Cinema

പൃഥിരാജ് വീണ്ടും ബോളിവുഡിലെത്തുന്നത് വില്ലൻ വേഷത്തിൽ

ബേബി എന്ന സൂപ്പർഹിറ്റ് ബോളിവുഡ് ചിത്രത്തിന്റെ രണ്ടാം ഭാഗമായ നാം ഷബാന എന്ന ചിത്രത്തിൽ പൃഥ്വിരാജ് വില്ലനായി എത്തുന്നു. ശിവം നായർ സംവിധാനം ചെയ്യുന്ന ചിത്രത്തിൽ തപ്‌സി പൊന്നുവാണ് ടൈറ്റിൽ കഥാപാത്രത്തെ അവതരിപ്പിക്കുന്നത്.

ആദ്യ ഭാഗത്തിൽ പ്രധാന കഥാപാത്രത്തെ അവതരിപ്പിച്ച അക്ഷയ് കുമാറും ചിത്രത്തിൽ അതിഥി താരമായി എത്തുന്നുണ്ട്.മനോജ് വാജ്പയും അനുപം ഖേറുമാണ് ചിത്രത്തിലെ മറ്റു താരങ്ങൾ. പൃഥ്വിയുടെ കഥാപാത്രത്തിന്റെ കൂടുതൽ വിവരങ്ങൾ പുറത്തുവിട്ടിട്ടില്ല.

തമിഴ് ചിത്രമായ കാവ്യ തലൈവൻ, കനാ കണ്ടേൻ, തെലുങ്കു ചിത്രമായ പൊലീസ് പൊലീസ് എന്നിവയിൽ പൃഥ്വി വില്ലനായി മുമ്പ് അഭിനയിച്ചിട്ടുണ്ട്.അയ്യ എന്നതായിരുന്നു താരത്തിന്റെ ആദ്യ ബോളിവുഡ് ചിത്രം.ശിവ കുമാർ സംവിധാനം ചെയ്യുന്ന നാം ഷബാന തിരക്കഥ ഒരുക്കുന്നത് നീരജ് പാണ്ഡെ ആണ് .ചിത്രം 2017 മാർച്ച് 31ന് റിലീസ് ചെയ്യും.

Read more

ഫഹദും പാർവതിയും കുഞ്ചാക്കോ ബോബനും ഒന്നിക്കുന്ന "ടേക്ക് ഓഫ്" ഫസ്റ്റ് ലൂക്ക് പോസ്റ്ററുകൾ കാണാം

ഫഹദും പാർവതിയും കുഞ്ചാക്കോ ബോബനും ഒന്നിക്കുന്ന മൾട്ടി സ്റ്റാർ സിനിമയ്ക്കു പേരിട്ടു. ടേക്ക് ഓഫ് എന്നാണ് സിനിമയുടെ പേര്. സിനിമയുടെ ഫസ്റ്റ്‌ലുക്ക് പോസ്റ്ററും കുഞ്ചാക്കോ ബോബൻ ഫേസ്‌ബുക്കിലൂടെ പുറത്തുവിട്ടു. മഹേഷ് നാരായണനാണ് സിനിമ സംവിധാനം ചെയ്യുന്നത്.

പാർവതിയും കുഞ്ചാക്കോ ബോബനും നേഴ്‌സുമാരായി അഭിനയിക്കുന്നു. ഇന്ത്യൻ നയതന്ത്രജ്ഞനായിട്ടാണ് ഫഹദ് അഭിനയിക്കുന്നത്. വിശ്വരൂപത്തിന്റെ ഛായാഗ്രാഹകൻ സാനു ആണ് ചിത്രത്തിന്റെ ക്യാമറാമാൻ. ഇറാക്കിന്റെ തലസ്ഥാനമായ ബാഗ്ദാദ് ആണ് പ്രധാന ലൊക്കേഷൻ. ഇതാദ്യമായാണ് ഒരു മലയാള സിനിമ ബാഗ്ദാദിൽ വച്ച് ചിത്രീകരിക്കുന്നത്. ഹൈദരാബാദ്, ദുബായ്, എറണാകുളം എന്നിവയാണ് മറ്റ് ലൊക്കേഷനുകൾ്.

ഇറാഖിലെ തിക്രിത്തിൽ വിമതരുടെ പിടിയിലായി ആശുപത്രികളിൽ ബന്ദികളാക്കപ്പെട്ട നഴ്‌സുമാരുടെ ജീവിതം പശ്ചാത്തലമാക്കിയാണ് ചിത്രമെന്നാണ് സൂചന. മഹേഷ് നാരായണനും യുവകഥാകൃത്ത് പി വി ഷാജികുമാറും ചേർന്നാണ് തിരക്കഥയും സംഭാഷണവും. കെ ആർ മനോജ് സംവിധാനം ചെയ്ത കന്യകാ ടാക്കീസ് എന്ന സിനിമയുടെ സഹരചയിതാവായിരുന്നു പി വി ഷാജി കുമാർ.

സംവിധായകൻ രാജേഷ് പിള്ളയുടെ പേരിലുള്ള രാജേഷ് പിള്ള ഫിലിംസും ആന്റോ ജോസഫ് ഫിലിം കമ്പനിയും ചേർന്നാണ് സിനിമയുടെ നിർമ്മാണം. രാജേഷ് പിള്ള സംവിധാനം ചെയ്ത മിലി എന്ന സിനിമയുടെ രചയിതാവ് മഹേഷ് നാരായണൻ ആയിരുന്നു. മേഘാ രാജേഷ് പിള്ളയാണ് എക്സിക്യുട്ടീവ് പ്രൊഡ്യൂസർ.

ചാർലി എന്ന ചിത്രത്തിന് ശേഷം പാർവതി നായികയായി എത്തുന്ന സിനിമയാണ് മഹേഷ് നാരായണന്റെ സംവിധാനത്തിൽ തിയറ്ററുകളിലെത്തുന്നത്. മദ്രാസ് കഫേ, വസീർ എന്നീ ചി
ത്രങ്ങളിലൂടെ ശ്രദ്ധേയനായ ബോളിവുഡ് താരം പ്രകാശ് ബൽവാഡിയും ചിത്രത്തിലുണ്ട്.12 വർഷമായി എഡിറ്ററായി പേരെടുത്ത മഹേഷ് നാരായണന്റെ ആദ്യ സംവിധാന സംരംഭമാണ് ഒരുങ്ങുന്നത്.

Read more

നിവിൻ പോളി വീണ്ടും ശ്യാമപ്രസാദ് ചിത്രത്തിൽ നായകനാകുന്നു

ഇവിടെ എന്ന ചിത്രത്തിന് ശേഷം വീണ്ടും ശ്യാമപ്രസാദ് ചിത്രത്തിൽ നിവിൻ പോളി നായകനാകുന്നു.അടുത്ത ഏപ്രിലിൽ ചിത്രീകരണമാരംഭിക്കുന്ന ഈ ചിത്രത്തിൽ തെന്നിന്ത്യയിലെ ഒരു പ്രമുഖ സൂപ്പർ താരമായിരിക്കും നായികയെന്നും സൂചനയുണ്ട്.
 
ശ്യാമപ്രസാദിന്റെ കഴിഞ്ഞ ചിത്രമായ ഇവിടെയിൽ പൃഥ്വിരാജിനും ഭാവനയ്ക്കുമൊപ്പം തുല്യപ്രാധാന്യമുള്ള വേഷത്തിൽ ആണ് നിവിൻപോളി അഭിനയിച്ചത്. ഈ ചിത്രത്തിന്റെ ചിത്രീകരണ സമയത്ത് ശ്യാമപ്രസാദും നിവിൻ പോളിയുമായി അഭിപ്രായവ്യത്യാസമുണ്ടായതായി വാർത്തകൾ പരന്നിരുന്നു.
 
എന്നാൽ ഈ ആരോപണങ്ങളെല്ലാം പുതിയ റിപ്പോർട്ടോടെ അടിസ്ഥാനരഹിതമായിരുന്നു വെന്ന് തെളിയികുകയാണ്. അമ്പലക്കര ഫിലിംസിന്റെ ബാനറിൽ അനിൽ അമ്പലക്കരയാണ് ഈ ചിത്രം നിർമ്മിക്കുന്നത്.
Read more

ജയസൂര്യയെ നായകനാക്കി സിദ്ദിഖ് ഒരുക്കുന്ന ഫുക്രീ ടീസർ പുറത്തിറക്കി

ജയസൂര്യയെ നായകനാക്കി സിദ്ദിഖ് ഒരുക്കുന്ന ഫുക്രിയുടെ ടീസർ പുറത്തിറക്കി. കൊച്ചിയിൽ നടന്ന ചടങ്ങിലായിരുന്നു ടീസർ ലോഞ്ച്.. അലി ഫുക്രി എന്ന കഥാപാത്രത്തിന്റെ സ്വഭാവങ്ങൾ വിളിച്ചോതുന്നതാണ് ടീസർ. കിടിലൻ ഫ്രീക്ക് ലുക്കിലാണ് ടീസറിൽ ജയസൂര്യ.

സിദ്ദിഖ് തിരക്കഥ എഴുതി സംവിധാനം ചെയ്യുന്ന ചിത്രത്തിൽ മൂന്ന് നായികമാരാണുള്ളത്. ഹാസ്യത്തിന് പ്രധാന്യം നൽകി ഒരുക്കിയിരിക്കുന്ന ചിത്രത്തിൽ ജയസൂര്യയുടെ ഫുക്രിക്ക് ഒരു മോഷ്ടാവിന്റെ വേഷമാണ്. കട്ട മുതൽ ഉടമയ്ക്കു തിരിച്ച് നൽകുന്ന മോഷ്ടാവ്. സിദ്ദിഖിന്റെ തന്നെ നിർമ്മാണ കമ്പനിയായ എസ് ടാക്കീസ് നിർമ്മിക്കുന്ന ആദ്യ സിനിമയാണ് ഫുക്രി. ചിത്രം ക്രിസ്തുമസിന് തിയ്യറ്ററിലെത്തുമെന്നാണ് റിപ്പോർട്ടുകൾ.

കോമഡിക്ക് പ്രാധാന്യം നൽകിയൊരുക്കിയിരിക്കുന്ന ഈ ചിത്രം ജയസൂര്യയുടെ കരിയറിലെ ഏറ്റവും ചെലവേറിയ ചിത്രം കൂടിയാണ്. വ്യത്യസ്തമായ ഗെറ്റപ്പിലാണ് ജയസൂര്യ ചിത്രത്തിൽ പ്രത്യക്ഷപ്പെടുന്നത്.പ്രയാഗ മാർട്ടിനും അനു സിത്താരയുമാണ് ചിത്രത്തിലെ നായികമാർ. ലാൽ, സിദ്ദിഖ്, ഭഗത് മാനുവേൽ, ജോജു ജോർജ്, ജനാർദ്ദനൻ, കെപിഎസി ലളിത, തെസ്നി ഖാൻ, സീമാ ജി നായർ എന്നിവരാണ് ചിത്രത്തിലെ മറ്റ് കഥാപാത്രങ്ങൾ.

Read more

പൃഥ്വിരാജ് സുകുമാരൻ നായകനാവുന്ന "എസ്ര"യിലെ ആദ്യ സോങ്ങ് വീഡിയോ റിലീസ് ചെയ്തു

കൊച്ചി: പൃഥ്വിരാജ് സുകുമാരൻ നായകനാവുന്ന 'എസ്ര'യിലെ ആദ്യ സോങ്ങ് വീഡിയോ റിലീസ് ചെയ്തു. 'ലൈലാകമേ' എന്ന ഈ ഗാനം ആലപിച്ചിരിക്കുന്നത് ഹരിചരൺ ആണ്. ഹരിനാരായണൻ ബി.കെയുടെ വരികൾക്ക് രാഹുൽ രാജ് ഈണം പകർന്നിരിക്കുന്നു.

24 മണിക്കൂറുകൾ തികയും മുമ്പേ വീഡിയോ യൂട്യൂബിൽ 2.5 ലക്ഷത്തിലേറെ വ്യൂസ് നേടി. ഇപ്പോൾ നാല് ലക്ഷത്തിലധികം വ്യൂസുണ്ട്.

ജയ് കെ കഥയെഴുതി സംവിധാനം ചെയ്യുന്ന 'എസ്ര'യിൽ പൃഥ്വിരാജ് സുകുമാരൻ, പ്രിയ ആനന്ദ്, ടോവിനോ തോമസ്, സുജിത് ശങ്കർ, വിജയരാഘവൻ എന്നിവർ അഭിനയിക്കുന്നുണ്ട്. ഈ ഹൊറർ ത്രില്ലെറിന്റെ ഛായാഗ്രഹണം സുജിത് വാസുദേവും ചിത്രസംയോജനം വിവേക് ഹർഷനുമാണ് നിർവഹിച്ചിരിക്കുന്നത്. പശ്ചാത്തല സംഗീതം സുഷിൻ ശ്യാമിന്റെയാണ്. മ്യൂസിക്247നാണ് ഒഫീഷ്യൽ മ്യൂസിക് ലേബൽ.

ഇ ഫോർ എന്റർടെയിന്മെന്റിന്റെയും എവിഎ പ്രൊഡക്ഷൻസിന്റെയും ബാനറിൽ മുകേഷ് മേത്ത, സി വി സാരഥി, എ വി അനൂപ് എന്നിവർ നിർമ്മിച്ച 'എസ്ര' ഡിസംബറിൽ തിയേറ്ററുകളിൽ എത്തും.

Read more

ജിബു ജേക്കബ്- മോഹൻലാൽ ചിത്രം മുന്തിരിവള്ളികൾ തളിർക്കുമ്പോളിന്റെ ടീസർ പുറത്തിറങ്ങി

പുലിമുരുകന്റെ വിജയത്തിന് ശേഷമെത്തുന്ന മോഹൻലാൽ ചിത്രം മുന്തിരി വള്ളികൾ തളിർക്കുമ്പോളിന്റെ ടീസർ പുറത്തുവന്നു. ക്രിസ്തുമസ് റിലീസ് ആയി എത്തുന്ന സിനിമയുടെ 1.04 മിനിറ്റ് ദൈർഘ്യമുള്ള ടീസറാണ് പുറത്തുവന്നത്. മോഹൻലാൽ ഫേസ്‌ബുക്ക് പേജിലൂടെയാണ് സിനിമയുടെ ടീസർ പുറത്തുവിട്ടത്. കുടുംബ പശ്ചാത്തലത്തിൽ ഒരുക്കുന്ന ചിത്രത്തിൽ മോഹൻലാലിനൊപ്പം അനൂപ് മേനോനും മീനയുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. ടീസറിൽ അനൂപും ലാലും മാത്രമാണുള്ളത്.

വെള്ളിമൂങ്ങ എന്ന ഹിറ്റ് ചിത്രത്തിന് ശേഷം ജിബു ജേക്കബ് ഒരുക്കുന്ന ചിത്രത്തിൽ ഉലഹന്നാൻ എന്ന പഞ്ചായത്ത് സെക്രട്ടറിയുടെ വേഷത്തിലാണ് മോഹൻലാൽ എത്തുന്നത്. ദൃശ്യത്തിനു ശേഷം മോഹൻലാലും മീനയും ജോഡികളാകുന്ന ചിത്രം കൂടിയാണ് മുന്തിരിവള്ളികൾ തളിർക്കുമ്പോൾ. അനൂപ് മേനോൻ, സുരേഷ് കൃഷ്ണ, കലാഭവൻ ഷാജോൺ, അലൻസിയർ, സുധീർ കരമന, ജോയ് മാത്യു, ആശ ശരത്, ശ്രിന്ദ, രശ്മി ബോബൻ, ബിന്ദു പണിക്കർ, ഐമ സെബാസ്റ്റ്യൻ, മാസ്റ്റർ സനൂപ് സന്തോഷ് തുടങ്ങിയവരാണ് മറ്റ് അഭിനേതാക്കൾ.

എം. സിന്ധുരാജിന്റേതാണ് തിരക്കഥ. റഫീഖ് അഹമ്മദ്, മധു വാസുദേവൻ, ഡി.ബി. അജിത് എന്നിവരുടെ വരികൾക്ക് എം. ജയചന്ദ്രൻ, ബിജിപാൽ എന്നിവർ സംഗീതം നല്കുന്നു. വീക്കൻഡ് ബ്ലോക്ക്‌ബസ്റ്ററിന്റെ ബാനറിൽ സോഫിയ പോൾ ആണ് ചിത്രം നിർമ്മിക്കുന്നത്. ക്രിസ്മസിന് ചിത്രം തീയറ്ററുകളിലെത്തും.

