Cinema

വിനീത് നിർമ്മാതാവാകുന്ന ആനന്ദം റിലീസ് ഒക്ടോബർ 14ന്

വിനീത് ശ്രീനിവാസൻ ആദ്യമായി നിർമ്മിക്കുന്ന ചിത്രം മാണ് ആനന്ദം ഒക്ടോബർ 14ന് തീയേറ്ററുകളിലെത്തും. ഗായകൻ, നടൻ, തിരക്കഥാകൃത്ത്, സംവിധായകൻ എന്നീ നിലകളിൽ കഴിവ് തെളിയിച്ച ശേഷമാണ് വിനീത് നിർമ്മാണ രംഗത്തെക്ക് കാലെടുത്തു വയ്ക്കുന്നത്. തട്ടത്തിൻ മറയത്തു മുതൽ ജേക്കബിന്റെ സ്വർഗരാജ്യം വരെ വിനീതിന്റെ സഹസംവിധായകനായിരുന്നു ഗണേശ് രാജ് ആദ്യമായി സ്വതന്ത്ര സംവിധായകനാകുന്ന ചിത്രം കൂടിയാണ് ആനന്ദം. ഏഴ് പുതുമുഖങ്ങളാണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്. ഹാബിറ്റ്സ് ഓഫ് ലൈഫ് എന്ന നിർമ്മാണ കമ്പനിയുടെ ബാനറിലാണ് നിർമ്മാണം.

സൗഹൃദം, പ്രണയം, യാത്ര തുടങ്ങിയവയാണ് ചിത്രത്തിൽ പ്രധാന വിഷയങ്ങളായി വരുന്നത്. ട്രെയ്‌ലർ പുറത്തിറങ്ങി രണ്ടു ദിവസം കൊണ്ട് 13,000ത്തിലധികം പേർ യൂട്യൂബിൽ ഇതു കണ്ടിരുന്നു. ഒരു എൻജിനീയറിങ് കോളേജിന്റെ പശ്ചാത്തലത്തിലാണ് കഥ പുരോഗമിക്കുന്നത്. കോളേജിൽ നിന്ന് നാലു ദിവസത്തെ ടൂറിനു പോകുന്നതും തുടർന്നുണ്ടാകുന്ന സംഭവവികാസങ്ങളുമാണ് ചിത്രത്തിലെ പ്രമേയം.

പ്രശസ്ത ഗായകൻ സച്ചിൻ വാര്യർ ആദ്യമായി സംഗീതം ചെയ്യുന്ന ചിത്രമാണിത്. അനു എലിസബത്ത്, മനു മഞ്ജിത് എന്നിവരാണ് ഗാനരചന. നേരം, പ്രേമം എന്നീ ചിത്രങ്ങളിൽ ഛായാഗ്രാഹകനായ ആനന്ദ് സി ചന്ദ്രനാണ് കാമറ ചലിപ്പിക്കുന്നത്. ലാൽജോസിന്റെ എൽ.ജെ ഫിലിംസ് ആണ് ചിത്രം വിതരണത്തിനെത്തിക്കുന്നത്.ചിത്രത്തിന്റെ ട്രെയിലർ കഴിഞ്ഞദിവസം പുറത്തിറങ്ങിയിരിക്കുന്നത്.

Read more

പൃഥിരാജ് സംവിധാനം ചെയ്യുന്ന മോഹൻലാൽ ചിത്രം ലൂസിഫറിൽ കുഞ്ചാക്കോ ബോബനും

മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യാൻ പോവുന്ന ലൂസിഫർ എന്ന ചിത്രത്തിൽ കുഞ്ചാക്കോ ബോബനും പ്രധാന വേഷത്തിൽ എത്തുന്നതായി വാർത്തകൾ. മുരളിഗോപിയാണ് ചിത്രത്തിന്റെ തിരക്കഥ ഒരുക്കുന്നത്. ചിത്രത്തിന്റെ തിരക്കഥ പുരോഗമിച്ച് വരികയാണെന്നും അറിയിച്ചിരുന്നു. ചിത്രത്തിൽ ഒരു പ്രധാനപ്പെട്ട വേഷമായിരിക്കും കുഞ്ചാക്കോ ബോബൻ കൈകാര്യം ചെയ്യുകയെന്നാണ് അറിയുന്നത്.

അന്തരിച്ച സംവിധായകൻ രാജേഷ് പിള്ളയുടെ സ്വപ്ന പദ്ധതിയായ ലൂസിഫർ പൃഥ്വിരാജ് സാക്ഷാത്കരിക്കുന്നു എന്ന വിശേഷണത്തോടെയാണ് ചിത്രത്തെ കുറിച്ചുള്ള വാർത്തകൾ പുറത്ത് വന്നത്. എന്നാൽ ലൂസിഫർ എന്ന പേര് മാത്രം എടുത്തിട്ടുള്ളു. പൃഥ്വിരാജിന്റെ ആദ്യത്തെ സംവിധാനം സംരഭം ഫ്രഷാണെന്നും തിരക്കഥാകൃത്ത് മുരളിഗോപി പിന്നീട് പറഞ്ഞിരുന്നു.

മുമ്പ് സംവിധായകൻ രാജേഷ് പിള്ള സംവിധാനം ചെയ്യാൻ നിശ്ചയിച്ചിരുന്ന ചിത്രമായിരുന്നു ലൂസിഫർ. ചിത്രത്തിന്റെ തിരക്കഥാകൃത്ത് മുരളി ഗോപിയെയും കുഞ്ചാക്കോ ബോബനെയും സപ്പോർട്ടിങ്ങ് റോളിലും ലാലിനെ നായകനാക്കിയുമായിരുന്നു രാജേഷ് സിനിമ ചെയ്യാൻ തീരുമാനിച്ചിരുന്നത്.

പൃഥ്വിയും രാജേഷ് തീരുമാനിച്ച താരങ്ങളെ തന്നെ സിനിമയിൽ ഉൾപ്പെടുത്തുമെന്നാണ് കേൾക്കുന്നത്. എന്നാൽ ഔദ്യോഗിക സ്ഥിരീകരണം ഉണ്ടായിട്ടില്ല. ആശീർവാദ് സിനിമാസിന് വേണ്ടി ആന്റണി പെരുമ്പാവൂരാണ് ചിത്രം നിർമ്മിക്കുന്നത്.

Read more

ബാഹുബലി വില്ലൻ കാലകേയ മോഹന്‍ലാലിന്‍റെ വില്ലനായി മലയാളത്തിലേക്ക്

രാജമൗലി സംവിധാനം ചെയ്ത ബ്രഹ്മാണ്ഡ ചിത്രം ബാഹുബലിയിൽ കാലകേയനായി തിളങ്ങിയ പ്രഭാകർ മലയാളത്തിൽ അരങ്ങേറ്റം കുറിക്കുന്നു. ബി. ഉണ്ണികൃഷ്ണൻ സംവിധാനം ചെയ്യുന്ന പുതിയ ചിത്രത്തിലൂടെയായിരിക്കും പ്രഭാകർ മലയാളത്തിൽ അരങ്ങേറ്റം കുറിക്കുന്നത്.

മോഹൻലാലും പൃഥ്വിരാജും പ്രധാന വേഷത്തിൽ അഭിനയിക്കുന്ന ചിത്രത്തിൽ വില്ലൻ വേഷത്തിലാണ് പ്രഭാകർ എത്തുന്നത്. ചിത്രത്തിന്റെ പേരോ മറ്റ് വിശദാംശങ്ങളോ പുറത്ത് വിട്ടിട്ടില്ല. ഈ വർഷം അവസാനം ചിത്രം റിലീസ് ചെയ്യാൻ ലക്ഷ്യമിട്ടാണ് പ്രവർത്തനങ്ങൾ പുരോഗമിക്കുന്നത്. ബി. ഉണ്ണികൃഷ്ണനും മോഹൻലാലും ഒരുമിക്കുന്ന നാലാമത്തെ ചിത്രമാണിത്. കഥ കേട്ട് ഇഷ്ടപ്പെട്ട പ്രഭാകർ കരാർ ഒപ്പിട്ടുവെന്നാണ് സിനിമാ ലോകത്ത് നിന്നുള്ള റിപ്പോർട്ടുകൾ.

2010ൽ രാജമൗലിയുടെ മര്യാദരാമണ്ണ എന്ന സിനിമയിലൂടെയാണ് പ്രഭാകർ അഭിനയ രംഗത്ത് എത്തുന്നത്. നാൽപ്പതോളം തെലുങ്ക് സിനിമകളിൽ പ്രഭാകർ വേഷമിട്ടിട്ടുണ്ട്.ജിബു ജേക്കബ് സംവിധാനം ചെയ്യുന്ന പുതിയ ചിത്രത്തിന്റെ തിരക്കിലാണ് ഇപ്പോൾ മോഹൻലാൽ. മുന്തരിവള്ളികൾ തളിർക്കുമ്പോൾ എന്നാണ് ചിത്രത്തിന്റെ പേര്.

Read more

തോപ്പില്‍ ജോപ്പന്‍ ആദ്യ ടീസര്‍ പുറത്തിറങ്ങി

മമ്മൂട്ടി നായകനാകുന്ന തോപ്പിൽ ജോപ്പൻ എന്ന ചിത്രത്തിന്റെ ആദ്യ ടീസർ പുറത്തിറങ്ങി. തോപ്രാംകുടിയിലെ ചിയേഴ്സ് കബഡി ടീമിന്റെ നായകനായ ജോപ്പനെയാണ് മമ്മൂട്ടി അവതരിപ്പിക്കുന്നത്. ആൻഡ്രിയയും മംമ്ത മോഹൻദാസുമാണ് ചിത്രത്തിലെ നായികമാർ. ആദ്യടീസറിൽ എന്നാൽ ചിത്രത്തിലെ നായകനായ മമ്മൂട്ടി ഇല്ല. മംമ്ത മോഹൻദാസിന്റെ വിവരണം മാത്രമാണ് ടീസറിൽ.

തുറുപ്പുഗുലാൻ, ഈ പട്ടണത്തിൽ ഭൂതം, താപ്പാന എന്നീ ചിത്രങ്ങൾക്ക് ശേഷം മമ്മൂട്ടിയും ജോണി ആന്റണിയും ഒരുമിക്കുന്ന ചിത്രമാണ് തോപ്പിൽ ജോപ്പൻ. മധുരനാരങ്ങ എന്ന ചിത്രത്തിന്റെ തിരക്കഥാകൃത്തായ നിഷാദ് കോയയാണ് ചിത്രത്തിന്റെ തിരക്കഥ രചിച്ചിരിക്കുന്നത്.

ഗ്രാന്റ്ഡേ ഫിലിം കോർപ്പറേഷനും എസ്.എൻ പ്രൊഡക്ഷൻസും ചേർന്ന് നിർമ്മിച്ചിരിക്കുന്ന ചിത്രം ഒക്ടോബർ 7ന് തീയറ്ററുകളിൽ എത്തും. മോഹൻലാൽ ചിത്രമായ പുലിമുരുകനും ഒക്ടോബർ ഏഴിന് തീയറ്ററുകളിൽ എത്തും.

Read more

മോഹൻലാൽ-ജിബു ജേക്കബ് സിനിമയ്ക്ക് പേരിട്ടു; മുന്തിരിവള്ളികൾ തളിർക്കുമ്പോളിൽ നായികയായി മീന

സൂപ്പർഹിറ്റ് ചിത്രമായ 'വെള്ളിമൂങ്ങ'യ്ക്ക് ശേഷം ജിബു ജേക്കബ് മോഹൻലാലിനെ നായകനാക്കി ഒരുക്കുന്ന ചിത്രത്തിന് മുന്തിരിവള്ളികൾ തളിർക്കുമ്പോൾ എന്ന് പേരിട്ടു. ചിത്രത്തിൽ പഞ്ചായത്ത് സെക്രട്ടറിയായ 'ഉലഹന്നാൻ' എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നത്.

കോഴിക്കോട് ചിത്രത്തിന്റെ ഷൂട്ടിങ് പുരോഗമിക്കുന്നുവെന്നും ഒക്ടോബർ രണ്ടിന് കേരളത്തിലെ ഷൂട്ടിങ് പൂർത്തിയാകുമെന്ന് ജിബു ജേക്കബ് പറഞ്ഞു. പിന്നിട് കേരളത്തിന് പുറത്ത് ഒരു പാട്ടിന്റെ ചിത്രീകരണം ഉണ്ടെന്നും അദ്ദേഹം പറഞ്ഞു.

'ദൃശ്യ'ത്തിന് ശേഷം മീന മോഹൻലാലിന്റെ നായികയായെത്തുന്ന ചിത്രമെന്നതും മുന്തിരിവള്ളിയുടെ പ്രത്യേകതയാണ്. ചെറുകഥാകൃത്ത് വി.ജെ ജെയിംസിന്റെ 'പ്രണയോപനിഷത്ത്' എന്ന ചെറുകഥയെ ആധാരമാക്കി ഒരുക്കുന്ന സിനിമയ്ക്ക് എം. സിന്ധുരാജാണ് തിരക്കഥ എഴുതുന്നത്.

അനൂപ് മേനോൻ, കലാഭവൻ ഷാമജാൺ, അലൻസിയർ, ലിഷോയ്, രാഹുൽ മാധവ്, സുരേഷ് കൃഷ്ണ, സുരാജ് വെഞ്ഞാറമ്മൂട്, സുധീർ കരമന, സോഹൻ സീനുലാൽ, ഷറഫൂദ്ദീൻ, ശൃന്ദ, മാസ്റ്റർ സനൂപ് സന്തോഷ് എന്നിങ്ങനെ വലിയ താരനിരയാണ് ചിത്രത്തിൽ അണിനിരക്കുന്നത്. റഫീക്ക് അഹമ്മദ്, മധു വാസുദേവൻ, ഡി.ബി അജിത്ത്കുമാർ എന്നിവരുടെ ഗാനങ്ങൾക്ക് എം. ജയചന്ദ്രനും ബിജിബാലുമാണ് സംഗീതം പകർന്നിരിക്കുന്നത്.

വീക്കെൻഡ് ബ്ലോക്ക് ബസ്റ്ററിന്റെ ബാനറിൽ സോഫിയ പോൾ ആണ് ചിത്രം നിർമ്മിക്കുന്നത്.

Read more

മോഹൻലാൽ ചിത്രം പുലിമുരുകൻ ഒഫീഷ്യൽ ട്രെയ്ലർ പുറത്തിറങ്ങി

മോഹൻലാൽ ആരാധകർ കാത്തിരിക്കുന്ന പുലിമുരുകന്റെ ട്രെയ്ലർ പുറത്തിറങ്ങി. ആക്ഷന് പ്രാധാന്യം നൽകി ഒരുക്കിയിരിക്കുന്ന ചിത്രത്തിന്റെ സ്വഭാവം വ്യക്തമാക്കുന്ന ട്രെയിലർ തന്നെയാണ് അണിയറ പ്രവർത്തകർ പുറത്തിറക്കിയിരിക്കുന്നത്. ട്രെയിലറിന് ഒരു മിനിറ്റ് 42 സെക്കന്റ് ദൈർഘ്യമുണ്ട്.

മലയാളത്തിലെ ഏറ്റവും മുതൽമുടക്കിൽ ഒരുങ്ങുന്ന ചിത്രമെന്ന പ്രത്യേകതയുമായാണ് പുലിമുരുകൻ എത്തുന്നത്. അതീവരഹസ്യമായി ചിത്രീകരണം നടത്തിയ സിനിമയുടെ ലൊക്കേഷൻ ചിത്രങ്ങൾ പോലും അണിയറപ്രവർത്തകർ പുറത്തിറക്കിയിരുന്നില്ല. സിനിമയുടെ പോസ്റ്ററുകളും ആരാധകരിൽ ആവേശം നിറച്ചിട്ടുണ്ട്.

വൈശാഖ് സംവിധാനം നിർവഹിച്ചിരിക്കുന്ന ചിത്രത്തിന്റെ റിലീസ് ഒക്ടോബർ 7-നാണ്. സ്റ്റണ്ട് മാസ്റ്റർ പീറ്റർ ഹെയ്ൻ സംഘട്ടന സംവിധാനം നിർവ്വഹിക്കുന്ന ചിത്രത്തിലെ പുള്ളിപ്പുലിയു മായുള്ള സംഘട്ടനരംഗങ്ങളും ലാലിന്റെ വേറിട്ട ഗെറ്റപ്പും ഇതിനോടകം തന്നെ ഏറെ ചർച്ചയായി കഴിഞ്ഞു

കേരളത്തിന് പുറമെ വിയ്റ്റ്നാമിലും, ദക്ഷിണാഫ്രിക്കയിലും തായ്ലൻഡിലും ആണ് ചിത്രീകരണം നടന്നത്. കമാലിനി മുഖർജി, നമിത, ജഗപതി ബാബു, സുരാജ് വെഞ്ഞാറമ്മൂട് തുടങ്ങിയവരാണ് ചിത്രത്തിലെ മറ്റ് താരങ്ങൾ.

