Cinema

ആസിഫ് അലി നായകനാകുന്ന കാറ്റിന്റെ ഗാനം പുറത്തിറങ്ങി

കൊച്ചി: മലയാള സിനിമ ഇൻഡസ്ട്രിയിലെ പ്രമുഖ മ്യൂസിക് ലേബൽ ആയ മ്യൂസിക് 247, 'കാറ്റ്'ൽ മുരളി ഗോപി ആലപിച്ച ഗാനം റിലീസ് ചെയ്തു. റഫീഖ് അഹമ്മദ് രചിച്ചിരിക്കുന്ന 'പോട്ടടാ പോട്ടടാ' എന്ന ഈ ഗാനത്തിന് ദീപക് ദേവ് സംഗീതം നൽകിയിരിക്കുന്നു.

അരുൺ കുമാർ അരവിന്ദ് സംവിധാനവും ചിത്രസംയോജനവും നിർവഹിച്ച 'കാറ്റ്'ൽ ആസിഫ് അലി, മുരളി ഗോപി, വരലക്ഷ്മി ശരത്കുമാർ, മാനസ രാധാകൃഷ്ണൻ, ഉണ്ണി രാജൻ പി ദേവ് എന്നിവർ അഭിനയിക്കുന്നുണ്ട്. പി പത്മരാജന്റെ ചെറുകഥകളിലെ മുഖ്യ കഥാപാത്രങ്ങളെ ആസ്പദമാക്കി ചിത്രത്തിന്റെ തിരക്കഥ ഒരുക്കിയിരിക്കുന്നത് അനന്തപത്മനാഭനാണ്. പ്രശാന്ത് രവീന്ദ്രൻ ഛായാഗ്രഹണം നിർവഹിച്ചിരിക്കുന്നു.

മ്യൂസിക് 247 നാണ് ഒഫീഷ്യൽ മ്യൂസിക് ലേബൽ. അരുൺ കുമാർ അരവിന്ദ് തന്നെയാണ് കർമ്മയുഗ് ഫിലിംസിന്റെ ബാനറിൽ 'കാറ്റ്' നിർമ്മിച്ചിരിക്കുന്നത്.

മുരളി ഗോപി ആലപിച്ച 'പോട്ടടാ പോട്ടടാ' എന്നാ ഗാനം കാണാം

Read more

ഉദാഹരണം സുജാതയുടെ ടീസര്‍ പുറത്തിറങ്ങി

മഞ്ജു വാര്യരെ പ്രധാന കഥാപാത്രമാക്കി നവാഗതനായ പ്രവീൺ സി ജോസഫ് സംവിധാനം ചെയ്യുന്ന ഉദാഹരണം സുജാത ടീസർ പുറത്തിറങ്ങി. ദുൽഖർ സൽമാനാണ് ടീസർ ഔദ്യോഗികമായി റിലീസ് ചെയ്തത്. വേറിട്ട ഗെറ്റപ്പിലാണ് മഞ്ജു ചിത്രത്തിൽ എത്തുകയെന്നാണ് ടീസർ നല്കുന്ന സൂചന. മഞ്ജുവിന്റെ കഥാപാത്രത്തിന്റെ സ്വഭാവം വ്യക്തമാക്കുന്ന ടീസറാണ് അണിയറക്കാർ പുറത്തുവിട്ടത്. രണ്ടാം വരവിലെ മഞ്ജുവിന്റെ പുതുമയുള്ള കഥാപാത്രമാകും സുജാത.

കോളനിയിൽ ജീവിക്കുന്ന സുജാത എന്ന കഥാപാത്രത്തെ മഞ്ജു അവതരിപ്പിക്കുന്നു. ജോജു ജോർജും നെടുമുടി വേണുവുമാണ് മറ്റു പ്രധാന താരങ്ങൾ. സിനിമയിൽ കലക്ടറുടെ വേഷത്തിൽ മമ്ത മോഹൻദാസുമെത്തുന്നു

ചിത്രത്തിന്റെ തിരക്കഥ നവീൻഭാസ്‌കറാണ്. അനുരാഗകരിക്കിൻവെള്ളം എന്ന സൂപ്പർഹിറ്റ് ചിത്രത്തിന് ശേഷം നവീൻ ഭാസ്‌കർ തിരക്കഥയെഴുതുന്ന ചിത്രവുമാണ് ഇത്. മധു നീലകണ്ഠൻ ആണ് ഛായാഗ്രഹണം. സംവിധായകൻ മാർട്ടിൻ പ്രക്കാട്ടും നടൻ ജോജു ജോർജും ചേർന്നാണ് നിർമ്മാണം.

Read more

കുഞ്ഞുണ്ണിയുടെ കുണ്ഠിതത്തിന്റെ മോഷൻ പോസ്റ്റർ റിലീസ് ചെയ്തു

കുഞ്ഞുണ്ണിയുടെ കുണ്ഠിതം പേരു കേൾക്കുമ്പോൾ തന്നെ ഇതിൽ എന്തോ പുതുമയുണ്ട് എന്നു തോന്നും. സണ്ണിവെയിൻ നായകനാകുന്ന പുതിയ ചിത്രത്തിന്റെ പേരാണിത്. കഴിഞ്ഞദിവസം സണ്ണി വെയിൻ പുറത്തിറക്കിയ കുഞ്ഞുണ്ണിയുടെ കുണ്ഠിതത്തിന്റെ മോഷൻ പോസ്റ്ററിന് വലിയ സ്വീകരണമായിരുന്നു സോഷ്യൽ മീഡിയയിൽ ലഭിച്ചത്. എട്ടുകാലി സിനിമ മോഹി എന്നീ രണ്ട് ഹ്രസ്വചിത്രങ്ങളിലൂടെ ശ്രദ്ധേയനായ നവാഗത സംവിധായകൻ പ്രിൻസ് ജോയി ഒരുക്കുന്ന ചിത്രമാണ് കുഞ്ഞുണ്ണിയുടെ കുണ്ഠിതം.

പ്രിസം എന്റർടൈന്മെന്റിന്റെ ബാനറിൽ പ്രേംലാൽ പട്ടാഴി, അനുരാജ് രാജൻ, രതീഷ് രാജൻ എന്നിവർ ചേർന്നാണ് കുഞ്ഞുണ്ണിയുടെ കുണ്ഠിതം നിർമ്മിക്കുന്നത്. ജിഷ്ണു ആർ നായർ  അശ്വിൻ എന്നിവർ ചേർന്ന് എഴുതിയ കഥയ്ക്ക് തിരക്കഥ ഒരുക്കിയിരിക്കുന്നത് നവീൻ ടി മണിലാൽ ആണ്. മനു മഞ്ജിത് ഹരി നാരായണൻ എന്നിവരുടെ വരികൾക്ക് സംഗീതം നൽകിയിരിക്കുന്നത് അഡ്വഞ്ചേഴ്‌സ് ഓഫ് ഓമനക്കുട്ടൻ എന്ന ചിത്രത്തിലൂടെ ശ്രദ്ധേയനായ അരുൺ മുരളീധരനാണ്. ചിത്രത്തിന്റെ ക്യാമറ ചലിപ്പിക്കുന്നത് പപ്പിനുവാണ്. ചിത്രത്തിന്റെ എഡിറ്റിങ് അർജുൻ ബെന്നും കൈകാര്യം ചെയ്യുന്നു.

ഷോർട്ട് ഫിലിമുകളിലൂടെ സിനിമാരംഗത്തേക്ക് കാലെടുത്തു വെക്കുന്ന പുതിയ പ്രതിഭകൾക്ക് പ്രചോദനം നൽകുന്നതാണ് പ്രിൻസ് ജോയിയുടെ ആദ്യ സിനിമാ പ്രവേശനം. കണ്ണൂർ ഇരിട്ടി സ്വദേശിയായ പ്രിൻസ് ജോയ് സാമ്പത്തികമായി വളരെ താഴ്ന്ന കുടുംബത്തിൽ ജനിച്ച സിനിമ സ്വപ്നം കണ്ടു നടന്ന സാധാരണ വിദ്യാർത്ഥിയായിരുന്നു. പഴശ്ശിരാജാ കോളേജ് പുൽപ്പള്ളിയിലെ ബിരുദ പഠനകാലത്ത് ജീവിതമായിരുന്നു പ്രിൻസ് ജോയിയുടെ സിനിമ സ്വപ്നങ്ങൾക്ക് ചിറകു മുളപ്പിച്ചത്. ബിരുദ പഠനകാലത്ത് എട്ടുകാലി എന്ന ഒരു ചിത്രത്തിലൂടെ  ഷോട്ട്ഫിലിം രംഗത്തേക്ക് കടന്നുവന്നു. സംസ്ഥാനദേശീയ അവാർഡുകൾ അടക്കം  നിരവധി പുരസ്‌കാരങ്ങൾ സ്വന്തമാക്കിയ എട്ടുകാലി  പ്രിൻസിന് ഒരു സിനിമാ സംവിധായകൻ  ആവാനുള്ള ഊർജ്ജം നൽകി.

പിന്നീട് ഞാൻ സിനിമ മോഹി എന്ന പേരിൽ മറ്റൊരു ഹ്രസ്വചിത്രം പ്രിൻസ് സംവിധാനം ചെയ്തു. സുനിൽ ഇബ്രാഹിം സംവിധാനം ചെയ്ത വൈ എന്ന ചിത്രത്തിലെ നായകനായ ധീരജ് ഡെന്നിയായിരുന്നു ചിത്രത്തിലെ കേന്ദ്ര കഥാപാത്രത്തെ അവതരിപ്പിച്ചത്. പിന്നീട് കരിങ്കുന്നം സിക്‌സസ് എന്ന ചിത്രത്തിൽ ദീപു കരുണാകരന്റെയും അലമാര എന്ന ചിത്രത്തിൽ മിഥുൻ മനുവൽ തോമസിന്റേയും അസിസ്റ്റന്റായി പ്രിൻസിന്റെ സിനിമാ പ്രവേശനം.

Read more

നടി പ്രിയാമണി വിവാഹിതയായി

സാധരണ താരങ്ങളുടെ വിവാഹത്തിന് ഉണ്ടാകുന്ന പതിവ് ആഡംബരങ്ങളും ആഘോഷങ്ങളു മൊക്കെ ഒഴിവാക്കി നടി പ്രിയമണി വിവാഹിതയായി. ഏറെ നാളായി പ്രണയത്തിലായിരുന്ന സുഹൃത്തും ഇവന്റ് മാനേജേറുമായ മുസ്തഫയെയാണ് നടി പ്രിയമണി രജിസ്റ്റിർ വിവാഹം ചെയ്തത്.തികച്ചും ലളിതമായി ബംഗളൂരുവിൽ നടന്ന രജിസ്റ്റർ വിവാഹത്തിൽ ബന്ധുക്കളും അടുത്ത സുഹൃത്തുക്കളും മാത്രമാണ് പങ്കെടുത്തത്.

വിവാഹത്തിന് ശേഷം ഇന്ന് ബംഗളൂരുവിലെ എലാൻ കൺവെൻഷൻ സെന്ററിൽ സിനിമാ രംഗത്തുള്ളവർക്കായി വിവാഹ സത്കാരം ഒരുക്കിയിട്ടുണ്ട്.തുടർന്ന് 2 ദിവസത്തിനുള്ളിൽ തന്നെ ശേഷിക്കുന്ന ചിത്രങ്ങളിൽ അഭിനയിക്കാനെത്തുമെന്നും നടി അറിയിച്ചു.രണ്ട് സിനിമകളാണ് പ്രിയാമണിക്ക് ഉടൻ പൂർത്തിയാക്കാനുള്ളത്.

രണ്ട് മതത്തിൽപ്പെട്ടവരായതിനാൽ ഇരുമതങ്ങളുടെയും വിശ്വാസങ്ങൾ വ്രണപ്പെടാതിരി ക്കാനാണ് വിവാഹം രജിസ്റ്റർ ചെയ്യാൻ തീരുമാനിച്ചതെന്ന് പ്രിയാമണി വ്യക്തമാക്കിയിരുന്നു. വിവാഹ ശേഷവും അഭിനയിക്കുമെന്നും താരം അറിയിച്ചിരുന്നു.

ബംഗളൂരുവിൽ ഇവന്റ് മാനേജ്മെന്റ് ബിസിനസ് നടത്തുകയാണ് മുസ്തഫ രാജ്. വർഷങ്ങൾക്ക് മുൻപ് ഒരു ഐപിഎൽ ചടങ്ങിൽവച്ചാണ് ഇരുവരും പരിചയപ്പെട്ടത്. തുടർന്ന് പ്രണയത്തിലാവു കയായിരുന്നു

2004ൽ വിനയൻ സംവിധാനം ചെയ്ത സത്യം എന്ന ചിത്രത്തിലൂടെയാണ് പ്രിയ മലയാളത്തിൽ എത്തുന്നത്. 2007ൽ പരുത്തിവീരനിലൂടെ ആ വർഷത്തെ മികച്ച നടിക്കുള്ള ദേശീയ അവാർഡും താരത്തിന് ലഭിച്ചിരുന്നു.

Read more

"ഒരു വിശേഷപ്പെട്ട ബിരിയാണി കിസ്സ" ട്രെയിലർ കാണാം

കോഴിക്കോട് ജില്ലയിലെ ഒരു ഉൾഗ്രാമത്തിൽ എല്ലാ ഞായറാഴ്ചയും നടക്കുന്ന ബിരിയാണി നേർച്ചയും നേർച്ച നടത്തുന്ന ഹാജിമാരുടെയും കഥ പറയുന്നഒരു വിശേഷപ്പെട്ട ബിരിയാണി കിസ്സയുടെ ട്രെയിലറെത്തി.ബിരിയാണിയും അതിനോടനുബന്ധിച്ച സംഭവങ്ങളുമാണ് ട്രെയിലറിൽ ഉൾപ്പെടുത്തിയിരിക്കുന്നത്.

കോസ്മിക് ഗ്ലോബൽ മീഡിയായുടെ ബാനറിൽ നവാഗതനായ കിരൺ നാരായണനാണ് ചിത്രം തിരക്കഥ രചിച്ച് സംവിധാനം ചെയ്യുന്നത്.നെടുമുടി വേണു, മാമുക്കോയ, സുനിൽ സുഖദ, ലെന എന്നിവരാണ് പ്രധാന താരങ്ങൾ. അതിഥി താരങ്ങളായി ലാൽ, ഭാവന, അജു വർഗീസ്, വിനയ് ഫോർട്ട് എന്നിവരും ചിത്രത്തിലുണ്ട്.

സഞ്ജയ് കൃഷ്ണനാണ് സംഗീത സംവിധായകൻ. ഛായാഗ്രഹണം സുനിൽ കൈമനം, എഡിറ്റിങ് അയൂബ് ഖാൻ, കലാസംവിധാനം സി.കെ. സുരേഷ്, പ്രൊഡക്ഷൻ കൺട്രോളർ പാപ്പച്ചൻ ധനുവച്ചപുരം.

Read more

മോഹൻലാൽ ചിത്രം വെളിപാടിന്റെ പുസ്തകത്തിലെ ആദ്യഗാനം വൈറലാകുന്നു

വീഡിയോ റിലീസ് ചെയത് മണിക്കൂറുകൾക്കകം തന്നെ ആരാധകർ നെഞ്ചേറ്റി സ്വീകരിച്ചിരിക്കുകയാണ് മോഹൻലാൽ ലാൽ ജോസ് ചിത്രം വെളിപാടിന്റെ പുസ്തകത്തിലെ ആദ്യ വിഡീയോ ഗാനത്തെ.നാടൻ ഈണത്തിലുള്ള എന്റമ്മേടെ ജിമിക്കി കമ്മൽ എന്ന് തുടങ്ങുന്ന ഗാനത്തിന്റെ വീഡിയോയാണ് റിലീസായി ഒരു ദിവസം പിന്നിട്ടപ്പോഴേക്കും നാല് ലക്ഷത്തോളം പേർ കണ്ടിരിക്കുന്നത്.

അങ്കമാലി ഡയറീസ് ഫെയിം ശരത് കുമാറും ജൂഡ് ആന്റണിയുമാണ് ഗാനരംഗത്തിൽ. ഗാനത്തിന്റെ ഓഡിയോ നേരത്തെ തന്നെ യൂടൂബിൽ ഹിറ്റായിരുന്നു. വിനീത് ശ്രീനിവാസനും രഞ്ജിത് ഉണ്ണിയും ചേർന്നാണ് ഗാനം ആലപിച്ചിരിക്കുന്നത്. അനൽ പനച്ചൂരാന്റെ രചനയ്ക്ക് ഷാൻ റഹ്മാനാണ് സംഗീതം.

അങ്കമാലി ഡയറീസിലൂടെ ശ്രദ്ധ നേടിയ അന്ന രേഷ്മ രാജനാണ് ചിത്രത്തിലെ നായിക. ബെന്നി പി നായരമ്പലമാണ് രചന. ആന്റണി പെരുമ്പാവൂരാണ് വെളിപാടിന്റെ പുസ്തകം നിർമ്മിക്കുന്നത്. കുർത്തയണിഞ്ഞ് സഞ്ചിയും തൂക്കി മോഹൻലാൽ സെക്കിളിലെത്തുന്ന ടീസറിന് വലിയ സ്വീകാര്യത ലഭിച്ചിരുന്നു.

Read more

മമ്മൂട്ടി ചിത്രം "പുള്ളിക്കാരൻ സ്റ്റാറാ"യുടെ ഗാനങ്ങൾ റിലീസ് ചെയ്തു

സെവൻത് ഡെക്ക് ശേഷം ശ്യാംധർ സംവിധാനം ചെയ്യുന്ന മമ്മൂട്ടി ചിത്രമായ പുള്ളിക്കാരൻ സ്റ്റാറായുടെ ഗാനങ്ങൾ പുറത്തിറങ്ങി. എഫ്ടിഎസ് ഫിലിംസിന്റെ കൂടെ യൂണിവേഴ്സൽ സിനിമയുടെ ബാനറിൽ ബി രാകേഷ് ആണ് ചിത്രം നിർമ്മിച്ചിരിക്കുന്നത്. ബക്രീദ്-ഓണം റിലീസായി ചിത്രം തിയറ്ററുകളിൽ എത്തും.