Read more

സഖാവായി നിവിൻ പോളി; സിദ്ധാർത്ഥ് ശിവ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി

നിവിൻ പോളിയെ നായകനാക്കി സിദ്ധാർത്ഥ് ശിവ സംവിധാനം ചെയ്യുന്ന സഖാവ് എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. നായകൻ നിവിൻ പോളിയാണ് ഫസ്റ്റ് ലുക്ക് പോസ്റ്റർ തന്റെ ഫേസ്‌ബുക്ക് പേജിലൂടെ പുറത്ത് വിട്ടത്. അടുത്ത മാർച്ചിൽ ചിത്രം തീയറ്ററുകളിലെത്തും.

ചായം അടർന്ന ചുമരിന്റെ പശ്ചാത്തലത്തിൽ മുഷ്ടി ഉയർത്തി നിൽക്കുന്ന നായക കഥാപാത്രത്തെ പരിചയപ്പെടുത്തിയാണ് സിനിമയുടെ ഫസ്റ്റ് ലുക്ക്.യുവ രാഷ്ട്രീയ നേതാവിന്റെ വേഷത്തിലാണ് നിവിൻ പോളി അഭിനയിക്കുന്നത്.

ജേക്കബിന്റെ സ്വർഗരാജ്യം എന്ന ചിത്രത്തിന് ശേഷം നീണ്ട ഇടവേളയ്ക്ക് ശേഷമാണ് സഖാവുമായി നിവിൻ പോളി തീയറ്ററുകളിൽ എത്തുന്നത്. കൊച്ചൗവ പൗലോ അയ്യപ്പ കൊയ്ലോ എന്ന ചിത്രത്തിന് ശേഷം സിദ്ധാർത്ഥ് ശിവ സംവിധാനം ചെയ്യുന്ന ചിത്രമാണ് സഖാവ്. യൂണിവേഴ്സൽ സിനിമയുടെ ബാനറിൽ ബി. രാകേഷ് ആണ് ചിത്രം നിർമ്മിക്കുന്നത്.

Read more

ധ്യാൻ ശ്രീനിവാസൻ സംവിധായകനാകുന്നു

അച്ഛൻ ശ്രീനിവാസനും, സഹോദരൻ വിനീത് ശ്രീനിവാസനും പിന്നാലെ ധ്യാൻ ശ്രീനിവാസനും സംവിധാനത്തിലേക്ക് തിരിയുന്ന വാർത്ത ഏറെ നാളായി കേൾക്കുന്നുണ്ട്. ഇപ്പോൾ ധ്യാൻ ശ്രീനിവാസന്റെ ആദ്യ ചിത്രത്തിന്റെ നിർമ്മാണം അജു വർഗീസ് ഏറ്റെടുത്തിരിക്കുകയാണ്. അജുവിന്റെ ആദ്യ നിർമ്മാണ സംരംഭമാണിത്. ഇരുവരും ചിത്രത്തെ കുറിച്ച് ഔദ്യോഗിക സ്ഥിരീകരണം നടത്തിയിട്ടില്ല.

അജുവും ധ്യാനും കുഞ്ഞിരാമായണം, അടി കപ്യാരേ കൂട്ടമണി എന്നീ ചിത്രങ്ങളിൽ ഒരുമിച്ച് അഭിനയിച്ചിട്ടുണ്ട്. പ്രദർശനത്തിനൊരുങ്ങുന്ന ഒരേ മുഖം എന്ന ചിത്രത്തിലും ധ്യാനും അജുവുമാണ് പ്രധാന കഥാപാത്രങ്ങളെ അവതരിപ്പിക്കുന്നത്.

തന്റെ അമ്മാവനായ എം. മോഹനൻ സംവിധാനം ചെയ്ത 916 എന്ന ചിത്രത്തിൽ സംവിധാന സഹായിയായി ധ്യാൻ പ്രവർത്തിച്ചിട്ടുണ്ട്. അതിനു ശേഷമാണ് വിനീത് ശ്രീനിവാസൻ സംവിധാനം ചെയ്ത തിരയിലൂടെ അഭിനയത്തിൽ അരങ്ങേറ്റം കുറിച്ചത്. സംവിധാനമാണ് തന്റെ ലക്ഷ്യമെന്ന് പല അഭിമുഖങ്ങളിലും ധ്യാൻ പറഞ്ഞിട്ടുണ്ട്. ചിത്രത്തിന്റെ കൂടുതൽ വിവരങ്ങൾ പുറത്തു വന്നിട്ടില്ല.

Read more

"ജോമോന്റെ സുവിശേഷങ്ങ"ളുടെ ടീസർ പുറത്തിറങ്ങി

ദുൽഖർ സൽമാനെ നായകനാക്കി സത്യൻ അന്തിക്കാട് ഒരുക്കുന്ന പുതിയ ചിത്രം 'ജോമോന്റെ സുവിശേഷങ്ങ'ളുടെ ടീസർ പുറത്തിറങ്ങി. ഇക്‌ബാൽ കുറ്റിപ്പുറം രചന നിർവഹിക്കുന്ന ചിത്രത്തിൽ ധനികനായ ഒരു വ്യവസായിയുടെ മകനായാണ് ദുൽഖർ എത്തുക. സിനിമയുടെ രസകരമായ ടീസർ പുറത്തിറങ്ങി. കോമഡി നിറഞ്ഞു നിൽക്കുന്ന ടീസറാണ് പുറത്തിറങ്ങിയിരിക്കുന്നത്. ആൾക്കൂട്ടത്തിൽ തനിയെ യുള്ള ദുൽഖറിനെയാണ് ടീസറിൽ കാണാൻ സാധിക്കുക.

മുകേഷാണ് ദുൽക്കറിന്റെ അച്ഛൻവേഷം ചെയ്യുന്നത്. ഇതാദ്യമായാണ് ദുൽഖർ ഒരു സത്യൻ അന്തിക്കാട് ചിത്രത്തിൽ അഭിനയിക്കുന്നത്. ദുൽക്കറിന്റെ സഹോദരനായി വിനു മോഹൻ എത്തുന്നു. ചിത്രത്തിൽ രണ്ടു നായികമാരാണ്. തെന്നിന്ത്യൻ നടി ഐശ്വര്യ രാജേഷ്, അനുപമ പരമേശ്വരൻ എന്നിവരാണ് നായികമാർ.

ഫുൾമൂൺ സിനിമയുടെ ബാനറിൽ സേതു മണ്ണാർക്കാട് നിർമ്മിക്കുന്ന ചിത്രത്തിൽ ഇന്നസെന്റ്,ഇർഷാദ്,ജേക്കബ് ഗ്രിഗറി,മുത്തുമണി, ഇന്ദു തമ്പി രസ്‌ന എന്നിവരും താരങ്ങളാണ്. വിദ്യാസാഗറാണ് സംഗീത സംവിധാനം. എസ് കുമാറാണ് ഛായാഗ്രഹണം. ക്രിസ്മസ് റിലീസായി ചിത്രം തിയറ്ററുകളിലെത്തും.

Read more

തസ്‌കരൻ മണിയൻ പിള്ളയുടെ ആത്മകഥ വെള്ളിത്തിരയിലേക്ക്

ബിജു മേനോനെ നായകനായി കള്ളന്റെ കഥ പറയാൻ ജിത്തുജോസഫ് ഒരുങ്ങുന്നതായി റിപ്പോർട്ട്.എൺപതുകളിൽ കൊല്ലം ജില്ലയിലെ മോഷ്ടാവായിരുന്ന മണിയൻപിള്ളയെ കുറിച്ചുള്ള പുസ്തകമായ തസ്‌കരൻ: മണിയൻ പിള്ളയുടെ ആത്മകഥ എന്ന കഥ ആസ്പദമാക്കിയാണ് ജിത്തു സിനിമ ഒരുക്കാൻ പോവുന്നത്.

പുസ്തകം എഴുതിയ ജി.ആർ ഇന്ദുഗോപനാണ് ചിത്രത്തിനായി തിരക്കഥ ഒരുക്കുന്നത്. ബിജു മേനോനാണ് പ്രധാന കഥാപാത്രമായി എത്തുക.തിരക്കഥയുടെ ജോലികൾ പുരോഗമിക്കുകയാണ്. അതിനാൽ ചിത്രീകരണം എന്ന് ആരംഭിക്കുമെന്ന് വ്യക്തമല്ല

Read more

ദിലീപും കാവ്യയും വിവാഹിതരായി

കൊച്ചി: നടൻ ദിലീപും നടി കാവ്യ മാധവനും വിവാഹിതരായി. കൊച്ചിയിലെ കലൂർ വേദാന്ത ഹോട്ടലിലാണ് വിവാഹ ചടങ്ങുകൾ നടന്നത്. ഇരുവരുടെയും അടുത്ത ബന്ധുക്കളും സിനിമ മേഖലയിലെ സുഹൃത്തുക്കളും വിവാഹ ചടങ്ങിൽ പങ്കെടുത്തു. ദിലീപിന്റെ മകൾ മീനാക്ഷിയും ചടങ്ങിനുണ്ടായിരുന്നു. ദിലീപിന്റെയും കാവ്യയുടെയും രണ്ടാം വിവാഹമാണിത്.

പ്രേക്ഷകരുടെ എല്ലാ പിന്തുണയും അനുഗ്രഹവും വേണമെന്ന് ഇരുവരും മാധ്യമപ്രവർത്തകരോട് പറഞ്ഞു. മകൾ മീനാക്ഷിയുടെ എല്ലാ പിന്തുണയും വിവാഹത്തിന് ഉണ്ടെന്ന് ദിലീപ് പ്രതികരിച്ചു. താൻ വിവാഹത്തിന് സമ്മതം നൽകിയെന്ന് മീനാക്ഷിയും പ്രതികരിച്ചു.

മമ്മൂട്ടി, ജയറാം, നിർമാതാവും സംവിധായകനുമായി രഞ്ജിത്ത്, ചിപ്പി, മേനക, സലിംകുമാർ, നാദിർഷ ജനാർദ്ദനൻ, നടൻ ലാൽ തുടങ്ങി നിരവധി പ്രമുഖർ ദമ്പതികൾക്ക് ആശംസകൾ നേരാൻ എത്തി.

Read more

മുന്തിരിവള്ളികൾ തളിർക്കുമ്പോൾ ഫസ്റ്റ്‌ലുക്ക് മോഷൻ പോസ്റ്റർ പുറത്തിറങ്ങി

വെള്ളിമൂങ്ങയിലൂടെ ശ്രദ്ധേയനായ ജിബു ജേക്കബ് മോഹൻലാലിനെ നായകനാക്കി സംവിധാനം ചെയ്യുന്ന ചിത്രമായ മുന്തിരി വള്ളികൾ തളിർക്കുമ്പോൾ എന്ന സിനിമയുടെ മോഷൻ പോസ്റ്റർ പുറത്തു വന്നു.24 സെക്കൻഡ് മാത്ര ദൈർഘ്യമുള്ള മോഷൻ പോസ്റ്ററിൽ ബക്കറ്റുമേന്തി സാധാരണക്കാരനായി നിൽക്കുന്ന മോഹൻലാലിനെയാണ് കാണുന്നത്.

മൈ ലൈഫ് ഈസ് മൈ വൈഫ് എന്ന ടാഗ്‌ലൈനും പോസ്റ്ററിലുണ്ട്. എം. സിന്ധുരാജാണ് രചന നിർവഹിക്കുന്നത്. വി.ജെ. ജയിംസിന്റെ പ്രണയോപനിഷത്തെന്ന നോവലാണ് സിനിമയ്ക്ക് ആധാരമാക്കിയിരിക്കുന്നത്.ഉലഹന്നാൻ (മോഹൻലാൽ) എന്ന പഞ്ചായത്ത് സെക്രട്ടറിയുടെ വ്യക്തിജീവിതത്തിലുണ്ടായ മാറ്റങ്ങൾ അയാളുടെ കുടുംബജീവിതത്തിലുണ്ടാക്കുന്ന വ്യത്യാസങ്ങളാണ് ചിത്രത്തിന്റെ ഇതിവൃത്തം. ഒരു ഹൗസിങ് കോളനിയിലാണ് ഉലഹന്നാൻ താമസിക്കുന്നത്. വീടും കോളനിയുമാണ് അയാളുടെ ലോകം. ഉലഹന്നാന്റെ ഭാര്യ ആനിയമ്മയെ അവതരിപ്പിക്കുന്നത് മീനയാണ്. ദൃശ്യത്തിന് ശേഷം ഇരുവരും ജോടികളാകുന്ന ചിത്രമാണിത്.

പകൽ നക്ഷത്രങ്ങൾ, റോക്ക് എൻ റോൾ, പ്രണയം, ഗ്രാൻഡ് മാസ്റ്റർ, കനൽ എന്നീ ചിത്രങ്ങൾക്കു ശേഷം അനൂപ് മേനോൻ വീണ്ടും മോഹൻലാലിനൊപ്പം ഈ ചിത്രത്തിൽ അഭിനയിക്കുന്നു. സർക്കാർ ഉദ്യോഗസ്ഥനായ വേണുക്കുട്ടനെന്ന കഥാപാത്രമാണ് അനൂപിന്. സ്രിന്ധ അനൂപിന്റെ ഭാര്യ ലതയുടെ വേഷത്തിൽ. ജോയി മാത്യു, സുരാജ് വെഞ്ഞാറമൂട്, കലാഭവൻ ഷാജോൺ, അലൻസിയർ തുടങ്ങിയവർ മറ്റു പ്രധാന വേഷങ്ങളിലെത്തുന്നു.

വീക്കെൻഡ് ബ്‌ളോക്ക് ബസ്റ്റേഴ്‌സിന്റെ ബാനറിൽ സോഫിയ പോളാണ് നിർമ്മിച്ചിരിക്കുന്നത്. പ്രമോദ് കെ.പിള്ളയാണ് കാമറമാൻ. ചിത്രം ഡിസംബർ 22ന് തീയേറ്ററുകളിലെത്തും.

Read more

വി എം വിനുവിന്റെ മറുപടി ട്രെയിലർ പുറത്തിറങ്ങി

കുടുംബപ്രേക്ഷകരുടെ പ്രിയസംവിധായകൻ വി എം വിനുവിന്റെ സംവിധാനത്തിൽ റഹ്മാനും ഭാമയും പ്രധാന വേഷത്തിലെത്തുന്ന പുതിയ ചിത്രം മറുപടിയുടെ ട്രെയിലർ പുറത്തിറങ്ങി. വർഷങ്ങൾക്ക് മുൻപ് ഉത്തരേന്ത്യയിലെ ഒരു ജയിലിൽ നടന്ന സംഭവത്തെ ആസ്പദമാക്കിയാണ് ചിത്രം ഒരുങ്ങുന്നത്. തനിക്കെതിരെയുള്ള ഒരു കേസിൽ ആരും തുണയില്ലാതെ നീതിക്ക് വേണ്ടി പോരാടുന്ന ഒരു സ്ത്രീയുടെ കഥയാണ് ചിത്രം പറയുന്നത്.

ഭാമ ഇതുവരെ ചെയ്ത ചിത്രങ്ങളെ അപേക്ഷിച്ച് വളരെ ബോൾഡ് ആയ കഥാപാത്രത്തെയാണ് മറുപടിയിൽ അവതരിപ്പിക്കുന്നത്. ഒരു കാലത്ത് മലയാള സിനിമയിലെ യുവതാരമായിരുന്ന റഹ്മാന്റെ സജീവമായ തിരിച്ചുവരവിനു വഴിവെക്കുന്ന ചിത്രം കൂടിയായിരിക്കും മറുപടിയെന്നാണ് പറയുന്നത്.

ചിത്രത്തിൽ റഹ്മാന്റെയും ഭാമയുടെയും മകളായി എത്തുന്നത് ബേബി നയൻതാരയാണ്. ജനാർദ്ദനൻ,ടെസ്സ,സന്തോഷ് കീഴാറ്റൂർ,വത്സല മേനോൻ, അഞ്ജലി മേനോൻ തുടങ്ങിയവരും ചിത്രത്തിൽ വിവിധ റോളുകളിലെത്തുന്നുണ്ട്. ബംഗാളി നടൻ സുദീപ് മുഖർജിയും പ്രധാനപ്പെട്ട വേഷത്തിലുണ്ട്.വിജയ് ചിത്രം കത്തിയിൽ അഭിനയിച്ച സുദീപ് മുഖർജിയുടെ ആദ്യ മലയാള ചിത്രം കൂടിയാണ് മറുപടി. ജൂലിയാന അഷ്‌റഫ് തിരക്കഥ രചിച്ചിരിക്കുന്നു.

Read more

ബിജോയ് നമ്പ്യാർ ഒരുക്കുന്ന "സോളോ"യിൽ ദുൽഖറിന് പുതുമുഖ നായിക

ദുൽഖർ സൽമാനെ നായകനാക്കി ബോളിവുഡ് സംവിധായകൻ ബിജോയ് നമ്പ്യാർ സംവിധാനം ചെയ്യുന്ന ചിത്രത്തിൽ പുതുമുഖ നായിക. സോളോ എന്ന് പേരിട്ടിരിക്കുന്ന ചത്രത്തിന്റെ സ്റ്റില്ലുകൾ പുറത്ത് വന്നിരുന്നു.