Read more

സത്യൻ അന്തിക്കാടിന്റെ ജോമോന്റെ സുവിശേഷങ്ങളുടെ ഫസ്റ്റ് ലുക്ക് എത്തി

സത്യൻ അന്തിക്കാട് ആദ്യമായി ദുൽഖർ സൽമാനെ നായകനാക്കി സംവിധാനം ചെയ്യുന്ന 'ജോമോന്റെ സുവിശേഷങ്ങളു'ടെ ഫസ്റ്റ്ലുക്ക് പുറത്തെത്തി. ജീൻസും ടീഷർട്ടുമിട്ട് കാഷ്വൽ ലുക്കിൽ ഒരു ഭിത്തിയിൽ ചാരിനിൽക്കുന്ന ദുൽഖറാണ് പോസ്റ്ററിൽ.

ചെറുപ്പം മുതൽ തന്റെ ആരാധനാപാത്രങ്ങളായ ചിലർക്കൊപ്പം അഭിനയിക്കുന്നതിന്റെ സന്തോഷം ഫസ്റ്റ്ലുക്കിനൊപ്പം ദുൽഖർ ഫേസ്‌ബുക്കിലൂടെ പങ്കുവച്ചു. ഇതൊരു മനോഹരമായ സിനിമ ആയിരിക്കുമെന്നും ദുൽഖർ കുറിച്ചു.

താഴേക്കിടയിൽ നിന്ന് വളർന്നുവന്ന വിൻസെന്റ് എന്ന വ്യവസായിയുടെയും കുടുംബത്തിന്റെയും  കഥയാണ് 'ജോമോന്റെ സുവിശേഷങ്ങൾ'. ടൈറ്റിൽ റോളിൽ ദുൽഖറെത്തുമ്പോൾ വിൻസെന്റായി മുകേഷും വിൻസെന്റിന്റെ മറ്റൊരു മകനായി വിനു മോഹനും എത്തുന്നു. 'ജോമോന്റെ' കൂട്ടുകാരി 'കാതറിൻ' എന്ന കഥാപാത്രമായി അനുപമ പരമേശ്വരനും എത്തുന്നു.

'ഇന്ത്യൻ പ്രണയകഥ'യ്ക്ക് ശേഷം സത്യൻ അന്തിക്കാടിന് വേണ്ടി ഇക്‌ബാൽ കുറ്റിപ്പുറം എഴുതുന്ന തിരക്കഥയാണ് 'ജോമോന്റെ സുവിശേഷങ്ങളു'ടേത്. സേതു മണ്ണാർക്കാട് ഫുൾമൂൺ സിനിമയുടെ ബാനറിൽ നിർമ്മിക്കുന്ന ചിത്രത്തിൽ ഇന്നസെന്റ്, ഇർഷാദ്, ജേക്കബ് ഗ്രിഗറി, മുത്തുമണി, ഇന്ദു തമ്പി, രസ്ന എന്നിവരും കഥാപാത്രങ്ങളാവുന്നു.

തൃശൂർ, തിരുപ്പൂർ, കുംഭകോണം, തഞ്ചാവൂർ എന്നിവടങ്ങളിലാണ് സിനിമയുടെ ചിത്രീകരണം. ക്രിസ്തുമസ് റിലീസായി ചിത്രം തിയറ്ററുകളിലെത്തും.

Read more

കാവൽ മാലാഖയിൽ ജയറാം പൊലീസ് വേഷത്തിൽ

അടുത്ത കുറച്ച് നാളുകളായി മലയാള സിനിമയുടെ ഇഷ്ട ലോക്കേഷനുകളിലൊന്നായി സെൻട്രൽ ജയിൽ മാറുകയാണ്. ദിലീപിന്റെ വെൽക്കം ടു സെൻട്രൽ ജയിലും മഞ്ജുവിന്റെ കരിങ്കുന്നം സിക്‌സസും ജയിലിന്റെ പശ്ചാത്തലത്തിൽ ഒരുങ്ങിയ ചിത്രമാണ്. ഇപ്പോഴിതാ ജയറാം ചിത്രത്തിനും പശ്ചാത്തലമൊരുങ്ങുന്നത് സെൻട്രൽ ജയിലാണെന്നാണ് പുതിയ വാർത്ത.

ഒരു സെക്കന്റ് ക്ലാസ് യാത്ര എന്ന ചിത്രത്തിന് ശേഷം ജെക്‌സൺ ആന്റണി സംവിധാനം ചെയ്യുന്ന കാവൽ മാലാഖ എന്ന ചിത്രത്തിലൂടെ വീണ്ടും പൊലീസുകാരനാവുകയാണ് ജയറാം. സീരിയസ് പ്രമേയവുമായി എത്തുന്ന ഒരു ഫൺ സിനിമയായിരിക്കും ഇതെന്ന് സംവിധായകൻ പറയുന്നു. ജയറാം അവതരിപ്പിക്കുന്ന കഥാപാത്രത്തിന്റെ രണ്ടു തലങ്ങളിലൂടെയാണ് ചിത്രം സഞ്ചരിക്കുന്നത്. കുറച്ചു വർഷത്തെ ഇടവേളയക്ക് ശേഷമാണ് ഒരു പൊലീസ് 
ഓഫീസറുടെ വേഷത്തിൽ ജയറാം എത്തുന്നത്.

നവംബറിൽ ചിത്രീകരണം ആരംഭിക്കുന്ന ചിത്രത്തിന്റെ ഷൂട്ടിങ്ങ് കണ്ണൂർ, കോഴിക്കോട് സെൻട്രൽ ജയിലുകളിലായിരിക്കും. ജയറാമിനെ കൂടാതെ ചെമ്പൻ വിനോദ്, ശശി കലിംഗ, സുരാജ് വെഞ്ഞാറംമൂട്, അബു സലിം എന്നിവരാണ് പ്രധാനവേഷത്തിൽ എത്തുന്നത്. അതേസമയം കണ്ണൻ താമരക്കുളം, വൈശാഖ് എന്നീ സംവിധായകന്മാരുടെ ചിത്രങ്ങളിലും അഭിനയിക്കാൻ ഒരുങ്ങുകയാണ് ജയറാം.

Read more

ഫഹദ് ഫാസിലും റോഷൻ ആൻഡ്രൂസും ആദ്യമായി ഒന്നിക്കുന്നു

ന്യൂജനറേഷൻ സിനിമകളിൽ നായക സങ്കൽപങ്ങൾ പൊളിച്ചടുക്കിയായിരുന്നു ഫഹദിന്റെ സെക്കന്റ് ഇന്നിങ്ങ്‌സിന്റെ തുടക്കം. ഫഹദ് തന്റെ കരിയറിൽ ആദ്യമായി കലാലയം പശ്ചാത്തലമാക്കുന്ന ഒരു പ്രണയകഥയിൽ അഭിനയിക്കാനൊരുങ്ങുന്നു എന്നാണ് വാർത്ത. റോഷൻ ആൻഡ്രൂസ് ആദ്യമായി ഫഹദിനെ നായകനാക്കി സംവിധാനം ചെയ്യുന്ന ചിത്രത്തിന്റെ തിരക്കഥ ബോബി-സഞ്ജയ് നിർവഹിക്കും. നിവിൻ പോളി നായകനാകുന്ന 'കായംകുളം കൊച്ചുണ്ണി'ക്ക് ശേഷമാവും റോഷൻ ഫഹദ് ചിത്രത്തിന്റെ പണിപ്പുരയിലേക്ക് കടക്കുക.

കലാലയകാലത്തിന് ശേഷം നമുക്ക് നഷ്ടം തോന്നുന്ന ചില കാര്യങ്ങളാണ് സിനിമയുടെ വിഷയമെന്നും പ്രണയകഥയാണ് പറയുന്നതെന്നും റോഷൻ ആൻഡ്രൂസ് ടൈംസ് ഓഫ് ഇന്ത്യയോട് പറഞ്ഞു. ഫഹദ് ഒഴികെയുള്ള അഭിനേതാക്കളെക്കുറിച്ചും തീരുമാനമായിട്ടില്ലെന്നും റോഷൻ പറയുന്നു. ഫഹദിന്റെ കഥാപാത്രം കടന്നുപോകുന്ന വ്യത്യസ്ത കാലഘട്ടങ്ങളും അത് അയാളുടെ ജീവിതത്തിലുണ്ടാക്കുന്ന പ്രതിഫലനങ്ങളുമാണ് ചിത്രമെന്നും ഗൗരവത്തിലാവില്ല കഥപറച്ചിലെന്നും തിരക്കഥാകൃത്തുക്കളിലൊരാളായ സഞ്ജയ് പറയുന്നു.

ഐതിഹ്യവും ചരിത്രവും ഇടകലർന്ന 'കായംകുളം കൊച്ചുണ്ണി'യുടെ ജീവിതകഥയാണ് റോഷൻ ആൻഡ്രൂസിന്റെ അടുത്ത പ്രോജക്ട്. ബോബി-സഞ്ജയ് തന്നെ തിരക്കഥ നിർവഹിക്കുന്ന ചിത്രത്തിൽ നിവിൻ പോളിയാണ് നായകനാവുന്നത്. ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ചിത്രത്തിന്റെ പ്രധാന ലൊക്കേഷൻ ശ്രീലങ്കയാണ്.

മമ്മൂട്ടി നായകനായ 'മുന്നറിയിപ്പി'ന് ശേഷം പ്രശസ്ത ഛായാഗ്രാഹകൻ വേണു സംവിധാനം ചെയ്യുന്ന 'ആയിരം കാണി', 'പാവാട'ക്ക് ശേഷം മാർത്താണ്ഡൻ സംവിധാനം ചെയ്യുന്ന ചിത്രം, 'ലോർഡ് ലിവിങ്സ്റ്റൺ 7000 കണ്ടി'ക്ക് ശേഷം അനിൽ രാധാകൃഷ്ണൻ മേനോൻ സംവിധാനം ചെയ്യുന്ന ചിത്രം, 'തനി ഒരുവന്' ശേഷം മോഹൻരാജ സംവിധാനം ചെയ്യുന്ന തമിഴ് ചിത്രം എന്നിവയാണ് ഫഹദിന്റെ വരാനിരിക്കുന്ന മറ്റ് പ്രോജക്ടുകൾ. ശിവകാർത്തികേയൻ നായകനും നയൻതാര നായികയുമാകുന്ന ചിത്രത്തിൽ വില്ലൻ കഥാപാത്രത്തെയാണ് ഫഹദ് അഴതരിപ്പിക്കുന്നത്.

Read more

കൊച്ചൗവ്വ പൗലോ അയ്യപ്പ കൊയ്‌ലോയിലെ ആദ്യ വീഡിയോ ഗാനം കാണാം

കൊച്ചി: കുഞ്ചാക്കോ ബോബൻ നായകനായി അഭിനയിക്കുന്ന 'കൊച്ചൗവ്വ പൗലോ അയ്യപ്പ കൊയ്ലോ'(കെപിഎസി)യിലെ ആദ്യ ഗാനത്തിന്റെ വീഡിയോ റിലീസ് ചെയ്തു. 'നീലക്കണ്ണുള്ള മാനേ' എന്ന ഈ ഗാനം ആലപിച്ചിരിക്കുന്നത് വിജയ് യേശുദാസും ശ്വേത മോഹനുമാണ്.

ഷാൻ റഹ്മാൻ ഈണം പകർന്ന ഈ ഗാനത്തിന്റെ വരികൾ രചിച്ചിരിക്കുന്നത് വയലാർ ശരത്ചന്ദ്രവർമ്മയാണ്. സിദ്ധാർത്ഥ ശിവ കഥയെഴുതി സംവിധാനം ചെയ്യുന്ന 'കൊച്ചൗവ്വ പൗലോ അയ്യപ്പ കൊയ്ലോ' ഉദയ പിക്ചേഴ്സിന്റെ ബാനറിൽ കുഞ്ചാക്കോ ബോബനാണ് നിർമ്മിച്ചിരിക്കുന്നത്.

30 വർഷങ്ങൾക്ക് ശേഷം ഉദയ പിക്ചേഴ്സിന്റെ തിരിച്ചുവരവ് സാക്ഷ്യം വഹിക്കുന്ന ഈ ചിത്രത്തിൽ അനുശ്രീയാണ് നായിക. മുകേഷ്, സുരാജ് വെഞ്ഞാറമൂട്, അജു വർഗീസ്, നെടുമുടി വേണു, കെ പി എ സി ലളിത, സുധീഷ്, മണിയൻപിള്ള രാജു തുടങ്ങിയവരും അഭിനയിച്ചിട്ടുണ്ട്.

ഛായാഗ്രഹണം നീൽ ഡി കൂഞയും ചിത്രസംയോജനം വിനീബ് കൃഷ്ണനുമാണ് നിർവഹിച്ചിരിക്കുന്നത്. പശ്ചാത്തല സംഗീതം ബിജിബാലിന്റേതാണ്. മ്യൂസിക്247നാണ് ഒഫീഷ്യൽ മ്യൂസിക് ലേബൽ.

Read more

ജൂഡ് ആന്റണിയുടെ മുത്തശി ഗദ ട്രെയിലർ പുറത്തിറങ്ങി

ഓം ശാന്തി ഓശാനയ്ക്കു ശേഷം ജൂഡ് ആന്റണി സംവിധാനം ചെയ്യുന്ന പുതിയ ചിത്രം ഒരു മുത്തശ്ശി ഗദയുടെ ട്രെയിലർ പുറത്തിറങ്ങി. അജു വർഗ്ഗീസ് ആണ് ട്രെയിലർ അവതരിപ്പിക്കുന്നത്.

ചിത്രത്തിൽ സുരാജ വെഞ്ഞാറമൂട്, ലെന, രഞ്ജിനി ചാണ്ടി, ഭാഗ്യലക്ഷ്മി, അപർണാ ബാലമുരളി, അപ്പു, വിജയരാഘവൻ, രൺജി പണിക്കർ, വിനീത് ശ്രീനിവാസൻ തുടങ്ങിയവരാണ് പ്രധാന വേഷങ്ങളിൽ അഭിനയിക്കുന്നത്.

അച്ഛനും അമ്മയും മറ്റുമില്ലാത്ത ന്യൂജനറേഷൻ സിനിമകളിൽ ഒരപവാദമാകും ഈ ചിത്രമെന്നും ട്രെയിലർ വ്യക്തമാക്കുന്നു. വിനോദ് ഇല്ലംപള്ളിയാണ് ചിത്രത്തിന്റെ ക്യാമറ കൈകാര്യം ചെയ്യുന്നത്.മൂന്ന് മാസമാണ് ചിത്രത്തിന്റെ ഷൂട്ടിങ് നടന്നത്.

1970 കാലഘട്ടത്തെ കാമ്പസിനെ പ്രമേയമാക്കി ജൂഡ് ആന്റണി സംവിധാനം ചെയ്യുന്ന 'ഒരു മുത്തശ്ശി ഗദ' ഓണം റിലീസായി തിയേറ്ററുകളിലെത്തും.സെപ്റ്റംബർ 15 നാണ് ചിത്രം തിയേറ്ററുകളിൽ എത്തുന്നത്.

Read more

കിടിലന്‍ കോമഡിയുമായി വെല്‍കം ടു സെൻട്രൽ ജയിൽ ട്രെയിലറെത്തി

നീണ്ട നാളത്തെ ഇടവേളയ്ക്ക് ശേഷം സുന്ദർ ദാസും ദിലീപും ഒന്നിക്കുന്ന വെൽകം ടു സെൻട്രൽ ജയിൽ എന്ന ചിത്രത്തിന്റെ ട്രെയിലർ റിലീസ് ചെയ്തു. ഹാസ്യത്തിന് പ്രധാന്യം നൽകി, പതിവ് ദിലീപ് ചേരുവകളെല്ലാം ചേർത്തൊരുക്കുന്ന ചിത്രമാണ് വെൽകം ടു സെൻട്രൽ ജയിലിനെന് ട്രെയിലർ സൂചന നല്കുന്നു. ബന്നി പി നായരമ്പലമാണ് ചിത്രത്തിന് തിരക്കഥ എഴുതിയിരിക്കുന്നത്.

ജയിൽ വാസം ആഘോഷമാക്കുന്ന നായകനെ നമുക്ക് ട്രെയിലറിൽ കാണാം. തെന്നിന്ത്യൻ താരം വേദികയാണ് ചിത്രത്തിലെ നായിക. വില്ലാളി വീരൻ എന്ന ചിത്രത്തിന് ശേഷം വേദികയും ദിലീപും ഒന്നിക്കുന്ന ചിത്രമാണ് വെൽകം ടു സെൻട്രൽ ജയിൽ ഹാസ്യത്തിന് ചുക്കാൻ പിടിക്കാൻ ദിലീപിനൊപ്പം, രൺജി പണിക്കർ, അജു വർഗ്ഗീസ്, കൊച്ചു പ്രേമൻ, ഷറഫുദ്ദീൻ, ഹാരിഷ്, ധർമജൻ ബോൾഗാട്ടി, കലാഭവൻ ഷാജോൺ, പ്രദീപ് കോട്ടയം, കൈലാഷ്, ഗിന്നസ് പക്രു, സിദ്ദിഖ് തുടങ്ങിയൊരു വലിയ താരനിരയും എത്തുന്നുണ്ട്.

കുബേരൻ എന്ന ചിത്രത്തിന് വേണ്ടിയാണ് ദിലീപും സുന്ദർ ദാസും ഒടുവിൽ ഒന്നിച്ചത്. ചിത്രം സെപ്റ്റംബർ 9 ന് തിയേറ്ററിലെത്തും.

