പൂക്കുന്ന നേരം എന്ന ചിത്രത്തിലെ ശബ്ദമിശ്രണം പ്രമോദ് തോമസിനെയും അവാർഡിന് അർഹനാക്കി. സൂരജ് സന്തോഷ് മികച്ച പിന്നണി ഗായകനുള്ള പുരസ്കാരവും ചിത്ര മികച്ച പിന്നണി ഗായികയ്ക്കുള്ള പുരസ്കാരവും സ്വന്തമാക്കി.

മറ്റ് പുരസ്കാരങ്ങൾ

നൃത്തസംവിധായകൻ വിനീത് (കാംബോജി)
ബാലതാരം (ആണ്‍) ചേതൻ ജയലാൽ (ഗപ്പി)
ബാലതാരം (പെണ്‍) അബനി ആനന്ദ് (കൊച്ചൗവ പൗലോ അയ്യപ്പ കൊയ്ലോ)
മികച്ച സിനിമ ഗ്രന്ഥം സിനിമ മുതൽ സിനിമ വരെ (അജു കെ.നാരായണൻ, ഷെറി ജേക്കബ്)
മികച്ച സിനിമ ലേഖനം വെളുത്ത തിരശീലയിലെ കറുത്ത ഉടലുകൾ 

Read more

കമലാസുരയ്യക്ക് പുറമേ സുഗതകുമാരിയുടെ ജീവിതവും വെള്ളിത്തിരയിലേക്ക്!

മലയാളത്തിന്റെ പ്രിയ എഴുത്തുകാരി മാധവിക്കുട്ടിയുടെ ജീവിതകഥ ആസ്പദമാക്കിയെടുക്കുന്ന സിനിമ 'ആമി'യെക്കുറിച്ചുള്ള ചർച്ചകളും വിവാദങ്ങളും പുരോഗമിക്കവെയാണ് മലയാളത്തിലെ തന്നെ മറ്റൊരു കവയിത്രിയുടെ ജീവിതം കൂടി സിനിമയാക്കാൻ അണിയറയിൽ ഒരുക്കങ്ങൾ തുടങ്ങി. കവയിത്രിയും പരിസ്ഥിതി പ്രവർത്തകയുമായ സുഗതകുമാരിയുടെ ജീവിതമാണ് സംഗീത സംവിധായകനായ സുരേഷ് മണിമല വെള്ളിത്തിരയിലെത്തിക്കുന്നത്.

'പവിഴമല്ലി' എന്ന് പേരിട്ടിരിക്കുന്ന ചിത്രത്തിൽ സുഗതകുമാരിയായി വേഷമിടുന്നത് പ്രേക്ഷകരുടെ പ്രിയപ്പെട്ട അഭിനേത്രി ആശാ ശരത്താണ്. ഏപ്രിൽ അവസാനത്തോടെ ചിത്രത്തിന്റെ ഷൂട്ടിങ്ങ് ആരംഭിക്കുമെന്നുള്ള വാർത്തകളാണ് ഇപ്പോൾ പുറത്തുവന്നിട്ടുള്ളത്.ചിത്രത്തിന്റെ തിരക്കഥയും സംഗീത സംവിധാനവും നിർവ്വഹിക്കുന്നതും സുരേഷ് തന്നെയാണ്.

സുഗതകുമാരി എന്ന കവിയുടേയും സാമൂഹ്യ പ്രവർത്തകയുടേയും ജീവിതമാണ് ചിത്രത്തിന്റെ പ്രമേയം. എന്നാൽ സുഗതകുമാരി എന്ന പേരിലായിരിക്കില്ല ചിത്രത്തിൽ ആശാ ശരത്തിന്റെ കഥാപാത്രത്തെ അവതരിപ്പിക്കുന്നത്. പാർവ്വതി ടീച്ചർ എന്നതായിരിക്കും ഈ കഥാപാത്രത്തിന്റെ പേര്. മറ്റു കഥാപാത്രങ്ങൾക്കും യഥാർഥ പേരുകൾ ഉപയോഗിക്കില്ല. വ്യക്തിപരമായി ആർക്കും ബുദ്ധിമുട്ടുണ്ടാകാതിരിക്കാനാണ് പേരുകൾ മാറ്റുന്നതെന്ന് സംവിധായകൻ പറയുന്നു.