മോഡലിങ് രംഗത്ത് ശ്രദ്ധേയയായ ആർതി വെങ്കിടേഷാണ് സോളോയിൽ ദുൽഖറിന്റെ നായികയാകുന്നത്. ആർതിയുടെ ആദ്യ ചിത്രമാണിത്. നിരവധി പ്രമുഖ ബ്രാൻഡുകളുടെ മോഡലാണ് ആർതി. ചിത്രത്തിൽ മറ്റൊരു പ്രമുഖ നായികയും ഉണ്ടെന്ന് റിപ്പോർട്ടുകൾ പ്രചരിക്കുന്നുണ്ട്. എന്നാൽ ഇക്കാര്യം അണിയറ പ്രവർത്തകർ സ്ഥിരീകരിച്ചിട്ടില്ല.

ഇപ്പോൾ കൊച്ചിയിൽ ചിത്രീകരണം പുരോഗമിക്കുന്ന ചിത്രത്തിന് മുംബൈയും ലഡാക്കും ലൊക്കേഷനുകളാണ്. അടുത്ത വർഷം ആദ്യം ചിത്രം തീയറ്ററുകളിൽ എത്തും. ബിജോയ് നമ്പ്യാരുടെ തന്നെ നിർമ്മാണ കമ്പനിയായ ഗെറ്റ്എവേ ഫിലിംസും അബാം ഫിലിംസുമാണ് സോളോ നിർമ്മിക്കുന്നത്.

Read more

കാളിദാസിന്റെ പൂമരത്തിലെ ആദ്യ ഗാനം പുറത്തിറങ്ങി

കോളേജ് വിദ്യാർത്ഥികൾക്കിടയിൽ ഗിത്താറിൽ ഈണമിട്ട് പാട്ടുപാടി കാളിദാസൻ. ഞാനും ഞാനും ഞാനുമെന്റാളും എന്ന് തുടങ്ങുന്ന ഗാനം നാടൻ പാട്ടിന്റെ അനുഭവ പരിസരമാണ് സമ്മാനിക്കുന്നത്.കോളേജ് കലോൽസവത്തിനായുള്ള പാട്ടിന്റെ തയ്യാറെടുപ്പായാണ് ഗാനമെന്നാണ് വീഡിയോ നല്കുന്ന സൂചന .ഞാനും ഞാനും കാളിദാസ് ജയറാം മലയാളത്തിൽ നായകനായി അരങ്ങേറുന്ന പൂമരം എന്ന സിനിമയുടെ ചിത്രീകരണം അവസാന ഘട്ടത്തിലായിരിക്കുമ്പോഴാണ് ആദ്യ ഗാനം എത്തിയത്.

1983, ആക്ഷൻ ഹീറോ ബിജു എന്നീ സിനിമകൾക്ക് ശേഷം എബ്രിഡ് ഷൈൻ രചനയും സംവിധാനവും നിർവഹിക്കുന്ന സിനിമയിലെ ആദ്യ ഗാനം സർപ്രൈസായി ആണ് പുറത്തുവിട്ടിരിക്കുന്നത്. കോളേജ് പശ്ചാത്തലത്തിലുള്ള പ്രണയവും സമരവും യൗവന മുഹൂർത്തങ്ങളുമാണ് ചിത്രമെന്ന് സൂചന ആദ്യ ഗാനം. മഹാരാജാസ് കോളേജ് പശ്ചാത്തലമാക്കി കോളേജ് കലോൽസവത്തിന്റെ കഥ പറയുന്ന സിനിമയാണ് പൂമരം എന്നും സൂചനയുണ്ട്.

അടുത്ത വർഷം ഫെബ്രുവരിയിലാണ് കാളിദാസിന്റെ നായകനായുള്ള ആദ്യ മലയാള ചിത്രം തിയറ്ററുകളിലെത്തുക. ജ്ഞാനമാണ് ക്യാമറ.ലൈം ലൈറ്റ് സിനിമാസാണ് പൂമരം നിർമ്മിച്ചിരിക്കുന്നത്. കോളേജുകളിൽ നിന്ന് ഓഡിഷനിലൂടെ തെരഞ്ഞെടുത്ത അഭിനേതാക്കളാണ് പ്രധാനമായും ഈ സിനിമയിലെ താരങ്ങൾ. കുഞ്ചാക്കോ ബോബനും മീരാ ജാസ്മിനും പൂമരത്തിലെ അതിഥി താരങ്ങളാണ്. ഡോ.പോൾ വർഗ്ഗീസും എബ്രിഡ് ഷൈനും ചേർന്നാണ് നിർമ്മാണം. മ്യൂസിക് 24 ലേബലാണ് പാട്ട് പുറത്തിറക്കിയിരിക്കുന്നത്.

തമിഴിലാണ് കാളിദാസ് നായകനായി അരങ്ങേറിയത്. പ്രഭുവിനൊപ്പം മീൻകുഴമ്പും മൺപാനയും എന്ന ചിത്രം ഇപ്പോൾ വിജയകരമായി പ്രദർശനം തുടരുകയാണ്.

Read more

ഗംഭീര മേക്കോവറിൽ കൊച്ചുപ്രേമൻ; പത്മകുമാർ ചിത്രം രുപാന്തരം ട്രെയിലർ പുറത്തിറങ്ങി

ഹാസ്യ കഥാപാത്രങ്ങളിലൂടെ പ്രേക്ഷകരുടെ മനം കവർന്ന കൊച്ചുപ്രേമൻ നായകനായി ശ്രദ്ധേയമായ കഥാപാത്രത്തെ അവതരിപ്പിക്കുന്ന രൂപാന്തരത്തിന്റെ ട്രെയിലർ പുറത്തിറങ്ങി. 'മൈ ലൈഫ് പാർട്ട്നറി'ന് ശേഷം എം.ബി.പത്മകുമാർ സംവിധാനം ചെയ്യുന്ന 'രൂപാന്തര'ത്തിൽ ഒരു അന്ധകഥാപാത്രമായാണ് കൊച്ചുപ്രേമൻ എത്തുന്നത്.

രാഘവൻ എന്ന കഥാപാത്രത്തെയാണ് കൊച്ചുപ്രേമൻ അവതരിപ്പിക്കുന്നത്. വേറിട്ട ഗെറ്റപ്പിലെത്തുന്ന കൊച്ചുപ്രേമന്റെ കരിയറിലെ വഴിത്തിരിവാണ് പുതിയ കഥാപാത്രം. പുതുമുഖം ഭരത് ശ്രദ്ധേയമായ മറ്റൊരു വേഷത്തിലെത്തുന്നു. ശരത് ചന്ദ്രൻ ആണ് നിർമ്മാണം

ഊന്നു വടിയിൽ ജീവിക്കുന്ന മനുഷ്യർ അഭിമുഖീകരിക്കുന്ന വിവരണാതീതമായ ആത്മസംഘർങ്ങൾ , ഇരുട്ടും വെളിച്ചവും, ശബ്ദവും നിശബ്ദവുമായി സിനിമയുടെ ഭാഷയിൽ അവതരിപ്പിക്കുന്ന ചിത്രമാണിത്. മൈ ലൈഫ് പാർട്ടണർ എന്ന ശ്രദ്ധേയമായ സിനിമയ്ക്ക് ശേഷമാണ് ഈ വ്യത്യസ്തമായ ചിത്രവുമായി എം. പത്മകുമാർ വരുന്നത്.സംസ്ഥാന ചലച്ചിത്ര അവാർഡിൽ മികച്ച രണ്ടാമത്തെ സിനിമ, മികച്ച അഭിനേതാവ് എന്നീ പുരസ്‌കാരങ്ങൾ മൈ ലൈഫ് പാർട്ട്ണർ നേടിയിരുന്നു.

ചാന്ദ് ക്രിയേഷൻസിന്റെ ബാനറിൽ ശരത്ചന്ദ്രൻ നായർ നിർമ്മിക്കുന്ന 'രൂപാന്തര'ത്തിന്റെ ഛായാഗ്രഹണം ഉണ്ണി പാലോടാണ് നിർവഹിക്കുന്നത്. തിരക്കഥാരചനയും എഡിറ്റിംഗും സംവിധായകൻ തന്നെയാണ് നിർവഹിച്ചിരിക്കുന്നത്. പശ്ചാത്തലസംഗീതം ബിജിബാൽ. ശബ്ദമിശ്രണം എൻ.ഹരികുമാർ.

Read more

ജാക്കി ചാന് ഓണററി ഓസ്‌കാര്‍

50 വർഷത്തെ സിനിമാ ജീവിതത്തിനൊടുവിൽ സൂപ്പർ ആക്ഷൻ താരം ജാക്കി ച്ചാന്റെ കൈകളിലും ഓസ്‌കാറെത്തി.ചലച്ചിത്ര മേഖലക്ക് നൽകിയ സമഗ്ര സംഭാവനകൾ പരിഗണിച്ച് അക്കാദമി ഓഫ് മോഷൻ പിക്ചർ ആർട്സ് ആൻഡ് സയൻസാണ് അദ്ദേഹത്തെ ഓസ്‌കർ നൽകി ആദരിച്ചത്. ആനുവൽ ഗവർണേഴ്സ് അവാർഡ് ചടങ്ങിൽ നടന്മാരായ ക്രിസ് ടക്കർ, ടോം ഹാങ്സ്, നടി മിഷേൽ യോ എന്നിവർക്ക് ചേർന്ന് അദ്ദേഹത്തിന് പുസ്‌കാരം നൽകി.

56 വർഷത്തെ ചലച്ചിത്ര ജീവിതത്തിനൊടുവിൽ ഓസ്‌കർ ലഭിച്ചതിൽ ഏറെ ആഹ്ലാദമുണ്ടെന്ന് പുരസ്‌കാരം സ്വീകരിച്ചുകൊണ്ട് ജാക്കി ചാൻ പറഞ്ഞു. ഇരുന്നൂറിലധികം സിനിമകൾ ചെയ്തു. ഒരുപാട് പരിക്കുകൾ പറ്റി. ഇപ്പോൾ ഇത് ഓസ്‌കർ ലഭിച്ചിരിക്കുന്നു. 23 വർഷം മുമ്പ് സിൽവർസ്റ്റർ സ്റ്റാലന്റെ വീട്ടിൽ ഓസ്‌കർ പുരസ്‌കാരം കണ്ടപ്പോഴാണ് തനിക്കും അതിനോട് ആഗ്രഹം തോന്നിയതെന്ന് അദ്ദേഹം പറഞ്ഞു.

എനിക്ക് ഓസ്‌കർ ലഭിക്കണമെന്ന് ഏറ്റവും കൂടുതൽ ആഗ്രഹിച്ചിരുന്നത് മാതാപിതാക്കളാണ്. എന്നാണ് തനിക്ക് ഓസ്‌കർ ലഭിക്കുകയെന്ന് പിതാവ് നിരന്തരം ചോദിക്കുമായിരുന്നു. കോമഡി ആക്ഷൻ ചിത്രങ്ങൾ മാത്രം ചെയ്തിരുന്ന എനിക്ക് അത്തരമൊരു അംഗീകാരം സ്വപ്നം കാണാൻ സാധിക്കുമായിരുന്നില്ല -അദ്ദേഹം കൂട്ടിച്ചേർത്തു.

ഹോങ്കോങ് സ്വദേശിയ ജാക്കി ചാൻ ആയോധന കലകൾക്ക് പ്രാമുഖ്യം നൽകുന്ന അനേകം സിനിമകളിൽ അഭിനയിച്ചിട്ടുണ്ട്. ബ്രൂസിലിയുടെ ചിത്രങ്ങളിൽ സ്റ്റണ്ട്മാനായാണ് അദ്ദേഹം സിനിമയിൽ ശ്രദ്ധേയനാകുന്നത്. നിരവധി ഹോളിവുഡ്, ചൈനീസ് ആക്ഷൻ കോമഡി ചിത്രങ്ങളിൽ നായകനായും സഹതാരമായും സംവിധായകനായും തിളങ്ങി. പല ചിത്രങ്ങളും അന്താരാഷ്ട്രതലത്തിൽ വൻ വിജയമായിരുന്നു.

ബ്രൂസിലിയുടെ ചിത്രങ്ങളിൽ സ്റ്റണ്ട്മാനായാണ് ജാക്കി ചാൻ സിനിമയിലെത്തുന്നത്. ഫിസ്റ്റ് ഓഫ് ഫ്യൂറി (1972), എന്റർ ദ ഡ്രാഗൺ (1973) എന്നീ ചിത്രങ്ങളാണ് അവയിൽ ഏറ്റവും കൂടുതൽ ശ്രദ്ധിക്കപ്പെട്ടത്. ജോൺ വൂ സംവിധാനം ചെയ്ത ആക്ഷൻ ചിത്രം ഹാന്റ് ഓഫ് ഡെത്തിലൂടെയാണ് അഭിനേതാവായി അരങ്ങേറ്റം കുറിക്കുന്നത്.

Read more

പൃഥ്വിരാജ് നായകനാകുന്ന ഹൊറർ ത്രില്ലർ ചിത്രം "എസ്ര" യുടെ ടീസർ പുറത്തിറങ്ങി

പൃഥ്വിരാജ് നായകനാകുന്ന ഹൊറർ ത്രില്ലർ ചിത്രം 'എസ്ര' യുടെ ടീസർ പുറത്തിറങ്ങി. ഹോളീവുഡ് ചിത്രങ്ങളെ വെല്ലുന്ന ഹൊറർ ദൃശ്യങ്ങളാണ് ടീസറിൽ ഉൾപ്പെടുത്തി യിരിക്കുന്നത്.അവർ അവന്റെ പ്രണയം കവർന്നു. അവൻ അവരുടെ ലോകവും... ഈ ശിശിരത്തിൽ എബ്രഹാം എസ്ര പ്രതികാരം ചെയ്യും. ഈ വാക്കുകൾക്കപ്പുറം എന്തൊക്കെയോ ദുരൂഹതകൾ ഒളിച്ചുവച്ചിട്ടാണ് ടീസർ അവസാനിക്കുന്നത്.

അവസാനം നായകന്റ കയ്യിലെ പേപ്പറിൽ എഴുതിയിരിക്കുന്ന ശരീര മുക്തമാക്കപ്പെട്ട അബ്രഹാം എസ്രയുടെ ആത്മാവ് എന്നതൊഴിച്ചാൽ സിനിമയെക്കുറിച്ച് വേറൊയൊരു സൂചനയൊന്നുമില്ല. പൃഥിരാജിനെക്കൂടാതെ പ്രിയ ആനന്ദ്, ടൊവിനൊ തോമസ്, സുജിത് ശങ്കർ, എന്നിവരും പ്രധാന വേഷത്തിലെത്തുന്നു.

എസ്രയുടെ ചിത്രീകരണവും വാർത്തകളിൽ നിറഞ്ഞിരുന്നു. ചിത്രത്തിന്റെ ലൊക്കേഷനിൽ പ്രേതബാധയുണ്ടെന്നും ബാധയെ ഒഴിപ്പിക്കാനായി പുരോഹിതനെ കൊണ്ട് പ്രത്യേകചടങ്ങുകൾ നടത്തിയെന്നടക്കം വാർത്തകളുണ്ടായിരുന്നു. നവാഗതനായ ജെയ് കെ ആണ് ചിത്രത്തിന്റെ രചനയും സംവിധാനവും നിർവ്വഹിക്കുന്നത്.

രഞ്ജൻ എന്ന കഥാപാത്രമായിട്ടാണ് പൃഥ്വിരാജ് സിനിമയിൽ അഭിനയിക്കുന്നത്. മുകേഷ് ആർ മേത്തയും സി വി സാരഥിയുമാണ് സിനിമ നിർമ്മിക്കുന്നത്.

Read more

നടി സരയു വിവാഹിതയായി; വരൻ അസിസ്റ്റന്റ് ഡയറക്ടർ സനൽ വി ദേവ്

പ്രശസ്ത നടി സരയു വിവാഹിതയായി. അസിസ്റ്റന്റ് ഡയറക്ടർ സനൽ വി ദേവാണ് വരൻ. അടുത്ത സുഹൃത്തുക്കളുടെയും ബന്ധങ്ങളുടെയും സാന്നിധ്യത്തിൽ എറണാകുളത്ത് വച്ചായിരുന്നു വിവാഹം. ഏപ്രിലായിരുന്നു ഇരുവരുടെയും വിവാഹ നിശ്ചയം

വർഷം സിനിമയുടെ ലൊക്കേഷനിൽ വച്ചാണ് സരയുവും സനലും പരിചയപ്പെടുന്നത്. പരിചയപ്പെട്ട സമയത്ത് സരയു മറ്റൊരാളുമായി പ്രണയത്തിലായിരുന്നു. ആ ബന്ധം തകർന്ന സമയത്ത് സനൽ കരുതലോടെ സരയുവിന്റെ കൂടെ നിന്നു. ആ സൗഹൃദം പിന്നീട് പ്രണയത്തിലേക്ക് കടക്കുകയായിരുന്നു.