രതീഷ് രവി കഥയും തിരക്കഥയും ഒരുക്കു്ന്ന ഈ ചിത്രത്തിൽ ആശ ശരത്, ദീപ്തി സതി, ദിലീഷ് പോത്തൻ, ഇന്നസെന്റ് എന്നിവരും പ്രമുഖ വേഷങ്ങളിൽ അഭിനയിക്കുന്നുണ്ട്. ഛായാഗ്രഹണം വിനോദ് ഇല്ലമ്പള്ളിയും ചിത്രസംയോജനം രതീഷ് രാജുമാണ് നിർവഹിച്ചിരിക്കുന്നത്. പശ്ചാത്തല സംഗീതം ഗോപി സുന്ദറിന്റെതാണ്. മ്യൂസിക് 247 നാണ് ഒഫീഷ്യൽ മ്യൂസിക് ലേബൽ.

സന്തോഷ് വർമ്മ, ഹരിനാരായണൻ ബി കെ, എം ആർ ജയഗീത, വിനായക് ശശികുമാർ എന്നിവരുടെ വരികൾക്ക് എം ജയചന്ദ്രൻ ഈണം പകർന്ന നാല് ഗാനങ്ങളാണ് ആൽബത്തിലുള്ളത്. വിജയ് യേശുദാസ്, ശ്രേയ ജയദീപ്, ആൻ ഏമി എന്നിവർ ഗാനങ്ങൾ ആലപിച്ചിരിക്കുന്നു.

Read more

നവാഗത സംവിധായകൻ ബിനു ഉലഹന്നാൻ ചിത്രം മെല്ലെയുടെ ട്രെയ്‌ലര്‍ കാണാം

നവാഗതനായ ബിനു ഉലഹന്നാൻ തിരക്കഥയെഴുതി സംവിധാനം ചെയ്യുന്ന മലയാള ചിത്രം മെല്ലെയുടെ ട്രെയിലർ എത്തി. അമിത് ചക്കാലയ്ക്കൽ, തനുജ കാർത്തിക് എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിൽ ജോജു ജോർജ്, ജോയ് മാത്യു, പി ബാലചന്ദ്രൻ, വിവേക് ഭാസ്‌ക്കർ ഹരിദാസ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.

ചിത്രത്തിന്റെ ഒഫീഷ്യൽ മ്യൂസിക് പാർട്ണറായ മ്യൂസിക്247ന്റെ യൂട്യൂബ് ചാനലിലൂടെയാണ് ട്രൈലെർ പുറത്തിറക്കിയത്. ഛായാഗ്രഹണം സന്തോഷ് അനിമയും ചിത്രസംയോജനം സുനീഷ് സെബാസ്‌റ്യനുമാണ് നിർവഹിച്ചിരിക്കുന്നത്. ഡോ. ഡൊണാൾഡ് മാത്യു സംഗീതം നൽകിയിരിക്കുന്നു. പശ്ചാത്തല സംഗീതം വിജയ് ജേക്കബിന്റേതാണ്. അദ്ദേഹം ചിത്രത്തിലെ ഒരു ഗാനത്തിനും ഈണം പകർന്നിട്ടുണ്ട്. ജോണി സി ഡേവിഡ് ആണ് ത്രിയേക പ്രൊഡക്ഷൻസ്‌ന്റെ ബാനറിൽ ചിത്രം നിർമ്മിച്ചിരിക്കുന്നത്.

നാട്ടിൻപുറത്തെ സാധാരണ കുടുംബത്തിൽ ജനിച്ച് ഡോക്ടറാകുന്ന റെജിയുടെയും ആശുപത്രിയിൽ വച്ചു പരിചയപ്പെടുന്ന ഉമയുടെയും ജീവിതമാണ് മെല്ലെ എന്ന ചിത്രത്തിൽ ദൃശ്യവത്കരിക്കുന്നത്. റെജിയെ അമിത് ചക്കാലയ്ക്കലും ഉമയെ തനുജ കാർത്തികും അവതരിപ്പിക്കുന്നു.

Read more

ദുൽഖർ ചിത്രം സോളോ യുടെ ആദ്യ ടീസർ പുറത്തിറങ്ങി

തിരുവനന്തപുരം: തമിഴിലും മലയാളിത്തിലുമായി പുറത്തിറങ്ങുന്ന ദുൽഖർ ചിത്രം സോളോ യുടെ ആദ്യ ടീസർ പുറത്തിറങ്ങി. ലെഫ്.കേണൽ രുദ്ര രാമചന്ദ്രൻ എന്ന കഥാപാത്രമാണ് 1.21 മിനിറ്റ് ദൈർഘ്യമുള്ള വീഡിയോയിൽ ദുൽഖർ അവതരിപ്പിക്കുന്നത്. പുറത്തുവന്ന ടീസറിൽ വ്യക്തമാകുന്നത് നായകന്റെ പ്രണയവും പ്രണയ നഷ്ടവുമൊക്കെയാണ്.

ബോളിവുഡിൽ ശ്രദ്ധേയമായ ചിത്രങ്ങൾ ഒരുക്കിയ ബിജോയ് നമ്പ്യാർ ആദ്യമായി മലയാളത്തിലെത്തുന്ന 'സോളോ'യിൽ ആർതി വെങ്കിടേഷാണ് ദുൽഖറിന്റെ നായിക. വിവിധ ഭാഷാസിനിമകളിൽ നിന്നുള്ള ഒട്ടേറെ താരങ്ങൾ അണിനിരക്കുന്ന ചിത്രം അഞ്ച് ഭാഗങ്ങളുള്ള ചലച്ചിത്ര സമുച്ചയമാണെന്നാണ് സൂചന.

ബിജോയ്യുടെ തന്നെ നിർമ്മാണകമ്പനിയായ ഗെറ്റ്എവേ ഫിലിംസും അബാം ഫിലിംസും ചേർന്നാണ് നിർമ്മാണം. ഇതുവരെ മലയാളത്തിൽ ഇറങ്ങിയ ചിത്രങ്ങളിൽ നിന്നും വ്യത്യസ്തമായൊരു അവതരണശൈലിയായിരിക്കും ഈ സിനിമയുടേതെന്ന് ബിജോയ് ഉറപ്പിച്ചു പറഞ്ഞിരുന്നു. മണിരത്നത്തിന്റെ സംവിധാന സഹായിയായിരുന്ന ബിജോയ് നമ്പ്യാർ മോഹൻലാൽ അഭിനയിച്ച നിശബ്ദ ഹ്രസ്വചിത്രമായ റിഫ്‌ളക്ഷനിലൂടെയാണ് അരങ്ങേറ്റം കുറിച്ചത്. തുടർന്ന് മലയാളത്തിൽ ചെയ്ത രാഹു എന്ന ഹ്രസ്വചിത്രവും ഏറെ ശ്രദ്ധിക്കപ്പെട്ടു. ശൈതാനായിരുന്നു ആദ്യ ബോളിവുഡ് ചിത്രം.

വിക്രം, നീൽ നിഥിൻ മുകേഷ്, ജീവ എന്നിവരെ പ്രധാനകഥാപാത്രങ്ങളാക്കി തമിഴിലും ഹിന്ദിയിലുമായി ഡേവിഡ് എന്ന ചിത്രമൊരുക്കി. അമിതാഭ് ബച്ചൻ, ഫർഹാൻ അക്തർ എന്നിവർ പ്രധാനവേഷങ്ങളിലെത്തിയ വാസിർ ആണ് അവസാനമായി പുറത്തിറങ്ങിയ ചിത്രം. ബോളിവുഡ് താരവും മോഡലുമായ ഡിനൊ മോറിയയും ചിത്രത്തിൽ സൈനികന്റെ വേഷത്തിൽ എത്തുന്നുണ്ട്.

ദീപ്തി സതി, സുഹാസിനി, നാസർ, നേഹ ശർമ്മ, ശ്രുതി ഹരിഹരൻ, സായ് ധൻസിക, പ്രകാശ് ബെലവാടി, ഖ്വാഷിക് മുഖർജി, മനോജ് കെ.ജയൻ, ആൻ അഗസ്റ്റിൻ, സായ് തംഹങ്കർ എന്നിവർ മറ്റ് കഥാപാത്രങ്ങളെ അവതരിപ്പിക്കും. ദുൽഖർ അവതരിപ്പിക്കുന്ന കഥാപാത്രത്തിന്റെ അച്ഛനമ്മമാരായാണ് നാസറും സുഹാസിനിയും എത്തുക. മലയാളത്തിലും തമിഴിലുമായി ഒരേസമയം ചിത്രീകരിക്കുന്ന ചിത്രത്തിൽ ദുൽഖർ അവതരിപ്പിക്കുന്നത് കരിയറിൽ ഇതുവരെ ചെയ്യാത്ത ഒരു കഥാപാത്രത്തെ ആയിരിക്കുമെന്ന് ബിജോയ് നന്യാർ നേരത്തേ പറഞ്ഞിരുന്നു.

Read more

ദുൽഖർ സൽമാൻ ബോളിവുഡിലേക്ക്

മലയാളികളുടെ പ്രിയതാരം ദുൽഖർ സൽമാൻ ബോളിവുഡിലേക്കും ചുവടുവെക്കുന്നു. റോണി സ്‌ക്രുവാല നിർമ്മിക്കുന്ന ചിത്രത്തിലൂടെയാണ് ദുൽഖർ അരങ്ങേറ്റം കുറിക്കുന്നത്. അക്ഷയ് ഖുറാനയാണ് ചിത്രം സംവിധാനം ചെയ്യുന്നത്. ഇർഫാൻ ഖാൻ, മിഥില പൽക്കർ എന്നിവരാണ് മറ്റ് താരങ്ങൾ. ഹുസൈൻ ദലലും അക്ഷയ് ഖുറാനയും ചേർന്നാണ് ചിത്രത്തിന്റെ തിരക്കഥ ഒരുക്കുന്നത്.ചിത്രത്തിന്റെ പേരാ മറ്റ് വിവരങ്ങളോ ഇതുവരെ പുറത്തുവിട്ടിട്ടില്ല. ഷൂട്ടിങ് സെപ്റ്റംബർ ആദ്യവാരം ആരംഭിക്കും. മലയാളത്തിൽ കുറഞ്ഞകാലം കൊണ്ട് കൂടുതൽ ആരാധകരെ ഉണ്ടാക്കിയ താരമാണ് ദുൽഖർ സൽമാൻ. ദുൽഖർ ഇതുവരെ അഭിനയിച്ച ചിത്രങ്ങളെല്ലാം തന്നെ മലയാളികൾ ഇരുകൈയും നീട്ടിയാണ് സ്വീകരിച്ചത്. ചെറുപ്പക്കാരായ പ്രേക്ഷകരുടെ ഇടയിലും വലിയ സ്വാധീനമുണ്ടാക്കാൻ കുറഞ്ഞ കാലയളവിൽ തന്നെ മലയാളത്തിന്റെ സ്വന്തം ദുൽഖറിന് സാധിച്ചിരുന്നു.

Read more

വിത്യസ്ത ലുക്കിൽ ആസിഫ് അലി; കാറ്റ് ഒഫീഷ്യല്‍ ട്രെയിലര്‍ പുറത്തിറങ്ങി

ഈ അടുത്ത കാലത്ത്, ലെഫ്റ്റ് റൈറ്റ് ലെഫ്റ്റ് എന്നീ ചിത്രങ്ങൾക്ക് ശേഷം അരുൺ കുമാർ അരവിന്ദ് സംവിധാനം ചെയ്യുന്ന കാറ്റിന്റെ ട്രെയ്ലർ പുറത്തിറങ്ങി. മുരളി ഗോപിയും ആസിഫ് അലിയും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം പത്മരാജന്റെ കഥാപാത്രങ്ങളെ അടിസ്ഥാനമാക്കിയുള്ളതാണ്. പ്തമരാജന്റെ മകൻ അനന്തപത്മനാഭനാണ് സിനിമയുടെ എഴുത്തുകാരൻ.

ആസിഫ് അലി, മുരളി ഗോപി, വരലക്ഷ്മി ശരത്കുമാർ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. 2.05 മിനിറ്റ് ദൈർഘ്യമുള്ള ട്രെയ്ലറാണ് പുറത്തെത്തിയത്.സിനിമയിൽ വ്യത്യസ്തമായ ലുക്കിലാണ് ആസിഫ് എത്തുന്നത്. അദ്ദേഹത്തിന്റെ കരിയറിലെ മറ്റൊരു മികച്ച വേഷം കൂടിയായിരിക്കും ഇത്.

റഫീഖ് അഹമ്മദിന്റെ വരികൾക്ക് ദീപക് ദേവ് ഈണമൊരുക്കുന്നു. പ്രശാന്ത് രവീന്ദ്രനാണ് ക്യാമറ. കർമ്മയുഗ് ഫിലിംസിന്റെ ബാനറിൽ അരുൺകുമാർ അരവിന്ദ് തന്നെയാണ് ചിത്രം നിർമ്മിക്കുന്നത്.

Read more

വിനുമോഹന്‍ നായകനാകുന്ന പുതിയ സിനിമ "സ്ഥാന"ത്തിന്റെ പോസ്റ്റര്‍ പുറത്തിറങ്ങി

വിനു മോഹനെ നായകനാക്കി ആര്‍എംകെ പ്രൊഡക്ഷന്‍സിന്റെ ബാനറില്‍ ശിവപ്രസാദ് സംവിധാനം ചെയ്യുന്ന ചിത്രമാണ് സ്ഥാനം. ആര്‍ രാജന്‍ നായരാണ് നിര്‍മ്മാണം .സ്ഥാനത്തിന്റെ ഒഫിഷ്യല്‍ ഫേസ് ബുക്ക് പേജിലൂടെയാണ് പോസ്റ്റര്‍ പുറത്തിറക്കിയത്. ഈ സിനിമയുടെ ചിത്രീകരണം തിരുവല്ലയിലും പരിസരപ്രദേശങ്ങളിലും പുരോഗമിക്കുകയാണ്.

മലയാളത്തിന്റെ മഹാനടന്‍ പദ്മശ്രീ മധു ഒരു മികച്ച കഥാപാത്രമായി എത്തുന്ന ചിത്രം ഓണത്തിന് ശേഷം തീയറ്ററുകളില്‍ എത്തും. ഹയര്‍ സെക്കണ്ടറി കലോത്സവത്തില്‍ മികച്ച നടിയായി തെരഞ്ഞെടുക്കപ്പെട്ട മാളവിക ആണ് ചിത്രത്തിലെ നായിക.

ജോയ് മാത്യു , സുനില്‍ സുഗത ,കെ.പി എ സി ലളിത , രാകേന്ദു ,ചെത്തിപ്പുഴ വത്സമ്മ ,ലക്ഷ്മി,ശൈലജ ,വിഷ്ണു ,തിരുവല്ല സാബു, പദ്മനാഭന്‍ തമ്പി ,ഹരിലാല്‍ തുടങ്ങി വലിയ താര നിര ചിത്രത്തിലുണ്ട് . ഛായാഗ്രഹണം ശരത് ഗാന രചനകെ.ജയകുമാര്‍,സംഗീതം ഡോ: സാം കടമ്മനിട്ട ,എഡിറ്റിങ് സിദ്ധാര്‍ത്ഥ ശിവ , പ്രൊഡക്ഷന്‍ ഡിസൈനര്‍ അനില്‍ കെ.പെണ്ണുക്കര. കലാസംവിധാനംകെ ഗിരീഷ് ,പ്രൊഡക്ഷന്‍ കണ്‍ട്രോളര്‍ ജയേഷ്,ചമയംപട്ടണം റഷീദ്, ശബ്ദലേഖനംഹരികുമാര്‍ ,മുഖ്യ സംവിധാന സഹായികള്‍ സുനില്‍ സ്കറിയ മാത്യു ,വിനോദ് വിശ്വം ,സംവിധാന സഹായികള്‍പ്രവീണ്‍ ബി സാമുവേല്‍,അജിത് കുമാര്‍,പ്രൊഡക്ഷന്‍ കോ ഓര്‍ഡിനേറ്റര്‍അര്‍ജുന്‍ ആയിലത്ത്,നിശ്ചല ഛായാഗ്രഹണം ദീപ അലക്‌സ്,ഷിജു സി ബാലന്‍,വാര്‍ത്താ വിതരണം എ .എസ് ദിനേശ് ,ടൈറ്റില്‍ ഡിസൈന്‍ ബിജൂസ്.

Read more

മമ്മൂട്ടിയുടെ പുള്ളിക്കാരൻ സ്റ്റാറായുടെ ആദ്യ ടീസർ പുറത്തിറങ്ങി

മമ്മൂട്ടി നായകനാകുന്ന പുള്ളിക്കാരൻ സ്റ്റാറാ എന്ന ചിത്രത്തിന്റെ ആദ്യ ടീസർ പുറത്തിറങ്ങി. എന്റെ ചേട്ടന്മാരെ എനിക്കീ നാട്ടിലും വീട്ടിലുമൊക്കെ അത്യാവശ്യം നല്ല ചീത്തപ്പേരാാ.. എല്ലാം ഈ പെണ്ണുങ്ങളുടെ കാര്യത്തിലാ എന്ന് തുടങ്ങുന്ന ഡയലോഗും, മനസ്സറിയാത്ത കാര്യം കേൾക്കുമ്പോൾ കണ്ണീന്ന് അറിയാണ്ട് വെള്ളം വരുമെന്ന വികാര നിർഭരമായ ഡയലോഗും ചേർത്താണ് ടീസർ പുറത്തിറക്കിയിരിക്കുന്നത്.