Read more

ഓസ്‌കര്‍ 2017: ജാക്കി ജാന് ഓണററി ഓസ്‌കര്‍

ലോസ് ആഞ്ചലസ്: ഓസ്‌കര്‍ 2017ല്‍ പ്രത്യേക ബഹുമതി പുരസ്‌കാരം ആക്ഷന്‍ കിംഗ് ജാക്കി ജാന്. ജാക്കി ജാനൊപ്പം എഡിറ്റര്‍ അനെ വി കോറ്റെസ്, കാസ്റ്റിംഗ് ഡയറക്ടര്‍ ലയെന്‍ സ്റ്റാള്‍മാസ്റ്റര്‍, ഫ്രെഡെറിക് വൈസ്മാന്‍ എന്നിവര്‍ക്കും ഓണററി ഓസ്‌കര്‍ സമ്മാനിച്ചു.

14 നോമിനേഷനുമായി എത്തിയ ലാ ലാ ലാന്‍ഡ് ബെസ്റ്റ് പ്രൊഡക്ഷന്‍ ഡിസൈനിംഗിനുള്ള ഓസ്‌കറിലൂടെ ആദ്യ പുരസ്‌കാരം സ്വന്തമാക്കി. ഇതോടെ മൂണ്‍ലൈറ്റ്, ഫെന്‍സ്, അറൈവല്‍, ഹാക്‌സൊ റിഡ്ജ് എന്നിവ ഓരോ പുരസ്‌കാരം ചടങ്ങിലെ ആദ്യ മണിക്കൂറില്‍ സ്വന്തമാക്കി.

ബെസ്റ്റ് ആനിമേഷന്‍ ഷോര്‍ട്ടില്‍ പൈപ്പറിനാണ് ഓസ്‌കര്‍. മികച്ച വിദേശ ചിത്രത്തിനുള്ള പുരസ്‌കാരം ഇറാനില്‍നിന്നുള്ള ദ സെല്‍സ്മാന്‍ സ്വന്തമാക്കി. അസ്ഗര്‍ ഫര്‍ഹാദിയാണ് ദ സെല്‍സ്മാന്‍റെ സംവിധായകന്‍.

ഫെന്‍സസിലെ അഭിനയത്തിന് വിയോള ഡേവിസ് മികച്ച സഹനടിക്കുള്ള പുരസ്‌കാരം സ്വന്തമാക്കി. മൂണ്‍ ലൈറ്റിലെ പ്രകടനത്തിലൂടെ മഹര്‍ഷല അലി മികച്ച സഹനടനുള്ള ഓസ്‌കര്‍ നേടി. മികച്ച സഹനടനുള്ള പുരസ്‌കാര പ്രഖ്യാപനത്തോടെയാണ് 89-ാമത് ഓസ്‌കര്‍ ചടങ്ങ് ആരംഭിച്ചത്.

Read more

ഹോളിവുഡ് നടൻ ബിൽ പാക്സ്ടണ്‍ അന്തരിച്ചു

ലോസ് ആഞ്ചലസ്: ഹോളിവുഡ് നടനും സംവിധായകനുമായ ബിൽ പാക്സ്ടണ്‍(61) അന്തരിച്ചു. ശസ്ത്രക്രിയയെ തുടർന്നുണ്ടായ ആരോഗ്യപ്രശ്നങ്ങൾ മൂലമാണ് മരണം.

നിരവധി ടെലിവിഷൻ പരിപാടികളിലൂടെയും ഹോളിവുഡ് സൂപ്പർ ഹിറ്റ് ചലച്ചിത്രങ്ങളിലൂടെയും തിളങ്ങിനിന്ന പാക്സ്ടണ്‍ ടൈറ്റാനിക്, അപ്പോളോ 13 എന്നീ സിനിമകളിലെ കഥാപാത്രങ്ങളിലൂടെ ലോകമെന്പാടുമുള്ള പ്രേക്ഷകശ്രദ്ധ നേടി. മൂന്നുവട്ടം ഗ്ലോൾഡൻ ഗ്ലോബ് നോമിനേഷൻ ലഭിച്ചിട്ടുള്ള പാക്സ്ണിന് നിരവധി അവർഡുകൾ ലഭിച്ചിട്ടുണ്ട്.