ഞാനും സനലും ഏറെക്കാലമായി സുഹൃത്തുക്കളാണ്. ബെസ്റ്റ് ഫ്രണ്ട്സ്. അങ്ങനെയൊരാൾ വിവാഹം കഴിക്കാം എന്നു പറയുമ്പോൾ ആലോചിക്കേണ്ട കാര്യമില്ലല്ലോ. ഹൈക്കിൽ വന്ന ഒരു മെസേജ്. അത്രേ ഉണ്ടായിരുന്നൊള്ളൂ പ്രപ്പോസൽ സീൻ. അമ്മയോടാണ് ആദ്യം സംസാരിച്ചത്. വിഷുവിന്റെ അവധിക്ക് എല്ലാവരും നാട്ടിലുള്ളതുകൊണ്ട് ചടങ്ങ് നടത്തി എന്നു മാത്രം. കഴിഞ്ഞ ഒരു അഭിമുഖത്തിൽ സരയു പറഞ്ഞതാണ് ഇത്.

വിവാഹത്തിന് മുന്നോടിയായി ഇന്നലെ നടന്ന മൈലാഞ്ചിയിടൽ ചടങ്ങിൽ സരയുവിന്റെ സിനിമാ സുഹൃത്തുക്കളും എത്തിയിരുന്നു. ചക്കരമുത്തിലൂടെയാണ് സരയു സിനിമയിലെത്തുന്നത്. കഥളുക്കു മരണമില്ലൈ എന്ന ചിത്രത്തിലൂടെ തമിഴിലും അഭിനയിച്ചു. ബിജു മേനോൻ നായകനായി എത്തിയ സാൾട്ട് മാൻഗോ ട്രീയിലാണ് സരയു അവസാനമായി അഭിനയിച്ചത്. ലൈഫ് ഓഫ് ജോസൂട്ടി, ജിലേബി, വർഷം തുടങ്ങിയ ചിത്രങ്ങളിൽ സനൽ പ്രവർത്തിച്ചിട്ടുണ്ട്.

Read more

ജയസൂര്യയും സനൂപും ഒന്നിച്ച ഫിലിപ്പ്‌സ് ആൻഡ് ദ മങ്കിപെന്റെ രണ്ടാം ഭാഗം വരുന്നു

ഷനിൽ മുഹമ്മദിന്റെ കഥയ്ക്ക് റോജിൻ ഫിലിപ്പ് തിരക്കഥയും സംഭാഷണവും എഴുതി ഇരുവരും ചേർന്ന് സംവിധാനം ചെയ്ത സിനിമയാണ് ഫിലിപ്പ്സ് ആൻഡ് ദ മങ്കിപ്പെൻ. പ്രാദേശിക ചരിത്രത്തിൽ നിന്ന് ഒരു മിത്തിനെയെടുത്ത് വികസിപ്പിച്ചാണ് കഥ ഒരുക്കിയിരുന്നത്. വില്ലിങ്ടൺ ഐലന്റിന്റെ നിർമ്മാണവുമായി ബന്ധപ്പെട്ട് മങ്കീപ്പെൻ എന്ന മാജിക് പേനയുടെ കഥയായിരുന്നു ഇപ്പോഴിതാ ചിത്രത്തിന്റെ രണ്ടാം ഭാഗവും അണിയറയിൽ ഒരുങ്ങുകയാണ്.

സാന്ദ്ര തോമസിനൊപ്പം നടൻ വിജയ് ബാബും ചേർന്നാണ് ആദ്യഭാഗം നിർമ്മിച്ചത്. രണ്ടാം ഭാഗത്തിന്റെ ചർച്ചകൾ നടക്കുകയാണെന്നും തിരക്കഥ പുരോഗമിക്കുകയാണെന്നും നിർമ്മാതാക്കൾ അറിയിച്ചു.ചിത്രത്തിൽ പുതിയ കഥാപാത്രങ്ങൾക്ക് ഒപ്പം ആദ്യ ഭാഗത്തെ അഭിനേതാക്കളും അതേ വേഷത്തിൽ അഭിനയിക്കുന്നുണ്ടെന്നും അവർ വ്യക്തമാക്കി.

എന്നാൽ ചിത്രത്തിന്റെ ചിത്രീകരണം എന്നു തുടങ്ങുമെന്ന് വ്യക്തമായി പറയാൻ സാധിക്കില്ലെന്നും അവർ പറഞ്ഞു.

Read more

പൃഥിരാജ് നായകനായ ആടുജീവിതത്തിന്റെ ഷൂട്ടിങ് ജൂണിൽ ആരംഭിക്കും

നജീബെന്ന പ്രവാസിയുടെ അതിജീവനത്തിന്റെ കഥ നമുക്ക് പരിചയപ്പെടുത്തിയ ബെന്യാമിന്റെ 'ആടുജീവിതം' ബ്ലെസി സിനിമയാക്കുന്ന കാര്യം മുമ്പേ വാർത്തകൾ വന്നിരുന്നെങ്കിലും വിവിധ കാരണങ്ങളാൽ അത് നീണ്ട് പോകുകയായിരുന്നു. ഇപ്പോൾ സിനിമ ഉടൻ വെള്ളിത്തിരയിലെത്തുമെന്നും സിനിമയുടെ ചിത്രീകരണം അടുത്ത ജൂണിൽ ആരംഭിക്കുമെന്നും സംവിധായകൻ ബ്ലെസി അറിയിച്ചു. ചിത്രത്തിലെ നായക കഥാപാത്രം നജീബായി അഭിനയിക്കുന്നത് പൃഥിരാജാണ്.

ആട് ജീവിതം എന്ന നോവലിനെ അടിസ്ഥാനമാക്കി സിനിമ നിർമ്മിക്കുന്ന കാര്യം നേരത്തെ വ്യക്തമാക്കിയിരുന്നെങ്കിലും വിവിധ കാരണങ്ങളാൽ നീണ്ടു പോകുകയായിരുന്നു. 3ഡി മിഴിവോടെ നിർമ്മിക്കുന്നചിത്രം മലയാളം, തമിഴ്, ഹിന്ദി ഭാഷകളിലാണ് പുറത്തിറങ്ങുക. എല്ലാം മേഖലയിലുമെന്നത് പോലെ കാലത്തിനനുസരിച്ചുള്ള മാറ്റം സിനിമയിലുമുണ്ടെന്ന് ബ്ലെസി പറഞ്ഞു.

ചിത്രത്തിനായി പൃഥിരാജ് കിടിലൻ മെയ്ക്കോവർ നട്ടത്തേണ്ടി വരുമെന്നാണ് വിലയിരുത്തപ്പെടുന്നത്. മൈസ്റ്റോറി എന്ന സിനിമയുടെ ചിത്രീകരണവുമായി ബന്ധപ്പെട്ട് വിദേശത്താണ് പൃഥിരാജിപ്പോൾ. മമ്മൂട്ടി നായകനാകുന്ന ഗ്രേറ്റ്ഫാദർ എന്ന സിനിമ നിർമ്മിക്കുന്നതും പൃഥിരാജാണ്.ആർഎസ് വിമൽ ഒരുക്കുന്ന കർണ്ണന്റെ ചിത്രീകരണത്തിന് ശേഷമായിരിക്കും ആടുജീവിതം ആരംഭിക്കുക. വിദേശ ടെക്നീഷ്യന്മാരുടെ സഹായത്തോടെ ഒരുക്കുന്ന ആടുജീവിതം നിർമ്മിക്കുന്നത് ജിഎ ഫിലിം കമ്പനിയാണ്. പൃഥിരാജിന്റെ അഭിനയജീവിതത്തിലെ വ്യത്യസ്ത ചലച്ചിത്രമാകുമെന്ന് പ്രതീക്ഷിക്കപ്പെടുന്ന ആടുജീവിത ത്തിന്റെ പോസ്റ്റർ ഇതിനോടകം ആരാധകർ തെയ്യാറാക്കിയിടുണ്ട്

Read more

മമ്മൂട്ടി-രഞ്ജിത്ത് ചിത്രത്തിന് പേരിട്ടു "ന്യൂ ഇന്ത്യന്‍ റുപ്പി"; നായിക ഇനിയ

പുതിയ ഇന്ത്യൻ രൂപയാണ് എല്ലായിടത്തും ചർച്ചാ വിഷയം. ഈ പശ്ചാത്തലത്തിൽ പുതിയ ഇന്ത്യൻ റുപ്പിയുമായാണ് സംവിധായകൻ രഞ്ജിത് എത്തുന്നത്. മുമ്പ് മമ്മൂട്ടിയെ നായകനാക്കി ഒരുക്കുന്ന ചിത്രത്തിന് വമ്പൻ എന്ന പേരിട്ടിരുന്ന ചിത്രം പുതിയ സാഹചര്യം പരിഗണിച്ച് പേര് മാറുകയായിരുന്നു. ഇപ്പോൾ ചിത്രത്തിന് പുത്തൻപണം (ദ ന്യൂ ഇന്ത്യൻ റുപ്പി) എന്ന് പേരിട്ടതായാണ് റിപ്പോർട്ട് വരുന്നത്.

രഞ്ജിത്ത് രചനയും സംവിധാനവും നിർവഹിക്കുന്ന ചിത്രം ത്രീ കളർ സിനിമ നിർമ്മിക്കും. ഈ ചിത്രത്തിൽ മമ്മൂട്ടിക്ക് നായികയാവുന്നത് നടി ഇനിയ ആണ്. ഒപ്പം സ്വരാജ് എന്ന പതിനാലുകാരൻ പ്രധാനവേഷമണിയുന്നു. സിദ്ദിഖ്, സായികുമാർ, രൺജിപണിക്കർ, മാമുക്കോയ, ഹരീഷ് കണാരൻ തുടങ്ങിയവരാണ് മറ്റ് താരങ്ങൾ. ഇനിയയാണ് നായിക.

കള്ളപ്പണത്തിന്റെ പ്രചാര വഴികളും. നോട്ടുകൾ പിൻവലിച്ച പുതിയ സാഹചര്യവും ചിത്രത്തിലുണ്ടാകുമെ്‌നാണ് സൂചന. പൃഥ്വിരാജിനെ നായകനാക്കി രഞ്ജിത് സംവിധാനം ചെയ്ത ഇന്ത്യൻ റുപ്പീ വസ്തുക്കച്ചവടവും ദല്ലാൾ ജീവിതവും ഇടനില കമ്മീഷനിംഗും  പ്രമേയമാക്കിയതായിരുന്നു.കുറുക്കുവഴിയിൽ നോട്ടിരട്ടിപ്പിലൂടെ ധനികനാകാനുള്ള നായകന്റെ നീക്കവും ഈ സിനിമയുടെ പ്രമേയമായിരുന്നു. ഇന്ത്യൻ റുപ്പിയുടെ പ്രമേയ തുടർച്ചയായിരിക്കും പുത്തൻ പണം എന്ന സിനിമയെന്നറിയുന്നു. കള്ളപ്പണത്തിന്റെ ഒഴുക്ക് നിയന്ത്രിക്കാനും വ്യാജ കറൻസിയുടെ പ്രചരണം തടയാനുമായുള്ള സർക്കാർ നീക്കവും ചി<br/>ത്രത്തിൽ പരാമർശിക്കുമെന്നറിയുന്നു. കടൽ കടന്ന് ഒരു മാത്തുക്കുട്ടി എന്ന സി നിമയ്ക്ക് ശേഷം രഞ്ജിത്തിന്റെ സംവിധാനത്തിൽ മമ്മൂട്ടി നായകനാകുന്ന ചി ത്രവുമാണ് പുത്തൻ പണം.

മാരി, വാ കൈ ചൂടാവാ, കാഷ്‌മോര എന്നീ തമിഴ് ചിത്രങ്ങൾക്ക് ഛായാഗ്രഹണം നിർവഹിച്ച ഓം പ്രകാശാണ് ഈ സിനിമയ്ക്കും ഛായാഗ്രഹണം നിർവഹിക്കുന്നത്. ഷാഹ്ബാസ് അമനാണ് സംഗീത സംവിധാനം നിർവഹിക്കുന്നത്.നവംബർ 25ന് എറണാകുളത്ത് ചിത്രീകരണ മാരംഭിക്കുന്ന ചിത്രത്തിന്റെ മറ്റ് ലൊക്കേഷനുകൾ കാസർഗോഡും ഗോവയുമാണ്.

Read more

ഇന്ദ്രജിത്തും റിമ കല്ലിങ്കലും ഒന്നിക്കുന്ന കാടുപൂക്കുന്ന നേരം ട്രെയിലര്‍ കാണാം

വിവിധ രാജ്യാന്തര ചലച്ചിത്രമേളകളിലേക്ക് തെരഞ്ഞെടുക്കപ്പെട്ട ഡോ.ബിജുവിന്റെ പുതിയ ചിത്രമായ കാട് പൂക്കുന്ന നേരം ട്രെയിലർ പുറത്തുവന്നു. ആദിവാസി സമരം, മാവോയിസ്റ്റ് വേട്ട തുടങ്ങി വർത്തമാന രാഷ്ട്രീയ സാമൂഹിക വിഷങ്ങളെ അധികരിച്ചുള്ള സിനിമയാണ് കാട് പൂക്കുന്ന നേരം എന്ന സൂചന ട്രെയിലർ നൽകുന്നുണ്ട്. ഇന്ദ്രജിത്തും റിമാ കല്ലിങ്കലുമാണ് കേന്ദ്രകഥാപാത്രങ്ങൾ. കേരളാ രാജ്യാന്തര ചലച്ചിത്രമേളയിൽ മത്സര വിഭാഗത്തിലും ഗോവാ രാജ്യാന്തര ചലച്ചിത്ര മേളയിൽ ഇന്ത്യൻ പനോരമയിലും കാട് പൂക്കുന്ന നേരം പ്രദർശിപ്പിക്കുന്നുണ്ട്

മാവോയിസ്റ്റെന്നു സംശയിക്കുന്ന യുവതിയായി റിമയും ഇന്ദ്രജിത്ത് പൊലീസ് ഓഫീസറായുമാണ് എത്തുന്നത്.നടന്മാരായ പ്രകാശ് ബാരെയും ഇന്ദ്രൻസും ചിത്രത്തിൽ പ്രധാനപ്പെട്ട വേഷം ചെയ്യുന്നുണ്ട്. 67 സെക്കൻന്റ് ദൈർഘ്യമുള്ള ചിത്രത്തിന്റെ ട്രെയിലർ കഴിഞ്ഞ ദിവസമാണ് പുറത്തു വിട്ടത്.

വീക്കെൻഡ് ബ്ലോക്ക് ബസ്റ്റേഴ്സിന്റെ ബാനറിൽ സോഫിയ പോൾ ആണ് ചിത്രം നിർമ്മിക്കുന്നത്. കാടിന്റെ മനോഹാരിത പരമാവധി ഒപ്പിയെടുത്ത ചിത്രം കൂടിയാണിത്.

Read more

ധ്യാന്‍ ശ്രീനിവാസന്‍ നായകനാകുന്ന ഒരേ മുഖത്തിന്റെ ട്രെയിലര്‍ കാണാം

കുഞ്ഞിരാമയണത്തിനും അടികപ്പിയാരെ കൂട്ടമണിക്കും ശേഷം ധ്യാൻ ശ്രീനിവാസൻ നായകനാകുന്ന ഒരേ മുഖത്തിന്റെ ട്രെയിലർ പുറത്തിറങ്ങി. പഴയകാല ക്യമ്പസിന്റെയും കഥ പറയുന്ന ചിത്രത്തിന്റെ രസകരമായ ടീസറും പാട്ടും യൂട്യൂബിൽ നിരവധി ആളുകൾ കണ്ടിരുന്നു. എന്നാൽ ഇപ്പോൾ പുറത്തിറങ്ങിയിരിക്കുന്ന ട്രെയിലർ ഒരു ക്രൈം ത്രില്ലറിലേക്കാണ് വിരൽ ചൂണ്ടുന്നത്.

നവാഗതനായ സജിത് ജഗത് നന്ദനാണ് ചിത്രം സംവിധാനം ചെയ്തിരിക്കുന്നത്‌വിവാഹത്തിനു ശേഷം തമിഴ് നടി സ്നേഹയും ചിത്രത്തിലൂടെ തിരച്ചു വരവ് നടത്തുകയാണ്. മണിയൻപിള്ള രാജു, അജുവർഗീസ്, രഞ്ജി പണിക്കർ, ശ്രീജിത്ത് രവി, ദേവൻ, ഗായത്രി സുരേഷ്, പ്രയാഗ മാർട്ടിൻ, അഭിരാമി, ദേവി അജിത്ത് തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങൾ. ദീപു എസ് നായരും സന്ദീപ് സദാനന്ദനും ചേർന്നാണ് ചിത്രത്തിന്റെ തിരക്കഥയെഴുതിയിരിക്കുന്നത്. ബിജിപാലാണ് സംഗീതസംവിധാനം.