കുടുംബ ബന്ധങ്ങൾക്ക് പ്രാധാന്യം നൽകുന്ന ചിത്രം ഒരു ഫാമിലി എന്റർടെയ്‌നറാണ്. കൊച്ചിയിൽ അദ്ധ്യാപക പരിശീലകനായി എത്തുന്ന ഇടുക്കിക്കാരനായാണ് മമ്മൂട്ടി ചിത്രത്തിൽ എത്തുന്നത്.സെവൻത്ത് ഡേ എന്ന പൃഥ്വിരാജ് ചിത്രത്തിന് ശേഷം ശ്യാംധർ സംവിധാനം ചെയ്യുന്ന ചിത്രമാണ് പുള്ളിക്കാരൻ സ്റ്റാറാ.

പുതുമുഖ തിരക്കഥാകൃത്തായ രതീഷ് രവിയാണ് ഈ ചിത്രത്തിന്റെ തിരക്കഥ. ആശ ശരത്, ദീപ്തി സതി എന്നിവരാണ് നായികമാരായി എത്തുന്നത്. ഇവരെ കൂടാതെ ഇന്നസെന്റ്, ദിലീഷ് പോത്തൻ, ഹരീഷ് കണാരൻ, സോഹൻ സീനുലാൽ എന്നിവരും ചിത്രത്തിലുണ്ട്.

Read more

ആസിഫ് അലിയുടെ സഹോദരന്‍ നായകനാകുന്ന ഹണീ ബീ 2.5 ന്റെ ട്രെയിലർ കാണാം

ഹണി ബീ 2 എന്ന സിനിമയുടെ ലൊക്കേഷനിൽ അഭിനയ മോഹം കൊണ്ട് ചാൻസ് ചോദിച്ചു വരുന്ന ഒരാളുടെ കഥ പറയുന്ന ചിത്രം ഹണി ബീ2.5ന്റെ ട്രെയിലർ എത്തി. സിനിമക്കുള്ളിലെ സിനിമയുടെ കഥപറയുന്ന ചിത്രത്തിൽ ആസിഫ് അലിയുടെ സഹോദരൻ അസ്‌കർ ആണ് നായകനാകുന്നത്. കട്ടപ്പനയിലെ ഹൃത്വിക് റോഷൻ ഫെയിം ലിജിമോളാണ് നായിക.

ഹണി ബിയിൽ അഭിനയിച്ച പലരും ഈ ചിത്രത്തിലും ഉണ്ട്. ഒരേ ലൊക്കേഷനിൽ ഷൂട്ടിങ് പൂർത്തിയാക്കിയ രണ്ടു സിനിമകൾ എന്ന അപൂർവ്വത ഹണീ ബീ 2.5 ന് അവകാശപ്പെടാം.മലയാള സിനിമയിൽ ആദ്യമായാണ് ഒരു സിനിമയുടെ ലൊക്കേഷൻ മറ്റൊരു ചിത്രത്തിന് പശ്ചാത്തലമാകുന്നത്. ആസിഫ് അലി, ഭാവന അടക്കമുള്ളവർ 2.5ലും കഥാപാത്രങ്ങളാകുന്നുണ്ട്.

ഷൈജു അന്തിക്കാട് സംവിധാനം ചെയ്യുന്ന ചിത്രം ലാൽ തന്നെയാണ് നിർമ്മിക്കുന്നത്.

Read more

ഗൗതമിയുടെ മലയാളചിത്രം "ഇ"യുടെ ഒഫീഷ്യൽ ട്രെയിലർ പുറത്തിറങ്ങി

കൊച്ചി: മലയാള സിനിമയിലേക്ക് നടി ഗൗതമിയുടെ തിരിച്ചുവരവിന് കളമൊരുക്കുന്ന ത്രില്ലർ ചിത്രം 'ഇ'-യുടെ ഒഫീഷ്യൽ ട്രെയിലർ പുറത്തിറങ്ങി. എ.എസ് പ്രൊഡക്ഷന്റെ ബാനറിൽ കുക്കു സുരേന്ദ്രനാണ് ചിത്രം സംവിധാനം ചെയ്തത്. അമിൻ സുറാനി, സംഗീത് ശിവൻ എന്നിവർ ചേർന്ന് നിർമ്മിക്കുന്ന ഇ-യുടെ തിരക്കഥയൊരുക്കിയിരിക്കുന്നത് രോഹൻ ബജാജ്, ഹരികുമാർ എന്നിവർ ചേർന്നാണ്.

ഗൗതമിയെക്കൂടാതെ ആറ് പുതുമുഖങ്ങളും ചിത്രത്തിൽ വേഷമിടുന്നു. മനോജ് പിള്ളയാണ് ഛായാഗ്രഹണം നിർവഹിച്ചിരിക്കുന്നത്. രാഹുൽ രാജാണ് സംഗീത സംവിധാനം. ഈ മാസം ചിത്രം തിയറ്ററുകളിലെത്തും.

Read more

കായംകുളം കൊച്ചുണ്ണിയായി നിവിൻ പോളി

കള്ളനായിട്ടും മലയാളികളുടെ സൂപ്പർ ഹീറോയായി മാറിയ കായംകുളം കൊച്ചുണ്ണി മലയാള സിനിമയിൽ വീണ്ടും അവതരിക്കുന്നു. ബോബി-സഞ്ജയ് കൂട്ടുകെട്ടിന്റെ തിരക്കഥയിൽ റോഷൻ ആൻഡ്രൂസ് സംവിധാനം ചെയ്യുന്ന സിനിമയിൽ പുതിയ കൊച്ചുണ്ണിയായി അവതരിക്കുന്നത് നിവിൻ പോളി. അമല പോൾ ആണ് നായിക.

കായംകുളം അടിമുടി മാറിപ്പോയതിനാൽ കൊച്ചുണ്ണിയുടെ കാലത്തെ കായംകുളമാവുന്നത് ശ്രീലങ്കൻ ഗ്രാമമാണ്. ശ്രീ ഗോകുലം മൂവീസ് നിർമ്മിക്കുന്ന സിനിമയുടെ ഷൂട്ടിങ് സെപ്റ്റംബർ ആദ്യം ശ്രീലങ്കയിൽ ആരംഭിക്കും. കുറച്ചുഭാഗം കായംകുളത്തും ഷൂട്ട് ചെയ്യും.

രാജേഷ് പിള്ളയുടെ മിലിക്ക് ശേഷം അമലയും നിവിനും വീണ്ടും ഒന്നിക്കുന്ന ചിത്രം കൂടിയാണ് കൊച്ചുണ്ണി. കായംകുളം കൊച്ചുണ്ണി മലയാള സിനിമയിൽ അവതരിക്കുന്നത് ഇത് രണ്ടാം തവണയാണ്. 1966ൽ പുറത്തിറങ്ങിയ പി.എ.തോമസ് സംവിധാനം ചെയ്ത കായംകുളം കൊച്ചുണ്ണിയിൽ സത്യനായിരുന്നു കൊച്ചുണ്ണിയായത്.

'കൊച്ചുണ്ണിയുടെ ജീവിതത്തിലെ വിവിധ ഘട്ടങ്ങളും പ്രണയവുമെല്ലാമുണ്ടു സിനിമയിൽ. പുതുതലമുറയിൽ ഏതു റോളിലേക്കും ശരീരഭാഷ വഴങ്ങുന്ന ഒരു നടനായതുകൊണ്ടാണു നിവിനെ കൊച്ചുണ്ണിയാക്കാൻ തീരുമാനിച്ചത്. ഇതു കഴിഞ്ഞുള്ള റോഷന്റെ അടുത്ത ചിത്രത്തിലും നായകനാവുന്നതു നിവിനാണ്. രണ്ടു സിനിമയുടെ കഥയും ഒരുമിച്ചാണു പറഞ്ഞത്. അതു കേട്ടു ത്രില്ലടിച്ച നിവിൻ രണ്ടിലും അഭിനയിക്കുമെന്ന് ഉറപ്പു പറയുകയായിരുന്നു.

ബാഹുബലിയുടെ പ്രൊഡക്ഷൻ കോ-ഓർഡിനേറ്റ് ചെയ്ത 'ഫയർ ഫ്‌ലൈ' ആകും കൊച്ചുണ്ണിയുടെയും നിർമ്മാണ ഏകോപനം. ബാഹുബലിയുടെയും തലാഷിന്റെയും സൗണ്ട് ഡിസൈനറായ സതീഷാണു കൊച്ചുണ്ണിക്കും ശബ്ദം ഒരുക്കുന്നത്. അതിനു തന്നെ മൂന്നു മാസം വേണ്ടി വരും. ആറ്-ഏഴ് ആക്ഷൻ സീനുകളുണ്ട്. ദക്ഷിണാഫ്രിക്കൻ സംഘം ഉൾപ്പടെയുള്ളവരാവും ഇത് ഒരുക്കുക. അഞ്ചുവരെ പാട്ടുകളുമുണ്ടാവും. കബാലി, 36 വയതിനിലെ എന്നിവയുടെ സംഗീതം നിർവഹിച്ച സന്തോഷ് നാരായണനെ മലയാളത്തിലും അവതരിപ്പിക്കാനാണു ശ്രമം.

Read more

മണിയൻ പിള്ള രാജുവിന്റെ മകൻ നായകനായ ബോബിയുടെ ടീസർ പുറത്തിറങ്ങി

താരപുത്രന്മാർക്ക് പിന്നാലെ മണിയൻപിള്ള രാജുവിന്റെ മകൻ നിരഞ്ജ് നായകനായി മലയാള സിനിമയിൽ അരങ്ങേറുന്നു. ബോബി എന്ന് പേരിട്ട ചിത്രത്തിൽ മിയയാണ് നായിക. ചിത്രത്തിന്റെ ആദ്യ ടീസർ പുറത്തിറങ്ങി. കഥാപാത്രങ്ങളുടെ ഡയലോഗ് മാത്രമുള്ള ടീസറിന്റെ ദൈർഘ്യം 37 സെക്കൻഡ് ആണ്.നേരത്തെയും സിനിമകളിൽ അഭിനയിച്ചിട്ടുണ്ടെങ്കിലും ഇതാദ്യമായാണ് നിരഞ്ജ് നായക വേഷത്തിൽ എത്തുന്നത്.

നേരത്തെ സിനിമയുടെ ഫസ്റ്റ്ലുക്ക് പോസ്റ്റർ പുറത്തിറങ്ങിയിരുന്നു. മിയയാണ് നായിക. സുഹ്റ എന്റർടൈന്മെന്റ് സിന്റെ ബാനറിൽ സഗീർ ഹൈദ്രോസ് നിർമ്മിക്കുന്ന ബോബിയുടെ സംവിധാനം നിർവഹിച്ചിരിക്കുന്നത് ഷെബിയാണ്. കഥയും തിരക്കഥയും സംവിധായകന്റേതു തന്നെ.

അജു, ധർമജൻ, നോബി തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നു. സംഭാഷണം വി ആർ ബാലഗോപാൽ, തോമസ് ചാക്കോ. ചായാഗ്രഹണം പ്രശാന്ത് കൃഷ്ണ. എഡിറ്റിങ് ബാബുരത്നം. എസ് രമേശൻ നായർ, ഹരി നാരായണൻ എന്നിവരുടെ ഗാനങ്ങൾക്ക് റോണി റാഫേലും ദേവിക മുരളിയും ഈണം നൽകിയിരിക്കുന്നു.

Read more

സര്‍വ്വോപരി പാലാക്കാരന്‍റെ ട്രെയിലര്‍ പുറത്തിറങ്ങി

അനൂപ് മേനോൻ നായകനാകുന്ന പുതിയ ചിത്രം സർവോപരി പാലാക്കാരൻ ട്രെയിലർ പുറത്ത്. പാലാ സ്വദേശിയും തൃശ്ശൂർ സ്പെഷൽ ബ്രാഞ്ച് സിഐയുമായ ജോസ് കെ. മാണിയും ചുംബനസമരത്തിലെ നായികയും നാടകപ്രവർത്തകയുമായ അനുപമ നീലകണ്ഠനും തമ്മിൽ കണ്ടുമുട്ടുന്നതും അവർ തമ്മിലുള്ള വിചിത്രമായ സൗഹൃദത്തിന്റെയും കഥ ഏറെ രസാവഹമായി പറയുന്ന ചിത്രമാണ് 'സർവോപരി പാലാക്കാരൻ.'

അപർണാ ബാലമുരളി നായികാപ്രാധാന്യമുള്ള കഥാപാത്രം ചെയ്യുന്ന ചിത്രത്തിൽ അനു സിതാര, ബാലു വർഗീസ്, അലെൻസിയർ എന്നിവരും പ്രധാന വേഷത്തിലെത്തുന്നു സീരിയൽ നടി ഗായത്രി അരുൺ സിനിമയിൽ അഭിനയിക്കുന്നുണ്ട്. എസ്.സുരേഷ് ബാബുവിന്റേതാണ് കഥയും തിരക്കഥയും സംഭാഷണവും എഴുതുന്നു

ആൽബി ക്യാമറചെയ്തിരിക്കുന്ന ചിത്രത്തിന്റെ ചിത്രസംയോജനം നിർവഹിച്ചിരിക്കുന്നത് വിനോദ് സുകുമാരൻ ആണ്. ബിജിബാൽ ആണ് ചിത്രത്തിൽ സംഗീതം നിർവഹിച്ചിരിക്കുന്നത്.

Read more

കുഞ്ചാക്കോബോബന്റെ വർണ്യത്തിൽ ആശങ്ക ട്രെയിലര്‍ പുറത്തിറങ്ങി

ചന്ദ്രേട്ടൻ എവിടെക്ക് ശേഷം സിദ്ധാർഥ് ഭരതൻ സംവിധാനം ചെയ്യുന്ന വർണ്യത്തിൽ ആശങ്കയുടെ ട്രെയിലർ പുറത്തുവിട്ടു. കുഞ്ചാക്കോ ബോബനാണ് സിനിമയിലെ നായകനെ അവതരിപ്പിക്കുന്നത്. തൃശൂർഭാഷയാണ് കുഞ്ചാക്കോ ബോബൻ സിനിമയിൽ ഉപയോഗിച്ചിരിക്കുന്നത്. കള്ളന്മാരുടെ കഥയാണ് ചിത്രം പറയുന്നതെന്നാണ് ട്രെയിലർ നൽകുന്ന സൂചന.

സാധാരണക്കാരനായ ഒരു ഗൃഹനാഥനായി സുരാജ് വെഞ്ഞാറമ്മൂടും സെയിൽസ്‌ഗേളായി രചന നാരാണൻ കുട്ടിയുംചിത്രത്തിലെത്തുന്നുണ്ട്.ചെമ്പൻ വിനോദ് , മണികണ്ഠൻ ആചാരി, ഷൈൻ ടോം ചാക്കോ, ഷറഫുദ്ദീൻ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.

നാടകരചയിതാവും നടനും സംവിധായകനുമായ തൃശൂർ ഗോപാൽജിയാണ് തിരക്കഥ ഒരുക്കുന്നത്.തൃശൂർ, വടക്കാഞ്ചേരി, കൊച്ചി എന്നിവിടങ്ങളാണ് പ്രധാന ലൊക്കേഷൻ.

Read more

കൈരളി കപ്പലിന്റെ കഥ സിനിമയാകുന്നു; നായകന്‍ നിവിന്‍ പോളി

കേരളത്തിന്റെ സ്വന്തം കപ്പലായിരുന്ന 'എം വി കൈരളി'യുടെ കഥ പറയുന്ന ചിത്രമൊരുക്കി യുവ ക്യാമറമാൻ ജോമോൻ ടി ജോൺ സംവിധാന രംഗത്തേക്ക് കടക്കുന്നു. കേരളത്തിന്റെ ആദ്യ കപ്പലായിരുന്നു 'എം വി കൈരളി' 1979 ൽ 49 യാത്രക്കാരുമായി അപ്രത്യക്ഷമായ കഥ വെള്ളിത്തിരയിലെത്തുമ്പോൾ നായകനാകുന്നത് നിവിൻ പോളിയാണ്.

സിദ്ധാർത്ഥ ശിവ തിരക്കഥ ഒരുക്കുന്ന ചിത്രത്തിന് കൈരളി എന്ന് തന്നെയാണ് പേരിട്ടിരിക്കുന്നത്.കൈരളി കപ്പൽ സഞ്ചരിച്ച വഴികളിലൂടെ ചരിത്ര സംഭവങ്ങളെയും നിഗമനങ്ങളെയും കോർത്തിണക്കിയാണ് ചിത്രം വികസിക്കുന്നത്. കേരളം, ഗോവ, ഡൽഹി തുടങ്ങിയ സ്ഥലങ്ങൾക്ക് പുറമെ സൊമാലിയയുടെ അയൽരാജ്യമായ ജിബൂട്ടി, കുവൈറ്റ്, ജർമ്മനി തുടങ്ങിയ രാജ്യങ്ങളിൽ കൂടി ചിത്രീകരണം നടക്കും.

വർത്തമാനക്കാലവും ആയിരത്തിത്തൊള്ളായിരത്തി എഴുപത് - എൺപത് കാലങ്ങളും ചിത്രത്തിന്റെ പശ്ചാത്തലമാകുന്നു. റിയൽ ലൈഫ് വർക്‌സും പോളി ജൂനിയർ പിക്‌ചേഴ്‌സും ചേർന്ന് ഒരുക്കുന്ന ബിഗ് ബജറ്റ് ചിത്രത്തിന്റെ ഷൂട്ടിങ് ഡിസംബറിൽ തുടങ്ങും.നിവിൻ പോളി തന്നെയാണ് ഫേസ്‌ബുക്കിലൂടെ ഇക്കാര്യം പ്രഖ്യാപിച്ചത്.

Read more

നിവിന്‍ പോളിയുടെ നായികയായി തൃഷ മലയാളത്തില്‍

ചെന്നൈ: നാളുകളായി പറഞ്ഞ് കേൾക്കുന്നതാണ് തെന്നിന്ത്യൻ സൂപ്പർതാരം തൃഷയുടെ മലയാലത്തിലേക്കുള്ള അരങ്ങേറ്റം. തൃഷയുടെ ആരാധകരും ആ വരവിനായി കാത്തിരിക്കുക ആയിരുന്നു. ഇപ്പോൾ ആ കാത്തിരിപ്പിന് വിരാമമിട്ട് താര സുന്ദരി മലയാളത്തിൽ അരങ്ങേറ്റം കുറിക്കുന്നു.