Read more

തൃശൂർ ഗഡിയായി ദുൽഖർ; സത്യൻ അന്തിക്കാട് ചിത്രത്തിന് ഷൂട്ടിങ് തുടങ്ങി

ദുൽഖർ സൽമാൻ നായകനാകുന്ന സത്യൻ അന്തിക്കാട് ചിത്രത്തിന്റെ ഷൂട്ടിങ് ആരംഭിച്ചു. നടൻ ചിത്രത്തിൽ തൃശൂരൂകാരന്റെ റോളിലാണ് എത്തുക. തൃശൂരിലെ ഒരു പ്രധാന വ്യവസായിയുടെ മകനാണ് ദുൽഖറിന്റെ കഥാപാത്രം. മുകേഷാണ് അച്ഛന്റെ റോളിൽ.അമൽ നീരദ് ചിത്രത്തിൽ അജി മാത്യു എന്ന പാലാക്കാരനെ അവതരിപ്പിച്ച നടൻ ഈ സിനിമയിൽ തൃശൂർ ഭാഷ സംസാരിക്കും.

ഇന്ത്യൻ പ്രണയകഥ എന്ന ചിത്രത്തിന് ശേഷം ഇഖ്ബാൽ കുറ്റിപ്പുറത്തിന്റെ രചനയിൽ സത്യൻ അന്തിക്കാട് സംവിധാനം ചെയ്യുന്ന ചിത്രം കൂടിയാണ് ഇത്. വിനോദ് ഇല്ലമ്പിള്ളിയാണ് ക്യാമറ ആണ് ഛായാഗ്രഹണം. സത്യൻ അന്തിക്കാട് ചിത്രങ്ങളിൽ നിർമ്മാണ നിർവ്വഹണം നടത്തിയിരുന്ന സേതു മണ്ണാർക്കാടാണ് സിനിമയുടെ നിർമ്മാതാവ്. ഇതാദ്യമായാണ് ദുൽഖർ സൽമാൻ സത്യൻ അന്തിക്കാടിന്റെ നായകനാകുന്നത്. നായിക അനുപമ പരേമശ്വരാനാണെന്നാണ് സൂചന.

ചിത്രത്തിന്റെ ഷൂട്ടിങ് കേരളത്തിലും തമിഴ്‌നാട്ടിലും ആയിട്ടാണ് പ്ലാൻ ചെയ്തിരിക്കുന്നത്.

Read more

പ്രതികാരത്തിന്റെ കഥയുമായി "ഊഴം" ട്രെയിലര്‍ എത്തി

പൃഥ്വിരാജ് നായകനാകുന്ന ഊഴത്തിന്റെ ട്രെയിലർ പുറത്തുവിട്ടു. മെമ്മറീസിനു ശേഷം ജിത്തു ജോസഫും പൃഥിരാജും ഒന്നിക്കുന്ന ചിത്രമാണ് ഊഴം.

സൂര്യ കൃഷ്ണമൂർത്തി എന്നാണ് പൃഥ്വിയുടെ കഥാപാത്രത്തിന്റെ പേര്. 'റിവഞ്ച് ഡ്രാമ' സ്വഭാവത്തിലുള്ള ചിത്രത്തിൽ നീരജ് മാധവ്, ഇർഷാദ്, ബാലചന്ദ്രമേനോൻ, കിഷോർ സത്യ, പശുപതി, ജയപ്രകാശ്, ദിവ്യ, രസ്ന പവിത്രൻ എന്നിവർ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.

ജി.ജോർജ്ജും ആന്റോ പടിഞ്ഞാറേക്കരയും ചേർന്ന് ഫൈൻ ട്യൂൺ പിക്ചേഴ്സിന്റെ ബാനറിലാണ് നിർമ്മാണം. ഛായാഗ്രഹണം ഷാംദത്ത് സൈനുദ്ദീൻ. അയൂബ് ഖാൻ എഡിറ്റിങ്. സെപ്റ്റംബർ 8ന് തീയേറ്ററുകളിലെത്തും.

Read more

കാളിദാസ് മലയാളത്തില്‍ നായകനാകുന്നു

ബാലതാരമായി മലയാളത്തിലെത്തി പ്രേക്ഷകരുടെ ഹൃദയത്തിൽ ഇടംപിടിച്ച കാളിദാസ് ജയറാം മലയാള സിനിമയിൽ നായകനായി അരങ്ങേറുന്നു. എബ്രിഡ് ഷൈനിന്റെ ചിത്രത്തിലൂടെയാണ് കാളിദാസ് മലയാള സിനിമയിൽ നായകനാവുന്നത്. ഫേസ്‌ബുക്കിലൂടെ യാണ് താരം വാർത്ത പുറത്തുവിട്ടത്.

മലയാളത്തിൽ അഭിനയിക്കാൻ പോവുന്നതിൽ വളരെ സന്തോഷത്തിലാണ് താരം. മലയാളത്തിലേക്കുള്ള തന്റെ വരവ് സ്വന്തം മണ്ണിലേക്കുള്ള തിരിച്ചുവരവാണെന്നും ഇതിനെ ഏറെ പ്രതീക്ഷയോടെയും സന്തോഷത്തോടെയുമാണ് കാണുന്നതെന്നും കാളിദാസ് തന്റെ പോസ്റ്റിൽ പറയുന്നു.

ഹിറ്റ് ചിത്രങ്ങളായ 1983, ആക്ഷൻ ഹീറോ ബിജു എന്നീ ചിത്രങ്ങൾക്ക് ശേഷം സംവിധായകൻ എബ്രിഡ് ഷൈൻ ഒരുക്കുന്ന ചിത്രമാണ് കാളിദാസിനെ നായകനാക്കി ഉള്ളത്.ചിത്രത്തിന്റെ ഷൂട്ടിങ്ങ് അടുത്ത ആഴ്ച ആരംഭിക്കും. മറ്റ് കഥാപാത്രങ്ങളെ ഇതുവരെ നിശ്ചയിച്ചിട്ടില്ല. ഒരു ക്യാംപസ് ചിത്രമാണെന്ന് ഇതെന്നാണ് റിപ്പോർട്ട്. കൂടുതലും പുതുമുഖങ്ങളായിരിക്കും എന്നും കേൾക്കുന്നു.

തമിഴിൽ അരങ്ങേറ്റം കുറിച്ച കാളിദാസ് രണ്ട് ചിത്രങ്ങളിൽ അഭിനയിച്ചിരുന്നു. ഒരു പക്ക കഥൈ, മീൻ കുഴമ്പും മൺപാനൈയും എന്നീ ചിത്രങ്ങൾ ഉടൻ തീയറ്ററുകളിലെത്തും. 2000ൽ പുറത്തിറങ്ങിയ സത്യൻ അന്തിക്കാടിന്റെ കൊച്ചു കൊച്ചു സന്തോഷങ്ങളായിരുന്നു കാളിദാസിന്റെ ആദ്യ ചിത്രം. പിന്നീട് 2003ൽ അഭിനയിച്ച എന്റെ വീട് അപ്പൂന്റേം എന്ന സിനിമയിലൂടെ മികച്ച ബാലതാരത്തിനുള്ള നാഷണൽ അവാർഡ് കാളിദാസിനെ തേടിയെത്തി.

Read more

കായംകുളം കൊച്ചുണ്ണി വീണ്ടും വരുന്നു

കൊട്ടാരത്തിൽ ശങ്കുണ്ണിയുടെ ഐതിഹ്യമാലയിലെ പാവങ്ങളുടെ തോഴനായ കള്ളൻ കായംകുളം കൊച്ചുണ്ണിയുടെ കഥ വീണ്ടും സിനിമയാകുന്നു. യുവതാരം നിവിൻ പോളിയാണ് കൊച്ചുണ്ണിയായി പകർന്നാട്ടം നടത്താൻ എത്തുന്നത്. ബോബി സഞ്ജയ് ടീമിന്റെ തിരക്കഥയിൽ റോഷൻ ആൻഡ്രൂസാണ് ചിത്രം അണിയിച്ചൊരുക്കുന്നത്

ശ്രീ ഗോകുലം മൂവിസ് നിർമ്മിക്കുന്ന ചിത്രത്തിന് 12 കോടിക്കു മുകളിൽ ചെലവുണ്ടാ കുമെന്നാണ് റിപ്പോർട്ടുകൾ.കാലത്തിനനുസരിച്ചുള്ള ആ സമീപന രീതിയാകും പ്രമേയത്തിലെ പുതുമയെന്നും റോഷൻ ആൻഡ്രൂസ് പറയുന്നു. കൊട്ടാരത്തിൽ ശങ്കുണ്ണിയുടെ ഐതീഹ്യമാലയിലുടെ പ്രശസ്തനായ കായംകുളം കൊച്ചുണ്ണിയായി നടൻ സത്യൻ അഭിനയിച്ച ചിത്രം 1960കളിൽ പുറത്തിറങ്ങിയിരുന്നു. ഇപ്പോൾ തമിഴിലും തിരക്കേറുന്ന നിവിൻ മൂന്ന് തമിഴ് ചിത്രങ്ങളുടെ കരാറിൽ ഒപ്പിട്ടു കഴിഞ്ഞു.

നിരവധി പുതുമുഖങ്ങളും കഥാപാത്രങ്ങളാകുന്ന സിനിമയുടെ സാങ്കേതിക പ്രവർത്തക രിലേറെയും ഇന്ത്യൻ സിനിമയിലെ അതികായന്മാരാണ്.ബാഹുബലിയുടെ നിർമ്മാണ ഏകോപനം നിർവഹിച്ച ഫയർഫ്ളൈ ആണ് കായംകുളം കൊച്ചുണ്ണിയുടെ പ്രൊഡക്ഷൻ കോർഡിനേഷൻ. തമിഴ് സിനിമയിലെ പുതുതരംഗമായ സംഗീത സംവിധായകൻ സന്തോഷ് നാരായണനെയാണ് സംഗീതവും പശ്ചാത്തല സംഗീതത്തിനുമായി പരിഗണിക്കുന്നത്. കബാലി,ജിഗർതണ്ടാ,ഇരൈവി എന്നീ ചിത്രങ്ങൾക്ക് ഈണമിട്ട സന്തോഷ് റോഷൻ ആൻഡ്രൂസിന്റെ തമിഴ് ചിത്രം 36 വയതിനിലേയുടെ സംഗീതസംവിധായകനായിരുന്നു. ഇന്ത്യൻ സിനിമയിലെ മികച്ച ഛായാഗ്രാഹകനും ചിത്രത്തിനൊപ്പമുണ്ടാകും. ഏഴോളം ആക്ഷൻ സീക്വൻസുകൾ കൈകാര്യം ചെയ്യാൻ ദക്ഷിണാഫ്രിക്കയിൽ നിന്നുള്ള ആക്ഷൻ കൊറിയോഗ്രാഫേഴ്സ് എത്തും.

Read more

ഫ്രഞ്ച് സര്‍ക്കാറിന്റെ ഷെവലിയര്‍ ബഹുമതി നടന്‍ കമലഹാസന്

പാരിസ്: ഫ്രഞ്ച് സര്‍ക്കാറിന്റെ ഷെവലിയര്‍ ബഹുമതി ഇന്ത്യന്‍ സിനിമാ നടന്‍ കമലഹാസന് പ്രഖ്യാപിച്ചു. ഷെവലിയര്‍ ഡി എല്‍ ഓര്‍ഡര്‍ ഓഫ് ആര്‍ട്‌സ് എന്നതാണ് ബഹുമതിയുടെ പേര്. ലോകമെമ്പാടുമുള്ള കലാ സാംസ്‌കാരിക സിനിമാരംഗത്തെ അതുല്യ പ്രഫകളെ കണ്ടെത്തിയാണ് ഫ്രഞ്ച് സര്‍ക്കാര്‍ ഈ പുരസ്‌കാരത്തിനുള്ളവരെ തെരഞ്ഞെടുക്കുന്നത്.

ഇതിന് മുമ്പ് ഇന്ത്യയില്‍ നിന്നുമുള്ള ശിവാജി ഗണേശന്‍, അമിതാഭ് ബച്ചന്‍, നന്ദിതാ ദാസ്, ഐശ്വര്യ റായ്, ഷാരൂഖ് ഖാന്‍ എന്നിവര്‍ക്ക് ഇ ഷെവലിയര്‍ പുരസ്‌കാരം ലഭിച്ചിട്ടുണ്ട്. പാരിസില്‍ നടക്കുന്ന ചടങ്ങിലാണ് പ്രധാന തമിഴ് ചലച്ചിത്ര നടന്‍ കമലഹാസന് ഈ ബഹുമതി സമ്മാനിക്കുക.

Read more

മമ്മൂട്ടിയും ജിത്തു ജോസഫും ഒന്നിക്കുന്നു

അങ്ങനെ ഏറെ നാൾ നീണ്ട കാത്തിരിപ്പിനൊടുവിൽ ജിത്തു ജോസഫ് മമ്മൂട്ടി കൂട്ടുകെട്ട് ആദ്യമായി ഒന്നിക്കുന്നു.അടുത്തിടെ നടത്തിയ അഭിമുഖത്തിൽ ജീത്തു ജോസഫ് തന്നെയാണ് ഇക്കാര്യം സ്ഥിരീകരിച്ചത്.

മുമ്പ് മെമ്മറീസ്, ദൃശ്യം എന്നീ ചിത്രങ്ങളിൽ മമ്മൂട്ടിയെ നായകനാക്കാനുള്ള ശ്രമം നടന്നിരുന്നെങ്കിൽ അത് നടക്കാതെ പോവുകയായിരുന്നു. എന്നാലിപ്പോൾ ജീത്തുവിന്റെ ചിത്രത്തിന് യെസ് പറഞ്ഞിരിക്കുകയാണ് മെഗാ സ്റ്റാർ.

ഒരു ദിവസം നടക്കുന്ന സംഭവങ്ങളാണ് ചിത്രത്തിൽ ഉള്ളത്. നഗരത്തിന്റെ പശ്ചാത്തലത്തിൽ ഒരുങ്ങുന്ന ഒരു ത്രില്ലറാണ് ചിത്രം. സാധാരണക്കാരനായ ഒരു വ്യക്തിയായാണ് താരം ചിത്രത്തിലെത്തുക.- ചിത്രത്തെ കുറിച്ച് സംവിധായകൻ പറയുന്നു. അതേസമയം പൃഥ്വിരാജ് നായകനാകുന്ന ഊഴമാണ് ജീത്തുവിന്റെ പുറത്തിറങ്ങാൻ പോകുന്ന അടുത്ത ചിത്രം. 

ഊഴത്തിന് ശേഷം അൻസാർ ഖാൻ സംവിധാനം ചെയ്യുന്ന ചിത്രമാണ് ജിത്തുവിന്റെ അടുത്ത പ്രോജക്റ്റ്. ഈ ചിത്രത്തിന് വേണ്ടി തിരക്കഥ എഴുതുന്നത് ജിത്തുവാണ്. ഇത് ആദ്യമായാണ് മറ്റൊരു സംവിധായകന് വേണ്ടി ജിത്തു തിരക്കഥ എഴുതുന്നത്. ദിലീപും കാവ്യയും ഒന്നിക്കുന്ന ഒരു ചിത്രവും ദൃശ്യത്തിന് ശേഷം മോഹൻലാൽ നായകനാകുന്ന ചിത്രവും ജിത്തുവിന്റെ പരിഗണനയിലുണ്ട്.

നവാഗതനായ ഹനീഫ് അദേനി സംവിധാനം ചെയ്യുന്ന 'ദി ഗ്രേറ്റ് ഫാദറാ'ണ് മമ്മൂട്ടിയുടെ അടുത്ത ചിത്രം. പൃഥ്വിരാജിന്റെ നേതൃത്വത്തിലുള്ള ഓഗസ്റ്റ് സിനിമാസ് നിർമ്മിക്കുന്ന ചിത്രം ഫാമിലി ത്രില്ലർ സ്വഭാവത്തിലുള്ളതാണ്. ഈ മാസം തൃശൂരിൽ ചിത്രീകരണം തുടങ്ങും.

Read more

ഷൈന്‍ ടോം ചാക്കോയുടെ ദൂരം ട്രെയിലര്‍ പുറത്തിറങ്ങി

ക്‌ബുൽ സൽമാൻ, ഷൈൻ ടോം ചാക്കോ, ഭഗത് മാനുവൽ എന്നിവരെ പ്രധാനകഥാപാത്രങ്ങളാക്കി മനു കണ്ണന്താനം സംവിധാനം ചെയ്യുന്ന ദൂരത്തിന്റെ ട്രെയിലർ പുറത്തിറങ്ങി. ജേക്കബിന്റെ സ്വർഗരാജ്യത്തിലൂടെ ശ്രദ്ധേയയായ ഐമയും ഐമയുടെ ഇരട്ടസഹോദരി ഐനയും ചിത്രത്തിൽ അഭിനയിക്കുന്നുണ്ട്.