ബാക്ക് വാട്ടർ പ്രൊഡക്ഷൻസിന്റെ ബാനറിൽ ജയലാൽ മേേനാനും അനിൽ വിശ്വാസും നിർമ്മിച്ചിരിക്കുന്ന ചിത്രം അടുത്തമാസം തീയറ്ററുകളിലെത്തുമെന്നാണ് റിപ്പോർട്ടുകൾ

Read more

ഡോണ്‍ മാക്‌സിന്റെ ‘10 കല്‍പനകള്‍’ ട്രെയ്ലർ കാണാം

മലയാളത്തിലെ മുൻനിര എഡിറ്റർ ഡോൺ മാക്സ് ആദ്യമായി സംവിധാനം ചെയ്യുന്ന 10 കൽപനകളുടെ ട്രെയ്ലർ പുറത്തെത്തി. ഒരിടവേളയ്ക്ക് ശേഷം മീര ജാസ്മിൻ സ്‌ക്രീനിലെത്തുന്ന ചിത്രം ക്രൈം ത്രില്ലർ സ്വഭാവത്തിലുള്ളതാണ്. അനൂപ് മേനോനും മറ്റൊരു പ്രധാന കഥാപാത്രത്തെ അവതരിപ്പിക്കുന്നു

ഡോൺ മാക്സ് തന്നെ തിരക്കഥ രചിക്കുന്ന ചിത്രത്തിൽ കനിഹ, കവിത നായർ, പ്രശാന്ത് നാരായണൻ, ജോജു ജോർജ് എന്നിവരും കഥാപാത്രങ്ങളെ അവതരിപ്പിക്കുന്നു. കിഷോർ മണി ഛായാഗ്രഹണം. സംഗീതം മിഥുൻ ഈശ്വർ. ഷട്ടർബഗ്സ് എന്റർടെയ്ന്മെന്റ്സ് നിർമ്മാണം.

Read more

വിനീതും ലക്ഷ്മി ഗോപാലസ്വാമിയും പ്രധാന വേഷത്തിലെത്തുന്ന കാംബോജിയുടെ ട്രെയിലർ പുറത്തിറങ്ങി

വിനീതും ലക്ഷ്മി ഗോപാലസ്വാമിയും പ്രധാന വേഷത്തിലെത്തുന്ന കാംബോജിയുടെ ട്രെയിലർ പുറത്തുവന്നു. കഥകളിയുടേയും മോഹിനിയാട്ടത്തിന്റെയും പശ്ചാത്തലത്തിൽ ഒരുക്കിയ കാംബോജി, വിനോദ് മങ്കരയാണ് സംവിധാനം ചെയ്തിരിക്കുന്നത്.

അന്തരിച്ച അനശ്വര കവി ഒഎൻവി കുറുപ്പ് അവസാനമായി ഗാനരചന നിർവ്വഹിച്ച ചിത്രമാണ് കാംബോജി. എം ജയചന്ദ്രനാണ് ചിത്രത്തിലെ പാട്ടുകൾക്ക് സംഗീതം ഒരുക്കിയിരിക്കുന്നത്. ചിത്രത്തിലെ പാട്ടുകൾ നേരത്തെ പുറത്തു വന്നിരുന്നു. സോനാ നായർ, രചനാ നാരായണൻകുട്ടി എന്നിവരാണ് ചിത്രത്തിലെ മറ്റ് കഥാപാത്രങ്ങൾ.

നൃത്തവും സംഗീതവും പ്രണയവും കോർത്തിണക്കിയിരിക്കുന്ന ഈ ചിത്രം ഈ മാസം 25-ന് തീയറ്ററുകളിലെത്തും

Read more

കാളിദാസ് ജയറാം നായകനാകുന്ന പൂമരത്തിൽ അതിഥിതാരമായി കുഞ്ചാക്കോ ബോബനും

കാളിദാസ് ജയറാം നായകനാകുന്ന എബ്രിഡ് ഷൈൻ ചിത്രം പൂമരത്തിൽ അതിഥിതാരമായി കുഞ്ചാക്കോ ബോബനും എത്തുമെന്ന് റിപ്പോർട്ട്. ചിത്രത്തിൽ അതിഥിതാരമായെത്തുന്ന ചാക്കോച്ചൻ 'കുഞ്ചാക്കോ ബോബനാ'യിത്തന്നെയാണ് പ്രത്യക്ഷപ്പെടുകയെന്നാണ് റിപ്പോർട്ട്.കാമ്പസ് പശ്ചാത്തലമാക്കിയ പൂമര'ത്തിന്റെ ചിത്രീകരണം തുടരുകയാണ്.

ബാലതാരമായി തിളങ്ങി ദേശീയ ചലച്ചിത്ര പുരസ്‌കാരം നേടിയ കാളിദാസ് ജയറാം ആദ്യമായി മലയാളത്തിൽ നായകനായി എത്തുന്ന ചിത്രമാണ് പൂമരം. കാളിദാസ് നായകനായി അരങ്ങേറിയത് തമിഴിലാണ്.

ബാലാജി തരണീധരൻ സംവിധാനം ചെയ്ത ഒരു പക്കാ കഥൈ എന്ന ചിത്രത്തിലൂടെയാണ് കാളിദാസ് നായകനായി അരങ്ങേറിയത്. പ്രഭുവിനൊപ്പം മീൻകുഴമ്പും മൺപാനയും എന്ന ചിത്രവും കാളിദാസ് അഭിനയിച്ചു. തമിഴിലെ രണ്ട് ചിത്രങ്ങളും റിലീസ് ചെയ്തിട്ടില്ല.

Read more

നീരജ് മാധവ് നായകനാകുന്ന പൈപ്പിൻ ചുവട്ടിലെ പ്രണയം ഫസ്റ്റ്‌ലുക്ക് ഇറങ്ങി

യുവനടൻ നീരജ് മാധവ് നായകനാകുന്ന പൈപ്പിൻ ചുവട്ടിലെ പ്രണയത്തിന്റെ ഫസ്റ്റ് ലുക്ക് എത്തി.നവാഗതനായ ഡോമിൻ ഡിസിൽവ സംവിധാനം ചെയ്യുന്ന ചിത്രം കോമഡിക്ക് പ്രാധാന്യം നൽകിയാണ് ഒരുക്കിയിരിക്കുന്നത്.

നീരജ് തന്റെ ഫേസ്‌ബുക്ക് പേജിലൂടെയാണ് പോസ്റ്റർ ആരാധകർക്കായി പങ്കുവച്ചത്. പോസ്റ്ററിനൊപ്പം ഒപ്പം ചിത്രത്തെ കുറിച്ച് ഒരു കുറിപ്പും താരം പോസ്റ്റ് ചെയ്തിട്ടുണ്ട്.കേരളപ്പിറവി ദിനത്തിൽ എന്റെ വക ഒരു കൊച്ചു സമ്മാനം' എന്ന തലക്കെട്ടോടെയാണ് താരം ഫേസ്‌ബുക്കിൽ കുറിപ്പിട്ടിരിക്കുന്നത്.

ഡോമിൻ സിൽവയാണ് സംവിധാനം. 100 ഡെയ്സ് ഓഫ് ലൗ എന്ന ചിത്രത്തിനു ശേഷം ഐശ്വര്യാ-സ്നേഹ മുവീസിന്റെ ബാനറിൽ കെ.വി വിജയകുമാറാണ് ചിത്രം നിർമ്മിക്കുന്നത്. ബിജിപാലി ന്റേതാണ് സംഗീതം.

ഹോളിവുഡ് ചിത്രം 'ഡാം 999' സംവിധാനം ചെയ്ത സേഹാൻ റോയിയുട നിർമ്മാണ കമ്പനിയായ ബിസ് ടീവി നെറ്റ്‌വർക്കിലെ ക്രീയറ്റീവ് ഡയറക്ടറായിരുന്നു ഡോമിൻ ഡിസിൽവ. അജു വർഗീസും മറ്റു യുവതാരങ്ങളും ചിത്രത്തിലുണ്ടാകും. പ്രണയവും, നർമ്മവും, സാമുഹിക വിഷയങ്ങളും കൈകാര്യം ചെയുന്ന ഈ ചിത്രം തികച്ചും വ്യതസ്തമായ ഒരു ചിത്രം ആയിരിക്കുമെന്നാണ് അണിയറ പ്രവർത്തകർ അവകാശപ്പെടുന്നത്.

ഐശ്വര്യ സ്നേഹ മൂവീസിന്റെ ബാനറിൽ വിജയകുമാർ പാലക്കുന്ന് നിർമ്മിക്കുന്ന ചിത്രത്തിന്റെ തിരക്കഥ സംവിധായനും ആന്റണി ജിബിനും ചേർന്നാണ് തയ്യാറാക്കുന്നത്. പവി കെ.പവൻ ഛായാഗ്രഹണം. സംഗീതം ബിജിബാൽ

Read more

ജയറാമിന്റെ അച്ചായന്‍സില്‍ നായിക മംമ്ത

ആടുപുലിയാട്ടം എന്ന ചിത്രത്തിന്റെ വിജയത്തിന് ശേഷം ജയറാമിനെ നായകനാക്കി കണ്ണൻ താമരക്കുളം ഒരുക്കുന്ന ചിത്രമാണ് അച്ചായൻസ്. ജയറാമിനൊപ്പം തന്നെ പ്രകാശ് രാജ്, ഉണ്ണി മുകുന്ദൻ, ആദിൽ ഇബ്രാഹിം, ജേക്കബ് ഗ്രിഗറി എന്നിവരും സുപ്രധാന വേഷങ്ങളിൽ എത്തുന്നുണ്ട്. ചിത്രത്തിലെ ഒരു നായികയായി മംമ്തയും എത്തും. മറ്റൊരു നായിക അനു സിത്താരയാണ്.

അഞ്ചു ഹീറോകളുള്ള ചിത്രത്തിൽ ജയറാമിനൊപ്പം പ്രകാശ് രാജ്, ഉണ്ണി മുകുന്ദൻ, ആദിൽ ഇബ്രാഹിം, ജേക്കബ് ഗ്രിഗറി എന്നിവർ ഒരു ക്രിസ്ത്യൻ കുടുംബത്തിലെ അംഗങ്ങളായി എത്തുന്നു. കഥയിലെ കേന്ദ്ര കഥാപാത്രം മംമ്തയുടേതാണ്. ചിത്രത്തിലെ സസ്‌പെൻസ് 
വെളിപ്പെടുമെന്നതിനാൽ അവരുടെ കഥാപാത്രത്തെ കുറിച്ച് കൂടുതൽ പറയാനാവില്ല. മറ്റൊരു കാര്യം മംമ്തയുടെ കഥാപാത്രത്തിന് ജോഡിയായി ആരുമില്ലെന്നതാണ്. ചിത്രത്തിലെ ഹീറോകൾ തന്നെയാണ് വില്ലന്മാരെന്നതാണ് മറ്റൊരു കാര്യം.''- കണ്ണൻ പറയുന്നു.

മൾട്ടി സ്റ്റാർ ചിത്രങ്ങളായ മല്ലു സിങ്, കസിൻസ് എന്നിവയുടെ തിരക്കഥ ഒരുക്കിയ സേതുവാണ് അച്ചായൻസിന്റെയും തിരക്കഥാകൃത്ത്. ഒരു മാസ് എന്റർടെയ്‌നറായ ചിത്രത്തിൽ സിദ്ദിഖ്, മണിയൻപിള്ള രാജു, രമേഷ് പിഷാരടി, ധർമ്മജൻ എന്നിവരാണ് മറ്റു കഥാപാത്രങ്ങൾ. ആറു വർഷത്തിനു ശേഷം വീണ്ടും അച്ചായൻസിലൂടെ മലയാളത്തിലേക്ക് തിരിച്ചെത്തുകയാണ് പ്രകാശ് രാജ്. കൊച്ചി, വാഗമൺ, തേനി, ഹൈദരാബാദ് എന്നിവിടങ്ങളിലാണ് ചിത്രീകരണം നിശ്ചയിച്ചിരിക്കുന്നത്. നവംബറിൽ ചിത്രീകരണം ആരംഭിക്കും.

Read more

ടീം ഫൈവ് ട്രെയിലർ പുറത്തിറങ്ങി; വീഡിയോ കാണാം..

ക്രിക്കറ്റ് താരം ശ്രീശാന്ത് നായകനായെത്തുന്ന ചിത്രം ടീം ഫൈവിന്റെ ട്രെയിലർ പുറത്തിറങ്ങി. തെന്നിന്ത്യൻ സുന്ദരി നിക്കി ഗൽറാണിയാണ് നായിക. സുരേഷ് ഗോവിന്ദ് തിരക്കഥയും സംവിധാനവും നിർവ്വഹിക്കുന്ന ചിത്രം സൈലബസ് ആൻഡ് റെഡ് കാർപ്പെറ്റിന്റെ ബാനറിൽ രാജ് സക്കറിയാസ് ആണ് നിർമ്മിക്കുന്നത്

അഞ്ച് ബൈക്ക് അഭ്യാസികളുടെ കഥ പറയുന്ന സിനിമ ഒരു ആക്ഷൻ ത്രില്ലറാണ്. അഖിൽ എന്ന കഥാപാത്രത്തെയാണ് ശ്രീശാന്ത് അവതരിപ്പിക്കുന്നത്. ബാബു ആന്റണി, അഷ്‌കർ അലി, രാജീവ് രംഗൻ, പേളി മാണി, മഞ്ജു തുടങ്ങിയവരും പ്രമുഖ കഥാപാത്രങ്ങളായെത്തുന്നു

ഹരിനാരായണൻ ബി കെയുടെ വരികൾക്ക് ഈണം നൽകിയിരിക്കുന്നത് ഗോപീ സുന്ദറാണ്. സജിത്ത് പുരുഷോത്തമനാണ് ഛായാഗ്രഹണം നിർവ്വഹിച്ചിരിക്കുന്നത്.

Read more

ധ്യാന്‍ ശ്രീനിവാസന്റെ ഒരേ മുഖം ടീസര്‍ പുറത്തിറങ്ങി

ധ്യാൻ ശ്രീനിവാസൻ നായകനായ ത്രില്ലർ ചിത്രം ഒരേ മുഖത്തിന്റെ ടീസർ പുറത്തിറങ്ങി. എൺപതുകളിലെ കോളെജ് കാലഘട്ടത്തിന്റെ കഥ പറയുന്ന ചിത്രത്തിൽ അജു വർഗീസും ഒരു പ്രധാന വേഷത്തിലെത്തുന്നുണ്ട്.തിര, അടി കപ്യാരേ കൂട്ടമണി എന്നീ ചിത്രങ്ങൾക്ക് ശേഷം ധ്യാൻ ശ്രീനിവാസൻ നായകനാവുന്ന ചിത്രമാണ് 'ഒരേ മുഖം.

നവാഗതനായ സജിത്ത് ജഗദ്നന്ദൻ സംവിധാനം ചെയ്യുന്ന ചിത്രം എൺപതുകളിലെ കോളെജ് ക്യാമ്പസ് പശ്ചാത്തലത്തിലാണ് ഒരുക്കിയിരിക്കുന്നത്. ജയലാൽ മേനോൻ, അനിൽ ബിശ്വാസ് <br/>എന്നിവർ ചേർന്ന് നിർമ്മിച്ചിരിക്കുന്ന ചിത്രത്തിന് തിരക്കഥ രചിച്ചിരിക്കുന്നത് സന്ദീപ് സദാനന്ദനും ദിപു എസ് നായരും ചേർന്നാണ്.ഛായാഗ്രഹണം സതീഷ് കുറുപ്പ്. സംഗീതം ബിജിബാൽ.

ഗായത്രി സുരേഷ്, അർജുൻ നന്ദകുമാർ, ഓർമ ബോസ്, ദീപക് പറമ്പോൽ, അഭിരാമി, ചെമ്പൻ വിനോദ് ജോസ്, മണിയൻപിള്ള രാജു, കാവ്യ സുരേഷ് രൺജി പണിക്കർ, ശ്രീജിത്ത് രവി, ദേവൻ, ബാലാജി ശർമ്മ, ഹരീഷ് പേരടി തുടങ്ങി വൻ താരനിരയുണ്ട് ചിത്രത്തിൽ.