മലയാളത്തിന്റെ യുവ സൂപ്പർതാരം നിവിൻ പോളിയുടെ നായികയായാണ് തൃഷ അഭിനയിക്കുന്നത്. നിവിൻ പോളി നായകനാകുന്ന ചിത്രം 'ഹെ ജൂഡ്' ലാണ് തൃഷയും നിവിനും ഒരുമിക്കുന്നത്. ചിത്രത്തിന്റെ ഷൂട്ടിങ് ഗോവയിൽ ആരംഭിച്ചു.

മികച്ച കഥാപാത്രം ലഭിച്ചതുകൊണ്ടാണ് മലയാളത്തിലേക്കുള്ള അരങ്ങേറ്റം യാഥാർഥ്യമാകുന്നതെന്ന് തൃഷ പറഞ്ഞു. ഗോവയ്ക്ക് പുറമെ മംഗളൂരുവും കൊച്ചിയും പ്രധാന ലൊക്കേഷനാണ്. മുകേഷ്, പ്രതാപ് പോത്തൻ, ഉർവശി തുടങ്ങിയവരും സിനിമയിലുണ്ട്.

ശ്യാമപ്രസാദ് ഒരുക്കുന്ന ചിത്രത്തിന്റെ ഛായാഗ്രഹണം ഗിരിഷ് ഗംഗാധരൻ. 'അങ്കമാലി ഡയറീ'സിൽ ഗിരിഷ് ഗംഗാധരന്റെ ഛായാഗ്രഹണമികവ് ഏറെ ശ്രദ്ധിക്കപ്പെട്ടിരുന്നു. ഈ വർഷം അവസാനത്തോടെ സിനിമ തിയറ്ററുകളിലെത്തും.

Read more

ഫര്‍ഹാന്‍ ഫാസിലിന്റെ ബഷീറിന്റെ പ്രേമലേഖനം ട്രെയിലർ പുറത്ത്

ഞാൻ സ്റ്റീവ് ലോപ്പസിനു ശേഷം ഫർഹാൻ ഫാസിൽ നായകനാകുന്ന ബഷീറിന്റെ പ്രേമലേഖനത്തിന്റെ ട്രെയിലർ പുറത്തിറങ്ങി. പഴയകാലത്തെ ഓർമ്മിക്കുന്ന ലുക്കിലാണ് ഫർഹാൻ ട്രെയിലറിൽ നിറഞ്ഞ് നില്ക്കുന്നത്.. സക്കറിയായുടെ ഗർഭിണികൾ, കുമ്പസാരം എന്നിവയ്ക്കു ശേഷം അനീഷ് അൻവർ സംവിധാനം ചെയ്യുന്ന സിനിമയാണ് ബഷീറിന്റെ പ്രേമലേഖനം

സന അൽത്താഫും നായികയായി എത്തുന്ന ചിത്രത്തിൽ മധു - ഷീല പ്രണയ ജോഡികൾ അഭിനയിക്കുന്നുവെന്ന പ്രത്യേകതയുമുണ്ട്്.രണ്ടു മിനിറ്റിനുള്ളിൽ മുഖ്യ കഥാപാത്രങ്ങളെ വളരെ രസകരമായി അവതരിപ്പിക്കുന്ന ട്രെയിലർ യൂട്യൂബ് ഇന്ത്യയുടെ ട്രെൻഡിങ് ലിസ്റ്റിൽ ഇടം പിടിച്ചിട്ടുണ്ട്.

ജോയ് മാത്യു, അജു വർഗീസ്, ആശ അരവിന്ദ്, കണാരൻ ഹരീഷ്, സുനിൽ സുഖദ, മണികണ്ഠൻ, ഷാനവാസ്, ശ്രീജിത്ത് രവി, നോബി, ബൈജു എഴുപുന്ന തുടങ്ങിയവരും ചിത്രത്തിൽ അഭിനയിക്കുന്നുണ്ട്. ഷിനോദ്, ഷംഷീർ, ബിപിൻ എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. ഛായാഗ്രഹണം സഞ്ജയ് ഹാരിസും ചിത്രസംയോജനം രഞ്ജിത്ത് ടച്ച്‌റിവറുമാണ്. ഫോർട്ട് എന്റർടൈന്മെന്റിന്റെ ബാനറിലാണ് ചിത്രം നിർമ്മിച്ചിട്ടുള്ളത്.

Read more

പ്രശസ്ത എഴുത്തുകാരി നന്ദിതയുടെ ജീവിതം സിനിമയാവുന്നു

ആത്മഹത്യയിലൂടെ മലയാളിസമൂഹത്തെ ഞെട്ടിച്ച നന്ദിത എന്ന പ്രശസ്ത എഴുത്തുകാരിയുടെ ജീവിതകഥ സിനിമയാക്കുന്നു. എൻ.എൻ. ബൈജു സംവിധാനം ചെയ്യുന്ന 'നന്ദിത' എന്ന് പേരിട്ട ഈ ചിത്രത്തിന്റെ ആദ്യഷെഡ്യൂൾ ചിത്രീകരണം അമ്പലപ്പുഴയിൽ പൂർത്തിയായി. നന്ദിതയായി ഗായത്രി വിജയ് ആണ് വേഷമിടുന്നത്.

വയനാട്ടിലെ മടക്കിമലയിൽ എം ശ്രീധരന്റേയും പ്രഭാവതിയുടേയും മകളായിരുന്നു നന്ദിത. ഇംഗ്ലീഷിൽ എം.എ ബിരുദം പൂർത്തിയാക്കിയതിനു ശേഷം വയനാട്ടിലെ മുസ്ലിം ഓർഫനേജ് ആർട്‌സ് ആൻഡ് സയൻസ് കോളേജിൽ അദ്ധ്യാപികയായി പ്രവർത്തിക്കുന്നതിനിടെയായിരുന്നു നന്ദിതയുടെ അപ്രതീക്ഷിത വിയോഗം.1991 ജനുവരി 17നാണ് നന്ദിത ആത്മഹത്യ ചെയ്തത്.

ആത്മഹത്യയ്ക്ക് ശേഷം നന്ദിതയുടെ ഡയറിക്കുറിപ്പുകളിൽ നിന്ന് കണ്ടെടുത്ത വരികളിൽ നിന്നാണ് അവളുടെ മനസിൽ ഒരു കവിയത്രി ഉണ്ടായിരുന്നു എന്ന് വീട്ടുകാർക്കും പോലും മനസിലാവുന്നത്. മരണത്തിന്റെയും പ്രണയത്തിന്റെയും കനൽ പോലെ കത്തുന്ന കവിതകളായിരുന്നു അവ. നന്ദിതയുടെ ജീവിതം വെള്ളിത്തിരയിൽ വീണ്ടും അവതരിക്കുമ്പോൾ മറഞ്ഞു കിടക്കുന്ന ആ രഹസ്യം വീണ്ടും ചർച്ചയാവുകയാണ്.

Read more

ഫഹദ് ഫാസിലിന്റെ അൻവർ റഷീദ് ചിത്രം ട്രാന്‍സിന്റെ ഫസ്റ്റ്‌ലുക്ക് പുറത്ത്

ഉസ്താദ് ഹോട്ടൽ' പുറത്തിറങ്ങി അഞ്ച് വർഷത്തിന് ശേഷം അൻവർ റഷീദ് ചിത്രം അണിയറയിൽ ഒരുങ്ങുന്നു. ഫഹദ് ഫാസിലെ നായകനാക്കി ഒരുക്കുന്ന ചിത്രത്തിന് ട്രാൻസ് എന്നാണ് പേര് നല്കിയിരിക്കുന്നത്.സിനിമയുടെ ഫസ്റ്റ്‌ലുക്ക് പോസ്റ്ററും പുറത്തിറങ്ങി.

ഫഹദ് നായകനാവുമ്പോൾ ഒപ്പം സൗബിൻ ഷാഹിർ, വിനായകൻ, ശ്രീനാഥ് ഭാസി, ചെമ്പൻ വിനോദ് ജോസ് എന്നിവർക്കൊപ്പം സംവിധായകൻ അൽഫോൻസ് പുത്രനും പ്രധാന കഥാപാത്രങ്ങളെ അവതരിപ്പിക്കും.അമൽ നീരദ് ഛായാഗ്രഹണം നിർവഹിക്കുന്ന ചിത്രത്തിന്റെ സൗണ്ട് ഡിസൈൻ ഓസ്‌കർ ജേതാവ് റസൂൽ പൂക്കുട്ടിയാണ്.

വിൻസെന്റ് വടക്കന്റേതാണ് രചന. ജാക്ക്സൺ വിജയൻ സംഗീതം. പ്രവീൺ പ്രഭാകർ എഡിറ്റിങ്. അജയൻ ചാലിശ്ശേരി കലാസംവിധാനം. അൻവർ റഷീദ് എന്റർടെയ്ന്മെന്റിന്റെ ബാനറിൽ സംവിധായകൻ തന്നെ നിർമ്മാണവും നിർവ്വഹിക്കുന്ന ചിത്രം വിതരണം ചെയ്യുന്നത് എ ആൻഡ് എ റിലീസാണ്. അൻവർ റഷീദും അമൽ നീരദും ചേർന്നുനടത്തുന്ന വിതരണക്കമ്പനിയാണ് എ ആൻഡ് എ.

'ഉസ്താദ് ഹോട്ടലി'ന് ശേഷം അൻവർ റഷീദ് ഫുൾലെങ്ത് സിനിമകളൊന്നും സംവിധാനം ചെയ്തില്ലെങ്കിലും ഒരു ഹ്രസ്വചിത്രം ഒരുക്കിയിരുന്നു. 2013ൽ പുറത്തിറങ്ങിയ സിനിമാസമുച്ചയമായ 'അഞ്ച് സുന്ദരികളി'ലെ 'ആമി' എന്ന ഹ്രസ്വചിത്രമാണ് അദ്ദേഹം സംവിധാനം ചെയ്തത്. പിന്നീട് 'അൻവർ റഷീദ് എന്റർടെയ്ന്മെന്റി'ന്റെ ബാനറിൽ രണ്ട് വമ്പൻ വിജയ ചിത്രങ്ങളുടെ നിർമ്മാതാവുമായി അദ്ദേഹം. അഞ്ജലി മേനോന്റെ 'ബാംഗ്ലൂർ ഡെയ്‌സും' അൽഫോൻസ് പുത്രന്റെ 'പ്രേമ'വും.

Read more

"തൊണ്ടിമുതലും ദൃക്സാക്ഷിയും" എന്ന ചിത്രത്തിലെ ആദ്യ വീഡിയോ സോങ് പുറത്തിറങ്ങി

കൊച്ചി: 'മഹേഷിന്റെ പ്രതികാര'ത്തിന് ശേഷം ദിലീഷ് പോത്തൻ സംവിധാനം ചെയ്യുന്ന 'തൊണ്ടിമുതലും ദൃക്സാക്ഷിയും' എന്ന ചിത്രത്തിലെ ആദ്യ വീഡിയോ സോങ് പുറത്തെത്തി.റഫീക് അഹമ്മദ് എഴുതി ബിജിബാൽ സംഗീതം പകർന്ന് 'കണ്ണിലെ പൊയ്കയില്' എന്നാരംഭിക്കുന്ന ഗാനമാണ് പുറത്തിറങ്ങിയത്.ഗണേശ് സുന്ദരവും സൗമ്യ ബാലകൃഷ്ണനുമാണ് ഈ മെലഡി ആലപിച്ചിരിക്കുന്നത്.മഹേഷിന്റെ പ്രതികാരത്തിലും ബിജിബാൽ തന്നെയായിരുന്നു സംഗീത സംവിധാനം നിർവഹിച്ചത്.

കാസർഗോഡ് ജില്ലയാണ് ദിലീപിന്റെ പുതിയ ചിത്രത്തിന്റെ പശ്ചാത്തലം.അതേസമയം കഥയ്ക്ക് കാസർഗോഡുമായോ ആനാടിന്റെ ചരിത്രവുമായോ ഒന്നും ബന്ധമില്ല.2016 ജൂലൈ 24നാണ് ദിലീഷ് പോത്തൻ തന്റെ പുതിയ ചിത്രത്തെക്കുറിച്ചുള്ള ആദ്യ സൂചന പുറത്തു വിട്ടത്.

സന്ദീപ് സേനൻ, അനീഷ് എം.തോമസ് എന്നിവർ ചേർന്ന് ഉർവ്വശി തീയേറ്റേഴ്സിന്റെ ബാനറിൽ നിർമ്മിക്കുന്ന ചിത്രത്തിന്റെ രചന സജീവ് പാഴൂരാണ്. രാജീവ് രവിയാണ് ഛായ. എഡിറ്റിങ് കിരൺ ദാസ്. ഈദിനാണ് ചിത്രം തീയേറ്ററുകളിലെത്തുക.

Read more

ആസിഫ് അലി ചിത്രം തൃശിവപേരൂർ ക്ലിപ്‌തത്തിന്റെ ആദ്യം ട്രെയിലർ പുറത്തിറങ്ങി

ആമേൻ എന്ന ചിത്രത്തിൽ ലിജോ ജോസ് പെല്ലിശേരിയുടെ സഹ സംവിധായകനായിരുന്ന രതീഷ് കുമാർ സംവിധായകനാകുന്ന ചിത്രം തൃശിവപേരൂർ ക്ലിപ്തത്തിന്റെ ട്രെയിലർ ശ്രദ്ധേയമാകുന്നു. ആമേൻ എന്ന ചിത്രത്തിന്റെ തിരക്കഥാകൃത്തും നിർമ്മാതാവും വീണ്ടും ഒരുമിക്കുന്ന ചിത്രത്തിന്റെ ട്രെയിലറും വ്യത്യസതതയോടെയാണ് ഒരുക്കിയിരിക്കുന്നത്.

ചുരുക്കം സമയത്തിനുള്ളിൽ മികച്ച പ്രതികരണമാണ് ട്രെയിലറിന് ലഭിക്കുന്നത്. ഒരു അനൗൺസ്‌മെന്റിന്റെ രീതിയിലാണ് ട്രെയിലർ ഒരുക്കിയിരിക്കുന്നത്. തൃശൂരിന്റെ ഭാഷ, സംസ്‌കാരം, ആചാരാനുഷ്ഠാനങ്ങൾ എന്നിവയ്‌ക്കെല്ലാം ഏറെ പ്രാധാന്യം നൽകിക്കൊണ്ടാണ് ഈ ചിത്രം അവതരിപ്പിക്കുന്നത്. പൂർണമായും നർമ മുഹൂർത്തങ്ങളിലൂടെ ഈ ചിത്രം അവതരിപ്പിക്കുന്നു.

തൃശൂർ നഗരത്തിൽ ഓട്ടോറിക്ഷ ഓടിക്കുന്ന തന്റേടിയായ ഒരു പെൺകുട്ടിയെ വ്യത്യസ്ത സ്വഭാവക്കാരായ നാലുപേർ പ്രണയിക്കുന്നതോടെയാണ് ഈ ചിത്രത്തിന്റെ കഥാവികസനം. തൃശൂർ നഗരത്തിലെ രണ്ടു വ്യത്യസ്ത ഗ്രൂപ്പുകൾ തമ്മിലുള്ള കിടമത്സരവും ഈ ചിത്രത്തിന്റെ മറ്റൊരു ഭാഗമാണ്.

വൈറ്റ് ബാൻഡ്‌സ് മീഡിയാ ഹൗസിന്റെ ബാനറിൽ ഫരീദ് ഖാനും ഷലീൽ അസീസും ചേർന്ന് ഈ ചിത്രം നിർമ്മിച്ചിരിക്കുന്നത്. ആസിഫ് അലി നായകനായി എത്തുന്ന ചിത്രത്തിൽ മഹേഷിന്റെ പ്രതികാരത്തിലൂടെ അരങ്ങേറ്റം നടത്തിയ അപർണ ബാലമുരളിയാണ് നായിക. ചെമ്പൻ വിനോദ് , ഇർഷാദ്, ബാബുരരാജ്, വിജയകുമാർ, സജിതാ എന്നിവരാണ് ചിത്രത്തിലെ മറ്റ് പ്രധാനതാരങ്ങൾ.

Read more

നരേന്ദ്ര മോദിയുടെ ജീവിതവും വെള്ളിത്തിരയിലേക്ക്

പ്രധാനമന്ത്രി നരേന്ദ്ര മോദിയുടെ ജീവിതവും വെള്ളിത്തിരയിലേക്ക് എത്തുമെന്ന് റിപ്പോർട്ട്. ബോളിവുഡിലെ ആക്ഷൻ നായകൻ അക്ഷയ് കുമാറാണ് ചിത്രത്തിൽ നരേന്ദ്ര മോദിയായി എത്തുന്നത് എന്നാണ് റിപ്പോർട്ടുകൾ. സിനിമയെ പറ്റി ബിജെപി നേതാക്കളും അനുകൂലമായി പ്രതികരിച്ചുവെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

അക്ഷയ് കുമാറിനൊപ്പം താരങ്ങളായ പരേഷ് അഗർവാൾ, അനുപേം ഖേർ, വിക്ടർ ബാനർജി, എന്നിവരും ചിത്രത്തിലുണ്ടാകും.എന്നാൽ ചിത്രത്തെ പറ്റി മറ്റു വിവരങ്ങൾ ലഭ്യമല്ല.