അർച്ചന കവി, സുരാജ് വെഞ്ഞാറമ്മൂട്, സായ്കുമാർ തുടങ്ങിയവരാണ് മറ്റു പ്രധാന വേഷങ്ങളിൽ അഭിനയിക്കുന്നത്.കഥ, തിരക്കഥ: ഡാനിൽ ഡേവിഡ്, സംഭാഷണം: അഭിലാഷ് എസ്. ചന്ദ്രൻ, ഗാനരചന: റഫീഖ് അഹമ്മദ്, സംഗീതം: മുഹമ്മദ് നിസ്വാൻ.

Read more

തെന്നിന്ത്യൻ താര സുന്ദരി തമന്ന മലയാളത്തിലേക്ക്


ബാഹുബലി എന്ന ചിത്രത്തിന് ശേഷം താരമൂല്യം വാനോളമുയർന്ന തമന്ന ഭട്ടിയ മലയാള സിനിമയിലേക്കെത്തുന്നു. ദിലീപ് നായകനാകുന്ന കമ്മാരസംഭവം എന്ന ചിത്രത്തിലൂടെയാണ് തമന്ന മലയാള സിനിമയിൽ അരങ്ങേറുന്നത്.

ദിലീപിനെ നായകനാക്കി രതീഷ് അമ്പാട്ട് സംവിധാനം ചെയ്യുന്ന ചിത്രമാണ് കമ്മാരസംഭവം.ഇതാദ്യമായാണ് തമന്ന ഒരു മലയാള സിനിമയുടെ ഭാഗമാകുന്നത്. ഇതുമായി ബന്ധപ്പെട്ട ചർച്ചകൾ പുരോഗമിക്കുകയാണ്. കരാറിൽ ഉടൻ താരം ഒപ്പുവയ്ക്കുമെന്ന് അണിയറപ്രവർത്തകർ അറിയിച്ചു. തെന്നിന്ത്യൻ നടൻ സിദ്ധാർഥും ഈ സിനിമയിലൂടെ മലയാളത്തിലേക്കെത്തും. മുരളി ഗോപിയാണ് ചിത്രത്തിന് തിരക്കഥയൊരുക്കുന്നത്. ദിലീപിന്റെ ഇതുവരെ കാണാത്ത ഗെറ്റപ്പിലാകും ദിലീപ് എത്തുകയെന്ന് അണിയറപ്രവർത്തകർ പറയുന്നു. 90 വയസുള്ള ഒരാളുടെ ഗെറ്റപ്പിലും ദിലീപ് എത്തുന്നുവെന്നാണ് റിപ്പോർട്ടുകൾ.

കേരളത്തിലെ ഒരു പ്രശസ്ത കമ്യൂണിസ്റ്റുകാരനെ കുറിച്ച് പറയുന്ന ചിത്രമാണ് കമ്മാരസംഭവം. ചിത്രത്തിന്റെ ഷൂട്ടിങ് ചിങ്ങം ഒന്നിനാണ് ആരംഭിച്ചത്. ചിത്രത്തിൽ തമന്നയുടെ സംഭാഷണങ്ങൾ തമന്നയുടെ തന്നെ ശബ്ദത്തിൽ ഡബ്ബ് ചെയ്യിക്കാനാണ് ആലോചിക്കുന്നത്. അടുത്ത ദിവസങ്ങളിൽ തന്നെ ഇക്കാര്യത്തിൽ തീരുമാനം ഉണ്ടാകുമെന്നാണ് അറിയുന്നത്.

തമന്നയും സംവിധായകൻ രതീഷ് അമ്പാട്ടും നേരത്തെ ഒരുമിച്ച് വർക്ക് ചെയ്തിട്ടുള്ളതാണ്. കമ്മാരസംഭവത്തിന്റെ കഥ ചെറുതായി സൂചിപ്പിച്ചപ്പോൾ തമന്ന ചിത്രത്തിൽ അഭിനയിക്കാൻ താൽപര്യം പ്രകടിപ്പിക്കുകയായിരുന്നു. മലയാളത്തിൽ അഭിനയിക്കാനുള്ള ആഗ്രഹം നേരത്തെ തന്നെ തമന്ന പ്രകടിപ്പിച്ചിരുന്നു

Read more

പൃഥിരാജ് നിർമ്മിച്ച് മമ്മൂട്ടി നായകനാകുന്ന "ദ ഗ്രേറ്റ് ഫാദർ; ചിത്രത്തിന്റെ ഫസ്റ്റ് ലുക്ക് പുറത്ത്

മമ്മൂട്ടിയെ നായകനാക്കി നവാഗതനായ ഹനീഫ് അദേനി സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പുറത്തുവന്നു. 'ദ ഗ്രേറ്റ് ഫാദർ' എന്ന് പേരിട്ടിരിക്കുന്ന ചിത്രം പൃഥ്വിരാജിന്റെ നേതൃത്വത്തിലുള്ള ഓഗസ്റ്റ് സിനിമാസ് നിർമ്മിക്കും

ഒരു അച്ഛന്റെയും കുട്ടിയുടെയും കഥയാണ് ഒരു സസ്‌പെൻസ് വഴിയിലൂടെ ചിത്രം പറയുന്നത്. ഓഗസ്റ്റ് സിനിമയുടെ ബാനറിൽ പൃഥ്വിരാജ്, ഷാജി നടേശൻ, ആര്യ, സന്തോഷ് ശിവൻ എന്നിവർ ചേർന്നാണ് നിർമ്മാണം.

ചിത്രത്തിൽ ആര്യയാണ് പ്രധാന നെഗറ്റീവ് റോൾ അവതരിപ്പിക്കുന്നത്. തമിഴ് താരം സ്‌നേഹയായിരിക്കും ചിത്രത്തിൽ നായിക. മുൻപ് വന്ദേമാതരം എന്ന ചിത്രത്തിൽ സ്‌നേഹ മമ്മൂട്ടിയുടെ നായിക ആയിട്ടുണ്ട്. ഈ മാസം തൃശൂരിൽ ചിത്രീകരണം ആരംഭിക്കും.

സപ്തമശ്രീ തസ്‌കരാ,ഡബിൾ ബാരൽ, ഡാർവിന്റെ പരിണാമം തുടങ്ങി ഓഗസ്റ്റ് സിനിമാസ് നിർമ്മിച്ച മിക്ക ചിത്രങ്ങൾക്കുമൊപ്പം സഹകരിച്ചയാളാണ് ഹനീഫ് അദേനി. പരസ്യ ചിത്രങ്ങളിലെ പരിചയസമ്പത്തുമായാണ് ഹനീഫ് അദേനി മമ്മൂട്ടിയെ നായകനാക്കി സ്‌റ്റൈലിഷ് എന്റർടെയിനർ ഒരുക്കുന്നത്.

Read more

നാദിർഷയുടെ കട്ടപ്പനയിലെ ഋത്വിക് റോഷൻ ഷൂട്ടിങ് തുടങ്ങി

സിനിമാ മോഹവുമായി നടക്കുന്ന കട്ടപ്പനക്കാരൻ യുവാവിന്റെ കഥ പറയുന്ന കട്ടപ്പനയിലെ ഋത്വിക് റോഷൻ എന്ന ചിത്രത്തിന്റെ ഷൂട്ടിങ് തുടങ്ങി. അമർ അക്‌ബർ ആന്റണിക്കു ശേഷം നാദിർഷ സംവിധാനം ചെയ്യുന്ന ചിത്രമാണ് കട്ടപ്പനയിലെ ഋത്വിക് റോഷൻ. 

കട്ടപ്പനയാണ് ചിത്രത്തിന്റെ പ്രധാന ലൊക്കേഷൻ. സിനിമാ മോഹവുമായി നടക്കുന്ന യുവാവിന്റെ സ്‌റ്റൈലിലുള്ള നടപ്പിനെ കളിയാക്കി നാട്ടുകാർ വിളിക്കുന്ന പേരാണ് ഋത്വിക് റോഷൻ. ആദ്യചിത്രത്തിൽ പൃഥ്വിരാജ്, ഇന്ദ്രജിത്ത്, ജയസൂര്യ എന്നീ നായകന്മാർ ്അണിനിരന്നെങ്കിൽ പുതിയ ചിത്രത്തിൽ താരസാന്നിധ്യം കുറവാണ്. അമർ അക്‌ബറിന്റെ തിരക്കഥാകൃത്തുക്കൡ ഒരാളായ വിഷ്ണു ഉണ്ണികൃഷ്ണനാണ് നായകൻ. പ്രയാഗാ മാർട്ടിനാണ് നായിക.

അമർ അക്‌ബറിന്റെ തിരക്കഥാകൃത്തുക്കളായ വിഷ്ണുവും ബിബിൻ ജോർജും ചേർന്നാണ് പുതിയ ചിത്രത്തിനും കഥയൊരുക്കുന്നത്. നാദിർഷയുടെ അടുത്ത സുഹൃത്തുക്കളായ നടൻ ദിലീപും ഡോ.സ്‌ക്കറിയ തോമസും ചേർന്നാണ് നിർമ്മാണം. സംഗീതം ബിജിബാൽ. സിദ്ദിഖ്, സലിംകുമാർ, കലാഭവൻ ഷാജോൺ, കോട്ടയം നസീർ തുടങ്ങിയവരും മറ്റു പ്രധാന വേഷങ്ങളിൽ എത്തുന്നുണ്ട്

Read more

ഊഴത്തിലെ ആദ്യ വീഡിയോ സോംഗ് പുറത്തിറങ്ങി

'മെമ്മറീസി'ന് ശേഷം പൃഥ്വിരാജും ജീത്തു ജോസഫും ഒന്നിക്കുന്ന റിവഞ്ച് ഡ്രാമ 'ഊഴ'ത്തിലെ വീഡിയോ സോങ് പുറത്തെത്തി. 'തിരികെ വരുമോ കളിയും ചിരിയും..' എന്നാരംഭിക്കുന്ന ഗാനത്തിന്റെ വരികൾ സന്തോഷ് വർമ്മയുടേതാണ്. സംഗീതം പകർന്നതും പാടിയതും അനിൽ ജോൺസൺ.

ജി.ജോർജ്ജും ആന്റോ പടിഞ്ഞാറേക്കരയും ചേർന്ന് നിർമ്മിക്കുന്ന ചിത്രത്തിന്റെ ഛായാഗ്രഹണം ഷാംദത്ത് സൈനുദ്ദീനാണ്. അയൂബ് ഖാൻ എഡിറ്റിങ്. സെപ്റ്റംബർ 8ന് തീയേറ്ററുകളിലെത്തും.

Read more

ടി.എ റസാഖ് അന്തരിച്ചു

കൊച്ചി: പ്രശസ്ത എഴുത്തുകാരനും തിരക്കഥാകൃത്തുമായിരുന്ന ടി.എ റസാഖ് (58)അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. കരള്‍രോഗത്തെ തുടര്‍ന്ന് കഴിഞ്ഞ ഒരു മാസത്തിലേറെയായി ചികിത്സയിലായിരുന്നു. 

1958 ഏപ്രില്‍ 25ന് മലപ്പുറം ജില്ലയിലെ കൊണ്ടോട്ടി തുറക്കലിലാണ് ടി.എ റസാഖ് ജനിച്ചത്. പിതാവ് ടി.എ ബാപ്പു. മാതാവ് വാഴയില്‍ ഖദീജ.

കാണാക്കിനാവ്, പെരുമഴക്കാലം, ആയിരത്തില്‍ ഒരുവന്‍ എന്നീ ചിത്രങ്ങളിലൂടെ ദേശീയ, സംസ്ഥാന അവാര്‍ഡുകളും റസാഖിനെ തേടി എത്തിയിട്ടുണ്ട്. അന്തരിച്ച തിരക്കഥാകൃത്ത് ടി.എ ഷാഹിദ് സഹോദരനാണ്.

1987 എ.ടി അബുവിന്റെ ധ്വനിയില്‍ സഹസംവിധായകനായി സിനിമയിലെത്തി. കമലിന്റെ വിഷ്ണുലോകം, തമ്പി കണ്ണന്താനത്തിന്റെ നാടോടി, കമലിന്റെ തന്നെ ഗസല്‍, ജി.എസ് വിജയന്റെ ഘോഷയാത്ര തുടങ്ങി 33 ല്‍ കൂടുതല്‍ സിനിമകള്‍ അദ്ദേഹത്തിന്റെ കയ്യൊപ്പ് പതിഞ്ഞതാണ്.

കൊളത്തൂര്‍ എ.എം.എല്‍.പി സ്‌ക്കൂള്‍, കൊണ്ടോട്ടി ഗവണ്‍മെന്റ് ഹൈസ്‌ക്കൂള്‍ എന്നിവിടങ്ങളില്‍ വിദ്യാഭ്യാസം പൂര്‍ത്തിയാക്കി. എട്ടാം ക്ലാസു മുതല്‍ തന്നെ റസാഖ്  നാടക പ്രവര്‍ത്തനങ്ങളില്‍ സജീവമായിരുന്നു. നിരവധി ഏകാങ്കനാടകങ്ങളുടെ രചന, സംവിധാനം നിര്‍വ്വഹിച്ച അദ്ദേഹം വര എന്ന സമാന്തര പ്രസിദ്ധീകരണത്തിന് തുടക്കം കുറിച്ചു. കെ.എസ്.ആര്‍.ടി.സിയില്‍ ക്ലാര്‍ക്കായും സേവനമനുഷ്ടിച്ചിട്ടുണ്ട്.

സിബി മലയില്‍ സംവിധാനം ചെയ്ത കാണാക്കിനാവിന് 1977 മികച്ച കഥയ്ക്കും തിരക്കഥയ്ക്കുമുള്ള സംസ്ഥാന ചലച്ചിത്ര അവാര്‍ഡുകള്‍ ലഭിച്ചു. ഇതേ സിനിമയ്ക്ക് മികച്ച പ്രമേയത്തിനുള്ള ദേശീയ അവാര്‍ഡും അദ്ദേഹത്തെ തേടിയെത്തി.

സിബി മലയില്‍ സംവിധാനം ചെയ്ത ആയിരത്തില്‍ ഒരുവന് മികച്ച കഥയ്ക്കുള്ള സംസ്ഥാന അവാര്‍ഡ് ലഭിച്ചു. കമല്‍ സംവിധാനം ചെയ്ത പെരുമഴക്കാലത്തിന് 2004ലെ മികച്ച കഥയ്ക്കുള്ള കേരള സ്റ്റേറ്റ് അവാര്‍ഡും ടി.എ റസാഖ് കരസ്ഥമാക്കി.

2016ല്‍ പുറത്തിറങ്ങിയ സുഖമായിരിക്കട്ടെ എന്ന ചിത്രമാണ് അദ്ദേഹം അവസാനം തിരക്കഥ എഴുതിയ ചിത്രം. റജി പ്രഭാകര്‍ എന്ന പുതുമുഖ സംവിധായകനായിരുന്നതുകൊണ്ട് ആ ചിത്രത്തിന്റെ സംവിധാനത്തിലും അദ്ദേഹം ശ്രദ്ധിച്ചിരുന്നു.

വിഷ്ണുലോകം, നാടോടി, ഘോഷയാത്ര, ഗസല്‍, കാണാക്കിനാവ്, താലോലം, ഉത്തമന്‍, വാല്‍ക്കണ്ണാടി, പെരുമഴക്കാലം, വേഷം, രാപ്പകല്‍, ബസ്സ് കണ്ടക്ടര്‍, പരുന്ത്, മായാ ബസാര്‍, ആയിരത്തില്‍ ഒരുവന്‍, പെണ്‍പട്ടണം, സൈഗാള്‍ പാടുകയാണ്, മൂന്നാം നാള്‍ ഞായറാഴ്ച തുടങ്ങിയവ റസാഖിന്റെ തൂലിക പതിഞ്ഞ ചിത്രങ്ങളാണ്.

Read more

അടൂരിന്റെ പിന്നെയും ട്രെയ്‌ലർ ട്രെയ്‌ലർ പുറത്തിറങ്ങി; 18 ന് ചിത്രം തീയറ്ററുകളിലെത്തും

ഒരിടവേളയ്ക്കു ശേഷം ദിലീപ്-കാവ്യ ജോഡികളായെത്തുന്ന പിന്നെയും ട്രെയ്‌ലർ എത്തി. അടൂർ ഗോപാലകൃഷ്ണന്റെ കരിയറിലെ പന്ത്രണ്ടാം ചിത്രമാണ് പിന്നെയും. രചനയും സംവിധാനവും അടൂർ തന്നെയാണ് നിർവഹിക്കുന്നത്. 1 മിനുട്ട് 47 സെക്കന്റ് ആണ് ട്രെയ്‌ലറിന്റെ ദൈർഘ്യം. ദിലീപ് 'പുരുഷോത്തമൻ' എന്ന കഥാപാത്രമായെത്തുന്ന ചിത്രത്തിൽ ഭാര്യ 'ദേവി'യായി കാവ്യ മാധവൻ എത്തുന്നു. ദിലീപ് ആദ്യമായി അടൂർ ചിത്രത്തിൽ അഭിനയിക്കുകയാണ്. അക്കുഅക്‌ബർ സംവിധാനം ചെയ്ത വെള്ളരിപ്രാവിന്റെ ചങ്ങാതികൾ എന്ന ചിത്രത്തിലാണ് അവസാനമായി ദിലീപ്-കാവ്യ ജോഡികൾ അഭിനയിച്ചത്.