ദി ടെർമിനേറ്റർ(1984), എലിയൻസ്(1986), പ്രഡേറ്റർ 2(1990), ട്രൂ ലൈസ്(1994), ട്വിസ്റ്റർ(1996) എന്നിവ പ്രമുഖ ചിത്രങ്ങളാണ്.

Read more

ബിജുമേനോനെ നായകനാക്കി രഞ്ജൻ പ്രമോദ് ഒരുക്കുന്ന പുതിയ ചിത്രത്തിൽ 100 കഥാപാത്രങ്ങൾ

മലയാള സിനിമയിൽ പുതിയൊരു പരീക്ഷണം കൂടി. തിരക്കഥാകൃത്തും സംവിധായകനുമായ രഞ്ജൻ പ്രമോദ് ബിജുമേനോനെ നായകനാക്കി ഒരുക്കുന്ന പുതിയ ചിത്രത്തിൽ 100 കഥാപാത്രങ്ങൾ.

രക്ഷാധികാരി എന്ന് പേരിട്ടിരിക്കുന്ന സിനിമ പ്രത്യേകമായി ഒരു കഥ പറയാതെ അനേകം കഥകളിലൂടെ കടന്നു പോകുന്ന വ്യത്യസ്തമായ സിനിമ ആയിരിക്കുമെന്ന് രഞ്ജൻ പ്രമോദ് തന്നെ പറയുന്നു. എല്ലാ കഥകളും സിനിമയിലെ പ്രധാന കഥാപാത്രത്തെ അവതരിപ്പിക്കുന്ന രക്ഷാധികാരിയുമായി ബന്ധപ്പെടുന്നു.

ജലവകുപ്പിലെ ഒരു സാധാരണ ഉദ്യോഗസ്ഥനെയാണ് ബിജുമേനോൻ അവതരിപ്പിക്കുന്നത്. കഥയുടെ ഗതിയിൽ ഇയാൾ കാട്ടുന്ന ചെറിയ ചെറിയ ഹീറോയിസമാണ് സിനിമയുടെ പ്രത്യേകത. ഒരു ഗ്രാമത്തിൽ നിന്നും ജോലിക്ക് നഗരത്തിലേക്ക് പോകുകയും തിരികെ വരികയും ചെയ്യുന്നയാളാണ് ബിജുമേനോന്റെ കഥാപാത്രം. മറ്റുള്ളവരെ സഹായിക്കാൻ ഇയാൾ ഒന്നും ചെയ്യുന്നില്ലെങ്കിലും ചെയ്യുന്ന കാര്യങ്ങൾ ഹീറോയിസത്തിൽ അവസാനിക്കുന്നതാണ് പതിവ്.

ഡാർവിന്റെ പരിണാമം സിനിമയിലെ നായിക ഹന്നാ റെജിയാണ് സിനിമയിലെ നായിക. ഷൂട്ടിങ് പൂർത്തിയാക്കിയ സിനിമ ഏപ്രിൽ മാസം പുറത്തുവരും.

Read more

സുരാജ് വെഞ്ഞാറമ്മൂട് വീണ്ടും നായകനാകുന്നു

കൊച്ചി: സുരാജ് വെഞ്ഞാറമ്മൂട് വീണ്ടും നായകനാകുന്നു. അക്കു അക്‌ബർ സംവിധാനം ചെയ്യുന്ന പുതിയ സിനിമയിലാണ് സുരാജ് നായകനാകുന്നത്.

ഡ്യൂപ്ലിക്കേറ്റ്, പേരറിയാത്തവർ, ഗർഭശ്രീമാൻ തുടങ്ങിയ സിനിമകളിൽ സുരാജ് ഇതിനു മുമ്പ് നായകനായി അഭിനയിച്ചിട്ടുണ്ട്. പേരറിയാത്തവർ എന്ന സിനിമയിലെ അഭിനയത്തിന് സുരാജിന് മികച്ച നടനുള്ള ദേശീയ പുരസ്‌കാരവും ലഭിച്ചു.