Read more

യുദ്ധകഥയുമായി "ചെങ്ങഴി നമ്പ്യാര്‍"വരുന്നു; പുതിയ ലുക്കിൽ ടോവിനോ തോമസ്

ചരിത്രകഥയുമായി മലയാളത്തിലേക്ക് ഒരു പുതിയ ചിത്രം കൂടി അണിയറയിൽ ഒരുങ്ങുന്നു. സാമൂതിരിയുടെ മുപ്പതിനായിരത്തോളം വരുന്ന പടയാളികളോട് പൊരുതാനിറങ്ങിയ 101 ചാവേർപ്പോരാളികളുടെ കഥയാണ് ചിത്രം പറയുന്നത്. യുവതാരം ടൊവിനോ തോമസ്, ചിത്രത്തിൽ പുതുമന പണിക്കർ എന്ന ശ്രദ്ധേയ കഥാപാത്രത്തെ അവതരിപ്പിക്കുന്നു. സിധിൽ സുബ്രഹ്മണ്യനാണ് സംവിധാനം. ചിത്രത്തിന്റെ കഥയും സിധിലിന്റെതാണ്.

തന്റെ പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റർ ടൊവിനോ തന്നെ പുറത്തു വിട്ടിരിക്കുകയാണ്. ചെങ്ങഴി നമ്പ്യാരിലെ പുതുമന പണിക്കർ എന്ന തലക്കെട്ടോടെയാണ് ചിത്രം പുറത്തു വിട്ടിരിക്കുന്നത്. സാമൂഹിക മാദ്ധ്യമങ്ങളിലെ ചർച്ചയായി മാറിയിരിക്കുകയാണ് ടൊവിനോയുടെ പുതിയ രൂപം.

എ.ഡി 1505ൽ മാമാങ്കത്തിൽ പങ്കെടുത്തിട്ടുള്ള ചെങ്ങഴി നമ്പ്യാരായ, ചന്ദ്രോത്ത് പണിക്കരുടെയും മറ്റു പലരെയും കുറിച്ചുള്ള കഥയാണ് ചിത്രം പറയുന്നത്. ടൊവിേനായുടെ കരിയറിൽ തന്നെ വലിയ മാറ്റങ്ങൾ കൊണ്ടുവരുമെന്ന് ആരാധകർ പ്രതീക്ഷിക്കുന്ന ബിഗ് ബജറ്റ് ചിത്രമാണിത്. സിദിൽ സുബ്രഹ്മണ്യൻ സംവിധാനം ചെയ്യുന്ന ചിത്രം 100 കോടി ചെലവാക്കിയാണ് നിർമ്മിക്കുന്നത്. നിരവധി ഭാഷകളിലായി റിലീസ് ചെയ്യാനാണ് പദ്ധതി

Read more

മലയാളത്തിലും "സ്പോർട്സ് ബയോപിക്"; വി.പി.സത്യനായി സ്‌ക്രീനിൽ പന്ത് തട്ടാൻ എത്തുന്നത് ജയസൂര്യ

ബോളിവുഡിൽ ഇത് സ്പോർട്സ് ബയോപിക്കുകളുടെ കാലമാണ്. മിൽഖാ സിംഗിന്റെ ജീവിതകഥ പറഞ്ഞ 'ഭാഗ് മിൽഖ ഭാഗ്', ഇന്ത്യൻ ക്രിക്കറ്റ് ടീം നായകൻ മഹേന്ദ്രസിങ് ധോണിയുടെ ജീവിതം പറഞ്ഞ 'എംഎസ് ധോണി ദി അൺടോൾഡ് സ്റ്റോറി' എന്നിവയൊക്കെ പുറത്തുവന്ന സിനിമകളാണ്. സച്ചിൻ ടെൻഡുൽക്കറുടെ ജീവചരിത്രചിത്രമായ 'സച്ചിൻ: എ ബില്യൺ ഡ്രീംസ്' ഇനി പുറത്തുവരാനിരിക്കുന്നു. ആഘോഷിക്കപ്പെട്ട, ജനപ്രിയരായ സ്പോർട്സ് താരങ്ങളുടെ ജീവിതം സിനിമയാക്കുമ്പോൾ ഒരുപാട് ശ്രദ്ധിക്കേണ്ടതുണ്ട് സംവിധായകർക്ക്. ഒന്ന് ആവശ്യമായി വരുന്ന വലിയ റിസർച്ച് കൂടാതെ താരതമ്യേന വലിയ ബജറ്റും. ഇതൊക്കെക്കൊണ്ടുതന്നെ ഇത്തരം സിനിമകളിൽ നിന്ന് അകന്നുനിൽക്കുകയാണ് മലയാളം. പക്ഷേ അത്തരത്തിലൊന്നിൽ നായകനാവുകയാണ് ജയസൂര്യ.

മലയാളിയും മുൻ ഇന്ത്യൻ ഫുട്ബോൾ ടീം ക്യാപ്റ്റനുമായ വി.പി.സത്യന്റെ ജീവിതമാണ് ജയസൂര്യ സ്‌ക്രീനിലെത്തിക്കുന്നത്. 'ക്യാപ്റ്റൻ' എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് സംവിധായകൻ സിദ്ദിഖിന്റെ സഹായി ആയിരുന്ന പ്രജേഷ് സെൻ ആണ്. പത്ത് കോടിയിലേറെ ബജറ്റ് നിശ്ചയിച്ചിരിക്കുന്ന ചിത്രം നിർമ്മിക്കുന്നത് ഗുഡ്വിൽ എന്റർടെയ്ന്മെന്റിന്റെ ബാനറിൽ ടി.എൽ.ജോർജാണ്. കഥാപാത്രങ്ങൾക്കായി വ്യത്യസ്ത മേക്കോവറുകളിൽ പ്രത്യക്ഷപ്പെടാറുള്ള ജയസൂര്യ മൂന്ന് വ്യത്യസ്ത ഗെറ്റപ്പുകളിലാവും ചിത്രത്തിൽ പ്രത്യക്ഷപ്പെടുക.

Read more

"കോലുമിട്ടായി"യിലെ ഗാനങ്ങൾ റിലീസ് ചെയ്തു

കൊച്ചി: മാസ്റ്റർ ഗൗരവ് മേനോനും ബേബി മീനാക്ഷിയും മുഖ്യ വേഷങ്ങളിൽ അഭിനയിക്കുന്ന 'കോലുമിട്ടായി'യിലെ ഗാനങ്ങൾ റിലീസ് ചെയ്തു. ചിത്രം 28നു തിയറ്ററുകളിൽ എത്തും.

ചിത്രത്തിലെ നാല് ഗാനങ്ങൾക്കും സംഗീതം നൽകിയിരിക്കുന്നത് ശ്രീരാജ് സഹജനാണ്. ബി.കെ.ഹരിനാരായണൻ മൂന്ന് ഗാനങ്ങളും ലക്ഷ്മി എണ്ണപ്പാടം ഒരു ഗാനവും രചിച്ചിട്ടുണ്ട്.

അരുൺ വിശ്വം സംവിധാനം നിർവഹിച്ച 'കോലുമിട്ടായി'യിൽ ബാലതാരങ്ങളായ നായിഫ് നൗഷാദ്, ആകാശ്, സിദ്ധാർത്ഥ്, റോഷൻ എന്നിവരും അഭിനയിച്ചിട്ടുണ്ട്. സൈജു ഗോവിന്ദ കുറുപ്പ്, കലാഭവൻ പ്രജോദ്, ദിനേശ് പ്രഭാകർ, കൃഷ്ണ പ്രഭ, അഞ്ജലി ഉപാസന തുടങ്ങിയവരും കഥാപാത്രങ്ങളായി എത്തുന്നു.

ഛായാഗ്രഹണം സന്തോഷ് അണിമയും ചിത്രസംയോജനം സുനീഷ് സെബാസ്റ്റ്യനുമാണ് നിർവഹിച്ചിരിക്കുന്നത്. മ്യൂസിക്247 ആണ് ഒഫീഷ്യൽ മ്യൂസിക് ലേബൽ. ക്രയോൺസ് പിക്‌ചേഴ്‌സിന്റെ ബാനറിൽ ചിത്രം നിർമ്മിച്ചത് അഭിജിത്ത് അശോകനാണ്.

Read more

ബിജുമേനോന്‍ നായകനായ സ്വര്‍ണ്ണക്കടുവയുടെ ട്രെയിലര്‍ പുറത്തിറങ്ങി

കുരുട്ടുബുദ്ധിയും കൗശലവുമായി ജീവിക്കുന്ന കഥാപാത്രമായി ബിജു മേനോന് എത്തുന്ന ചിത്രം സ്വർണ കടുവയുടെ ട്രെയിലർ എത്തി.മായാമോഹിനിയും ശൃഗാരവേലനുമൊരുക്കിയ ജോസ് തോമസാണ് ചിത്രം സംവിധാനം ചെയ്യുന്നത്.ട

'റിനി ഐപ്പ് മാട്ടുമ്മേൽ' എന്ന പേരിൽ തൃശൂർ ഭാഷ സംസാരിക്കുന്ന കഥാപാത്രമായാണ് ബിജു മേനോൻ എത്തുക. തൃശൂർ പശ്ചാത്തലമാവുന്ന സിനിമയാണിത്.ഒരു ഇടവേളയ്ക്ക് ശേഷം ബാബു ജനാർദ്ദനൻ തിരക്കഥയൊരുക്കുന്ന ചിത്രത്തിൽ ഇനിയയാണ് നായിക. ഇന്നസെന്റ് മറ്റൊരു പ്രധാന കഥാപാത്രത്തെ അവതരിപ്പിക്കുന്നു. മനോജ് പിള്ളയാണ് ഛായാഗ്രഹണം

Read more

അജു വർഗ്ഗീസും ധ്യാൻ ശ്രീനിവാസനും സ്‌കൂൾ വിദ്യാർത്ഥികളായി വീണ്ടും ഒന്നിക്കുന്നു

കുഞ്ഞിരാമായണത്തിനും അടി കപ്യാരേ കൂട്ടമണിക്കും ശേഷം അജു വർഗ്ഗീസും ധ്യാൻ ശ്രീനിവാസനും വീണ്ടും ഒന്നിക്കുന്നു.നവാഗത സംവിധായകൻ ശ്രീകാന്ത് മുരളി ഒരുക്കുന്ന അബി യിലാണ് ഇരുവരും വീണ്ടുമെത്തുന്നത്.സിനിമയിൽ ഹൈസ്‌കൂൾ വിദ്യാർത്ഥികളായിട്ടാണ് രണ്ടു പേരും അഭിനയിക്കുന്നത്

രണ്ടു പേരും സിനിമയിൽ ഹൈസ്‌കൂൾ വിദ്യാർത്ഥികളായിട്ടാണ് അഭിനയിക്കുന്ന തെന്നതാണ് പ്രത്യേകത. കുഞ്ഞൂട്ടൻ എന്ന കഥാപാത്രത്തെ അജു അവതരിപ്പിക്കുമ്പോൾ ടൈറ്റിൽ വേഷം അബി യെ അവതരിപ്പിക്കുന്നത് ധ്യാനാണ്. വിമാനം നിർമ്മിക്കണമെന്ന് സ്വപ്നം കാണുന്ന പ്രതിഭാശാലിയായ വിദ്യാർത്ഥിയായിട്ടാണ് ധ്യാൻ വരുന്നത്്.

മറ്റുള്ളവരെ പോലെ ധ്യാനെ ശരിയായിട്ട് മനസ്സിലാക്കാത്ത കൂട്ടുകാരനായി അജു വർഗ്ഗീസും സിനിമയിൽ എത്തുന്നു.അബിക്ക് കൂട്ടുകാരിയായി അനു എന്ന പെൺകുട്ടി വരുന്നതിൽ അസൂയാലുവാണ് കുഞ്ഞൂട്ടൻ. സിനിമയിൽ അജുവിനെ രണ്ടു രീതിയിലാണ് സംവിധായകൻ അവതരിപ്പിക്കുന്നത് സ്‌കൂൾ കുട്ടിയോടൊപ്പം മുതിർന്നയാളുടെ വേഷത്തിലും അജു എത്തുന്നുണ്ട്്. മികച്ച കോമഡി രംഗങ്ങൾ നൽകിയ ഒപ്പത്തിന് ശേഷം അജുവിന്റെ ഏറെ വ്യത്യസ്തമായ വേഷങ്ങളിൽ ഒന്നായിരിക്കും ഇതെന്നാണ് സൂചനകൾ.

Read more

ശ്രീശാന്ത്-നിക്കി ഗൽറാണി പ്രധാന വേഷത്തിലെത്തുന്ന ടീം ഫൈവ് എന്ന ചിത്രത്തിലെ ആദ്യഗാനം പുറത്തിറങ്ങി

ശ്രീശാന്ത് നിക്കി ഗൽറാണി തുടങ്ങിയവർ പ്രധാന വേഷത്തിലെത്തുന്ന ടീം ഫൈവ് എന്ന ചിത്രത്തിലെ ആദ്യഗാനം പുറത്തിറങ്ങി.

നീല ശംഖു പുഷ്പമേ എന്ന തുടങ്ങുന്ന ഗാനം ആലപിച്ചിരിക്കുന്നത് ദിവ്യ എസ് മേനോന് ആണ്. ഹരിനാരായണ് ബി.കെ എഴുതിയ വരികൾക്ക് ഗോപി സുന്ദർ ഈണം നൽകിയിരിക്കുന്നു.

നവാഗതനായ സുരേഷ് ഗോവിന്ദ് തിരക്കഥയെഴുതി സംവിധാനം ചെയ്യുന്ന ഈ ചിത്രം അഞ്ച് ബൈക്ക് അഭ്യാസികളുടെ കഥ അതിസാഹസികമായി ദൃശ്യവത്കരിക്കുന്ന ഒരു ആക്ഷൻ ത്രില്ലറാണ്. അഖിൽ എന്ന കഥാപാത്രത്തെയാണ് ശ്രീശാന്ത് അവതരിപ്പിക്കുന്നത്

ബാബു ആന്റണി, അഷ്‌കർ അലി, രാജീവ് രംഗൻ, ഷേർളി, മഞ്ജു സതീഷ് തുടങ്ങിയവർക്കൊപ്പം ബൈക്ക് അഭ്യാസികളായ പുതുമുഖങ്ങളും ഈ ചിത്രത്തിൽ അഭിനയിക്കുന്നുണ്ട്. സൈലബസ് ആൻഡ് റെഡ് കാർപ്പെറ്റിന്റെ ബാനറിൽ രാജ് സക്കറിയാസ് നിർമ്മിക്കുന്ന ഈ ചിത്രത്തിന്റെ ഛായാഗ്രഹണം സജിത് പുരുഷൻ നിർവഹിക്കുന്നു.

Read more

ദിലീപ് ഇനി പോക്കറ്റടിക്കാരനാകുന്നു

കള്ളനായും പൊലീസായും പലിശക്കാരനായുമൊക്കെ മലയാള സിനിമാ േപ്രക്ഷകരുടെ മുന്നിലെത്തിയ ജനപ്രിയ നായകൻ ദീലിപ് ഇനിയെത്തുക പോക്കറ്റടിക്കാരനായി.ആസിഫ് അലിയെ നായകനാക്കി കൗബോയ് എന്ന സിനിമ സംവിധാനം ചെയ്ത ബാലചന്ദ്രകുമാറിന്റെ പുതിയ ചിത്രത്തിൽ അഭിനയിക്കുന്നതിന് വേണ്ടിയാണ് ദിലീപ് ഇപ്പോൾ പോക്കറ്റടി പരിശീലിക്കുകയാണ്.

ചിത്രത്തിൽ പ്രകാശ് രാജ് എന്ന പോക്കറ്റടിക്കാരന്റെ വേഷമാണ് ദിലീപിന്. അമേരിക്കയിലെ പ്രമുഖ എന്റർടെയ്ന്മെന്റ് കന്പനിയായ ബോബ് ആർണോയാണ് ദിലീപിന് ഇക്കാര്യത്തിൽ പരിശീലനം നൽകുക. അന്തലരാഷ്ട്ര തലത്തിലുള്ള ക്രൈം ഗവേഷകനും കണ്ണഞ്ചിപ്പിക്കുന്ന വേഗത്തിൽ പോക്കറ്റടിക്കുന്നതിന് പേരുകേട്ടയാളുമാണ് സ്വീഡൻ വംശജനായ യു.എസ് പൗരൻ ബോബ് ആർണോ.

കഥ പറഞ്ഞപ്പോൾ ദിലീപിനെ പരിശീലിപ്പിക്കാമെന്ന് സമ്മതിക്കുകയായിരുന്നു. ദിലീപി നൊപ്പം തമിഴ് നടൻ മൊട്ട രാജേന്ദ്രനും എത്തുന്നുണ്ട്. വിദേശ നടനായിരിക്കും വില്ലനായി എത്തുക.ചിത്രത്തിലെ നായികയെ ഇതുവരെ തീരുമാനിച്ചിട്ടില്ല. 2017ൽ ചിത്രീകരണം ആരംഭിക്കുന്ന സിനിമയുടെ ലൊക്കേഷനുകൾ കോയന്പത്തൂരും ചെന്നൈയുമാണ്.