നെടുമുടി വേണു, വിജയരാഘവൻ, ഇന്ദ്രൻസ്, കെപിഎസി ലളിത, നന്ദു, ശ്രിണ്ഡ, രവി വള്ളത്തോൾ, പ്രൊഫ: അലിയാർ, പി.ശ്രീകുമാർ, സുധീർ കരമന എന്നിവർ മറ്റ് കഥാപാത്രങ്ങളെ അവതരിപ്പിക്കും. പ്രശസ്ത മറാഠി താരം സുബോധ് ഭാവെ ഒരു പ്രധാന വേഷത്തിൽ എത്തുന്നുണ്ട്. 18 ന് ചിത്രം തീയേറ്ററുകളിലെത്തും.

എംജെ രാധാകൃഷ്ണനാണ് ഛായാഗ്രഹണം. ഹരികുമാർ ശബ്ദലേഖനം. ബി അജിത്ത്കുമാർ എഡിറ്റിങ്. കാസ്റ്റിംഗും പ്രൊഡക്ഷൻ ഡിസൈനിങ്ങും കുക്കു പരമേശ്വരൻ. എട്ട് വർഷത്തിന് ശേഷം അടൂർ സംവിധാനം ചെയ്യുന്ന ചിത്രമാണ് 'പിന്നെയും'. 2008ൽ പുറത്തുവന്ന 'ഒരു പെണ്ണും രണ്ടാണു'മാണ് അവസാനം തീയേറ്ററുകളിലെത്തിയ അടൂർ ചിത്രം.

Read more

നടന്‍ സാഗര്‍ ഷിയാസ് അന്തരിച്ചു

മൂവാറ്റുപുഴ: മലയാളിയെ കുടുകുടാ ചിരിപ്പിച്ച കലാകാരനായിരുന്നു സാഗർ ഷിയാസ്. മിമിക്രിയിലൂടേയും സിനിമയിലൂടേയും മലയാളിയുടെ മനസ്സിൽ ചിരിയുടെ മാലപ്പടക്കം പൊട്ടിച്ച ആനിക്കാട് കമ്പിനിപ്പടി തെങ്ങുംമൂട്ടിൽ വീട്ടിൽ സാഗർ ഷിയാസിന്റെ മരണം ഞെട്ടലോടെയാണ് സിനിമാ ലോകം ഏറ്റെടുത്തത്. ദിലീപും സലിംകുമാറും എല്ലാം അമ്പത്തൊന്നുകാരനായ ഷിയാസിന്റെ അടുത്ത സുഹൃത്തുക്കൾ. സൗഹൃദത്തിന് ഏറെ പ്രധാന്യം നൽകിയ ഷിയാസിന് വൃക്ക സംബന്ധമായ അസുഖമാണ് വിനയായത്.

പത്തു ദിവസമായി ചോറ്റാനിക്കര ടാറ്റാ ആശുപത്രിയിൽ പ്രവേശിപ്പിച്ചിരുന്ന ഷിയാസിന്റെ മരണം രാത്രി എട്ടരയോടെയാണ് സംഭവിച്ചത്. കരൾ രോഗമാണ് പിന്നീട് വൃക്കയെ ബാധിച്ചതെന്നാണ് സൂചന. ആദ്യകാല മിമിക്രി പ്രവർത്തകരിൽ ഒരാളായ ഷിയാസ് ഇരുപത്തിയഞ്ചു വർഷത്തോളമായി ഈ മേഖലയിലുണ്ട്. ഒട്ടെറെ സിനിമകളിലും ചെറിയ വേഷങ്ങൾ ചെയ്തിട്ടുള്ള ഷിയാസിന്റെ അവസാന സിനിമ നാദിർഷാ സംവിധാനം ചെയ്ത അമർ, അക്‌ബർ, ആന്തോണിയാണ്.

അഞ്ജലി മേനോൻ സംവിധാനം ചെയ്ത മഞ്ചാടിക്കുരു എന്ന ചിത്രത്തിൽ ശ്രദ്ധേയമായ കഥാപാത്രത്തെ അവതരിപ്പിച്ചിട്ടുണ്ട്. തമിഴ് സൂപ്പർ താരം രജനി കാന്തിനെ അവതരിപ്പിക്കുന്നതിലൂടെ ശ്രദ്ധേയനായിരുന്നു ഷിയാസ്. പാരഡി കസെറ്റുകൾ, സ്റ്റേജ് ഷോകൾ എന്നിവയിൽ ശ്രദ്ധേയ സാന്നിദ്ധ്യമായിരുന്നു. ഷൈനിയാണു

ദിലീപ്, നാദിർഷ, അബി തുടങ്ങിയവർക്കൊപ്പം മിമിക്രി കലാരംഗത്ത് പ്രവർത്തിച്ചിട്ടുണ്ട്. ആക്ഷേപഹാസ്യത്തിന്റെ സവിശേഷസ്വരം കൊണ്ടും ശ്രദ്ധേയനായിരുന്നു സാഗർ ഷിയാസ്. നാദിർഷായോടൊപ്പം 'ദേ മാവേലി കൊമ്പത്ത്' എന്ന ആക്ഷേപഹാസ്യ ഓണക്കാസറ്റിൽ പരിപാടി അവതരിപ്പിച്ച് ശ്രദ്ധ നേടിയിരുന്നു. ഏഷ്യാനെറ്റിന്റ സിനിമാല പ്രോഗ്രാമിലും ശ്രദ്ധേയമായ വേഷം ചെയ്തു. നടനും മിമിക്രി ആർട്ടിസ്റ്റുമായ അബി, ബഷീർ എന്നിവർക്കൊപ്പം മൂവാറ്റുപുഴയിലെ വേദിയിൽ നിന്നാണ് തുടക്കം.

പിന്നീട് കൊച്ചിൻ ഓസ്‌കാറിലും അബിയുടെ സാഗർ ട്രൂപ്പിലുമെത്തി. വിവിധ സീരിയലുകളിലും ശ്രദ്ധേയമായ വേഷം ചെയ്തു. 75 ഓളം സിനിമകളിൽ വേഷമിട്ടുണ്ട്. മാനത്തെ കൊട്ടാരം എന്ന സിനിമയിലൂടെയാണ് ചലച്ചിത്ര രംഗത്തേക്ക് കടന്നുവന്നത്. അമർ അക്‌ബർ ആന്റണി, ബാംഗ്‌ളൂർ ഡേയ്‌സ്, മായാവി, ഒന്നാമൻ, ദുബായ്, ജൂനിയർ മാൻട്രേക്ക്, ഉദയം, ദ കിങ് മേക്കർ ലീഡർ, ദുബായ്, കണ്ണാടിക്കടവത്ത്, പഞ്ചപാണ്ഡവർ, അഞ്ചരക്കല്ലാണം, കല്യാണഉണ്ണികൾ തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്്.

ഖബറടക്കം വെള്ളിയാഴ്ച രാവിലെ 11.30ന് മൂവാറ്റുപുഴ ജുമാ മസ്ജിദിൽ. മൂവാറ്റുപുഴ അടൂപറമ്പ് കമ്പനി പടി തെങ്ങുംമൂട്ടിൽ പരേതരായ സുലൈമാന്റെയും സൈനബയുടെയും മകനാണ്. ഭാര്യ: ഷൈനി, മക്കൾ: ആലിയ, അമാന, അൻഹ.

Read more

ടി.കെ.പത്മിനിയുടെ ജീവിതം സിനിമയാകുന്നു; അനുമോൾ നായിക

മൺമറഞ്ഞ വിഖ്യാത ചിത്രകാരി ടി.കെ.പത്മിനിയുടെ ജീവിതം സിനിമയാകുന്നു. മലയാളത്തിലെ യുവകഥാകൃത്തുക്കളിൽ ശ്രദ്ധേയനായ സുസ്മേഷ് ചന്ത്രോത്ത് ആണ് ചിത്രം ഒരുക്കുന്നത്. ചിത്രത്തിൽ അനുമോളാണ് നായിക. 'പത്മിനി' എന്നുതന്നെയാണ് സിനിമയുടെ പേര്.

കേരളത്തിലും ചെന്നൈയിലുമായി ചിത്രീകരണം പൂർത്തിയാക്കിയ സിനിമ അടുത്ത മാസം തീയേറ്ററുകളിലെത്തും.അറുപതുകളിൽ പത്മിനി വരച്ച ചിത്രങ്ങളിൽ ഇന്ത്യൻ ചിത്രകലയുടെ 'ഭാവിവാഗ്ദാന'ത്തെ ചിത്രകലാ നിരൂപകർ കണ്ടിരുന്നു. ഇരുപത്തൊൻപതാം വയസിൽ പ്രസവത്തോടനുബന്ധിച്ചായിരുന്നു അവരുടെ മരണം.

ടി.കെ.പത്മിനി മെമോറിയൽ ട്രസ്റ്റിന്റെ ബാനറിൽ ടി.കെ.ഗോപാലൻ നിർമ്മിക്കുന്ന ചിത്രത്തിന്റെ രചനയും സുസ്മേഷിന്റേതാണ്. നേരത്തേ എം.എ.നിഷാദിന്റെ പൃഥ്വിരാജ് ചിത്രം 'പകൽ ', പ്രിയനന്ദനന്റെ 'മരിച്ചവരുടെ കടൽ ' എന്നിവയുടെ തിരക്കഥ രചിച്ചത് സുസ്മേഷ് ആയിരുന്നു.

Read more

ചിരിവിരുന്നൊരുക്കി പോപ്‌കോണ്‍ ട്രെയ്‌ലർ പുറത്തിറങ്ങി

കോമഡിയുടെ രസക്കൂട് തീർത്ത് അനീഷ് ഉപാസന സംവിധാനം ചെയ്ത പോപ്കോണിന്റെ ട്രെയിലറെത്തി. സൗബിൻ ഷാഹിറും ഷൈൻ ടോം ചാക്കോയുമാണ് പ്രധാന കഥാപാത്രങ്ങളാണ്. ഹ്യൂമർ ട്രാക്കിലാണ് സിനിമ. ബൻസുരി സിനിമയുടെ ബാനറിൽ ഷിബുദിവാകർ, ഷൈൻ ഗോപി എന്നിവർ ചേർന്നാണ് പോപ് കോൺ നിർമ്മിക്കുന്നത്. ഷാനി ഖാദറാണ് തിരക്കഥ.

സ്രിന്ദയാണ് നായിക. കിന്ററും ജോയിയും എന്ന പേരിലാണ് ചിത്രം ആദ്യം പ്രഖ്യാപിച്ചിരുന്നത്. ഉത്തരേന്ത്യൻ ലൊക്കേഷനുകളുടെ മനോഹാരിതയിൽ ഒരുക്കിയ സിനിമ കൂടിയാണ് പോപ്കോൺ. സുധീർ കരമന,ഇന്ദ്രൻസ്, കലിംഗ ശശി എന്നിവരും ചിത്രത്തിലുണ്ട്.

Read more

പ്രശസ്ത ചലച്ചിത്ര സംവിധായകൻ ശശിശങ്കർ അന്തരിച്ചു

കൊച്ചി: പ്രശസ്ത ചലച്ചിത്ര സംവിധായകൻ ശശിശങ്കർ അന്തരിച്ചു. കോലഞ്ചേരിക്കു സമീപം പാങ്കോടുള്ള വീടിനുള്ളിൽ അബോധാവസ്ഥയിൽ ഇദ്ദേഹത്തെ കണ്ടെത്തുകയായിരുന്നു. ആശുപത്രിയിലെത്തിച്ചെങ്കിലും രക്ഷിക്കാനായില്ല.

രാവിലെ ഒമ്പതോടെയാണു വീടിനുള്ളിൽ അദ്ദേഹം കുഴഞ്ഞുവീണത്. മൃതദേഹം കോലഞ്ചേരി മെഡിക്കൽ മിഷൻ ആശുപത്രിയിൽ സൂക്ഷിച്ചിരിക്കുകയാണ്. ചെന്നൈയിലുള്ള മകൻ വന്നശേഷം അന്ത്യകർമങ്ങൾ നടക്കുമെന്നാണു റിപ്പോർട്ട്.

നാരായം എന്ന ചിത്രത്തിലൂടെ 1993ൽ സാമൂഹ്യ പ്രതിബദ്ധതയുള്ള മികച്ച സിനിമക്കുള്ള ദേശീയ പുരസ്‌കാരം ലഭിച്ച സംവിധായകനാണു ശശിശങ്കർ. ദിലീപ് എന്ന നടനെ ജനപ്രിയനാക്കുന്നതിൽ പ്രധാന പങ്കുവഹിച്ച കുഞ്ഞിക്കൂനൻ എന്ന ചിത്രത്തിന്റെയും സംവിധായകനാണ് അദ്ദേഹം.

പുന്നാരം, മന്ത്രമോതിരം, ഗുരു ശിഷ്യൻ, മിസ്റ്റർ ബട് ലർ, സർക്കാർ ദാദ എന്നിവയാണു മറ്റു മലയാള ചിത്രങ്ങൾ. പേരഴകൻ, പഗഡൈ പഗഡൈ എന്നീ തമിഴ് ചിത്രങ്ങളും സംവിധാനം ചെയ്തിട്ടുണ്ട്. കുഞ്ഞിക്കൂനന്റെ തമിഴ് റീമേക്കായിരുന്നു പേരഴകൻ. സൂര്യയും ജ്യോതികയുമാണു ചിത്രത്തിൽ പ്രധാന വേഷത്തിൽ എത്തിയത്.

മിസ്റ്റർ ബട്‌ലർ രണ്ടാം ഭാഗത്തിന്റെ തിരക്കഥാ രചനയിലായിരുന്നു അദ്ദേഹം. പി എ ബക്കറുടെ സംവിധാന സഹായിയാണു തുടക്കം.

ബീനയാണ് ഭാര്യ, വിഷ്ണു, മീനാക്ഷി എന്നിവർ മക്കളാണ്.

Read more

ജയസൂര്യയുടെ "ഇടി" ചിത്രത്തിലെ ആദ്യഗാനം പുറത്തിറങ്ങി

ജയസൂര്യ പൊലീസ് വേഷത്തിലെത്തുന്ന ഇടി എന്ന ചിത്രത്തിലെ ആദ്യഗാനം പുറത്തിറങ്ങി. 'ആരെടാ ഞാനെടാ'എന്ന ഗാനമാണ് റിലീസായത്. രാഹുൽ രാജാണ് ഗാനത്തിന് ഈണമിട്ടിരിക...

ഓഗസ്റ്റ് പന്ത്രണ്ടിനാണ് ചിത്രം റീലിസിനൊരുങ്ങുകയാണ്. തിയറ്ററുകളിലെത്തുന്ന ഇടിയിലെ ആദ്യം ഗാനം എത്തി. ഗാനം സംഗീത സംവിധായകൻ രാഹുൽ രാജും സംവിധായകൻ സാജിദ് യാഹിയയും ചേർന്നാണ് പാടിയിരിക്കുന്നത്.

ഇൻസ്പെക്ടർ ദാവൂദ് ഇബ്രാഹിം എന്ന പൊലീസ് ഉദ്യോഗസ്ഥൻ ആദ്യ പോസ്റ്റിംഗുമായി ഒരു സാങ്കൽപ്പിക ഗ്രാമത്തിലെത്തുന്നതാണ് സിനിമയുടെ പ്രമേയം. ജയസൂര്യയുടെ മാസ് ആക്ഷൻ എന്റർടെയിനർ കൂടിയാണ് ചിത്രം. അറൗസ് ഇർഫാനും സാജിദും ചേർന്നാണ് തിരക്കഥ. സുജിത് സാരംഗ് ആണ് ക്യാമറ.ഇറോസ് ഇന്റർനാഷനലും മാജിക് ലാന്റേൺ സിനിമയും ചേർന്നാണ് നിർമ്മാണം.

Read more

"പോപ്പ് കോണി"ലെ ആദ്യ സോങ്ങ് വീഡിയോ കാണാം

കൊച്ചി: ഷൈൻ ടോം ചാക്കോ, ശ്രിന്ദ അർഹാൻ, ഭഗത് മാനുവൽ, അഞ്ജലി അനീഷ് ഉപാസന, സൗബിൻ ഷാഹിർ, ദീപ്തി തുലി തുടങ്ങിയവർ അഭിനയിക്കുന്ന 'പോപ്പ് കോണി'ലെ ആദ്യ സോങ്ങ് വീഡിയോ റിലീസ് ചെയ്തു. 'കാട്ടിലെ പുലി' എന്ന് തുടങ്ങുന്ന ഈ ഗാനം ആലപിച്ചിരിക്കുന്നത് അഫ്‌സലും ആതിര നീലഗിരിയുമാണ്.

അനൂബ് രംഹാൻ, അരുൺ രംഹാൻ എന്നിവർ ഈണം പകർന്ന ഈ ഗാനത്തിന്റെ വരികൾ രചിച്ചിരിക്കുന്നത് അനീഷ് ഉപാസനയും വിനു കൃഷ്ണനുമാണ്.