ചിത്രത്തെ സംബന്ധിച്ച് പാർട്ടി വൃത്തങ്ങളും പ്രതികരിച്ചിട്ടുണ്ട്. അക്ഷയ് കുമാർ ഇന്ത്യയുടെ മിസ്റ്റർ ക്ലീൻ ആണ്. അതിനാൽ തന്നെ പ്രധാനമന്ത്രിയുടെ വേഷം ചെയ്യാൻ ഏറ്റവും അനുയോജ്യൻ അദ്ദേഹം തന്നെയായിരിക്കുമെന്ന് നടനും ബിജെപി നേതാവുമായ ശത്രുഘ്നൻസിൻഹ ചിത്രവുമായി ബന്ധപ്പെട്ട് പ്രതികരിച്ചതായി റിപ്പോർട്ടിൽ പറയുന്നു.

റസ്തം എന്ന ചിത്രത്തിലെ അഭിനയത്തിന് ഈ വർഷത്തെ മികച്ച നടനുള്ള പുരസ്‌കാരം അക്ഷയ് കുമാറിനായിരുന്നു. കേന്ദ്രസർക്കാരിന്റെ പല പരിപാടികളിലും അക്ഷയ് കുമാർ പങ്കാളിയാകാറുണ്ട്. അദ്ദേഹത്തിന്റെ ഏറ്റവും പുതിയ ചിത്രമായ ടോയ്ലറ്റ് ഏക് പ്രേം കഥയുടെ പ്രമേയം ശൗചാലയമാണ്. ചിത്രത്തിന്റെ ട്രൈലറിനെ പ്രശംസിച്ച് നരേന്ദ്ര മോദിയടക്കമുള്ളവർ രംഗത്തെത്തിയിരുന്നു. സ്വച്ഛ് ഭാരത് പ്രചരണത്തിനുള്ള മികച്ച തുടക്കമാണിതെന്നും മോദി അഭിപ്രായപ്പെട്ടിരുന്നു. ചിത്രം ആഗസ്റ്റിൽ തിയ്യറ്ററുകളിലെത്തും.

Read more

കൊച്ചി മെട്രോ വെള്ളിത്തിരയിലേക്ക്

കൊച്ചി മെട്രോയുടെ ഉദ്ഘാടനത്തിന് മണിക്കൂറുകൾ മാത്രം ബാക്കിനിൽക്കെ കൊച്ചി മെട്രോ പശ്ചാത്തലമാക്കി സിനിമയും ഒരുങ്ങുകയാണ്. അറബിക്കടലിന്റെ റാണി-ദി മെട്രോ വുമൺ എന്നാണു സിനിയുടെ പേര്. റിമ കല്ലിങ്കൽ മുഖ്യവേഷത്തിൽ എത്തുന്ന സിനിമ മെട്രോമാന്റെ കടുത്ത ആരാധികയായ പി.കെ. ലളിതയെന്ന പെൺകുട്ടിയുടെ അസാധാരണമായ ജീവിതകഥയാണു പറയുന്നത്.

സിനിമയിൽ മെട്രോമാൻ ഇ ശ്രീധരനായി പ്രമുഖ സൂപ്പർതാരം വേഷമിടുമെന്നാണ് റിപ്പോർട്ട്. ചിത്രത്തിൽ ഇ മാധവൻ എന്ന പേരിലാകും ഈ കഥാപാത്രം അറിയപ്പെടുന്നത്. റാണി പത്മിനി എന്ന കപ്പൽ നീറ്റിലിറക്കുന്നതിനായി ഇ മാധവൻ ആദ്യമായി കൊച്ചിയിൽ വന്ന ദിവസമാണ് ലതിക ജനിക്കുന്നത്. അതുകൊണ്ടുതന്നെ ഇ മാധവനും താനുമായി എന്തോ ഒരു ബന്ധമുണ്ടെന്നാണ് ലതിക കരുതുന്നത്. തൃപ്പുണിത്തുറ സ്വദേശിനിയായ ലതിക ഇപ്പോൾ സെയിൽസ് ഗേൾ ആണ്. തൃപ്പുണിത്തുറയിൽ മെട്രോ സ്റ്റേഷന് വേണ്ടി സ്ഥലം വിട്ടുനൽകണമെന്ന ആവശ്യവുമായി അധികൃതർ ലതികയെ സമീപിക്കുന്നു. എന്നാൽ സഥലം വിട്ടുനിൽകാൻ ലതിക തയ്യാറാകുന്നില്ല. ഈ പ്രശ്നങ്ങളുമായി ബന്ധപ്പെട്ട് ഇ മാധവനെ കാണാൻ ലതിക നിരന്തരം ശ്രമിക്കുന്നുണ്ട്. ഒടുവിൽ ഇ മാധവൻ, ലതികയുടെ വീട്ടിലേക്ക് വരുന്നുണ്ട്. മെട്രോ സ്റ്റേഷനായി സ്ഥലം വിട്ടുനൽകാതിരിക്കാൻ ലതികയ്ക്ക് അവരുടേതായാ ഒരു കാരണമുണ്ട്. ഇതാണ് സിനിയുടെ സസ്പെൻസ്.

പത്മകുമാറും പ്രമുഖ തിരക്കഥാകൃത്ത് ടി എസ് സുരേഷ് കുമാറും ചേർന്നാണ് 'അറബിക്കടലിന്റെ റാണി- ദി മെട്രോ വുമൺ' എന്ന ചിത്രം സംവിധാനം ചെയ്യുന്നത്. എസ് സുരേഷ് ബാബു സംവിധായകനാകുന്ന ആദ്യ സിനിമയെന്ന പ്രത്യേകതയും ഇതിനുണ്ട്. പ്രമുഖ നാടകപ്രവർത്തകൻ എം യു പ്രവീണും എസ് സുരേഷ് ബാബുവും ചേർന്നാണ് തിരക്കഥ ഒരുക്കിയിരിക്കുന്നത്. മധു നീലകണ്ഠനാണ് ക്യാമറ ചലിപ്പിക്കുന്നത്.ക്രിസ്മസിന് പ്രദർശനത്തിനെത്തിക്കാൻ ഉദ്ദേശിക്കുന്ന 'അറബിക്കടലിന്റെ റാണി- ദി മെട്രോ വുമൺ' നിർമ്മിച്ചിരിക്കുന്നത് വി ജി ഫിലിംസ് ഇന്റർനാഷണലാണ്.

Read more

ദുൽഖർ സൽമാൻ വീണ്ടും തമിഴിലേക്ക്!

കേരളത്തിലെന്ന പോലെ തമിഴ്‌നാട്ടിലും ഏറെ ആരാധകരുള്ള യുവതാരമാണ് ദുൽഖർ സൽമാൻ. വായ്മൂടി പേസുവോം എന്ന ചിത്രത്തിലൂടെയായിരുന്നു ദുൽഖറിന്റെ തമിഴ് അരങ്ങേറ്റം. സംസാരം ആരോഗ്യത്തിന് ഹാനികരം എന്ന പേരിൽ ഈ ചിത്രം മലയാളത്തിലും റിലീസ് ചെയ്തിരുന്നു. പിന്നീട് മണിരത്നം ചിത്രമായ ഒ കാതൽ കൺമണിയിലൂടെ തമിഴ് പ്രേക്ഷകർക്കും ദുൽഖർ പ്രിയങ്കരനായി. ഇപ്പോഴിതാ ഒരിടക്കാലത്തിന്‌ശേഷം ദുൽഖർ ഒരു തമിഴ് ചിത്രത്തിൽ നായകനാകുന്നു.

 നവാഗതനായ കാർത്തിക് ആണ് ദുൽഖറിനെ നായകനാക്കി ചിത്രമൊരുക്കുന്നത്. പ്രണയത്തിന് പ്രധാന്യം നൽകുന്ന റോഡ് മൂവിയായിട്ടാണ് ചിത്രം ഒരുക്കുന്നത്. ഹൈവേ, ജബ് വി മെറ്റ് തുടങ്ങിയ റോഡ് മൂവികൾക്ക് സമാനമായ ചിത്രമായിരിക്കും ദുൽഖറിനായി രാ കാർത്തിക് ഒരുക്കുന്നത്. ചിത്രത്തിന്റെ രണ്ടാം പകുതി പൂർണമായും ഉത്തരേന്ത്യയിലായിരിക്കും ചിത്രീകരിക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.

കെനന്യ ഫിലിംസ് നിർമ്മിക്കുന്ന ചിത്രത്തിന് ക്യാമറ കൈകാര്യം ചെയ്തിരിക്കുന്നത് തെരി, കത്തി, രാജാ റാണി, സഖാവ് തുടങ്ങിയ ചിത്രങ്ങൾക്ക് ക്യാമറ കൈകാര്യം ചെയ്ത ജോർജ് സി വില്യംസാണ്. ദേശീയ പുരസ്‌കാര ജേതാവായ ശ്രീകർ പ്രസാദാണ് ചിത്രം എിഡിറ്റ് ചെയ്യുന്നത്. പ്രണയ ചിത്രത്തിന് സംഗീതമൊരുക്കുന്നത് ദീന ദയാലനാണ്.

പ്രണയ ചിത്രമാണെങ്കിലും എല്ലാ പ്രായത്തിലുമുള്ള പ്രേക്ഷകരേയും ആകർഷിക്കുന്ന ചിത്രമായിരിക്കുമെന്ന് സംവിധായകൻ പറയുന്നു. വ്യത്യസ്തമായ ലുക്കുകളിലാണ് ദുൽഖർ ചിത്രത്തിൽ പ്രത്യക്ഷപ്പെടുന്നത്. ഡിസംബറിൽ ചിത്രീകരണം ആരംഭിക്കാനുദ്ദേശിക്കുന്ന ചിത്രത്തിൽ നായികയെ തീരുമാനിച്ചിട്ടില്ല.

പ്രേക്ഷകർ ആകാംഷയോടെ കാത്തിരിക്കുന്ന ദുൽഖർ ചിത്രമായ സോളോ മലയാളത്തിനൊപ്പം തന്നെ തമിഴിലും റിലീസിനെത്തന്നുണ്ട്. ദുൽഖർ നായകനായി എത്തിയ നീലാകാശം പച്ചക്കടൽ ചുവന്ന ഭൂമി എന്ന സിനിമ മലയാളത്തിലെ ലക്ഷണമൊത്ത ഒരു റോഡ് മൂവിയാണ്.

പ്രണയം തന്നെയായിരുന്നു ചിത്രത്തിന്റെയും പ്രമേയം. ഇതിന് ശേഷം ദുൽഖൽ അഭിനയിക്കുന്ന റോഡ് മൂവിയായിരിക്കും രാ കാർത്തികിന്റെ തമിഴ് ചിത്രം.

Read more

തിരക്കഥാകൃത്ത് ശ്യാം പുഷ്‌കരൻ സംവിധായകനാകുന്നു

കൊച്ചി: തിരക്കഥാകൃത്ത് ശ്യാം പുഷ്‌കരൻ സംവിധായകനാകുന്നു. അടുത്ത വർഷം താൻ സംവിധാനം ചെയ്യുന്ന ചിത്രം തുടങ്ങുമെന്ന് ഒരു അഭിമുഖത്തിൽ ശ്യാം പുഷ്‌കരൻ വെളിപ്പെടുത്തി. ഒരു സൂപ്പർ സ്റ്റാറാണ് ചിത്രത്തിൽ നായകനാകുന്നത്. എന്നാൽ നായകൻ അടക്കം ചിത്രത്തിലെ താരങ്ങളെക്കുറിച്ച് ശ്യാം വെളിപ്പെടുത്തിയിട്ടില്ല.

ദേശീയ-സംസ്ഥാന പുരസ്‌കാരം നേടിയ മഹേഷിന്റെ പ്രതികാരം എന്ന ചിത്രത്തിന്റെ തിരക്കഥാകൃത്താണ് ശ്യാം പുഷ്‌കരൻ. മഹേഷിന്റെ പ്രതികാരത്തിന് ദേശീയ-സംസ്ഥാന പുരസ്‌കാരങ്ങൾ ലഭിച്ചിരിന്നു. സാൾട്ട് ആൻഡ് പെപ്പർ, 22 ഫീമെയിൽ കോട്ടയം, 5 സുന്ദരികൾ, ഇടുക്കി ഗോൾഡ്, ഇയ്യോബിന്റെ പുസ്തകം, റാണി പത്മിനി തുടങ്ങിയ ചിത്രങ്ങളുടെ സഹ എഴുത്തുകാരനാണ് ശ്യാം.

ടോവിനോ തോമസ് നായകനാകുന്ന മായാനന്ദി എന്ന ചിത്രത്തിന് ദിലീഷ് നായർക്കൊപ്പം ചേർന്ന് തിരക്കഥ രചിച്ചുകൊണ്ടിരിക്കുകയാണ് ശ്യാം പുഷ്‌കരൻ

Read more

മുൻ പ്രധാനമന്ത്രി മന്മോഹൻ സിംഗിന്റെ ജീവിതം വെള്ളിത്തിരയിലേക്ക്; അനുപം ഖേർ മന്മോഹൻ സിംഗാവും

മുൻ ഇന്ത്യൻ പ്രധാനമന്ത്രി മന്മോഹൻ സിംഗായി അനുപം ഖേർ എത്തുന്നു. ഒന്നാം യുപിഎ ഭരണകാലത്ത് സിംഗിന്റെ മാധ്യമ ഉപദേഷ്ടാവായിരുന്ന സഞ്ജയ് ബാരു എഴുതിയ ദി അക്സിഡന്റൽ പ്രൈം മിനിസ്റ്റർ: ദി മേക്കിങ് ആൻഡ് അൺ മേക്കിങ് ഓഫ മന്മോഹൻ സിങ് എന്ന പുസ്തകത്തെ അധികരിച്ച് നിർമ്മിക്കുന്ന സിനിമയിലാണ് അനുപം ഖേർ മന്മോഹൻ സിംഗായി വേഷമിടുന്നത്.

മുൻ പ്രധാനമന്ത്രിയും സാന്പത്തിക വിദ്ഗദ്ധനുമായ ഡോ.മന്മോഹൻ സിംഗിന്റെ ജീവിതം പറയുന്ന സിനിമയുടെ ഫസ്റ്റ് ലുക്ക് പോസ്റ്റർ പുറത്ത് വന്നിട്ടുണ്ട്. മന്മോഹൻ സിംഗിന്റെ ജീവിതം അവതരിപ്പിക്കാൻ കഴിയുന്നതിൽ താൻ ആവേശഭരിതനാണെന്ന് അനുപം ഖേർ ഇൻസ്റ്റഗ്രാമിൽ കുറിച്ചു.

സിംഗിനെ പോലെ തലപ്പാവും താടിയും കണ്ണാടിയുമൊക്കെ ആയാവും അനുപം ഖേർ പ്രത്യക്ഷപ്പെടുക. ജീവിച്ചിരിക്കുന്ന ഒരാളായി അഭിനയിക്കുക എന്നത് വെല്ലുവിളിയാണെങ്കിലും മന്മോഹനായി വേഷമിടാൻ താൻ തയ്യാറായി കഴിഞ്ഞെന്ന് ഖേർ കൂട്ടിച്ചേർത്തു.2018 ഡിസംബറിൽ ചിത്രം തീയേറ്ററുകളിൽ എത്തുമെന്നാണ് കരുതുന്നത്.

Read more

ദൃശ്യത്തിന്റെ രണ്ടാം ഭാഗം വരുന്നു

മോഹൻലാലിന്റെ വമ്പൻ ഹിറ്റുകളിലൊന്നാണ് ജീത്തു ജോസഫ് സംവിധാനം ചെയ്ത ദൃശ്യത്തിന് രണ്ടാം ഭാഗം ഒരുങ്ങുന്നു. ജീത്തു തന്നെ സംവിധാനം ചെയ്യുന്ന ചിത്രത്തിന് സെലക്സ് എബ്രഹാം തന്നെയാണ് തിരക്കഥയും ഒരുക്കുന്നത്.

ജീവിതത്തിൽ വന്നുചേരുന്ന പ്രതിസന്ധികളെ തരണം ചെയ്യുന്ന കുടുംബ ബന്ധത്തിന്റെ കഥയാണ് രണ്ടാം ഭാഗത്തിലും ഉൾക്കൊള്ളിച്ചിരിക്കുന്നതെന്നാണ് സൂചന. ചിത്രത്തിന്റെ കൂടുതൽ വിശേഷങ്ങളൊന്നും പുറത്ത് വിട്ടിട്ടില്ല

ദൃശ്യത്തിൽ ഉണ്ടായിരുന്ന ഐജിയെയും, സഹദേവനെയും, മോനിച്ചനെയും ഉൾപ്പെടുത്തിയാണ് പുതിയ ചിത്രത്തിൽ തിരക്കഥ ഒരുക്കിയിരിക്കുന്നത്. നിരവധി വർഷങ്ങളായി സിനിമ രംഗത്ത് പ്രവർത്തിക്കുന്ന സൈലക്സ് ഈ അടുത്ത കാലത്ത്, നമുക്ക് പാർക്കാൻ, മൈ ബോസ്, മെമ്മറീസ്, പാപനാശം, ഊഴം, എസ്രാ, ലക്ഷ്യം എന്നീ ചിത്രങ്ങളുടെ സഹസംവിധായകനായി പ്രവർത്തിച്ചട്ടുണ്ട്.

Read more

ലാൽ ജോസ് ചിത്രം വെളിപാടിന്റെ പുസ്‌തകത്തിൽ പ്രൊഫ. മൈക്കിൾ ഇടിക്കുളയായി മോഹൻലാൽ

ലാൽ ജോസ് സംവിധാനം വെളിപാടിന്റെ പുസ്തകത്തിൽ മോഹൻലാൽ അഭിനയിച്ചു തുടങ്ങി. തന്റെ ഫേസ്‌ബുക്കിലൂടെ മോഹൻലാൽ തന്നെയാണ് വെളിപാടിന്റെ പുസ്തകത്തിൽ അഭിനയിച്ചു തുടങ്ങിയെന്നറിയിച്ചിരിക്കുന്നത്. തന്റെ ഒരു ചിത്രവും മോഹൻലാൽ പങ്കുവച്ചിട്ടുണ്ട്. മുടി അൽപം നീട്ടി വളർത്തി താടി വെച്ചുള്ള ചിത്രമാണ് മോഹൻലാൽ ഫേസ്‌ബുക്കിൽ പോസ്റ്റ് ചെയ്തിരിക്കുന്നത്.