ബിജു അരുക്കുറ്റി സംവിധാനം ചെയ്യുന്ന ജോർജേട്ടൻസ് പൂരം രതീഷ് അമ്പാട്ട് ഒരുക്കുന്ന കമ്മാരസംഭവം എന്നീ സിനിമകൾക്ക് ശേഷമാവും പിക്ക് പോക്കറ്റിൽ അഭിനയിക്കുക.അതിവേഗത്തിലുള്ള വിരൽ ചലനങ്ങളിലൂടെ ബോബ് ആർനോയുടെ സ്റ്റേജ് പരിപാടികൾ വൻ ഹിറ്റാണ്.

Read more

കാപ്പിരി തുരുത്തിന്റെ ട്രെയിലർ പുറത്തിറങ്ങി

ഡിഫോർ ഡാൻസ് എന്ന പരിപാടിയിലൂടെ പ്രേക്ഷക പ്രീതി പിടിച്ചു പറ്റിയ ആദിൽ ഇബ്രാഹിമും പേളി മാണിയും ബിഗ്‌സ്‌ക്രിനിലെത്തുന്ന കാപ്പിരി തുരുത്തിന്റെ ട്രെയിലർ പുറത്തിറങ്ങി.

നാടക രചയിതാവും സംവിധായകനുമായ സഹീർ അലി ആദ്യമായി സംവിധാനം ചെയ്യുന്ന ചിത്രമാണ്. ഗായകൻ മെഹബൂബിന്റെയും പുരാതന കൊച്ചിയുടെയും കഥയാണ് ചിത്രത്തിന്റെ പ്രമേയം. മെഹബൂബായി പ്രശസ്ത ക്ലാർനെറ്റ് വിദഗ്ദൻ ജെൻസൺ അഭിനയിക്കുന്നു .

സിദ്ദിഖ്, ലാൽ, ഇന്ദ്രൻസ്, സംഗീത സംവിധായകൻ രമേശ് നാരായണൻ, ശിവജി ഗുരുവായൂർ, തുടങ്ങിയവർ മറ്റ് പ്രധാന വേഷങ്ങളിലെത്തുന്നു. പ്രവീൺ ചക്രപാണിയാണ് കാമറാമാൻ ചിത്രത്തിന്റെ സംഗീതം റഫീഖ് യൂസഫും മധുപോളും ചേർന്ന് നിർവഹിക്കുന്നു. ട്വിന്റി ട്വിന്റി മൂവി ഇന്റർനാഷണലിന്റെ ബാനറിൽ അഹമ്മദ് പാലപ്പറമ്പിലാണ് ചിത്രം നിർമ്മിക്കുന്നത്.

Read more

പൃഥ്വിരാജിന്റെ ഇസ്രയുടെ ഫസ്റ്റ് ലുക്ക് എത്തി

പൃഥ്വിരാജിനെ നായകനാക്കി നവാഗതനായ ജയ്കൃഷ്ണൻ (ജയ് കെ) സംവിധാനം ചെയ്യുന്ന 'എസ്ര'യുടെ ഫസ്റ്റ്ലുക്ക് പുറത്തെത്തി. ഹൊറർ ത്രില്ലർ ഗണത്തിൽപ്പെടുത്താവുന്ന ചിത്രത്തിൽ പ്രിയാ ആനന്ദാണ് പൃഥ്വിയുടെ നായികയായി എത്തുക. രഞ്ജൻ എന്നാണ് പൃഥ്വി അവതരിപ്പിക്കുന്ന കഥാപാത്രത്തിന്റെ പേര്.തന്റെ ഫേസ്‌ബുക്ക് പേജിലൂടെ പൃഥ്വി തന്നെയാണ് ഫസ്റ്റ് ലുക്ക് പുറത്ത് വിട്ടത്

യഹൂദവിശ്വാസത്തെയും മിത്തുകളെയും ആധാരമാക്കിയാണ് ചിത്രം. ഫോർട്ട്കൊച്ചിയും ശ്രീലങ്കയും പശ്ചാത്തലമാക്കുന്ന ചിത്രത്തിൽ ടൊവീനോ തോമസും ഒരു പ്രധാന വേഷത്തിൽ എത്തുന്നു. ഛായാഗ്രഹണം സുജിത്ത് വാസുദേവ്. ഇ ഫോർ എന്റർടെയിന്മെന്റിന്റെ ബാനറിൽ മുകേഷ് ആർ മേത്തയും സിവി സാരഥിയുമാണ് നിർമ്മാണം.

അനൗൺസ് ചെയ്തത് മുതൽ വാർത്തകളിൽ നിറഞ്ഞ ചിത്രമാണ് എസ്ര. സൂപ്പർ ഹിറ്റ്ഹോളിവുഡ് ഹൊറർ ചിത്രമായ ക്വൻജെറിംഗിനോട് കിടപിടിക്കുന്ന തരത്തിലുള്ള പേടിപ്പിക്കുന്ന രംഗങ്ങളാണ് ചിത്രത്തിലുള്ളതെന്നാണ് അറിയാൻ കഴിയുന്നത്..

Read more

ടിനി ടോം നായകനാകുന്ന ദഫേദാറിന്റെ ട്രെയിലർ പുറത്തിറങ്ങി

കലാഭവന്മണിക്ക് പകരം ടിനി ടോം നായകനാകുന്ന ദഫേദാറിന്റെ ട്രെയിലർ പുറത്തിറങ്ങി. ജോൺസൺ എസ്തപ്പാനാണ് ചിത്രം സംവിധാനം ചെയ്യുന്നത്. കമൽ ചിത്രമായ കറുത്ത പക്ഷികളിൽ മമ്മൂട്ടിയുടെ മകളായി അഭിനയിച്ച മാളവികയാണ് നായിക.ചിത്രത്തിൽ ടിനി ടോം അറുപത്തിയഞ്ചു തികഞ്ഞ അയ്യപ്പൻ എന്ന കേന്ദ്രകഥാപാത്രത്തെ അവതരിപ്പിക്കുന്നു.

കലഭാവൻ മണിയെയും അനന്യയെയും കഥാപാത്രങ്ങളാക്കി ഒരുക്കാനിരുന്ന ചിത്രമായിരുന്നു ഇത്. എന്നാൽ മണിയുടെ മരണത്തെ തുടർന്നാണ് ചിത്രത്തിലേക്ക് പുതിയ കഥാപാത്രങ്ങളെ സംവിധായകൻ കണ്ടത്തിയത്. ദേവൻ, ടിജി രവി, സന്തോഷ് കീഴാറ്റൂർ, ശ്രീലക്ഷ്മി എന്നിവരാണ് ചിത്രത്തിലെ മറ്റ് കഥാപാത്രങ്ങൾ. സിൽവർ സ്‌ക്രീൻ സിനിമയുടെ ബാനറിൽ ഷാജൻ കെ ഭരതാണ് ചിത്രം നിർമ്മിക്കുന്നത്

ചിത്രത്തിൽ ഒരു ഗാനരംഗത്ത് ഡി ഫോർ ഡാൻസിലൂടെ മലയാളികൾക്ക് പരിചിതനായ നീരവ് ബവ്ലേച അഭിനയിക്കുന്നുണ്ട്. ഇളയരാജയടെ ഈണത്തിൽ വിജയ് യേശുദാസ് ആലപിച്ച ഗാനരംഗത്താണ് നീരവ് എത്തുന്നത്. ചിത്രത്തിന്റെ ട്രെയിലർ കാണാം

Read more

വിനീത് ശ്രീനിവാസൻ നിർമ്മിക്കുന്ന ആനന്ദത്തിന്റെ പുതിയ വീഡിയോ ഗാനം പുറത്തിറങ്ങി

സംവിധായകൻ, ഗായകൻ, നടൻ എന്നീ നിലയിൽ പ്രശസ്തനായ വിനീത് ശ്രീനിവാസൻ ആദ്യമായി നിർമ്മിക്കുന്ന ചിത്രമാണ് ആനന്ദം. വിനീതിന്റെ സഹസംവിധായകനായി തിളങ്ങിയ ഗണേശ് രാജ് ആദ്യമായി സംവിധാനം ചെയ്യുന്ന ചിത്രത്തിലെ ഏറ്റവും പുതിയ ഗാനം പുറത്തിറങ്ങി. ഒരു നാട്ടിൽ എന്നു തുടങ്ങുന്ന വീഡിയോ ഗാനമാണ് പുറത്തിറങ്ങിയത്. പുതുമുഖങ്ങളായ വിശാഖ് നായർ, അനു ആന്റണി, തോമസ് മാത്യൂ, അരുൺ കുര്യൻ, സിദ്ധി മഹാജൻകട്ടി, റോഷൻ മാത്യു, അനാർകലി മരിക്കാർ എന്നിവരാണ് ചിത്രത്തിലെ താരങ്ങൾ. ഗായകനായ സച്ചിൻ വാര്യർ ആദ്യമായി സംഗീതസംവിധായകനാകുന്ന ചിത്രമാണിത്.

ഏറ്റവും പ്രായം കുറഞ്ഞ ഛായാഗ്രാഹകൻ എന്ന് പേരുകേട്ട ആനന്ദ് സി ചന്ദ്രനാണ് ചിത്രത്തിന് വേണ്ടി ക്യാമറ ചലിപ്പിക്കുന്നത്. അൽഫോൻസ് പുത്രന്റെ 'നേരം', 'പ്രേമം' എന്നീ ചിത്രങ്ങളുടെ ക്യാമറ കൈകാര്യം ചെയ്തതും ആനന്ദ് തന്നെയാണ്. അഭിനവ് സുന്ദർ നായക് എഡിറ്റിങ്ങും ഡിനൊ ശങ്കർ കലാ സംവിധാനവും നിർവഹിക്കുന്നു.

Read more

കവി ഉദ്ദേശിച്ചതിലെ ഗാനങ്ങൾ റിലീസ് ചെയ്തു

കൊച്ചി: ആസിഫ് അലി - ബിജു മേനോൻ ചിത്രം 'കവി ഉദ്ദേശിച്ചതി'ലെ ഗാനങ്ങൾ റിലീസ് ചെയ്തു. ജേക്‌സ് ബിജോയ് ഈണം പകർന്ന മൂന്ന് ഗാനങ്ങളും വിനു തോമസിന്റെ ഒരു ഗാനവുമാണ് ആൽബത്തിലുള്ളത്.

തോമസ് ലിജു തോമസ് സംവിധാനം നിർവഹിച്ച 'കവി ഉദ്ദേശിച്ചതി'ൽ ആസിഫ് അലി, ബിജു മേനോൻ എന്നിവർക്കു പുറമെ നരേനും പ്രധാന വേഷത്തിലെത്തുന്നു. അഞ്ജു കുര്യനാണ് നായിക.

ലെന, ബാലു വർഗീസ്, സുധി കോപ്പ, സിജാ റോസ് തുടങ്ങിയവരും താരനിരയിൽ അണിനിരക്കുന്നു. തിരക്കഥ ഒരുക്കിയിരിക്കുന്നത് തോമസും മാർട്ടിൻ ഡ്യൂറോയും ചേർന്നാണ്. ഛായാഗ്രഹണം ഷെഹനാദ് ജലാലും ചിത്രസംയോജനം സുനിൽ എസ് പിള്ളയുമാണ് നിർവഹിച്ചിരിക്കുന്നത്.

പശ്ചാത്തല സംഗീതം ജേക്‌സ് ബിജോയിയുടേതാണ്. മ്യൂസിക്247നാണ് ഒഫീഷ്യൽ മ്യൂസിക് ലേബൽ. 'കവി ഉദ്ദേശിച്ചത്?' ആസിഫ് അലിയുടെ രണ്ടാമത്തെ പ്രൊഡക്ഷൻ സംരംഭമാണ്. സജിൻ ജാഫറിനൊപ്പം ആഡംസ് വേൾഡ് ഓഫ് ഇമാജിനേഷന്റെ ബാനറിലാണ് ചിത്രം നിർമ്മിച്ചിട്ടുള്ളത്.

Read more

11 ചിത്രങ്ങളുടെ സമാഹാരം; സ്ത്രീപക്ഷ കഥകളുമായി ‘ക്രോസ് റോഡ്’

കലാമൂല്യമുള്ള സിനിമകൾക്ക് വേണ്ടി നിലകൊള്ളുന്ന സംവിധായകരുടെ സംഘടനയായ 'ഫോറം ഫോർ ബെറ്റർ ഫിലിംസ്' ഒരു സിനിമാസമുച്ചയവുമായി  വരുന്നു. 10 പ്രമുഖ സംവിധായകരും ഒരു നവാഗത സംവിധായികയും ഒരുക്കുന്ന 11 ഹ്രസ്വചിത്രങ്ങൾ ചേർന്ന സമുച്ചയത്തിന് 'ക്രോസ്റോഡ്' എന്നാണ് പേരിട്ടിരിക്കുന്നത്.

ക്രോസ് റോഡി'ന്റെ സ്വിച്ച് ഓൺ കർമ്മം മുഖ്യമന്ത്രി നിർവഹിച്ചു.ലെനിൻ രാജേന്ദ്രൻ, മധുപാൽ, നേമം പുഷ്പരാജ്, രാജീവ് രവി, പ്രദീപ് നായർ എന്നീ പ്രമുഖ സംവിധായകർക്ക് പുറമെ ശശി പരവൂർ, അശോക് ആർ നാഥ്, ആൽബർട്ട്, അവിര റബേക്ക, ബാബു തിരുവല്ല, നയന സൂര്യൻ എന്നീ സംവിധായകർ സംവിധാനം ചെയ്ത 11 സ്ത്രീ പക്ഷ ചലച്ചിത്രങ്ങളുടെ സമാഹരമാണ് 'ക്രോസ് റോഡ്.

പിമ്പേ നടപ്പവൾ', 'ബദർ', 'ലേക് ഹൗസ്', 'കാവൽ', 'മായ', 'ഒരു രാത്രിയുടെ കൂലി', 'കൊടേഷ്യൻ', 'മൗനം', 'ചെരിവ്', 'പക്ഷികളുടെ മണം' എന്നീ ഹ്രസ്വചിത്രങ്ങൾ യഥാക്രമം ലെനിൻ രാജേന്ദ്രൻ, അശോക് ആർ.നാഥ്, ശശി പരവൂർ, നേമം പുഷ്പരാജ്, ആൽബർട്ട്, മധുപാൽ, പ്രദീപ് നായർ, ബാബു തിരുവല്ല, അവിര റബേക്ക, നയന സൂര്യൻ എന്നിവർ സംവിധാനം ചെയ്യുന്നു.

പാർവതി, മംമ്ത മോഹൻദാസ്, ഇഷ തൽവാർ, ശ്രിണ്ഡ തുടങ്ങിയ പ്രമുഖ താരങ്ങൾ വിവിധ കഥാപാത്രങ്ങളെ അവതരിപ്പിക്കുന്നു.ലെനിൻ രാജേന്ദ്രന്റെ 'പിൻപേ നടപ്പവൾ' എന്ന ചിത്രത്തിൽ പാർവ്വതിയാണ് നായിക.ഒരു രാത്രിയുടെ കൂലി' എന്ന മധുപാൽ ചിത്രത്തിൽ പത്മപ്രിയ നായികയാകും.2017-ലാണ് 'ക്രോസ് റോഡ്' റിലീസ് ചെയ്യാൻ ഉദ്ദേശിക്കുന്നത്

Read more

എസ്. ജാനകി അവസാനമായി ആലപിച്ച "പത്ത് കല്പനകൾ" എന്ന ചിത്രത്തിലെ ഗാനം പുറത്തിറങ്ങി

'പത്ത് കല്പനകൾ' എന്ന അനൂപ് മേനോൻ - മീര ജാസ്മിൻ ചിത്രത്തിൽ എസ്. ജാനകി ആലപിച്ച ഗാനം റിലീസ് ചെയ്തു. 'അമ്മപ്പൂവിനും' എന്ന തുടങ്ങുന്ന ഈ താരാട്ടു പാട്ട് പ്രശസ്ത ഗായികയുടെ ആറ് ദശവർഷങ്ങളോളം തുടർന്ന് പോന്ന വിസ്മയകരമായ സംഗീതജീവിതത്തോടുള്ള വിടപറയൽ കൂടിയാണ്. അബുദാബിയിൽ ചിത്രത്തിന്റെ പ്രൊമോഷണൽ ഇവെന്റിലാണ് ഗാനം ലോഞ്ച് ചെയ്തത്. റോയ് പുറമഠത്തിന്റെ വരികൾക്ക് മിഥുൻ ഈശ്വർ സംഗീതം നൽകിയിരിക്കുന്നു.