അനീഷ് ഉപാസന സംവിധാനവും ഛായാഗ്രഹണവും നിർവ്വഹിക്കുന്ന 'പോപ്പ് കോണി'ന്റെ കഥ രചിച്ചിരിക്കുന്നത് ഷാനി ഖാദറാണ്. മ്യൂസിക്247നാണ് ഒഫീഷ്യൽ മ്യൂസിക് ലേബൽ. ഭാൻസുരി സിനിമയുടെ ബാനറിൽ ഷിബു ദിവാകരനും ഷൈൻ ഗോപിയും ചേർന്നാണ് ചിത്രം നിർമ്മിച്ചിരിക്കുന്നത്.

Read more

അടൂർ-ദിലീപ് ചിത്രം "പിന്നെയും 18 ന് റിലീസ്

എട്ടു വർഷത്തെ ഇടവേളയ്ക്കു ശേഷം വിഖ്യാത ചലച്ചിത്രകാരൻ അടൂർ ഗോപാലകൃഷ്ണൻ വീണ്ടും സംവിധായക കുപ്പായമണിയുന്നു എന്നതും കൊണ്ടും ജനപ്രിയ താരജോഡികളായ ദിലീപ്-കാവ്യാ മാധവൻ ഇടവേളയ്ക്ക് ശേഷം നായികനായകന്മാരായി വീണ്ടുമെത്തുന്നതുകൊണ്ടും ഇതിനോടകം തന്നെ ശ്രദ്ധ നേടിയ പിന്നെയും എന്ന ചിത്ര ചിത്രത്തിന്റെ റീലിസ് തിയതി തീരുമാനിച്ചു.

ഓഗസ്റ്റ് 18നാണ് സിനിമ തീയേറ്ററുകളിലെത്തുക. പുരുഷോത്തമൻ' എന്ന കഥാപാത്രമായി ദിലീപ് എത്തുമ്പോൾ ഭാര്യ 'ദേവി'യായി കാവ്യ എത്തുന്നു. െനടുമുടി വേണു, വിജയരാഘവൻ, ഇന്ദ്രൻസ്, കെപിഎസി ലളിത, നന്ദു, ശ്രിണ്ഡ, രവി വള്ളത്തോൾ, പ്രൊഫ: അലിയാർ, പി.ശ്രീകുമാർ, സുധീർ കരമന എന്നിവർ മറ്റ് കഥാപാത്രങ്ങളെ അവതരിപ്പിക്കും. പ്രശസ്ത മറാഠി താരം സുബോധ് ഭാവെ ഒരു പ്രധാന വേഷത്തിൽ എത്തുന്നുണ്ട്.

എംജെ രാധാകൃഷ്ണനാണ് ഛായാഗ്രഹണം. ഹരികുമാർ ശബ്ദലേഖനം. ബി അജിത്ത്കുമാർ എഡിറ്റിങ്. കാസ്റ്റിംഗും പ്രൊഡക്ഷൻ ഡിസൈനിങ്ങും കുക്കു പരമേശ്വരൻ. എട്ട് വർഷത്തിന് ശേഷം അടൂർ സംവിധാനം ചെയ്യുന്ന ചിത്രമാണ് 'പിന്നെയും'. 2008ൽ പുറത്തുവന്ന 'ഒരു പെണ്ണും രണ്ടാണു'മാണ് അവസാനം തീയേറ്ററുകളിലെത്തിയ അടൂർ ചിത്രം.

Read more

എന്റെ അഭിനയ ജീവിതത്തിന്റെ ഗതിമാറ്റിവിട്ടയാളാണ് രഞ്ജിത് : മോഹന്‍ലാല്‍

തിരുവനന്തപുരം: മലയാളികൾക്ക് മോഹൻലാൽ എന്ന നടൻ ഇപ്പോഴും ഒരു വിസ്മയമാണ്. അത്രമേൽ മലയാളികൾ ഇഷ്ടപ്പെടുന്ന മോഹൻലാലിനെ നടനെ കണ്ടെത്താൻ പങ്കുവഹിച്ചത് പ്രഗത്ഭരായ സിനിമാക്കാർ തന്നെയാണ്. ഐ വി ശശി മുതൽ രഞ്ജിത്ത് വരെയുള്ളവരുടെ പട്ടിക ഇതിലേക്ക് നീങ്ങും. എന്നാൽ, താൻ ഹൃദയം കൊണ്ട് അഭിനയിച്ചുതും തന്റെ ജീവിതം മാറ്റിയത് ആരൊക്കെയാണെന്നും തുറന്നു പറയുകയാണ് മോഹൻലാൽ. ഏറ്റവും ഉള്ളുകടഞ്ഞ ് അഭിനയിച്ച തിരക്കഥകളിൽ ചിലര് എം ടി വാസുദേവൻ നായരുടേതായിരുന്നുവെന്നാണ് മോഹൻലാൽ പറയുന്നത്.

ഉയരങ്ങളിൽ, പഞ്ചാഗ്‌നി, സദയം, താഴ്‌വാരം തുടങ്ങിയ ചിത്രങ്ങളെ മുൻനിർത്തിയാണ് മോഹൻലാൽ എംടിയുടെ രചനകളിലെ തീവ്രത വിശദീകരിക്കുന്നത്. എംടിയുമായി എടുത്തുപറയാവുന്ന ആത്മബന്ധം ഇല്ലെങ്കിലും തന്റെ എല്ലാ ഉയർച്ചകളിലും എംടിയുടെ സാന്നിധ്യം ഉണ്ടായിരുന്നുവെന്ന് മോഹൻലാൽ. കർണഭാരം എന്ന തന്റെ നാടകം കാണാൻ മുംബൈയിൽ രണ്ട് തവണ എംടി വന്നത് അനുഗ്രഹമായിരുന്നുവെന്നും മോഹൻലാൽ. മാതൃഭൂമിക്കു വേണ്ടിയുള്ള കോളത്തിലാണ് കോഴിക്കോട്ടെ എഴുത്തുകാരെ മോഹൻലാൽ സ്വന്തം ജീവിതവുമായി ബന്ധിപ്പിച്ച് ഓർത്തെടുക്കുന്നത്.

''കോഴിക്കോട്ട് നിന്ന് വന്ന് എന്റെ അഭിനയജീവിതത്തിന്റെയും മലയാള സിനിമയുടെയും ഗതി മാറ്റിവിട്ട മറ്റൊരാൾ രഞ്ജിത്ത് ആണ്. കോഴിക്കോടിന്റെ എല്ലാ പ്രത്യേകതകളും ഉൾക്കൊണ്ട പ്രത്യേക കൂട്ടിലുള്ള വ്യക്തിയായാണ് രഞ്ജിയെ എനിക്ക് അനുഭവപ്പെട്ടത്. ദേവാസുരം, ആറാം തമ്പുരാൻ, നരസിംഹം, സ്പിരിറ്റ് എന്നീ സിനിമകൾ രഞ്ജിയെ ഓർക്കുമ്പോൾ മനസ്സിൽ വരും. കോഴിക്കോടിന് മാത്രമേ രഞ്ജിത്തിനെ പോലെ ഒരു എഴുത്തുകാരനെ സൃഷ്ടിക്കാനാകൂ എന്ന് ഞാൻ വിശ്വസിക്കുന്നു''

നടനെന്ന നിലയിൽ തനിക്ക് വ്യത്യസ്ഥമായ മുഖം ലഭിക്കാൻ ടി ദാമോദരൻ മാസ്റ്ററുടെ എഴുത്ത് സഹായകമായിട്ടുണ്ടെന്നും മോഹൻലാൽ. എഴുത്തുകാരൻ എന്ന നിലയിലുള്ള ബന്ധം മാത്രമായിരുന്നില്ല മാഷുമായി ഉണ്ടായിരുന്നത്. ഒരു പാട് രസികത്തമുള്ള മനുഷ്യനായിരുന്നു. അദ്ദേഹവുമായുള്ള ബന്ധത്തിന് പ്രത്യേക രസമുണ്ടായിരുന്നുവെന്നും മോഹൻലാൽ.

Read more

"ഡെട്രോയിറ്റ് ക്രോസിങ്" ബഹുഭാഷ ക്രൈം ത്രില്ലറിൽ നായകനായി പൃഥിരാജ്

പുറത്തിറങ്ങുന്ന ചിത്രങ്ങളെല്ലാം തന്നെ വിജയകരമായി മുന്നേറുന്ന പൃഥിരാജിന്റെ ബഹുഭാഷ ചിത്രം അണിയറയിൽ ഒരുങ്ങുന്നു. പൃഥ്വിരാജ് നായകനായ ഇവിടെയിൽ ശ്യാമപ്രസാദിന്റെ അസിസ്റ്റന്റും മൺസൂൺ മാംഗോസിന്റെ ചീഫ് അസോസിയേറ്റായിരുന്നു നിർമൽ സഹദേവ് ഒരുക്കുന്ന ഡെട്രോയിറ്റ് ക്രോസിങ് എന്ന ചിത്രത്തിലാണ് നടൻ നായകനായി എത്തുന്നത്.

വൻ ബജറ്റിൽ ക്രൈം ത്രില്ലറിലാണ് ചിത്രം ഒരുക്കുന്നത്. മലയാളത്തിലും തമിഴിലുമായാണ് ചിത്രം ഒരുക്കുന്നത്.യുഎസിലായിരിക്കും ചിത്രത്തിന്റെ പ്രധാന ലൊക്കേഷൻ. തമിഴിലെ ചില പ്രമുഖ താരങ്ങളും ചിത്രത്തിന്റെ ഭാഗമാകുമെന്നാണ് റിപ്പോർട്ട്.

Read more

ചലച്ചിത്ര സംവിധായകൻ രാജൻ ശങ്കരാടി അന്തരിച്ചു

കൊച്ചി: ചലച്ചിത്ര സംവിധായകൻ രാജൻ ശങ്കരാടി അന്തരിച്ചു. 63 വയസായിരുന്നു. ആലുവ എടത്തല സ്വദേശിയാണ്.

ദേഹാസ്വാസ്ഥ്യത്തെ തുടർന്ന് ആലുവയിലെ സ്വകാര്യ ആശുപത്രിയിൽ ചികിത്സയിലായിരുന്നു. മീനത്തിൽ താലികെട്ട് (1998), ഗുരുജി ഒരു വാക്ക് (1985) തുടങ്ങിയ ചിത്രങ്ങളുടെ സംവിധായകനാണ്.

മലയാളത്തിലെ മികച്ച ടെക്നിഷ്യന്മാരിലൊരാളായിരുന്നു. രാജൻ ശങ്കരാടി. സിനിമയ്ക്കുള്ളിലെ സിനിമയുടെ കഥ പറഞ്ഞ ക്ലിയോപാട്ര(2013)യാണ് അവസാനം സംവിധാനം ചെയ്ത ചിത്രം. ഈ സിനിമ വേണ്ടത്ര ശ്രദ്ധിക്കപ്പെട്ടില്ല. സംവിധായികയാവാൻ കൊതിച്ച ഒരു പെൺകുട്ടിയുടെ കഥയായിരുന്നു ക്ലിയോപാട്ര പറഞ്ഞത്.

Read more

സിദ്ധാർഥ് ഭരതൻ നായകനാകുന്ന "കോപ്പയിലെ കൊടുങ്കാറ്റി"ന്റെ ട്രെയ്‌ലർ പുറത്തിറങ്ങി

സംവിധായകനും നടനുമായ സിദ്ധാർഥ് ഭരതൻ നായകകഥാപാത്രത്തെ അവതരിപ്പിക്കുന്ന 'കോപ്പയിലെ കൊടുങ്കാറ്റി'ന്റെ ട്രെയ്ലർ പുറത്തെത്തി. നവാഗതനായ സൗജൻ ജോസഫ് സംവിധാനം ചെയ്യുന്ന ചിത്രത്തിൽ നായികയാവുന്നത് പാർവതി നായരാണ്.

നിഷാന്ത് സാഗർ, ഷൈൻ ടോം ചാക്കോ, ശാലിൻ സോയ, നൈറ ബാനർജി തുടങ്ങിയവരും കഥാപാത്രങ്ങളായി എത്തുന്നു. ഛായാഗ്രഹണം വിരൺ.കെ.തിവാരി. കമ്മുവടക്കൻ ഫിലിംസിന്റെ ബാനറിൽ നൗഷാദ് കമ്മുവടക്കനാണ് നിർമ്മാണം.

Read more

"മണ്ണപ്പം ചുട്ട്.." എന്നൊപ്പം കൂടിയ പെണ്ണല്ലേ....മരുഭൂമിയിലെ ആനയിലെ സോംഗ് മേക്കിങ് വീഡിയോ കാണാം

ബിജു മേനോൻ നായകനാവുന്ന മരുഭൂമിയിലെ ആന എന്ന ചിത്രത്തിലെ ഗാനത്തിന്റെ മേക്കിങ് വീഡിയോ പുറത്തിറങ്ങി. പി.ജയചന്ദ്രൻ ആലപിച്ച മണ്ണപ്പം ചുട്ട്..' എന്നൊപ്പം കൂടിയ പെണ്ണല്ലേ..എന്ന ഗാനത്തിന്റെ മേക്കിങ് വീഡിയോയാണ് പുറത്ത് വന്നത്.

മലയാളിക്ക് ഗൃഹാതുരതയുണർത്തുന്ന ഒട്ടേറെ നിത്യഹരിത മെലഡികൾ സമ്മാനിച്ച ജയചന്ദ്രൻ ഇക്കുറിയും ഒരു മെലഡിയാണ് നൽകുന്നത്. 'ഗാനം രചിച്ചത് രതീഷ് വേഗയും സംഗീതം പകർന്നത് രതീഷ് വേഗയുമാണ്. പഞ്ചിങ് ഇല്ലാതെ ഒറ്റ ടേക്കിലാണ് മലയാളികളുടെ പ്രിയഗായകൻ ഈ ഗാനം പാടിയിരിക്കുന്നത്.

സംസ്‌കൃതി ഷേണായ്, കൃഷ്ണകുമാർ, ലാലു അലക്സ് എന്നിവർ മറ്റ് പ്രധാന വേഷങ്ങളിലെത്തുന്നു. വി.കെ. പ്രകാശ് സംവിധാനം ചെയ്യുന്ന ചിത്രത്തിന്റെ തിരക്കഥ വൈ.വി.രാജേഷ്. ഡേവിഡ് കാച്ചപ്പിള്ളി നിർമ്മിക്കുന്ന ചിത്രം അടുത്തമാസം പ്രദർശനത്തിനെത്തും.

Read more

"പ്രേതം" ടൈറ്റിൽ സോങിൽ സ്ത്രീ ശബ്ദത്തിൽ വിനീത് ശ്രീനിവാസന്‍ പാടുന്നു

ജയസൂര്യ നായകനാകുന്ന 'പ്രേതം'ഇതിനോടകം തന്നെ ശ്രദ്ധ നേടിയിരിക്കുകയാണ്. ഇപ്പോൾ ചിത്രത്തിന്റെ ടൈറ്റിൽ സോങും ഹിറ്റാവുകയാണ്. 'വിനീത് ശ്രീനിവാസൻ പാടിയ 'ഒരുത്തിക്ക് പിന്നിൽ പണ്ട്' എന്ന ഗാനമാണ് വൈറലാകുന്നത്.

ചിത്രത്തിൽ മെയിൽ വോയിസും ഫീമെയിൽ വോയിസും പാടിയിരിക്കുന്നത് വിനിത് തന്നെയാണ് എന്നതാണ് പ്രത്യേകത. കൂടാതെ വീഡിയോയിൽ ജയസൂര്യയുടെയും സംഘത്തിന്റെയും തമാശകളും കോർത്തിണക്കിയിട്ടുണ്ട്. പൈസ മേടിക്കാതെ പാടിയ വിനീത് ശ്രീനിവാസൻ കീ ജയ്' എന്ന ജയസൂര്യയുടെ മുദ്രാവാക്യത്തോടെയാണ് ഗാനത്തിന്റെ വീഡിയോ അവസാനിക്കുന്നത്.

രഞ്ജിത് ശങ്കർ സംവിധാനം ചെയ്യുന്ന ചിത്രത്തിൽ അജു വർഗീസ്, പേളി മാണി, ഷറഫുദ്ദീൻ തുടങ്ങിയവരാണ് പ്രധാന കതാപാത്രങ്ങളെ അവതരിപ്പിക്കുന്നത്.ഒരു മെന്റലിസ്റ്റായാണ് ജയസൂര്യ ഈ ചിത്രത്തിൽ അഭിനയിച്ചിരിക്കുന്നത്. ജോൺ ഡോൺ ബോസ്‌കോ എന്നാണ് കഥാപാത്രത്തിന്റെ പേര്.

ഡ്രീംസ് ആൻഡ് ബിയോണ്ടിന്റെ ബാനറിൽ ജയസൂര്യയും രഞ്ജിത്ത് ശങ്കറും ചേർന്ന് നിർമ്മിക്കുന്ന ചിത്രത്തിന്റെ ഛായാഗ്രഹണം ജിത്തു ദാമോദറാണ്. ഓഗസ്റ്റ് 12നാണ് റിലീസ്.നേരത്തെ റിലീസ് ചെയ്ത പ്രേതത്തിന്റെ ടീസറുകൾക്കും ട്രെയിലറിനും മികച്ച സ്വീകരണമാണ് പ്രേക്ഷകരിൽ നിന്നും ലഭിച്ചത്.