കോളജ് അദ്ധ്യാപകന്റെ വേഷത്തിലാണ് മോഹൻലാൽ ചിത്രത്തിലെത്തുന്നത്. പ്രൊഫ.മൈക്കിൾ ഇടിക്കുള എന്നാണ് കഥാപാത്രത്തിന്റെ പേര്. തിരുവനന്തപുരത്തെ തുമ്പ സെന്റ് സേവ്യേഴ്‌സ് കോളജാണ് വെളിപാടിന്റെ പുസ്തകത്തിന്റെ ലൊക്കേഷൻ.

അനൂപ് മേനോൻ, സിദ്ദിഖ്, സലിംകുമാർ, കലാഭവൻ ഷാജോൺ എന്നിവരാണ് മറ്റ് താരങ്ങൾ. നീന എന്ന സിനിമയ്ക്ക് ശേഷം ലാൽജോസ് സംവിധാനം ചെയ്യുന്ന ചിത്രമാണിത്. അങ്കമാലി ഡയറീസ് എന്ന സിനിമയിൽ ലിച്ചി എന്ന കഥാപാത്രത്തെ അവതരിപ്പിച്ച അന്നാ രാജനാണ് നായിക. അലൻസിയർ, പ്രിയങ്ക തുടങ്ങിയവരാണ് മറ്റു പ്രധാന താരങ്ങൾ.

ലാൽ ജോസിന്റെ തന്നെ ചാന്തുപൊട്ട്,? സ്പാനിഷ് മസാല തുടങ്ങിയ സിനിമകൾക്ക് തിരക്കഥ ഒരുക്കിയ ബെന്നി പി.നായരന്പലം ആണ് ഈ സിനിമയ്ക്കും തിരക്കഥ ഒരുക്കുന്നത്. മോഹൻലാൽ നായകനായ ഛോട്ടാ മുംബയ് എന്ന സിനിമയ്ക്കും ബെന്നി ആയിരുന്നു കഥയൊരുക്കിയത്. 40 ദിവസത്തെ ഷൂട്ടാണ് സെന്റ് സേവ്യേഴ്‌സ് കോളേജിൽ നടക്കുക.

Read more

നിർമ്മാതാവ് വിജയ് ബാബു നായകനാകുന്നു

മലയാള സിനിമയിലെ പ്രമുഖ നിർമ്മാതാവും നടനുമായ വിജയ് ബാബു ഹ്രസ്വചിത്രത്തിൽ നായകനായി എത്തുന്നു.അങ്കമാലി ഡയറീസിന്റെ വിജയത്തിന് ശേഷം പുതുമുഖ സംവിധായകനായ ദീപക് എസ് ജെയ്യുമായി ചേർന്നാണ് വിജയ് ബാബു പുതിയ ചുവട്വയ്‌പ്പ് നടത്തുന്നത്. 45 സെക്കൻഡ്‌സ് എന്നാണ് ഹ്രസ്വചിത്രത്തിന് പേരിട്ടിരിക്കുന്നത്. തിരുവനന്തപുരത്ത് ഈ മാസം അവസാനത്തോടെ ഹ്രസ്വചിത്രത്തിന്റ ചിത്രീകരണം നടക്കും

മലയാളത്തിൽ നിരവധി സിനിമകൾ നിർമ്മിക്കുകയും പുതുമുഖപ്രതിഭകളെ പ്രോത്സാഹിപ്പിക്കുകയും ചെയ്യുന്ന വിജയ് ബാബുവിനെ ആകർഷിച്ചത് 45 സെക്കൻഡ്‌സിന്റെ തിരക്കഥയാണ്. തിരക്കഥ വളരെ ആകർഷകമായതാണ് വിജയ് ബാബു ഹ്രസ്വചിത്രത്തിൽ അഭിനയിക്കാൻ തീരുമാനിച്ചതിന് പിന്നിൽ എന്നാണ് വിവരം.

സസ്‌പെൻസ് ത്രില്ലർ ഗണത്തിൽ പെടുത്താവുന്ന ഒരു ഹ്രസ്വചിത്രമായിരിക്കും 45 സെക്കൻഡ്‌സ് എന്നാണ് അണിയറപ്രവർത്തകരുടെ വാദം.അരുൺ രാജ്, ദീപക് എസ് ജെയ് എന്നിവർ ചേർന്നാണ് തിരക്കഥയും സംഭാഷണവും ഒരുക്കിയിരിക്കുന്നത്. സംവിധായകനായ ദീപക് എസ് ജെയ് തിരുവനന്തപുരം സ്വദേശിയും ടെക്‌നോപാർക്കിലെ സ്വകാര്യ കമ്പനിയിലെ സീനിയർ ഗ്രാഫിക് ഡിസൈനറുമാണ്

നിരവധി ഹ്രസ്വചിത്രങ്ങളിലും മ്യൂസിക് ആൽബങ്ങളിലും സഹസംവിധായകനായി പ്രവർത്തിച്ചിട്ടുണ്ട് സംവിധായകനായ ദീപക് എസ് ജെയ്. കേന്ദ്ര കഥാപാത്രത്തെ അവതരിപ്പിക്കുന്ന വിജയ് ബാബുവിനെ കൂടാതെ ഉമാനായർ, സജീഷ് നമ്പ്യാർ, സുബിത്ത് ബാബു, അഭിമന്യു, അശ്വതി പിള്ള, ഡിക്‌സൺ, ബേബി കെസിയ, വരുൺ ചന്ദ്രൻ എന്നിവരും ഹ്രസ്വചിത്രത്തിൽ വിവിധ കഥാപാത്രങ്ങൾക്ക് ജീവൻ നൽകും.

നിർമ്മാണം: ഗ്രാവിറ്റി ക്രീഷൻസ്,സൈലന്റ് മേക്കേഴ്‌സ്, ക്യാമറ: ടോബിൻ തോമസ്. എഡിറ്റിങ്: അപ്പു ഭട്ടതിരി, പ്രൊഡക്ഷൻ കൺട്രോളർ: ഉണ്ണി ശ്രീകുമാർ, പ്രൊഡക്ഷൻ ഡിസൈൻ: ശിവപ്രസാദ് പിആർഒ : സുനിൽ അരുമാനൂർ.

Read more

നടി ജ്യോതി കൃഷ്ണ വിവാഹിതയാകുന്നു

കൊച്ചി: ലൈസ് ഓഫ് ജോസുകുട്ടിയടക്കമുള്ള ചിത്രങ്ങളിൽ നായികയായി അഭിനയിച്ച ജ്യോതി കൃഷ്ണ വിവാഹിതയാകുന്നു. ക്ലാസ്മേറ്റ്സിൽ തട്ടമിട്ട റസിയയായി പ്രേക്ഷകരുടെ മനം കവർന്ന രാധികയുടെ സഹോദരൻ അരുൺ ആനന്ദ് രാജയാണ് ജ്യോതിയുടെ വരൻ. വിവാഹ നിശ്ചയം വെള്ളിയാഴ്ച തൃശൂരിൽ നടക്കും. നവംബർ 19നാണ് വിവാഹം. ദുബായിലാണ് അരുൺ ജോലി നോക്കുന്നത്.

മലയാള സിനിമയിലെ താരങ്ങൾക്ക് ഇത് വിവാഹത്തിന്റെ വർഷമാണ്. ധ്യാൻ ശ്രീനിവാസൻ, ഗൗതമി നായർ, അങ്കമാലി ഡയറീസ് ഫെയിം ശരത് കുമാർ എന്നിവരാണ് ഈ വർഷം പുതിയ ജീവിതത്തിലേക്ക് പ്രവേശിച്ചത്. കൂടാതെ നടി ഭാവനയുടെ വിവാഹ നിശ്ചയം കഴിഞ്ഞു. ഇവരെ കൂടാതെ നടി ജ്യോതി കൃഷ്ണയും വിവാഹിതയാകുകയാണ്.

ലൈഫ് ഓഫ് ജോസുകുട്ടി, ഞാൻ പാതിരാമണൽ, ഗോഡ് ഫോർ സെയിൽ എന്നിവയാണ് ജ്യോതി കൃഷ്ണയുടെ പ്രധാന സിനിമകൾ. മാധവിക്കുട്ടിയുടെ കഥ പറയുന്ന ആമിയിൽ മഞ്ജുവാര്യർക്കൊപ്പം ജ്യോതിയും വേഷമിടുന്നു. മാധവിക്കുട്ടിയുടെ സുഹൃത്തായ മാലതിക്കുട്ടിയുടെ കഥാപാത്രമാണ് ജ്യോതി കൃഷ്ണയ്ക്ക്.

Read more

ജെ സി ഡാനിയേല്‍ പുരസ്‌കാരം അടൂര്‍ ഗോപാലകൃഷ്ണന്

തിരുവനന്തപുരം: 2016 ലെ ജെ.സി.ഡാനിയേൽ പുരസ്‌കാരത്തിന് പ്രശസ്ത സംവിധായകൻ അടൂർ ഗോപാലകൃഷ്ണൻ അർഹനായി. മലയാള സിനിമയ്ക്കു നൽകിയ സമഗ്ര സംഭാവന പരിഗണിച്ചാണ് പുരസ്‌കാരം.

ഒരു ലക്ഷം രൂപയും പ്രശസ്തിപത്രവും ഫലകവും അടങ്ങുന്ന പുരസ്‌കാരം തലശ്ശേരിയിൽവച്ച് അടൂർ ഗോപാലകൃഷ്ണന് സമ്മാനിക്കും. പുരസ്‌കാരത്തിനായി ഏകകണ്ഠമായാണ് അടൂരിനെ തിരഞ്ഞെടുത്തതെന്ന് സാംസ്‌കാരിക മന്ത്രി എ.കെ.ബാലൻ വാർത്താകുറിപ്പിൽ അറിയിച്ചു.

സംവിധായകൻ കെ.ജി. ജോർജ് അധ്യക്ഷനായ സമിതിയാണ് അവാർഡ് ജേതാവിനെ തിരഞ്ഞെടുത്തത്. സംവിധായകരായ കമൽ, ടി.കെ.രാജീവ്കുമാർ, ഫാസിൽ, സാംസ്‌കാരിക സെക്രട്ടറി റാണി ജോർജ് എന്നിവരായിരുന്നു സമിതിയിലെ മറ്റ് അംഗങ്ങൾ.

മലയാള സിനിമയുടെ പിതാവായി അറിയപ്പെടുന്ന ജെസി ഡാനിയലിന്റെ പേരിലുള്ള പുരസ്‌കാരം സിനിമാലോകത്തെ മുതിർന്ന പ്രതിഭകൾക്കാണ് സമ്മാനിച്ചുവരുന്നത്.

Read more

ടിയാന്റെ ട്രെയിലർ പുറത്ത്

പൃഥ്വിരാജും ഇന്ദ്രജിത്തും മുരളി ഗോപിയും കേന്ദ്രകഥാപാത്രങ്ങളാകുന്ന ടിയാൻ എന്ന ചിത്രത്തിന്റെ ട്രെയിലർ പുറത്തുവന്നു. അതിഗംഭീര ദൃശ്യവിരുന്നൊരുക്കിയ ചിത്രം ഏറെ പ്രതീക്ഷകൾ ഉയർത്തുന്നതാണ്. ഉത്തരേന്ത്യൻ പശ്ചാത്തലത്തിലാണ് ചിത്രം ഒരുക്കുന്നത്. അതുകൊണ്ട് ബോളിവുഡിലും റിലീസ് ചെയ്യാവുന്ന പരുവത്തിലാണ് ചിത്രം ഒരുക്കിയതെന്നാണ് സൂചന.

സിനിമയിൽ കുംഭമേളയും ആൾദൈവ ഭക്തിയും കലാപവും പലായനവുമെല്ലാം പ്രമേയമാണ്. ജി എൻ കൃഷ്ണകുമാറാണ് സംവിധാനം. റെഡ് റോസ് ക്രിയേഷൻസിന്റെ ബാനറിൽ ഹനീഫ് മുഹമ്മദ് ആണ് നിർമ്മാണം.

ഷൈൻ ടോം ചാക്കോ, പത്മപ്രിയ, സിദ്ദീഖ്, അനന്യ, സുരാജ് വെഞ്ഞാറമ്മൂട് എന്നിവരും ചിത്രത്തിലൂണ്ട്. രാമോജി റാവു ഫിലിം സിറ്റിയിലാണ് സിനിമ പ്രധാനമായും ചിത്രീകരിച്ചത്. സതീഷ് കുറുപ്പാണ് ക്യാമറ. നാസിക്കിൽ കുംഭമേളയും സിനിമയ്ക്ക് വേണ്ടി ഷൂട്ട് ചെയ്തിരുന്നു.

Read more

ഒരു സിനിമാക്കാരന്റെ ടീസര്‍ പുറത്തിറങ്ങി

വിനീത് ശ്രീനിവാസൻ നായകനായി എത്തുന്ന പുതിയ ചിത്രം ഒരു സിനിമാക്കാരന്റെ ടീസർ പുറത്തെത്തി. എബിക്ക് ശേഷം വിനീത് ശ്രീനിവാസൻ നായകനാവുന്ന ചിത്രമാണ് ഒരു സിനിമാക്കാരൻ. 31 സെക്കന്റ് ഉള്ള ആദ്യ ടീസർ മലയാളത്തിലെ എക്കാലത്തെയും മികച്ച സംഭാഷണങ്ങൾ ഉൾക്കൊള്ളിച്ചാണ് ഒരുക്കിയിരിക്കുന്നത്. വിനീത് തന്റെ ഫേസ്‌ബുക്ക് പേജിലൂടെയാണ് ടീസർ പുറത്ത് വിട്ടത്.

വൈദികനാകണമെന്ന അപ്പന്റെ കണക്കു കൂട്ടലുകൾ തെറ്റിച്ചുകൊണ്ട് സിനിമാമോഹവുമായി നഗരത്തിലേക്കു കടക്കുന്ന ആൽബി എന്ന ചെറുപ്പക്കാരന്റെ കഥയാണ് ചിത്രം പറയുന്നത്.അനുരാഗ കരിക്കിൻ വെള്ളത്തിലൂടെ മലയാളത്തിൽ നായികയായി അരങ്ങേറ്റം നടത്തിയ രജീഷാ വിജയനാണ് ചിത്രത്തിൽ വിനീതിന്റെ നായിക.

നവാഗതനായ ലിജോ തദേവൂസ് തിരക്കഥ എഴുതി സംവിധാനം ചെയ്യുന്ന ചിത്രമാണിത്. ലാൽ, രഞ്ജി പണിക്കർ, വിജയ് ബാബു, ഹരീഷ് കണാരൻ, അനുശ്രീ തുടങ്ങിയവരാണ് ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കുന്നത്.

ഒപ്പസ് പെന്റായുടെ ബാനറിൽ തോമസ് പണിക്കർ നിർമ്മിക്കുന്ന ചിത്രത്തിന്റെ ഛായാഗ്രഹണം സുധീർ സുരേന്ദ്രനാണ്. എബിയുടെ ക്യാമറാമാനും സുധീർ തന്നെയായിരുന്നു. റഫീഖ് അഹമ്മദ്, സന്തോഷ് വർമ എന്നിവരുടെ വരികൾക്ക് ബിജിബാൽ ഈണമിടുന്നു.

Read more

പുണ്യാളൻ അഗർബത്തീസിന്റെ രണ്ടാം ഭാഗം വരുന്നു

ജയസൂര്യ നായകനായ സൂപ്പർഹിറ്റ് ചിത്രം പുണ്യാളൻ അഗർബത്തീസിന്റെ രണ്ടാം ഭാഗം വരുന്നു. ജയസൂര്യ തന്നെയാണ് ഫേസ്‌ബുക്കിലൂടെ ഇക്കാര്യം അറിയിച്ചത്.തിരക്കഥ പൂർത്തിയായ സിനിമയുടെ ഷൂട്ടിങ് ഉടൻ തുടങ്ങുമെന്നും ജയസൂര്യ പറഞ്ഞു.

പല തവണ പുണ്യാളന്റെ സെക്കൻഡ് പാർട്ടിനെക്കുറിച്ച് രഞ്ജിത്തും താനും കൂടി ആലോചിച്ചതാണെന്നും പക്ഷേ പുണ്യാളൻ അഗർബത്തീസിന്റെ മുകളിൽ നിൽക്കുന്ന ഒരു കഥ വർക്ക് ഔട്ട് ആയി വന്നത് ഇപ്പോഴാണെന്നും അങ്ങനെ ഞങ്ങൾ വീണ്ടും ഒന്നിക്കുകയാണെന്നും ജയസൂര്യ ഫേസ്‌ബുക്കിൽ കുറിച്ചു.

തന്റെ ഏറ്റവും പ്രിയപ്പെട്ട കഥാപാത്രമായ ജോയ് താക്കോൽക്കാരൻ വീണ്ടും നിങ്ങളുടെ മുന്നിലേക്ക് എത്തുകയാണെന്നും ഇത്തവണയും പുണ്യാളൻ കൈവിടില്ല എന്ന വിശ്വാസത്തോടെ ഉടൻ ഞങ്ങൾ എത്തുമെന്നും പറഞ്ഞാണ് ജയസൂര്യ തന്റെ ഫേസ്‌ബുക്ക് പോസ്റ്റ് അവസാനിപ്പിക്കുന്നത്.

2013ലാണ് പുണ്യാളൻഅഗർബത്തീസ് ഇറങ്ങിയത്. നൈല ഉഷയായിരുന്നു നായികയായത്. ചിത്രം ബോക്‌സോഫീസിൽ മികച്ച പ്രതികരണമാണ് ഉണ്ടാക്കിയത്. തുടർന്ന് സു സു സുധി വാത്മീകം, പ്രേതം എന്നീ ചിത്രങ്ങളിൽ ജയസൂര്യയും രഞ്ജിത്ത് ശങ്കറും ഒരുമിച്ചിരുന്നു.