വെറുതേ ഒരു ഭാര്യ, കാണാകൺമണി, ഭാര്യ അത്ര പോര തുടങ്ങിയവയാണ് അക്കു അക്‌ബർ സംവിധാനം ചെയ്ത സിനിമകൾ.

Read more

ടൊവിനോ തോമസ് തമിഴിലേക്ക്

മി​ക​വു​റ്റ അ​ഭി​ന​യ​ത്തി​ലൂ​ടെ മ​ല​യാ​ള​ത്തി​ന്‍റെ പ്രി​യ​ന​ട​നാ​യി മാ​റി​യ ടോ​വി​നോ തോ​മ​സ് കോ​ളി​വു​ഡി​ന്‍റെ ബി​ഗ്സ്ക്രീ​നി​ലേ​ക്കും. ബി.​ആ​ർ വി​ജ​യ​ല​ക്ഷ്മി സം​വി​ധാ​നം ചെ​യ്യു​ന്ന റൊ​മാ​ന്‍റി​ക് ചി​ത്ര​ത്തി​ലൂ​ടെ​യാ​ണ് ടോ​വി​നോ ത​മി​ഴ് സി​നി​മ​യി​ൽ അ​ര​ങ്ങേ​റ്റം കു​റി​ക്കു​ന്ന​ത്.

ത​മി​ഴ് ചി​ത്ര​ത്തി​ൽ താ​ൻ നാ​യ​കാ​നാ​കു​ന്നു എ​ന്ന വാ​ർ​ത്ത ശ​രി​യാ​ണെ​ന്നും എ​ന്നാ​ൽ ചി​ത്ര​ത്തി​ന്‍റെ കൂ​ടു​ത​ൽ വി​വ​ര​ങ്ങ​ൾ പ​റ​യാ​ൻ ഇ​പ്പോ​ൾ സാ​ധി​ക്കി​ല്ലെ​ന്നും ടോ​വി​നോ പ​റ​ഞ്ഞു. ബ്ര​സീ​ലി​ൽ ന​ട​ന്ന ഒ​രു യ​ഥാ​ർ​ഥ സം​ഭ​വ​ത്തെ അ​ടി​സ്ഥാ​ന​മാ​ക്കി​യാ​ണ് ചി​ത്രം ഒ​രു​ങ്ങു​ന്ന​തെ​ന്നാ​ണ് റി​പ്പോ​ർ​ട്ടു​ക​ൾ. ചെ​ന്നൈ​യി​ൽ ഷൂ​ട്ടിം​ഗ് പു​രോ​ഗ​മി​ക്കു​ക​യാ​ണ്. ഈ ​വ​ർ​ഷം പ​കു​തി​യോ​ടെ ചി​ത്രം തീ​യ​റ്റ​റു​ക​ളി​ലെ​ത്തു​മെ​ന്നാ​ണ് ക​രു​തു​ന്ന​ത്.

Read more

പാർവതി ബോളിവുഡിലേക്ക്

മലയാളത്തിൽ വ്യത്യസ്ത വേഷങ്ങൾ അവതരിപ്പിച്ച് പ്രേക്ഷക മനസിൽ ഇടംനേടിയ പാർവതി ബോളിവുഡിൽ അരങ്ങേറുന്നു. ഇന്ത്യൻ സിനിമയിലെ മികച്ച അഭിനേതാക്കളിൽ ഒരാളായ ഇർഫാൻ ഖാന് നായികയായാണ് പാർവതിയുടെ ബോളിവുഡ് അരങ്ങേറ്റം. തനൂജാ ചന്ദ്ര സംവിധാനം ചെയ്യുന്ന സിനിമയുടെ ചിത്രീകരണം ബിക്കാനീറിൽ പുരോഗമിക്കുകയാണ്. പാർവതി ഉടൻ ഷൂട്ടിംഗിൽ ജോയിൻ ചെയ്യുമെന്നാണ് റിപ്പോർട്ടുകൾ.