Read more

മമ്മൂട്ടി ചിത്രം വൈറ്റിലെ ആദ്യഗാനം പുറത്തിറങ്ങി

മമ്മൂട്ടി നായകനാവുന്ന വൈറ്റിലെ ആദ്യഗാനം പുറത്തിറങ്ങി. ഒരുവേള വീണ്ടുമീ ഹൃദയാദ്രിസാനുവിൽ മറയുന്നു........എന്ന് വരികളിൽ ശ്വേതാ മോഹനാണ് ഗാനം ആലപിച്ചിരിക്കുന്നത്.

ഇതുൾപ്പടെ മൂന്ന് ഗാനങ്ങളാണ് ചിത്രത്തിലുള്ളത് റഫീക്ക് അഹമ്മദ് രചന നിർവ്വഹിച്ച ഗാനങ്ങൾ ചിട്ടപ്പെടുത്തിയത് രാഹുൽ രാജും ഗാനം ആലപിച്ചിരിക്കുന്നത് ശ്വേത മോഹനുമാണ്. മമ്മൂട്ടിയും ഹിമ ഖുറേഷിയുമാണ് ഗാനരംഗത്ത അഭിനയിച്ചിട്ടുള്ളത്. ചിത്രത്തിൽ രണ്ട് ഗാനങ്ങൾ ശ്വേത മോഹനും ഒരു ഗാനം വിജയ് യേശുദാസുമാണ് ആലപിച്ചത്.

ഉദയ് ആനന്തനാണ് വൈറ്റിന്റെ സംവിധാനം നിർവ്വഹിച്ചിരിക്കുന്നത് ചിത്രത്തിൽ പ്രകാശ് റോയ് എന്ന പ്രവാസി വ്യവസായിയുടെ വേഷമാണ് മമ്മൂട്ടി ചെയ്യുന്നത്.

ആപ്പിൾ ട്രീ മൂവീസ് ലിമിറ്റഡിന്റെ ബാനറിൽ ജ്യോതി ദേശ്പാണ്ഡെ നിർമ്മിക്കുന്ന ചിത്രത്തിൽ ഇരുപത്തിയഞ്ചുകാരിയെ പ്രണയിക്കുന്ന മധ്യവയസ്‌കനായാണ് ചിത്രത്തിൽ മമ്മൂട്ടി അഭിനയിക്കുന്നത്. ലണ്ടനും ഒറ്റപ്പാലവും ആയിരുന്നു പ്രധാന ലൊക്കേഷനുകൾ.

Read more

ജയസൂര്യയുടെ ആക്ഷൻ ത്രില്ലർ "ഇടി" ആദ്യ ട്രെയ്‌ലർ പുറത്തിറങ്ങി

ജയസൂര്യ നായകനാകുന്ന ആക്ഷൻ ത്രില്ലർ ഇടി ഓഗസ്റ്റ് 12 ന് തിയേറ്ററുകളിലെത്തും. നവാഗതനായ സാജിദ് യാഹിയ സംവിധാനം ചെയ്യുന്ന ചിത്രം ഇറോസ് ഇന്റർനാഷനലാണ് വിതരണത്തിനെത്തിക്കുക. മാജിക് ലാന്റേൺ ഫിലിംസ് ആണ് നിർമ്മാണം. ചിത്രത്തിന്റെ ട്രെയിലർ ഇറങ്ങി. 2.13 മിനിറ്റ് ദൈർഘ്യമുള്ള ട്രെയിലറാണ് ഇറക്കിയിട്ടുള്ളത്.

സുസു സുധിവാൽമീകത്തിൽ ജയസൂര്യയുടെ നായികയായിരുന്ന ശിവദ നായിക വേഷത്തിലെത്തുന്നു എന്ന പ്രത്യേകതയും ചിത്രത്തിനുണ്ട്. അറൗസ് ഇർഫാനും സാജിദ് യാഹിയായും ചേർന്നാണ് തിരക്കഥ. രാഹുൽ രാജാണ് സംഗീതം.

കേരളാ കർണാടകാ അതിർത്തിയിൽ പോസ്റ്റിങ് ലഭിക്കുന്ന സബ് ഇൻസ്പെക്ടറുടെ കഥയാണ് ഇടി. എസ് ഐ ദാവൂദ് ഇബ്രാഹിം എന്ന കഥാപാത്രത്തെയാണ് ജയസൂര്യ ചിത്രത്തിൽ അവതരിപ്പിക്കുന്നത്.

Read more

സിനിമ-സിരിയൽ ഡബ്ബിങ് ആർട്ടിസ്റ്റും നടനുമായ വക്കം മോഹന്‍ അന്തരിച്ചു

തിരുവനന്തപുരം: സിനിമ-സിരിയൽ ഡബ്ബിങ് ആർട്ടിസ്റ്റും നടനുമായ വക്കം മോഹന്റെ മരണം ഉൾക്കൊള്ളാനാവാതെ സിനിമാ-സീരിയലിൽ മേഖല. വൃക്കരോഗത്തെ തുടർന്ന് തലസ്ഥാനത്തെ സ്വകാര്യ ആശുപത്രിയിൽ തിങ്കളാഴ്ച രാത്രി പത്തോടെയായിരുന്നു അന്ത്യം. സംസ്‌കാരം ചൊവ്വാഴ്ച ഉച്ചയ്ക്കുശേഷം വക്കത്തെ വീട്ടുവളപ്പിൽ. 55 വയസ്സായിരുന്നു.

30 വർഷമായി ഡബ്ബിങ് രംഗത്ത് സജീവമാണ്. മുന്നൂറോളം സിനിമയിൽ ശബ്ദം നൽകിയിട്ടുണ്ട്. കൂടുതലും വില്ലൻവേഷങ്ങൾക്കാണ് ശബ്ദം നൽകിയത്. നിരവധി സീരിയലുകളിൽ അഭിനയിച്ചിട്ടുമുണ്ട്. ഉള്ളൂർ പ്രശാന്ത് നഗറിലെ ലക്ഷ്മി ഭവനിലായിരുന്നു താമസം. വക്കം കടയ്ക്കാവൂർ കൊന്നവിളാകത്ത് വീട്ടിൽ വാസുദേവൻ പിള്ളയുടെയും മാധവിക്കുട്ടിഅമ്മയുടെയും മകനാണ്. ഉള്ളൂർ പ്രശാന്ത് നഗറിൽ ലക്ഷ്മി ഭവനിൽ വാടകയ്ക്ക് താമസിക്കുകയായിരുന്നു. വൃക്കരോഗത്തെ തുടർന്ന് ദീർഘനാളായി ചികിത്സയിലായിരുന്നു. ഇന്നലെ രാത്രി 9.30 ഓടെ അസുഖം മൂർച്ഛിക്കുകയായിരുന്നു.

ദേവൻ, ഭീമൻരഘു, ക്യാപ്ടൻ രാജു, മോഹൻരാജ് എന്നിവരുടെ വില്ലൻ വേഷങ്ങൾക്ക് ശബ്ദം നൽകിയിട്ടുണ്ട്. ദൂരദർശനിലെ നിരവധി സീരിയലുകളിൽ അഭിനയിച്ചു. ഡബ്ബിങ് ആർട്ടിസ്റ്റ്‌സ് അസോസിയേഷൻ ഒഫ് ഫിലിം ആൻഡ് ടിവി എന്ന സംഘടനയുടെ പ്രസിഡന്റായും പ്രവർത്തിച്ചിട്ടുണ്ട്. അമൃതസർ മിലിട്ടറി നഴ്‌സ് രമയാണ് ഭാര്യ. ഏകമകൾ ഉണ്ണിമായ.

Read more

തൊണ്ടിമുതലും ദൃക്‌സാക്ഷിയുമായി ഫഹദും ദിലീഷും

മഹേഷിന്റെ പ്രതികാരം എന്ന സൂപ്പർഹിറ്റ് സിനിമയ്ക്കു ശേഷം സംവിധായകൻ ദിലീഷ് പോത്തനുമായി യുവനടൻ ഫഹദ് ഫാസിൽ വീണ്ടും കൈകോർക്കുന്നു. തൊണ്ടി മുതലും ദൃക്‌സാക്ഷിയും എന്നു പേരിട്ടിരിക്കുന്ന ചിത്രത്തിന് കഥയും തിരക്കഥയും സംഭാഷണവും രചിക്കുന്നത് മാദ്ധ്യമ പ്രവർത്തകനായ സജീവ് പാഴൂർ ആണ്.

ചിത്രത്തിലെ നായികയെ തീരുമാനിച്ചു വരുന്നതേയുള്ളൂ.സൗബിൻ ഷാഹിർ, അലെൻസിയർ എന്നിവരാണ് മറ്റുതാരങ്ങൾ.സംവിധായകൻ രാജീവ് രവിയാണ് ഈ ചിത്രത്തിന് വേണ്ടി കാമറ കൈകാര്യം ചെയ്യുന്നത്. കാസർകോടായിരിക്കും സിനിമയുടെ ചിത്രീകരണം നടക്കുക. നീ കൊ ഞാ ചാ എന്ന സിനിമയ്ക്കുശേഷം ഉർവശി തീയറ്റേഴ്‌സിന്റെ ബാനറിൽ സന്ദീപ് സേനനും അനീഷ് എം. തോമസും ചേർന്നാണ് ചിത്രം നിർമ്മിക്കുന്നത്. ബിജിബാലിന്റേതാണ് സംഗീതം

Read more

മോഹൻലാൽ-പ്രിയദർശൻ ടീമിന്റെ "ഒപ്പം ട്രെയിലർ പുറത്തിറങ്ങി

തിരുവനന്തപുരം: കബാലി തരംഗത്തിനിടെ മോഹൻലാൽ ആരാധകർക്കും ആഘോഷിക്കാനായി 'ഒപ്പം' എത്തി. പ്രിയദർശൻ ചിത്രത്തിന്റെ ട്രെയിലറാണ് ഇന്നു പുറത്തിറങ്ങിയത്.

അന്ധനായി മോഹൻലാൽ എത്തുന്ന ചിത്രത്തിന്റെ ട്രെയിലർ ആരാധകരെ തൃപ്തിപ്പെടുത്തുന്നതാണ്. പ്രിയദർശൻ ആദ്യമായി ഒരു സസ്പെൻസ് ത്രില്ലർ ഒരുക്കുന്നു എന്നതാണ് ഒപ്പത്തെ സംബന്ധിച്ചുള്ള ആദ്യത്തെ പ്രത്യേകത

ചിത്രത്തിന്റെ ട്രെയിലർ എഡിറ്റ് ചെയ്തിരിക്കുന്നത് അൽഫോൻസ് പുത്രനാണ്. ഒരുമിനിട്ട് 46 സെക്കന്റ് ദൈർഘ്യമുള്ള ട്രെയിലറിൽ ചിത്രത്തിലെ പ്രധാന കഥാപാത്രങ്ങളെല്ലാം എത്തുന്നു.

മോഹൻലാൽ അന്ധനായ കഥാപാത്രമായാണ് എത്തുന്നത്. ഒരു കൊലപാതകത്തിന് സാക്ഷിയാകുന്ന അന്ധനായ നായകൻ, പ്രതിയായി മുദ്രകുത്തപ്പെടുകയും തന്റെ നിരപരാതിത്വം തെളിയിക്കാനുള്ള അയാളുടെ ശ്രമങ്ങളുമാണ് ഒപ്പം എന്ന ചിത്രം. വിമല രാമനാണ് ചിത്രത്തിൽ നായികയായെത്തുന്നത്.

നെടുമുടി വേണു, ബേബി മീനാക്ഷി, ഇടവേള ബാബു, ചെമ്പൻ വിനോദ്, രൺജി പണിക്കർ, അനുശ്രീ, സിദ്ദിഖ്, അജു, സമുദ്രക്കനി, കലാഭവൻ ഷാജോൺ തുടങ്ങിയവരാണ് മറ്റ് കേന്ദ്ര കഥാപാത്രങ്ങളെ അവതരിപ്പിക്കുന്നത്.

പ്രിയദർശൻ തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നത്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രത്തിന് ഛായാഗ്രാഹണം നിർവ്വഹിക്കുന്നത് എൻകെ ഏകാമ്പരനാണ്. സിനിമ ഓണാഘോഷത്തിന്റെ ഭാഗമായി തിയേറ്ററുകളിലെത്തും.

Read more

മലബാറിന്റെ പ്രണയം പറഞ്ഞ് "കിസ്മത്ത്"; ട്രെയിലർ പുറത്തിറങ്ങി

നവാഗതനായ ഷാനവാസ് ബി ബാവക്കുട്ടി സംവിധാനം ചെയ്യുന്ന ചിത്രം 'കിസ്മത്തി'ന്റെ ട്രെയിലർ എത്തി. രാജീവ് രവി നിർമ്മിക്കുന്ന ചിത്രത്തിൽ നടൻ അബിയുടെ മകൻ ഷെയ്ൻ നിഗമാണ് നായകൻ.

പ്രണയ കഥയാണ് ചിത്രം പറയുന്നത്. ശ്രുതി മേനോനാണ് നായിക. വിനയ് ഫോർട്ട്, അലെൻസിയർ, എനിൽ പി നെടുമങ്ങാട്, സുനിൽ സുഗത, പി ബാലചന്ദ്രൻ, സജിത മഠത്തിൽ എന്നിവരാണ് മറ്റ് അഭിനേതാക്കൾ. പൊലീസ് ഓഫീസറുടെ വേഷത്തിൽ വിനയ് ഫോർട്ടിന്റെ തകർപ്പൻ പ്രകടനമാണ് ചിത്രത്തിൽ.

ബി.ടെക് വിദ്യാർത്ഥിയായ ഇർഫാന്റെയും ചരിത്ര ഗവേഷകയായ അനിതയുടെയും പ്രണയമാണ് ചിത്രം. നേരത്തേ രാജീവ് രവിയുടെ അന്നയും റസൂലിലും കമ്മട്ടിപ്പാടത്തിലും ഷെയിനിന് വേഷമുണ്ടായിരുന്നു. ആദ്യമായി നായകനാകുന്ന ചിത്രമാണ് 'കിസ്മത്ത്'. 'ഞാൻ സ്റ്റീവ് ലോപ്പസ്', 'ഐഡി' എന്നീ സിനിമകൾക്ക് ശേഷം കളക്ടീവ് ഫേസ് വൺ നിർമ്മിക്കുന്ന ചിത്രമാണിത്. ലാൽ ജോസിന്റെ എൽജെ ഫിലിംസാണ് 'കിസ്മത്ത്' തീയേറ്ററുകളിലെത്തിക്കുന്നത്.

Read more

ബിജു മേനോൻ നായകനാകുന്ന മരുഭൂമിയിലെ ആനയുടെ ട്രെയിലർ പുറത്തിറങ്ങി

ബിജു മേനോൻ നായകനാകുന്ന മരുഭൂമിയിലെ ആന എന്ന ചിത്രത്തിന്റെ ട്രെയിലർ പുറത്തിറങ്ങി. ഹാസ്യത്തിന് പ്രാധാന്യം നൽകിയൊരുക്കുന്ന ചിത്രം വി.കെ പ്രകാശ് ആണ് സംവിധാനം ചെയ്യുന്നത്.

അറബി വേഷത്തിലാണ് ബിജു മേനോൻ പ്രേക്ഷകരെ ചിരിപ്പിക്കാൻ എത്തുന്നത്.സംസ്‌കൃതി ഷേണായി, സനുഷ, സജു നവോദയ, കൃഷ്ണ ശങ്കർ (പ്രേമം ഫെയിം) എന്നിവരാണ് ചിത്രത്തിലെ മറ്റ് താരങ്ങൾ. സംവിധായകൻ മേജർ രവിയും ചിത്രത്തിൽ ഒരു പ്രധാന വേഷം അവതരിപ്പിക്കുന്നുണ്ട്. രതീഷ് വേഗയാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. അജയ് കാച്ചപ്പള്ളി ക്യാമറ കൈകാര്യം ചെയ്യുന്നു. വൈ.വി രാജേഷാണ് തിരക്കഥാകൃത്ത്.

ഇടവേളയ്ക്ക് ശേഷം വികെപി ഒരുക്കുന്ന മുഴുനീള എന്റർടെയിനർ കൂടിയാണ് മരുഭൂമിയിലെ ആന. സൗഹൃദം പ്രമേയമാക്കിയ പക്കാ എന്റർടെയിനറാണ് മരുഭൂമിയിലെ ആന എന്ന് വികെ പ്രകാശ് പറയുന്നു.ദോഹയിലാണ് പ്രധാനമായും സിനിമ ചിത്രീകരിച്ചത്.