മുൻനിര ചിത്രസംയോജകനായ ഡോൺ മാക്‌സ് സംവിധാന രംഗത്ത് ആദ്യമായി ചുവടു വെക്കുന്ന ഈ ചിത്രത്തിൽ ഒരു ചെറിയ ഇടവേളയ്ക്കു ശേഷം മീര ജാസ്മിൻ മലയാളസിനിമയിലേക്കു പൊലീസ് ഓഫീസറുടെ വേഷത്തിൽ തിരിച്ചു വരുന്നു എന്ന സവിശേഷത കൂടിയുണ്ട്. അനൂപ് മേനോനും മീര ജാസ്മിനും കൂടാതെ കനിഹ, കവിത നായർ, തമ്പി ആന്റണി, പ്രശാന്ത് നാരായണൻ തുടങ്ങിയവരും ഈ ക്രൈം ത്രില്ലറിൽ അഭിനയിച്ചിട്ടുണ്ട്. സൂരജ് - നീരജ് എന്നിവർക്കൊപ്പം തിരക്കഥ ഒരുക്കിയിരിക്കുന്നത് സംഗീത് ജെയിനാണ്. Muzik247 (മ്യൂസിക്247)നാണ് ഒഫീഷ്യൽ മ്യൂസിക് ലേബൽ. Shutterbugs Entertainments (ഷട്ടർബഗ്‌സ് എന്റർടൈന്മെന്റ്‌സ്)ന്റെ ബാനറിൽ മനു പത്മനാഭൻ നായർ, ജിജി അഞ്ചനി, ജേക്കബ് കൊയ്പുരം, ബിജു തോരണത്തിൽ എന്നിവർ ചേർന്നാണ് 'പത്ത് കല്പനകൾ' നിർമ്മിച്ചിരിക്കുന്നത്.

Read more

ആനക്കാട്ടിൽ ചാക്കോച്ചിയായി സുരേഷ് ഗോപി വീണ്ടും

മലയാള സിനിമയിലെ എക്കാലത്തെയും മികച്ച ആക്ഷൻ ത്രില്ലറുകളിലൊന്നാണ് ലേലം. രൺജി പണിക്കരുടെ തിരക്കഥയിൽ ജോഷി ഒരുക്കിയ സിനിമ. ആനക്കാട്ടിൽ ചാക്കോച്ചി എന്ന കഥാപാത്രമായി സുരേഷ്‌ഗോപി തകർത്താടിയ സിനിമ വീണ്ടുമെത്തുന്നു,

എന്നാൽ പുതിയ ചിത്രം സംവിധാനം ചെയ്യുന്നത് നിതിൻ രഞ്ജി പണിക്കരാണ്. ലേലത്തിന് തിരക്കഥ ഒരുക്കിയ രഞ്ജി പണിക്കർ തന്നെയാണ് രണ്ടാം ഭാഗത്തിനും തിരക്കഥ തയ്യാറാക്കുന്നത്. ചിത്രത്തിലെ പ്രധാന കഥാപാത്രമായ ആനക്കാട്ടിൽ ചാക്കോച്ചിയായി സുരേഷ് ഗോപി എത്തും. 2017 ൽ റിലീസ് ചെയ്യാൻ നിശ്ചയിച്ചിരിക്കുന്ന ചിത്രത്തിന്റെ മറ്റു വിവരങ്ങളൊന്നും പുറത്തുവിട്ടിട്ടില്ല

മികച്ച ആക്ഷൻ രംഗങ്ങളും സംഭാഷണങ്ങൾക്കൊണ്ടും ജനശ്രദ്ധ നേടിയ ലേലത്തിന്റെ രണ്ടാം ഭാഗം വലിയ ചുമതലയാണ് കസബ സംവിധായകന്. ആദ്യഭാഗത്തിൽ നായികയായി തിളങ്ങിയ, ഗൗരി പാർവതി എന്ന കഥാപാത്രത്തെ അവതരിപ്പിച്ച നന്ദിനി ചിത്രത്തിൽ ഉണ്ടാവും. ആദ്യ ഭാഗത്തിൽ പ്രധാന കഥാപാത്രങ്ങളായി തിളങ്ങിയ എം.ജി സോമൻ, കൊച്ചിൻ ഹനീഫ, എൻ.എഫ് വർഗീസ് എന്നിവർ ഇന്ന് ജീവിച്ചിരിപ്പില്ല. ഇവർക്ക് പകരമാവാൻ ആര് എത്തും എന്ന ആശങ്കയിലാണ് ആരാധകർ.

Read more

പ്രണവ് മോഹൻ ലാൽ നായകനാകുന്നു

ആരാധകരുടെ കാത്തിരിപ്പുകൾക്ക് വിരാമം കുറിച്ചു കൊണ്ട് ഒടുവിൽ പ്രണവ് മോഹൻ ലാലും നായകനാകുന്നു. മലയാളത്തിൽ തന്നെയാണ് നായകനായി പ്രണവിന്റെ അരങ്ങേറ്റം. മോഹൻ ലാൽ തന്നെയാണ് വാർത്ത പുറത്തു വിട്ടത്. ഔദ്യോഗിക ഫേസ്‌ബുക്ക് കുറിപ്പിലൂടെയാണ് താരം ഇക്കാര്യം ആരാധകരുമായിപങ്കു വച്ചിരിക്കുന്നത്.

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രത്തിലാണ് പ്രണവിന്റെ തുടക്കം. ജീത്തു ജോസഫാണ് ചിത്രത്തിന്റെ സംവിധാനം ചെയ്യുന്നത്. ദൃശ്യത്തിനു ശേഷം ഒരു ത്രില്ലർ ഗണത്തിൽ പെടുന്ന ചിത്രമായിരിക്കുമെന്നും താരം ഫേസ്‌ബുക്കിൽ കുറിക്കുന്നു. കൂടുതൽ വിവരങ്ങൾ ഒന്നും വെളിപ്പെടുത്തിയിട്ടില്ല.

ചിത്രീകരണം അടുത്ത വർഷം ആരംഭിക്കുമെന്ന് സൂചന. ദൂൽഖർ സൽമാൻ സിനിമയിൽ സജീവ മാകുന്ന സമയത്ത് തന്നെ ആരാധകർ ചേദിച്ചു തുടങ്ങിയതായിരുന്നു എന്നാണ് പ്രണവിന്റെ സിനിമാ പ്രവേശമെന്ന്. ഒരു ചിത്രത്തിൽ പോലും അഭിനയിക്കാതെ ഇത്രയും ആരാധകർ ഉള്ള മറ്റൊരു താരപുത്രനും മലയാളത്തിലില്ല.

ഒന്നാമൻ എന്ന ചിത്രത്തിൽ ബാലതാരമായിട്ടായിരുന്നു പ്രണവിന്റെ സിനിമാ പ്രവേശനം. തുടർന്ന് നീണ്ട ഇടവേളയ്ക്ക് ശേഷമാണ് പ്രണവിനെ മലയാളികൾ കാണുന്നത്. എന്നാണ് പ്രണവിനെ നായകനായി മലയാള സിനിമയിൽ കാണാൻ കഴിയുന്നത് എന്ന ചോദ്യത്തിന് വർഷങ്ങളുടെ പഴക്കമുണ്ട്. ദൃശ്യത്തിന്റെ തമിഴ് പതിപ്പായ പാപനാശനത്തിൽ പ്രണവ് ജീത്തു ജോസഫിനെ അസിസ്റ്റ് ചെയ്തിട്ടുണ്ട്.

ദുൽഖറിനു പിന്നാലെ ഗോഗുൽ സുരേഷും , ഇപ്പോൾ പൂമരം എന്ന് ചിത്രത്തിലൂടെ കാളിദാസ് ജയറാമും മലയാളത്തിലേക്ക് ചുവടു വച്ചതിനു പിന്നാലെയാണ് പ്രണവിന്റെ എൻട്രി.

Read more

ബിജു മേനോൻ ആസിഫ് അലി കൂട്ടുകെട്ടിന്റെ കവി ഉദ്ദേശിച്ചത് ചിത്രത്തിന്റെ ട്രെയിലർ പുറത്തിറങ്ങി

ആസിഫ് അലി, നരേൻ, ബിജു മേനോൻ എന്നിവർ പ്രധാന വേഷങ്ങളിലെത്തുന്ന 'കവി ഉദ്ദേശിച്ചത്?' എന്ന ചിത്രത്തിന്റെ ട്രെയിലർ പുറത്തിറങ്ങി. 'രമണിയേച്ചിയുടെ നാമത്തിൽ എന്ന ഹ്രസ്വചിത്രത്തിലൂടെ ശ്രദ്ധേയനായ തോമസ് ലിജു തോമസാണ് ചിത്രം സംവിധാനം ചെയ്യുന്നത്. നടൻ മമ്മൂട്ടിയാണ് തന്റെ ഔദ്യോഗിക ഫേസ്‌ബുക്ക് പേജിലൂടെ ട്രെയിലർ പുറത്തിറക്കിയത്.

സൈജു കുറുപ്പ്, ബാലു വർഗീസ്, സുനിൽ സുഖദ, ഗണപതി, അഭിഷേക്, മനോജ് ഗിന്നസ്,കോട്ടയം പ്രദീപ്, ദിനേശ് നായർ, പ്രശാന്ത് അലക്സാണ്ടർ, ലെന, ബിന്ദു പണിക്കർ, വീണാ നായർ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങൾ. അഞ്ജു കുര്യനാണ് ചിത്രത്തിലെ നായിക.

തോമസുകുട്ടി, മാർട്ടിൻ ഡ്യൂറോ എന്നിവരുടേതാണ് തിരക്കഥ. ആസിഫ് അലിയുടെ നേതൃത്വത്തിലുള്ള ആദംസ് വേൾഡ് ഓഫ് ഇമാജിനേഷൻസിന്റെ ബാനറിലാണ് ചിത്രം നിർമ്മിച്ചിരിക്കുന്നത്. പൂജ റിലീസായി ചിത്രം തീയറ്ററുകളിലെത്തുമെന്നാണ് റിപ്പോർട്ടുകൾ.

Read more

മഞ്ജു വാര്യര്‍ തമിഴിലേക്ക്; നായകന്‍ അരവിന്ദ് സ്വാമി

മലയാളത്തിലേക്ക് തിരികെയെത്തിയ മഞ്ജുവിന്റെ തമിഴ് അരങ്ങേറ്റ വാർത്ത ഏറെ നാളായി കേൾക്കുന്നതാണ്. സൂര്യയ്‌ക്കൊപ്പമാണ് മഞ്ജു തമിഴിൽ അരങ്ങേറ്റം കുറിക്കുന്നത് എന്ന വാർത്തകൾ മുമ്പ് പ്രചരിച്ചിരുന്നു. എന്നാൽ തനി ഒരുവൻ എന്ന ചിത്രത്തിലൂടെ വമ്പൻ തിരിച്ചുവരുവു നടത്തിയ അരവിന്ദ് സ്വാമിയുടെ നായികയായാണ് മഞ്ജു കെ - ടൗണിൽ അഭിനയിക്കാൻ ഒരുങ്ങുന്നതെന്നാണ് ഇപ്പോൾ കേൾക്കുന്നത്.

വിജയുടെ തിരുമലൈ എന്ന സൂപ്പർഹിറ്റ് ചിത്രം സംവിധാനം ചെയ്ത രമണയാണ് മഞ്ജുവിനെ തമിഴിലേക്ക് കൊണ്ടുവരുന്നതെന്നാണ് ചില സിനിമാ വൃത്തങ്ങൾ നൽകുന്ന വിവരം. വണ്ണം എന്ന് പേരിട്ടിരിക്കുന്ന ചിത്രത്തിന്റെ മികച്ച തിരക്കഥയാണ് മഞ്ജു ചിത്രത്തിന് സമ്മതം മൂളാൻ കാരണമെന്നും വൃത്തങ്ങൾ പറയുന്നു.

മഞ്ജുവിനെ തമിഴിൽ അവതരിപ്പിക്കാൻ മുമ്പും അനേകം ശ്രമങ്ങൾ നടന്നിരുന്നെങ്കിലും ഒന്നും ശരിയായില്ല. മുമ്പ് വിജയ് യെ നായകനാക്കി തിരുമലൈ യും ആദിയും ധനുഷിനെ നായകനാക്കി സുള്ളനും ചെയ്ത രമണ തൊണ്ടയിൽ കാൻസർ ബാധിച്ചതിനെ തുടർന്ന് ദീർഘകാലമായി സിനിമയിൽ നിന്നും വിട്ടു നിൽക്കുകയായിരുന്നു. ഇദ്ദേഹത്തിന്റെ ചികിത്സയ്ക്കും പരിശീലനത്തിനും ശേഷമുള്ള മടങ്ങിവരവ് മഞ്ജുവിനെ നായികയാക്കി ക്കൊണ്ടായിരിക്കും എന്നാണ് വാർത്ത.

ദിലീപുമായുള്ള വിവാഹത്തെ തുടർന്ന് സിനിമ വിടുകയും വിവാഹമോചനത്തോടെ സിനിമയിലേക്ക് തിരിച്ചുവരികയും ചെയ്ത മഞ്ജുവിന് മലയാളത്തിൽ ഇപ്പോൾ തിരക്കോട് തിരക്കാണ്. റോഷൻ ആൻഡ്രൂസ് ഒരുക്കിയ ഹൗ ഓൾഡ് ആർ യൂ എന്ന ചിത്രത്തിലൂടെ മലയാളത്തില സജീവമായിരിക്കുന്ന താരത്തെ അടുത്ത തന്നെ മറ്റ് തെന്നിന്ത്യൻ ഭാഷകളിലും പ്രതീക്ഷിക്കാമെന്നതിന്റെ സൂചനയാണ് ഇത്

ആന്റണി സോണി സംവിധാനം ചെയ്യുന്ന കെയർ ഓഫ് സൈറാ ഭാനുവാണ് മഞ്ജു വാര്യരുടെ പുതിയ മലയാളം പ്രൊജക്്ട്. അമല മലയാളത്തിലേക്ക് തിരിച്ചുവരുന്ന ചിത്രം കൂടിയാണിത്.

Read more

മോഹന്‍ലാലും മേജര്‍ രവിയും വീണ്ടും ഒന്നിക്കുന്നു; ചിത്രം 1971, ബിയോണ്ട് ബോര്‍ഡേർസ്

മോഹന്‍ലാല്‍ മേജര്‍ രവി കൂട്ടുകെട്ടില്‍ മറ്റൊരു പട്ടാള ചിത്രം കൂടി വരുന്നു. ഇന്ത്യ-പാക് യുദ്ധസമയത്തെ സംഭവവികാസങ്ങളെ ആസ്പദമാക്കിയൊരുക്കുന്ന ചിത്രത്തിന് 1971 ബിയോണ്ട് ബോര്‍ഡേര്‍സ് എന്നാണു പേരിട്ടിരിക്കുന്നത്.

ഇന്ത്യ-പാക് യുദ്ധസമയത്ത് രാജസ്ഥാന്‍ മേഖലയില്‍ നടന്ന സംഭവമാണ് ചിത്രത്തിന് ആധാരമാകുന്നത്. യഥാര്‍ത്ഥ സംഭവങ്ങളാണ് ചിത്രത്തില്‍ പറയുന്നത്.

ബന്ധങ്ങള്‍ എന്തുകൊണ്ട് നിലനിര്‍ത്തിക്കൂടാ? യുദ്ധങ്ങള്‍ നിര്‍ത്തിക്കൂടേ? എന്ന് ചോദിക്കുന്ന തരത്തിലെ ഒരു സിനിമയായിരിക്കും ഇതെന്നാണ് മേജര്‍ രവി അവകാശപ്പെടുന്നത്.

രാജസ്ഥാനായിരിക്കും ചിത്രത്തിന്റെ പ്രധാന ലൊക്കേഷന്‍. മേജര്‍ രവി തന്നെയാണ് തിരക്കഥ രചിക്കുന്നത്. രണ്ട് ഉന്നത പട്ടാള ഉദ്യോഗസ്ഥരുടെ ജീവിതവും അവരുടെ ബന്ധവുമാണ് ചിത്രത്തിലൂടെ പറയുന്നത്. മോഹന്‍ലാലിനൊപ്പം റാണ ദഗുപതിയാണ് പ്രധാനവേഷത്തിലെത്തിയത്.

കീര്‍ത്തിചക്ര, കുരുക്ഷേത്ര, കര്‍മ്മയോദ്ധ, കാണ്ഡഹാര്‍ തുടങ്ങിയ ചിത്രങ്ങള്‍ക്കുശേഷമാണ് മോഹന്‍ലാലും മേജര്‍ രവിയും വീണ്ടും ഒരുമിക്കുന്നത്.

മേജര്‍ മഹാദേവന്‍ എന്ന കഥാപാത്രത്തെ തന്നെയാണ് ഈ ചിത്രത്തിലും മോഹന്‍ലാല്‍ അവതരിപ്പിക്കുന്നത്.

Read more