പുണ്യാളൻ അഗർബത്തീസ് പുറത്തിറങ്ങിയ ശേഷം കഴിഞ്ഞ നാല് വർഷമായി ഈ ഒരു പ്രോജ്ക്ടിനെക്കുറിച്ച് നിരന്തരം ആലോചിക്കുന്നുണ്ടായിരുന്നെന്ന് രഞ്ജിത് ശങ്കർ പറഞ്ഞു. ആളുകളുടെ എല്ലാ പ്രതീക്ഷകളും നിലനിർത്തുന്ന തിരക്കഥയാണ് പുതിയ പ്രോജട്കിന്റേതെന്നും അദ്ദേഹം വ്യക്തമാക്കി. തൃശൂർ തന്നെയായിരിക്കും പ്രധാനലൊക്കേഷൻ.

Read more

വിനീത് ശ്രീനിവാസൻ നായകാനാകുന്ന ഒരു സിനിമാക്കാരന്റെ ഫസ്റ്റ് ലുക്ക് പോസ്റ്റർ എത്തി

വിനീത് ശ്രീനിവാസൻ, രജീഷ വിജയൻ എന്നിവരെ കേന്ദ്ര കഥാപാത്രങ്ങളാക്കി ലിയോ തദേവൂസ് തിരക്കഥയെഴുതി സംവിധാനംചെയ്യുന്ന ഒരു സിനിമാക്കാരന്റെ ഫസ്റ്റ് ലുക്ക് പോസ്റ്റർ എത്തി.ഒപ്പസ് പെന്റായുടെ ബാനറിൽ തോമസ് പണിക്കരാണ് ചിത്രം നിർമ്മിക്കുന്നത്.

കത്തോലിക്ക സഭയിലെ പ്രുഖ പ്രമാണിയായ മാത്യു വെള്ളായണിയുടെ മകനായആൽബിയയാണ് വിനിതെത്തുന്നത്. മകനെക്കുറിച്ച് ധാരാളം പ്രതീക്ഷകളും സ്വപ്നങ്ങളും കാത്തുസൂക്ഷിച്ച മാത്യു വെള്ളാണിയുടെ കണക്കുകൂട്ടലുകൾ തെറ്റിച്ചുകൊണ്ട് ആൽബി, സിനിമാ മോഹവുമായി നഗരത്തിലേക്കു കടക്കുന്നതും സേ എന്ന പെൺകുട്ടിയുമായി പ്രണത്തിലാവുന്നതുമാണ് കഥ.

ലാൽ, വിജയ്ബാബു, രഞ്ജി പണിക്കർ, സുരാജ് വെഞ്ഞാറമൂട്, ഗ്രിഗറി, ഹരീഷ് കണാരൻ, കലിംഗ ശശി, ചാലി പാല, ജാഫർ ഇടുക്കി, അബുസലീം, കോട്ടയം പ്രദീപ്, നോബി, സുഭീഷ്, സോഹൻ ലാൽ, ശ്രീകാന്ത് മുരളി, ശംഭു, മുരുകൻ, ടോമി, അനുശ്രീ, ജെന്നിഫർ, രശ്മിബോബൻ തുടങ്ങിയവരാണ് മറ്റ് പ്രമുഖ താരങ്ങൾ.

Read more

ഗ്രേറ്റ് ഫാദറിനുശേഷം കോഴി തങ്കച്ചനായി മമ്മൂട്ടി എത്തുന്നു

കൊച്ചി: ഗ്രേറ്റ് ഫാദറിന് ശേഷം മമ്മൂട്ടി വളരെ ശ്രദ്ധയോടെയാണ് തന്റെ കഥാപാത്രങ്ങളെ തിരഞ്ഞെടുക്കുന്നത്. കൈനിറയെ ചിത്രങ്ങൾ കൈയിലുള്ള മമ്മൂട്ടിയുടെ പുതിയ ചിത്രം പുതുമയുള്ള കഥാപാത്രമാവുമായാണ് എത്തുന്നത്.

തിരക്കഥാകൃത്ത് സേതു ആദ്യമായി സംവിധാനം ചെയ്യുന്ന ചിത്രത്തിലാണ് മമ്മൂട്ടി വ്യത്യസ്ത കഥാപാത്രമായി എത്തുന്നത്. തനി നാട്ടിൻപുറത്തുകാരനായി മമ്മൂട്ടി എത്തുന്ന ചിത്രമാണിത്. ചിത്രത്തതിന്റെ പേര് സേതു പ്രഖ്യാപിച്ചു.

മമ്മൂട്ടി നാട്ടിൻപുറത്തുകാരനായി എത്തുന്ന ചിത്രത്തിന് കോഴി തങ്കച്ചൻ എന്നാണ് പേരിട്ടിരിക്കുന്നത്. ഒരു ചാനൽ പരിപാടിക്കിടെ സേതു തന്നെയാണ് ചിത്രത്തിൻ പേര് പ്രഖ്യാപിച്ചത്. തമാശയുടെ പശ്ചാത്തലത്തിൽ ഗൗരവമേറിയ വിഷയം സംസാരിക്കുന്ന ചിത്രമായിരിക്കും കോഴി തങ്കച്ചൻ.

കുട്ടനാടിന്റെ പശ്ചാത്തലത്തിൽ ചിത്രീകരിക്കുന്ന സിനിമയിൽ രണ്ട് നായികമാരാണ് ഉള്ളത്. നൈല ഉഷയും വേദികയുമാണ് പ്രധാന വേഷത്തിലെത്തുമെന്നാണ് റിപ്പോർട്ട്. എന്നാൽ ഇക്കാര്യത്തിൽ വ്യക്തത ലഭിച്ചിട്ടില്ല.

മമ്മൂട്ടിക്കൊപ്പം വീണ്ടുമെത്തുകയാണ് ഉണ്ണി മുകുന്ദൻ. എന്നാൽ ഇക്കുറി ക്യാമറയ്ക്ക് മുന്നിലല്ല പിന്നിലാണ് ഉണ്ണിയുടെ സ്ഥാനം. ഉണ്ണി ആദ്യമായി അസിസ്റ്റന്റ് ഡയറക്ടറാകുകയാണ് കോഴി തങ്കച്ചനിലൂടെ. മല്ലു സിംഗിൽ തുടങ്ങിയ ബന്ധമാണ് ഉണ്ണിയും സേതുവും തമ്മിൽ.

Read more

ശ്രീനിവാസൻ നായകനാകുന്ന അയാൾ ശശിയുടെ ട്രെയ്‌ലർ പുറത്തിറങ്ങി

ശ്രീനിവാസനെ കേന്ദ്ര കഥാപാത്രമാക്കി സജിൻ ബാബു സംവിധാനം ചെയ്ത ചിത്രം അയാൾ ശശിയുടെ ഒഫീഷ്യൽ ട്രയിലർ പുറത്തിറങ്ങി. ശ്രീനിവാസന്റെ കരിയറിലെ തന്നെ വ്യത്യസ്ത കഥാപാത്രമാണ് അയാൾ ശശിയിലേതതെന്ന് വരച്ച് കാട്ടുന്നതാണ് ട്രൈലർ.

ശശി എന്ന കേന്ദ്രകഥാപാത്രത്തെയാണ് ചിത്രത്തിൽ ശ്രീനിവാസൻ അവതരിപ്പിക്കുന്നത്. നിരവധി പുരസ്‌കാരങ്ങൾ നേടിയ അസ്തമയം വരെ(Unto the Dusk) എന്ന ചിത്രത്തിനു ശേഷം സജിൻ ബാബു തിരക്കഥയും സംവിധാനവും നിർവ്വഹിക്കുന്ന ചിത്രമാണ് അയാൾ ശശി. ചിത്രം ഈ ഈ മാസം 19നാണ് തിയേറ്ററുകളിലേക്കെത്തുന്നത്. ട്രൈലർ ഇതിനോടകം തന്നെ അമ്പതിനായിരത്തോളം പേർ കണ്ട് കഴിഞ്ഞിരിക്കുകയാണ്. ശ്രീനിവാസന് പുറമേ കൊച്ചു പ്രേമൻ, മറിമായം ശ്രീകുമാർ, ദിവ്യാ ഗോപിനാഥ്, ജയകൃഷ്ണൻ എന്നിവരാണ് പ്രധാന കഥാപാത്രങ്ങളെഅവതരിപ്പിച്ചിരിക്കുന്നത്.

നേരത്തെ പുറത്തിറങ്ങിയ 'നാട്ടുമുക്കിലെ പാട്ടു പന്തലിൽ' എന്ന ചിത്രത്തിലെ ഗാനം ഇതിനോടകം തന്നെ പ്രേക്ഷക ശ്രദ്ധ നേടിയിട്ടുണ്ട്. ശ്രീനിവാസൻ അഭിനയിക്കുന്ന ഗാനം ആലപിച്ചിരിക്കുന്നത് മകൻ വിനീത് ശ്രീനിവാസനാണ്.

Read more

അഡ്വെഞ്ചേഴ്‌സ് ഓഫ് ഓമനക്കുട്ടന്‍ ട്രെയിലര്‍ ഹിറ്റാകുന്നു

ആസിഫലി-ഭാവന ടീമിന്റെ ആഡ്വെഞ്ചേഴ്‌സ് ഓഫ് ഓമനകുട്ടന്റെ ഒരു മിനിറ്റ് 52 സെക്കൻഡ് ദൈർഘ്യമുള്ള ട്രൈലറാണ് ആദ്യ ദിവസം തന്നെ സൂപ്പർഹിറ്റായിരിക്കുന്നത്. ടീസറിനും പുറത്തിറങ്ങിയ ആദ്യ ഗാനത്തിനും മികച്ച പ്രതികരണമാണ് നേരത്തെ ലഭിച്ചത്.

അഡ്വെഞ്ചേഴ്സ് ഓഫ് ഓമനക്കുട്ടൻ ഉടൻ റിലീസാകുമെന്ന് പ്രഖ്യാപിച്ചുകൊണ്ടുള്ള ട്രൈലറാണ് കഴിഞ്ഞ ദിവസം അണിയറ പ്രവർത്തകർ പുറത്തു വിട്ടത്.

മിനിട്ടുകൾ മാത്രം ദൈർഘ്യമുള്ള ഈ ട്രെയിലറിൽ ഏഴോളം വ്യത്യസ്ത വേഷങ്ങളിലാണ് ആസിഫ് പ്രത്യക്ഷപ്പെടുന്നത്. ചിത്രത്തിന്റെ ഒഫീഷ്യൽ മ്യൂസിക് പാർട്ണറായ മ്യൂസിക്247ന്റെ യൂട്യൂബ് ചാനലിലൂടെ പുറത്തിറക്കിയത്.

രോഹിത് വി എസ് സംവിധാനം നിർവഹിച്ച 'അഡ്വഞ്ചേഴ്സ് ഓഫ് ഓമനക്കുട്ടൻ' എന്ന ചിത്രത്തിൽ അജു വർഗീസ്, ശ്രിന്ദ, സൈജു ഗോവിന്ദ കുറുപ് എന്നിവരും അഭിനയിക്കുന്നുണ്ട്. സമീർ അബ്ദുൾ തിരക്കഥയും സംഭാഷണവും ഒരുക്കിയിരിക്കുന്നു. ഛായാഗ്രഹണം അഖിൽ ജോർജും ചിത്രസംയോജനം ലിവിങ്സ്റ്റൺ മാത്യുവുമാണ് നിർവഹിച്ചിരിക്കുന്നത്.

ഫോർ എം എന്റർടൈന്മെന്റ്‌സിന്റെ ബാനറിൽ ആന്റണി ബിനോയ്, ബിജു പുളിക്കൽ എന്നിവർ ചേർന്ന് നിർമ്മിച്ച 'അഡ്വഞ്ചേഴ്സ് ഓഫ് ഓമനക്കുട്ടൻ' മെയ് 18ന് തിയേറ്ററുകളിൽ എത്തും.

Read more

‘അച്ചായന്‍സ്’ ട്രെയ്‌ലര്‍ കാണാം

ആടുപുലിയാട്ടം എന്ന ചിത്രത്തിന് ശേഷം ജയറാമിനെ നായകനാക്കി കണ്ണൻ താമരക്കുളം സംവിധാനം ചെയ്യുന്ന 'അച്ചായൻസി'ന്റെ ട്രെയ്ലർ പുറത്തെത്തി. കട്ട ഹീറോയിസവും കോമഡിയുമായി ജയറാമിനൊപ്പം പ്രകാശ് രാജും ഉണ്ണി മുകുന്ദനും പ്രധാന കഥാപാത്രങ്ങളെ അവതരിപ്പിക്കുന്നു.

അനു സിത്താര, ശിവദ, അമല പോൾ എന്നിവർ നായികമാർ. അലപ്പം വേറിട്ട ഗെറ്റപ്പിലാണ് അമല ട്രെയിലറിലെത്തുന്നത്.പ്രദീപ് നായർ ഛായാഗ്രഹണം നിർവഹിക്കുന്ന ചിത്രത്തിന് സംഗീതം പകർന്നിരിക്കുന്നത് രതീഷ് വേഗയാണ്. പശ്ചാത്തല സംഗീതം ഗോപി സുന്ദർ. സേതു തിരക്കഥയൊരുക്കിയ ചിത്രം നിർമ്മിച്ചിരിക്കുന്നത് സി.കെ.പത്മകുമാർ.

Read more

നിവിൻ പോളി നായകനാകുന്ന തമിഴ് ചിത്രം റിച്ചിയുടെ ടീസർ പുറത്ത്

നിവിൻ പോളി നായകനാകുന്ന തമിഴ് ചിത്രം റിച്ചിയുടെ ടീസർ പുറത്ത്. കട്ട താടിവച്ച് മുറുക്കി തുപ്പി ലോക്കൽ റൗഡി ലുക്കിലാണ് നിവിനിന്റെ മാസ് എൻട്രി. ഒരു എന്റർടെയ്നർ എന്ന സൂചനയാണ് ടീസർ നൽകുന്നത്.

സൗഹൃദത്തിന്റെ കഥപറയുന്ന ചിത്രമാണ് റിച്ചി. നിവിൻ പോളി, നാട്ടി എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ഇവരുടെ കഥാപാത്രങ്ങളിലൂടെയാണ് ചിത്രം മുന്നോട്ട് പോകുന്നത്. ഇവർ തമ്മിലുള്ള സൗഹൃദവും ജീവിതവും അതിലുണ്ടാകുന്ന അപ്രതീക്ഷിത സംഭവങ്ങളുമാണ് ചിത്രത്തിന്റെ പ്രമേയം.നിവിൻ അവതരിപ്പിക്കുന്ന കഥാപാത്രത്തിന്റെ വളർത്തച്ഛനായി പ്രകാശ് രാജും ചിത്രത്തിൽ അഭിനയിക്കുന്നുണ്ട്.

ശ്രദ്ധ ശ്രീനാഥാണ് ചിത്രത്തിൽ നായികയായി എത്തുന്നത്. ലക്ഷ്മി പ്രിയ, ചന്ദ്രമൗലി തുടങ്ങിയ താരനിരയുമുണ്ട് ഉള്ളിടവരു കണ്ടാന്തെ എന്ന കന്നട സൂപ്പർഹിറ്റ് ചിത്രത്തിന്റ റീമേക്കായ റിച്ചിയിൽ. തീരദേശ ജീവിതത്തിന്റെ പശ്ചാത്തലത്തിലുള്ള ഒരു ഇൻവെസ്റ്റിഗേറ്റീവ് ത്രില്ലറാണ് റിച്ചി. തൂത്തുക്കുടി, കുട്രാലം, മണപ്പാടി എന്നിവിടങ്ങളിലായിരുന്നു റിച്ചിയുടെ ചിത്രീകരണം നടന്നത്.

നേരത്തെ ചിത്രത്തിന്റെ ഫസ്റ്റ് ലുക്ക് പോസ്റ്റർ നിവിൻ പോളി ഫേസ്‌ബുക്കിൽ പങ്കുവച്ചിരുന്നു. ഇതിനും മികച്ച പ്രതികരണമാണ് ആരാധകരിൽ നിന്നുമുണ്ടയത്.

Read more

മാൻഹോളിലെ വീഡിയോ സോങ്ങ് റിലീസ് ചെയ്തു

കൊച്ചി: ഫിലിം ഫെസ്റ്റുകളിൽ ഏറെ അംഗീകരം നേടിയ മാൻഹോളിലെ വീഡിയോ സോങ്ങ് പുറത്തിറക്കിയിരിക്കുന്നത് മ്യൂസിക്247 എന്ന മ്യൂസിക്ക് ലേബലാണ്. സെടിക്ക് സെടി എന്ന പാട്ട് തമിഴ് നാടോടി ഗാനത്തിന്റെ പുനരാവിഷ്‌കാരമാണ്. സിദ്ധാർത്ഥ പ്രദീപാണ് സംഗീതം നൽകിയിരിക്കുന്നത്. നിതിൻ രാജ്, മിനി രാമൻ എന്നിവരാണ് ഗാനം പാടിയിരിക്കുന്നത്.

ഈ ഗാനത്തിലെ കൂട്ടിച്ചേർക്കപ്പെട്ട വരികൾ എഴുതിയിരിക്കുന്നത് ജയകുമാർ എൻ ആണ്. 2016 കേരളസംസ്ഥാന ചലച്ചിത്ര പുരസ്‌കാരത്തിൽ മികച്ച ചിത്രത്തിനും മികച്ച സംവിധായികയ്ക്കുള്ള പുരസ്‌കാരവും മാൻഹോൾ എന്ന ചിത്രത്തിനാണ്. വിധുവിൻസന്റാണ് ടിത്രത്തിന്റെ സംവിധായിക. മുൻഷി ബൈജു, സജി ടി എസ്, ശൈലജ ജെ, സണ്ണികുട്ടി എബ്രഹാം, രവി കുമാർ, ഐ ആർ പ്രസാദ്, രേണു സൗന്ദർ, ഗൗരി ദാസൻ, സുന്ദർ രാജ്, മിനി എം ആർ കനവ്, സുനി ആർ എസ് എന്നിവരാണ് ഈ ചിത്രത്തിൽ അഭിനയിച്ചിരിക്കുന്നത്.