Read more

ഉദ്വേഗഭരിതമായ യാത്രയുടെ കഥയുമായി "എ സ്‌പെഷല്‍ ഡേ" ചിത്രീകരണം തുടങ്ങി

ടൊറന്റോ (കാനഡ): ഹൃസ്വചിത്രങ്ങളുടെ ശ്രേണിയിലേക്ക് വടക്കന്‍ അമേരിക്കയില്‍നിന്നു ശ്രദ്ധേയമായ സംഭാവനകള്‍ നല്‍കിയ "ഐ മലയാളി'യുടെ ഒന്‍പതാമത് സംരംഭത്തിനു തുടക്കമായി. ബാലതാരങ്ങളാല്‍ സന്പന്നവും കുട്ടികളുമായി ബന്ധപ്പെട്ട പ്രമേയവുമാണെന്നതാണു ഇത്തവണത്തെ പ്രത്യേകത. ഒരു പെണ്‍കുട്ടിയുടെ ക്ഷണം സ്വീകരിച്ച്, അവള്‍ നല്‍കിയ ഭൂപടത്തിലെ അടയാളങ്ങള്‍ പിന്തുടര്‍ന്ന്, കാടും മലയും പുഴകളും മാത്രമല്ല, ഒട്ടേറെ മാനസിക സംഘര്‍ഷങ്ങളും കടന്ന്, ഒരു ആണ്‍കുട്ടി നടത്തുന്ന യാത്രയുടെ കഥയാണ് "എ സ്‌പെഷല്‍ ഡേ'. അവന്റെ ചോദ്യത്തിന്, യാത്രയ്‌ക്കൊടുവില്‍ അവള്‍ ഉത്തരം നല്‍കുമെന്ന പ്രതീക്ഷയായിരുന്നു വഴിനീളെ നിറഞ്ഞ തടസങ്ങള്‍ തട്ടിമാറ്റുന്നതിന് ഊര്‍ജമേകിയത്. ഒടുവില്‍ അവന്‍ എത്തപ്പെട്ടത് എവിടെ? ആ ചോദ്യത്തിന് ഉത്തരം കിട്ടുമോ? കിട്ടിയോ? 

ആകാംക്ഷയുടെ പരന്പരകളിലൂടെ മുന്നേറുന്ന "എ സ്‌പെഷല്‍ ഡേ' എന്ന ചിത്രത്തിന്റെ പൂജ നിര്‍വഹിച്ചത് പ്രമുഖ സംവിധായകന്‍ ലാല്‍ ജോസാണ്. പ്രവാസലോകത്തെ മികച്ച അഭിനേതാവിനുള്ള പുരസ്കാരം നേടിയിട്ടുള്ള ബിജു തയ്യില്‍ച്ചിറ ഒരുക്കുന്ന ചിത്രത്തിന്റെ ക്യാമറ കൈകാര്യം ചെയ്യുന്നത് ഇംഗ്‌ളിഷ് ഡോക്യുമെന്ററികള്‍ക്കും ഇംഗ്‌ളിഷ് ചിത്രങ്ങള്‍ക്കുള്‍പ്പെടെ കാനഡയിലെ വിവിധ പ്രൊഡക്ഷന്‍ കന്പനികള്‍ക്കായി പ്രവര്‍ത്തിച്ചുപരിചയമുള്ള ജോര്‍ജ് ലൊമാഗയാണ്. ഇതൊഴിച്ചാല്‍, എ സ്‌പെഷല്‍ ഡേ ഒരുക്കുന്ന സംഘത്തിലെ അണിയറക്കാരെല്ലാം മലയാളികളാണ്. സന്തോഷ് പുളിക്കലാണ് സഹസംവിധായകന്‍. തിരക്കഥ മാത്യു ജോര്‍ജിന്റേതാണ്. വടക്കന്‍ അമേരിക്കയിലെ തന്നെ ഏറ്റവും വലിയ മലയാള സംഗീത, നൃത്ത നാടകമായിരുന്ന "ദ് ടെന്‍ കമാന്‍ഡ്‌മെന്റ്‌സി'നായി തിരക്കഥ ഒരുക്കിയതിലൂടെയാണ് മാത്യു ജോര്‍ജ് ശ്രദ്ധേയനായത്.

നിഥിന്‍ ബിജു ജോസഫ്, എല ജോസഫ്, ടിനാ മാത്യൂസ്, ഐറീന്‍ മേരി മാത്യു, ഫെബിന്‍ ബിജു ജോസഫ്, നിഖില്‍ ജോര്‍ജ്, ജെഫ് ആന്റണി മാനില, അലീന സണ്ണി കുന്നപ്പിള്ളി, എയ്ബല്‍ ബോബി, ബഞ്ചമിന്‍ ബാബു, ബെവിന്‍ ബാബു എന്നിവരാണ് അഭിനേതാക്കള്‍. 

ഗിരീഷ് ബാബു (അസോഷ്യേറ്റ് ഡയറക്ടര്‍), ഫെബിന്‍ ജോസഫ് (അസിസ്റ്റന്റ് ഡയറക്ടര്‍), സജി ജോര്‍ജ്, സിദ്ധാര്‍ഥ് നായര്‍ (ക്യാമറ), സലിന്‍ ജോസഫ്, സണ്ണി കുന്നപ്പിള്ളി (ആര്‍ട്) എന്നിവരാണ് അണിയറക്കാരിലെ മറ്റു പ്രമുഖര്‍. രാജു ജോസഫ് യുഎസ്എ (അഡ്വൈസര്‍), തോമസ്കുട്ടി (ക്രൂ), സാം കരികൊന്പില്‍ (ട്രാന്‍സ്പര്‍ട്ടേഷന്‍), റോയ് ദേവസ്യ (സ്റ്റില്‍സ്), ഷാജന്‍ ഏലിയാസ് (ഡിസൈന്‍), വിന്‍ജോ മീഡിയ, സി. ജി. പ്രദീപ് (പബ്‌ളിക് റിലേഷന്‍സ്) എന്നിവരും സഹകരിക്കുന്നു. 

കാനഡയുടെ മനോഹാരിതയിലേക്കുകൂടി പ്രേക്ഷകരെ ആകര്‍ഷിക്കുന്ന ഉദ്വേഗജനകമായ ഒരു യാത്രയാകും “എ സ്‌പെഷല്‍ ഡേ” എന്ന പ്രതീക്ഷയിലാണ് അണിയറക്കാര്‍… ഹിറ്റ് മേക്കര്‍ കെ. മധു സംവിധാനം ചെയ്ത ഹൃസ്വചിത്രമായ “ഓള്‍വേസ് വിത് യു” വിനുശേഷമുള്ള ‘ഐ മലയാളി’യുടെ സംരംഭമെന്ന പ്രത്യേകതയുമുണ്ട് ഇതിനെന്ന് സംവിധായകന്‍ ബിജു തയ്യില്‍ച്ചിറ പറഞ്ഞു. 

Read more

മാസ്റ്റർ ചേതൻ ടൈറ്റിൽ റോളിലെത്തുന്ന "ഗപ്പി"യുടെ ട്രെയ്ലർ പുറത്തിറങ്ങി

മാസ്റ്റർ ചേതൻ ടൈറ്റിൽ റോളിലെത്തുന്ന 'ഗപ്പി'യുടെ മനോഹരമായ ട്രെയ്ലർ പുറത്തെത്തി. രാജേഷ് പിള്ള, സമീർ താഹിർ എന്നിവരുടെ സഹസംവിധായകനായിരുന്ന ജോൺ പോൾ ജോർജ്ജ് ആദ്യമായി സംവിധാനം ചെയ്യുന്ന ചിത്രമാണിത്.

അതിസാധാരണമായ ചുറ്റുപാടിൽ രോഗിയായ അമ്മയെ സംരക്ഷിച്ച് ജീവിക്കുന്ന 'ഗപ്പി'യുടെ കഥയാണ് ചിത്രം. ടോവിനോ തോമസ് മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ശ്രീനിവാസൻ, ദിലീഷ് പോത്തൻ, അലൻസിയർ ലേ, സുധീർ കരമന, നോബി എന്നിവരും താരങ്ങളാണ്. രോഹിണിയാണ് ഗപ്പിയുടെ അമ്മയുടെ റോളിൽ. ഇ ഫോർ എന്റർടെയിന്മെന്റ് യോപ്പാ പ്രൊഡക്ഷൻസുമായി സഹകരിച്ചാണ് ചിത്രം നിർമ്മിക്കുന്നത്.

നീലാകാശം പച്ചക്കടൽ ചുവന്ന ഭൂമി, കലി എന്നീ സിനിമകൾക്ക് ക്യാമറ ചലിപ്പിച്ച ഗിരീഷ് ഗംഗാധരനാണ് ഛായാഗ്രഹണം. വിഷ്ണു വിജയ് സംഗീതസംവിധാനവും ദിലീപ് ഡെന്നിസ് എഡിറ്റിംഗും നിർവഹിക്കുന്നു. ജൂലൈ 29ന് ഗപ്പി തിയറ്ററുകളിലെത്തും.

Read more

"മരുഭൂമിയിലെ ആന" ആദ്യ വീഡിയോ ഗാനം പുറത്തിറങ്ങി

ബിജുമേനോന്‍ നായകനാകുന്ന മരുഭൂമിയിലെ ആന എന്ന ചിത്രത്തിലെ ആദ്യ ഗാനം പുറത്തിറങ്ങി. ‘സ്വര്‍ഗം വിടരും’ എന്നാരംഭിക്കുന്ന ഗാനമാണ് പുറത്തിറങ്ങിയിരിക്കുന്നത്. ബിജു മേനോന്‍, കൃഷ്ണ ശങ്കര്‍, സംസ്‌കൃതി ഷേണായി, ഹരീഷ് എന്നിവരാണ് ഗാനരംഗത്തുള്ളത്. ഹരിനാരായണന്റെ വരികള്‍ക്ക് രതീഷ് വേഗയാണ് സംഗീത സംവിധാനം നിര്‍വഹിച്ചിരിക്കുന്നത്. വിജയ് യേശുദാസ് ഗാനം ആലപിച്ചിരിക്കുന്നു. ഈസ്റ്റ് കോസ്റ്റ് ഓഡിയോ ആന്‍ഡ് വീഡിയോ എന്റര്‍ടെയ്ന്‍മെന്റ്‌സാണ് ഗാനം പുറത്തിറക്കിയത്.

ആക്ഷേപഹാസ്യവുമായി എത്തുന്ന ചിത്രം വി കെ പ്രകാശാണ് സംവിധാനം ചെയ്യുന്നത്. ദോഹ, തൃശൂര്‍, ഇരിഞ്ഞാലക്കുട എന്നിവിടങ്ങളിലായാണ് സിനിമയുടെ ചിത്രീകരണം നടക്കുന്നത്. ഓണത്തിന് മുന്നോടിയായി ചിത്രം തിയേറ്ററുകളിലെത്തും.

Read more

പൃഥ്വിരാജും പാര്‍വതിയും വീണ്ടും; ശങ്കര്‍ രാമകൃഷ്ണന്റെ തിരക്കഥയില്‍ ‘മൈ സ്റ്റോറി’

നിന്റെ മൊയ്തീനിലെ മൊയ്തീനിലൂടെ പ്രേക്ഷകഹൃദയം കവർന്ന പൃഥ്വിരാജ്-പാർവതി കൂട്ടുകെട്ട് വീണ്ടും ഒന്നിക്കുന്നു. കോസ്റ്റിയൂം ഡിസൈനറായിരുന്ന റോഷ്നി ദിനകർ ആദ്യമായി സംവിധാനം ചെയ്യുന്ന ചിത്രമായ മൈ സ്റ്റോറിയിലാണ് ഇരുവരും വീണ്ടും ഒനിക്കുന്നത്. പൃഥ്വിരാജ് തന്നെയാണ് പുതിയ ചിത്രത്തെക്കുറിച്ചുള്ള വിവരം ഫേസ്‌ബുക്കിലൂടെ പുറത്തുവിട്ടത്. ശങ്കര രാമകൃഷ്ണന്റേതാണ് തിരക്കഥ.

പൂർണമായും യൂറോപ്പിൽ ചിത്രീകരിക്കുന്ന സിനിമയാണ് മൈ സ്റ്റോറി. പോർച്ചുഗലും സ്പെയിനുമാണ് പ്രധാന ലൊക്കേഷൻ. റൊമാന്റിക് മ്യൂസിക്കൽ എന്റർടെയ്നറായ ചിത്രത്തിന് 55 ദിവസത്തെ യൂറോപ്പ് ഷെഡ്യുളാണ് പ്ലാൻ ചെയ്തിരിക്കുന്നത്. എന്തിരൻ, ലിംഗ എന്നീ ചിത്രങ്ങൾക്ക് ക്യാമറ ചലിപ്പിച്ച ആർ. രത്നവേലുവാണ് ചിത്രത്തിന്റെ ക്യാമറ ചലിപ്പിക്കുന്നത്. ഷാൻ റഹ്മാനാണ് സംഗീത സംവിധാനം നിർവഹിക്കുന്നത്.

റോഷ്നി ദിനകറിന്റെ ആദ്യ ചിത്രമായ മൈ സ്റ്റോറി അവർ തന്നെയാണ് നിർമ്മിക്കുന്നത് ജയ എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. താര എന്ന കഥാപാത്രത്തെയാണ് പാർവതി അവതരിപ്പിക്കുന്നത്. റൊമാന്റിക് മ്യസിക്കൽ ഗണത്തിൽപ്പെടുന്ന ക്യൂട്ട് ലിറ്റിൽ ലവ് സ്റ്റോറി എന്നാണ് സംവിധായിക റോഷ്ണി ചിത്രത്തെ വിശേഷിപ്പിക്കുന്നത്.

Read more

എഴുപതുകളിലെ മഹാരാജാസ് കോളേജിന്റെ കഥയുമായി ‘ഒരു മെക്‌സിക്കന്‍ അപാരത’

നൊസ്റ്റാൾജിയയെ കൂട്ടുപിടിച്ച് പിറന്ന മലയാള ചിത്രങ്ങളുടെ പട്ടികയിലേക്ക് മറ്റൊരു ചിത്രംകൂടി. 1970 കളിലെ മഹാരാജാസ് കോളേജ് പശ്ചാത്തലത്തിൽ ഒരുങ്ങുന്ന ഒരു മെക്സിക്കൻ അപാരത പഴയകാല ക്യാമ്പസ് ജീവിതത്തിലേക്കുള്ള ഒരു യാത്ര കൂടിയാവും. നവാഗതനായ ടോം ഇമ്മട്ടി സംവിധാനം ചെയ്യുന്ന ചിത്രത്തിന്റെ തിരക്കഥ ജൂഡ് ആന്റണി ജോസഫാണ്.

ബ്ലാക്ക് ആൻഡ് വൈറ്റ് കാലത്തെ ക്യാമ്പസ് നൊസ്റ്റാൾജിയയുമായെത്തുന്ന ചിത്രത്തിൽ കോളെജ് കുമാരനായി ടൊവീനോ തോമസ ആണ് എത്തുക.. 44 വർഷം മുൻപുള്ള എറണാകുളം മഹാരാജാസ് കോളെജാണ് സിനിമയുടെ പശ്ചാത്തലം. സംവിധായകൻ രൂപേഷ് പീതാംബരനാണ് ടൊവീനോയ്ക്കൊപ്പം ഒരു പ്രധാന കഥാപാത്രത്തെ അവതരിപ്പിക്കുന്നത്. ഒട്ടേറെ പുതുമുഖങ്ങളും ചിത്രത്തിൽ വിവിധ കഥാപാത്രങ്ങളായി അണിനിരക്കും.

ചിത്രത്തിന് വേണ്ടി 1970-75 കാലഘട്ടത്തിലേത് രൂപ സാമ്യമുള്ള പുതുമുഖ നടിനടന്മാരെ ഈ കാലഘട്ടത്തിലെ വസ്ത്രധാരണത്തിൽ അണിഞ്ഞൊരുങ്ങി കോളേജിൽ എത്തിച്ചേരാൻ അറിയിച്ചിരുന്നു. മേൽ പറഞ്ഞത് പോലെ ആ ദിവസം എത്തി ചേർന്ന പുതുമുഖ നടിനടന്മാരെ കണ്ട് ചിത്രത്തിന്റെ സംവിധായകൻ ടോമും,ഛായാഗ്രാഹകൻ പ്രകാശ് വേലായുധനും അടക്കം മുഴുവൻ അണിയറക്കാരും ഒന്ന് ഞെട്ടിയെന്നാണ് റിപ്പോർട്ട്. കാരണം, 1970 കളെ ഓർമിപ്പിക്കുന്ന വേഷവിധാനത്തിൽ എത്തി ചേർന്നത് 50 ലേറെ പുതുമുഖങ്ങൾ ആണ്.

ചിത്രത്തിന്റെ ചിത്രീകരണം ഉടൻ ആരംഭിക്കുമെന്നാണ് അണിയറ പ്രവർത്തകർ അറിയിച്ചിരിക്കുന്നത്. ജോൺപോൾ ജോർജ് കഥയെഴുതി സംവിധാനം ചെയ്യുന്ന 'ഗപ്പി'യാണ് ടൊവീനോയുടെ അടുത്ത് പുറത്തിറങ്ങാനിരിക്കുന്ന ചിത്രം. 'കുഞ്ഞിരാമായണം' സംവിധായകൻ ബേസിൽ ജോസഫിന്റെ പുതിയ ചിത്രം 'ഗോദ'യിലും ടൊവീനോ മുഖ്യവേഷത്തിൽ എത്തുന്നു.ചിത്രത്തിനുവേണ്ടി ശരീരം പ്രത്യേകമായി ഒരുക്കിയെടുത്തിരിക്കുകയാണ് അദ്ദേഹം. പൃഥ്വിരാജ് നായകനാവുന്ന 'ഇസ്ര'യിലും ടൊവീനോയ്ക്ക് വേഷമുണ്ട്.

Read more