ഒരു റോഡ് യാത്രയിൽ വച്ച് നായകനും നായികയും പ്രണയത്തിലാവുന്നതും തുടർന്നുണ്ടാവുന്ന സംഭവങ്ങളുമാണ് സിനിമയുടെ ഇതിവൃത്തം. രാജസ്ഥാനിലെ ബിക്കാനീർ, ഉത്തരാഖണ്ഡിലെ ഋഷികേശ്, സിക്കിമിലെ ഗാങ്‌ടോക്ക് എന്നിവിടങ്ങളിലാണ് സിനിമ ചിത്രീകരിക്കുക. ആദ്യഘട്ട ഷൂട്ടിങ് ആണ് ബിക്കാനീറിൽ തുടങ്ങിയത്.

മലയാളം കൂടാതെ തമിഴ്, തെലുങ്ക് ഭാഷകളിൽ സാന്നിദ്ധ്യം അറിയിച്ചതാണ് പാർവതി. ചാർലി എന്ന സിനിമയിലൂടെ കഴിഞ്ഞ വർഷത്തെ മികച്ച നടിക്കുള്ള പുരസ്‌കാരം പാർവതി നേടിയിരുന്നു. കുഞ്ചാക്കോ ബോബനൊപ്പമുള്ള ടേക്ക് ഓഫ് എന്ന സിനിമയിലാണ് പാർവതി ഇപ്പോൾ അഭിനയിക്കുന്നത്.

Read more

ദിലീപ്-നാദിര്‍ഷ ചിത്രം യാഥാര്‍ത്ഥ്യമാകുന്നു

കൊച്ചി: മിമിക്രിയിലെ വിജയ ജോഡിയാണ് ദിലീപും നാദിർഷായും. തൊട്ടതെല്ലാം പൊന്നിക്കയവർ. ഒടുവിൽ ദിലീപ്-നാദിർഷ ചിത്രം യാഥാർത്ഥ്യമാകുന്നു. ആത്മസുഹൃത്തുക്കൾ ഒന്നിക്കുന്ന ചിത്രം പ്രാഥമികഘട്ടത്തിലാണ്. കൂടുതൽ വിശദാംശങ്ങൾ വെളിപ്പെടുത്താറായിട്ടില്ലെന്ന് നാദിർഷയോട് അടുത്ത വൃത്തങ്ങൾ അറിയിച്ചു. ഇരുവരും ചേർന്നൊരുക്കിയ ദേ മാവേലി കൊമ്പത്ത് എന്ന ഹാസ്യാത്മക കാസറ്റ് വിപണയിൽ വൻ ചലനം ഉണ്ടാക്കിയിരുന്നു.

സജീവ് പാഴൂരാണ് ദിലീപ്-നാദിർഷ ചിത്രത്തിന് തിരക്കഥ എഴുതുന്നത്. മമ്മൂട്ടി ചിത്രമാണ് അടുത്തതായി ചെയ്യുന്നതെന്ന് നാദിർഷ പ്രഖ്യാപിച്ചിരുന്നെങ്കിലും തിരക്കഥയും താരങ്ങളുടെ ഡേറ്റുമെല്ലാം ഒത്തുവന്നാൽ ആദ്യം ദിലീപ് ചിത്രം ചെയ്യാനാണ് സാധ്യത. അമർ അക്‌ബർ അന്റണിയും കട്ടപ്പനയിലെ ഹൃത്തിക് റോഷനും വിജയിച്ചതോടെ നാദിർഷാ വിലപിടിപ്പുള്ള സംവിധായകനാണ്. ജനപ്രിയ നായകനായ ദിലീപുമൊത്ത് നാദിർഷ വെള്ളിത്തിരയിലും ഒന്നിക്കുമ്പോൾ പ്രതീക്ഷ ഏറെയാണ്.

നാദിർഷ സംവിധായകനാകുന്നുവെന്ന റിപ്പോർട്ട് വന്നപ്പോൾ തന്നെ ദിലീപ് നായകനാകുമെന്നായിരുന്നു വാർത്തകൾ. എന്നാൽ തന്റെ ആദ്യ ചിത്രത്തിൽ പൃഥ്വിരാജ്, ഇന്ദ്രജിത്ത്, ജയസൂര്യ എന്നിവരെയാണ് നാദിർഷാ നായകരാക്കിയത്. രണ്ടാം ചിത്രത്തിൽ തിരക്കഥാകൃത്ത് വിഷ്ണു ഉണ്ണികൃഷ്്ണനാണ് നായകനായത്.

Read more