Read more

നടന്‍ വിനു ചക്രവര്‍ത്തി അന്തരിച്ചു

ചെന്നൈ: പ്രശസ്ത തമിഴ്, മലയാളം നടന്‍ വിനു ചക്രവര്‍ത്തി അന്തരിച്ചു. 72 വയസ്സായിരുന്നു. വാര്‍ദ്ധക്യ സഹജമായ അസുഖങ്ങളെ തുടര്‍ന്നു ദീര്‍ഘനാളുകളായി ആശുപത്രിയില്‍ ചികിത്സയിലായിരുന്നു. ചെന്നൈയിലായിരുന്നു അന്ത്യം. ആരോഗ്യസ്ഥിതി മോശമായതിനെത്തുടര്‍ന്നു വര്‍ഷങ്ങളായി സിനിമയില്‍നിന്നു വിട്ടുനില്‍ക്കുകയുമായിരുന്നു.

തമിഴകത്തെ പഴയകാലനടന്മാരില്‍ പ്രമുഖനായ അദ്ദേഹം പലഭാഷകളിലായി ആയിരത്തോളം സിനിമകളില്‍ അഭിനയിച്ചിട്ടുണ്ട്. നടന്‍, തിരക്കഥാകൃത്ത്, സംവിധായകന്‍ എന്നീ നിലകളില്‍ പ്രശസ്തനായിരുന്നു.

മലയാള സിനിമയില്‍ ഗൗണ്ടര്‍ കഥാപാത്രങ്ങളിലൂടെ ശ്രദ്ധേയനായിരുന്നു. ലേലം, തെങ്കാശിപ്പട്ടണം, നാടന്‍ പെണ്ണും നാട്ടുപ്രമാണിയും, രുദ്രാക്ഷം, കമ്പോളം, മേലേപ്പറമ്പില്‍ ആണ്‍വീട്, സംസാരം ആരോഗ്യത്തിന് ഹാനികരം തുടങ്ങിയവയാണ് അദ്ദേഹം അഭിനയിച്ച മലയാള ചിത്രങ്ങള്‍.

Read more

കിടിലൻ ആക്ഷനുമായി മോഹൻലാൽ ചിത്രം വില്ലന്റെ ടീസറെത്തി

കൊച്ചി: ആരാധകർ ഏറ്റവും പ്രതീക്ഷയോടെ കാത്തിരിക്കുന്ന ചിത്രമാണ് ബി ഉണ്ണികൃഷ്ണന്റെ സംവിധാനത്തിൽ ഒരുങ്ങുന്ന വില്ലൻ എന്ന മോഹൻലാൽ ചിത്രം. 150 പിന്നിട്ട പുലിമുരുകന് ശേഷം വമ്പൻ ഹിറ്റിനും മുന്തിരി വള്ളികൾ തളിർക്കുമ്പോൾ എന്ന 50 കോടി ചിത്രത്തിനും ശേഷം ഇറങ്ങിയ ബിയോണ്ട് ദ ബോർഡേഴ്‌സ് വേണ്ടത്ര വിജയിച്ചിരുന്നില്ല. അതുകൊണ്ട് തന്നെ ഏറെ പ്രതീക്ഷയോടെ പുറത്തിറങ്ങുന്ന പുതിയ ചിത്രമാണ് വില്ലൻ. സാങ്കേതിക മേന്മകൾ ഏറെയുള്ള ഈ ചിത്രത്തിന്റെ ടീസർ പുറത്തുവന്നു.

ബിഗ് ബജറ്റിൽ പുറത്തിറങ്ങുന്ന ചിത്രത്തിന്റെ ടീസർ ആരാധകരെ ത്രില്ലടിപ്പിക്കുന്നതാണ്. ചിത്രത്തിൽ മോഹൻലാൽ തന്നെയാണോ വില്ലനെന്ന ആകാംക്ഷ ഉണർത്തുന്നുണ്ട്. ഒരു മിനിറ്റ് ദൈർഘ്യമുള്ള ടീസർ പ്രേക്ഷകരെ കോരിത്തരിപ്പിക്കുന്നതാണ്. സിനിമ പോലെ തന്നെ നിഗൂഡത നിലർത്തുന്നതാണ് ടീസറും. വളരെ സ്‌റ്റൈലിഷായ സംഘട്ടന രംഗങ്ങളാണ് ചിത്രത്തിന്റെ ടീസറിൽ കാണാൻ സാധിക്കുക.

സോൾട്ട് ആൻഡ് പെപ്പർ ലുക്കിലാണ് മോഹൻലാൽ എത്തുന്നത്. മറ്റൊരു വ്യത്യസ്തമായ ത്രില്ലറുമുണ്ട്. 'ഗുഡ് ഈസ് ബാഡ്' എന്നാണ് സിനിമയുടെ ടാഗ്ലൈൻ. മഞ്ജു വാര്യർ ചിത്രത്തിൽ മോഹൻലാലിന്റെ ഭാര്യയായി വേഷമിടുന്നു. ദീർഘനാളത്തെ ഇടവേളയ്ക്ക് ശേഷമാണ് മോഹൻലാലും മഞ്ജുവും ഒരുമിച്ച് അഭിനയിക്കുന്നത്. സത്യൻ അന്തിക്കാട് സംവിധാനം ചെയ്ത 'എന്നും എപ്പോഴും' എന്ന സിനിമയിലാണ് അവസാനം ഇവർ ഒരുമിച്ചത്.

8 കെ റെസല്യൂഷനിലാണ് ചിത്രം ഒരുങ്ങുന്നത്.. ഒരു സിനിമ പൂർണമായും 8 കെ റെസല്യൂഷനിൽ ചിത്രീകരിക്കുന്നത് ഇന്ത്യയിൽ ഇതാദ്യമാകും. വിണ്ണൈ താണ്ടി വരുവായാ, നൻപൻ തുടങ്ങിയ ചിത്രങ്ങൾക്ക് ക്യാമറ ചലിപ്പിച്ച മനോജ് പരമഹംസയാണ് ഛായാഗ്രഹണം. റെഡിന്റെ വെപ്പൺ സീരീസിലുള്ള ഹെലിയം 8കെ ക്യാമറയാണ് വില്ലനിൽ ഉപയോഗിക്കുന്നത്. സാങ്കേതികമായി ഒരുപാട് പ്രാധാന്യമുള്ള ചിത്രത്തിന്റെ ബജറ്റ് 2530 കോടിയാണ്. വിഎഫ്എക്‌സിനും സ്‌പെഷൽ ഇഫക്ടിനും പ്രാധാന്യമുള്ള ചിത്രം പെർഫെക്ട് ത്രില്ലറായാണ് ബി. ഉണ്ണികൃഷ്ണൻ അണിയിച്ചൊരുക്കുക. സിനിമയുടെ സാങ്കേതിക പ്രവർത്തകരെല്ലാം പുറത്തുനിന്നാണ്. പോളണ്ട് ആസ്ഥാനമായ കമ്പനിയാകും വിഎഫ്എക്‌സ് കൈകാര്യം ചെയ്യുക.

സിനിമയിൽ വളരെ പ്രധാനപ്പെട്ടതും ശക്തവുമായ കഥാപാത്രത്തെയാണ് മഞ്ജു അവതരിപ്പിക്കുന്നതെന്ന് ബി. ഉണ്ണികൃഷ്ണൻ പറയുന്നു. വിരമിച്ച പൊലീസ് ഉദ്യോഗസ്ഥനായാണ് മോഹൻലാൽ എത്തുക. തമിഴ് നടൻ വിശാൽ ആണ് മറ്റൊരു താരം. കൂടാതെ ഹൻസിക, തെലുങ്ക് നടി റാഷി ഖന്ന, തെലുങ്ക് താരം ശ്രീകാന്ത് എന്നിവരും അണിനിരക്കുന്നു. പുലിമുരുകനിലെ മാസ്മരിക സംഘട്ടനരംഗങ്ങൾ ഒരുക്കിയ സ്റ്റണ്ട് ഡയറക്ടർ പീറ്റർ ഹെയ്ൻ ആണ് ഈ സിനിമയുടെയും സംഘട്ടനം. സ്റ്റണ്ട് സിൽവയും ചിത്രത്തിലെ സ്റ്റണ്ട് ഡയറക്ടർമാരിൽ ഒരാളാണ്.

ചിത്രം നിർമ്മിക്കുന്നത് ബജ്രംഗി ഭായിജാൻ, ലിംഗ തുടങ്ങിയ ബ്രഹ്മാണ്ഡചിത്രങ്ങൾ നിർമ്മിച്ച റോക്ലൈൻ വെങ്കിടേഷ് ആണ്. കലാസംവിധാനം ഗോകുൽ ദാസ്. സംഗീതം ഫോർ മ്യൂസിക് ( ഒപ്പം ഫെയിം ). വസ്ത്രാലങ്കാരംപ്രവീൺ വർമ. മിസ്റ്റർ ഫ്രോഡിന് ശേഷം ബി. ഉണ്ണികൃഷ്ണനും മോഹൻലാലും ഒന്നിക്കുന്ന ചിത്രം കൂടിയാണിത്.

മോഹൻലാലിന്റെ ഈ വർഷത്തെ ഏറ്റവും പ്രതീക്ഷയോടെ കാത്തിരിക്കുന്ന സിനിമയുടെ ആദ്യ ടീസറെത്തി. ബി ഉണ്ണിക്കൃഷ്ണൻ രചനയും സംവിധാനവും നിർവഹിക്കുന്ന വില്ലൻ എന്ന സിനിമയുടെ സ്റ്റൈലിഷ് ടീസറാണ് പുറത്തുവന്നിരിക്കുന്നത്. സോൾട്ട് ആൻഡ് പെപ്പർ ഗെറ്റപ്പിലും മറ്റൊരു ഗെറ്റപ്പിലുമായാണ് മോഹൻലാൽ ടീസറിലുള്ളത്. മലയാള സിനിമയെ ആദ്യമായി 150 കോടി കടത്തിയ താരത്തിൽ നിന്ന് അടുത്തൊരു വമ്പൻ ഹിറ്റ് പ്രതീക്ഷയാണ് സസ്പെൻസുകൾ കരുതിവച്ച ടീസറിലൂടെ സമ്മാനിക്കുന്നത്. മികച്ച സാങ്കേതിക നിലവാരത്തിലും വമ്പൻ ടെക്നീഷ്യൻസിനെ അണിനിരത്തിയുമാണ് ബി ഉണ്ണിക്കൃഷ്ണൻ വീണ്ടും മോഹൻലാലിനൊപ്പം കൈകോർക്കുന്നത്. മനോജ് പരമഹംസയാണ് ഛായാഗ്രാഹകൻ. പീറ്റർ ഹെയിൻ വില്ലനിലൂടെ വീണ്ടും ആക്ഷൻ ഡയറക്ടറായി മലയാളത്തിലെത്തുന്നു.

അങ്കമാലി ഡയറീസ് ഉൾപ്പെടെയുള്ള സിനിമകൾക്ക് ഈണമൊരുക്കിയ പ്രശാന്ത് പിള്ളയാണ് പശ്ചാത്തല സംഗീതം. രംഗനാഥ് രവി ശബ്ദസംവിധാനവും ഷമീർ മുഹമ്മദ് എഡിറ്റിംഗും നിർവഹിക്കുന്നു. ഒപ്പം എന്ന സിനിമയ്ക്കായി ജനപ്രീതി സമ്പാദിച്ച ഗാനങ്ങളൊരുക്കിയ ഫോർ മ്യൂസിക്സ് ആണ് സംഗീത സംവിധാനം. തമിഴ് താരം വിശാൽ, തെലുങ്ക് താരം ശ്രീകാന്ത്, സിദ്ദീഖ്, രൺജി പണിക്കർ, ചെമ്പൻ വിനോദ് ജോസ്, അജു വർഗ്ഗീസ് തുടങ്ങിയവരും ചിത്രത്തിലുണ്ട്. മഞ്ജു വാര്യരാണ് നായിക.

Read more

ദുൽഖർ തെലുങ്കിലേക്ക്

യുവതാരങ്ങളുടെ പ്രിയതാരം ദുൽഖർ സൽമാൻ മലയാളത്തിൽ മാത്രമല്ല അന്യ ഭാഷാ ചിത്രങ്ങളിലും സജീവമാവാൻ പോവുകയാണ്. അതിഥി വേഷത്തിലാണ് ദുൽഖർ സൽമാൻ തെലുങ്ക് ചിത്രത്തിൽ എത്തുന്നതാണെന്നുള്ള റിപ്പോർട്ടുകളാണ് ഇപ്പോൾ പ്രചരിക്കുന്നത്. ഏറെ കൗതുകമുണർത്തുന്ന വേഷമാണ് തെലുങ്ക് പ്രവേശനത്തിനായി ദുൽഖർ തെരഞ്ഞെടുത്തിരിക്കുന്നത്.

പ്രമുഖ തമിഴ് ചലച്ചിത്രതാരമായിരുന്ന ജെമിനി ഗണേശനായാണ് ദുൽഖർ എത്തുക. 84ാം വയസിൽ 2005ൽ അന്തരിച്ച ജെമിനി ഗണേശന്റെ ഭാര്യമാരിലൊരാളും നടിയുമായിരുന്ന സാവിത്രിയുടെ ജീവചരിത്ര സിനിമയിലാണ് ദുൽഖർ ജെമിനി ഗണേശനാവുക.

യെവഡേ സുബ്രഹ്മണ്യം' എന്ന ചിത്രം സംവിധാനം ചെയ്ത നാഗ് അശ്വിൻ ഒരുക്കുന്ന സിനിമയുടെ പേര് 'മഹാനദി' എന്നാണ്. സാവിത്രിയുടെ ജീവിതത്തിലെ പ്രധാന സ്വാധീനങ്ങളിലൊന്നായിരുന്നു ജെമിനി ഗണേശൻ എന്നതിനാൽ സിനിമയിൽ ഏറെ പ്രാധാന്യമുള്ള വേഷമായിരിക്കും ദുൽഖറിന്റേത്.

മലയാളി താരം കീർത്തി സുരേഷാണ് സാവിത്രിയുടെ റോളിൽ എത്തുക. എന്നാൽ സിനിമയിലെ മറ്റ് പ്രധാന വേഷങ്ങളായ എൻടിആറായും (എൻ.ടി.രാമറാവു) എഎൻആറായും (അക്കിനേനി നാഗേശ്വര റാവു) ആരൊക്കെ എത്തുമെന്ന് തീരുമാനിച്ചിട്ടില്ല. മറ്റൊരു പ്രധാന കഥാപാത്രമായി സാമന്ത എത്തും.

Read more

പ്രിയദർശൻ മമ്മൂട്ടി കൂട്ടുകെട്ട് വീണ്ടും ഒന്നിക്കുന്നു

നീണ്ട പതിനെട്ട് വർഷത്തെ ഇടവേളയ്്ക്ക് ശേഷം പ്രിയദർശൻ മമ്മൂട്ടി കൂട്ടുകെട്ട് അണിയറയിൽ ഒരുങ്ങുന്നതായി റിപ്പോർട്ട്. മലയാളത്തിലും ഹിന്ദിയിലുമായി നിരവധി പ്രൊജക്റ്റുകൾ പ്രിയദർശൻ കമ്മിറ്റ് ചെയ്തിട്ടുണ്ട്. അതിനാൽ മമ്മൂട്ടി ചിത്രം എന്നു തുടങ്ങുമെന്ന കാര്യത്തിൽ തീരുമാനമായിട്ടില്ല

മലയാളത്തിൽ കൂടുതൽ ചിത്രങ്ങളിലും മോഹൻലാലിനെ നായകനാക്കിയിട്ടുള്ള പ്രിയദർശൻ മമ്മൂട്ടിക്കൊപ്പം വളരെ കുറച്ച് സിനിമകളേ ചെയ്തിട്ടുള്ളൂ. 18 വർഷം മുൻപ് പുറത്തെത്തിയ 'മേഘ'മാണ് പ്രിയദർശനും മമ്മൂട്ടിയും ഒരുമിച്ച അവസാനചിത്രം. ദീർഘകാലത്തെ ഇടവേളയ്ക്ക് ശേഷം ഇരുവരും ഒന്നിക്കുമ്പോൾ പുതുമയുള്ള റോഡ് മൂവിയാണ് അണിറയിൽ ഒരുങ്ങുന്നതെന്നാണ് വാർത്തകൾ.

മോഹൻലാലിനെ നായകനാക്കി ഒരുക്കിയ ഒപ്പം എന്ന സിനിമ ഹിന്ദിയിലേക്ക് റീമേക്ക് ചെയ്യാനും പ്രിയൻ ആലോചിക്കുന്നുണ്ട്. അതിനാൽ തന്നെ ഇതിന്റെയൊക്കെ തിരക്കുകൾ കഴിഞ്ഞാൽ മാത്രമെ മമ്മൂട്ടിയുമൊത്തുള്ള സിനിമ തുടങ്ങൂ എന്നാണ് റിപ്പോർട്ട്.

മോഹൻലാലുമൊത്ത് നിരവധി സിനിമകൾ പ്രിയദർശൻ ചെയ്തിട്ടുണ്ടെങ്കിലും മമ്മൂട്ടിക്കൊപ്പം നാലു സിനിമകൾ മാത്രമെ പ്രിയൻ ചെയ്തിട്ടുള്ളൂ. സൂപ്പർഹിറ്റുകളായ മഴ പെയ്യുന്നു മദ്ദളം കൊട്ടുന്നു, രാക്കുയിലിൻ രാഗസദസിൽ,നമ്പർ 20 മദ്രാസ് മെയിൽ, മേഘം എന്നിവയാണ് അവ.

Read more